കനത്ത മഴയ്ക്കും കാറ്റിനുമുള്ള സാധ്യത കണക്കിലെടുത്ത് ജനങ്ങള്‍ ജാഗ്രത പുല ര്‍ത്തണമെന്ന് ജില്ലാ കളക്ടര്‍ ആര്‍.ഗിരിജ അറിയിച്ചു. 

പാര്‍ട്ട് ടൈം ഡിപ്ലോമ കോഴ്‌സ് നടത്തുന്ന ചില പോളിടെക്‌നിക്കുകളിലെ ഏതാനും ബ്രാഞ്ചുകളില്‍ സീറ്റൊഴിവുണ്ട്.  എസ്.എസ്.എല്‍.സിയും രണ്ട് വര്‍ഷത്തെ ഐ.ടി.ഐ/തത്തുല്യ കോഴ്‌സ് പാസായവര്‍ക്കും എസ്.എസ്.എല്‍.സിയും രണ്ട് വര്‍ഷത്തെ പ്രവൃത്തി പരിചയമുളളവര്‍ക്കും 2017 ഡിസംബര്‍ നാല്, അഞ്ച് തീയതികളില്‍ അതത് പോളിടെക്‌നിക്കുകളില്‍ സ്‌പോട്ട് അഡ്മിഷനില്‍ മതിയായ രേഖകളും ഫീസുമായി പങ്കെടുക്കാം.  നേരത്തെ അപേക്ഷ സമര്‍പ്പിക്കാത്തവര്‍ക്കും സ്‌പോട്ട് അഡ്മിഷനില്‍ പങ്കെടുക്കാം.  കൂടുതല്‍ വിവരങ്ങള്‍ www.polyadmission.in ല്‍.

സംസ്ഥാനത്ത് ചുഴലിക്കാറ്റിനും പ്രകൃതിദുരന്തങ്ങള്‍ക്കുമുളള സാധ്യത മുന്‍നിര്‍ത്തി ജാഗ്രതാ നിര്‍ദേശം നല്‍കിയിരിക്കുന്ന സാഹചര്യത്തില്‍ മൃഗസംരക്ഷണ വകുപ്പിലെ ഉദ്യോഗസ്ഥരോടും ജാഗ്രത പാലിക്കാന്‍ മന്ത്രി കെ.രാജു അടിയന്തര നിര്‍ദേശം നല്‍കി.  സംസ്ഥാനത്തെ മൃഗാശുപത്രികള്‍ അടുത്ത രണ്ടു ദിവസത്തേക്ക് 24 മണിക്കൂറും  പ്രവര്‍ത്തിക്കും.  പ്രകൃതി ദുരന്തത്തില്‍ പക്ഷിമൃഗാദികള്‍ക്ക് പരിക്കുപറ്റിയാല്‍ അടിയന്തര ചികിത്സാ ലഭ്യമാക്കാന്‍ നടപടി സ്വീകരിച്ചതായി മന്ത്രി അറിയിച്ചു.

പി.എന്‍.എക്‌സ്.5114/17

സര്‍ട്ടിഫിക്കറ്റ് കോഴ്‌സ് ഇന്‍ ഫാര്‍മസി (ഹോമിയോ)  2017 കോഴ്‌സ് പ്രവേശനത്തിനുള്ള മൂന്നാംഘട്ട അലോട്ട്‌മെന്റ് www.lbscentre.in ല്‍ പ്രസിദ്ധീകരിച്ചു. അലോട്ട്‌മെന്റ് ലഭിച്ചവര്‍ വെബ്‌സൈറ്റില്‍ നിന്നും പ്രിന്റൗട്ട് എടുത്ത അലോട്ട്‌മെന്റ് മെമ്മോ ഫെഡറല്‍ ബാങ്കിന്റെ ഏതെങ്കിലും ശാഖയില്‍ ഹാജരാക്കി ഡിസംബര്‍ നാലിനകം ഫീസ് അടയ്ക്കണം. അലോട്ട്‌മെന്റ്  ലഭിച്ചവര്‍ ഡിസംബര്‍ ആറിനകം അതത് കോളേജുകളില്‍ പ്രവേശനം നേടണം. കൂടുതല്‍ വിവരങ്ങള്‍ക്ക് 0471-2560362, 63, 64, 65.

പി.എന്‍.എക്‌സ്.5113/17

ജലനിധിയുടെ പുതിയ വെബ്‌സൈറ്റിന്റെ ഉദ്ഘാടനം  ജലവിഭവ മന്ത്രി മാത്യു ടി. തോമസ് നിര്‍വഹിച്ചു. മന്ത്രിയുടെ ചേമ്പറില്‍ നടന്ന ചടങ്ങില്‍ ജലവിഭവ വകുപ്പ് അഡീഷണല്‍ ചീഫ് സെക്രട്ടറി ടോം ജോസ്, വകുപ്പ് സെക്രട്ടറി ടിങ്കു ബിസ്വാള്‍, ജലനിധി എക്‌സിക്യൂട്ടീവ് ഡയറക്ടര്‍ എ.ആര്‍. അജയകുമാര്‍ തുടങ്ങിയവരും ചടങ്ങില്‍ സംബന്ധിച്ചു. വെബ്‌സൈറ്റ് www.jalanidhi.kerala.gov.in

പി.എന്‍.എക്‌സ്.5112/17

തെക്കന്‍ കേരളത്തില്‍ കാറ്റും മഴയും കനത്ത നാശനഷ്ടം ഉണ്ടാക്കുന്ന സാഹചര്യത്തില്‍ എല്ലാ സര്‍ക്കാര്‍ ഏജന്‍സികളെയും ഏകോപിപ്പിച്ച് അടിയന്തര രക്ഷാപ്രവര്‍ത്തനം നടത്താനും അതീവ ജാഗ്രത പുലര്‍ത്താനും മുഖ്യമന്ത്രി പിണറായി വിജയന്‍ കളക്ടര്‍മാര്‍ക്ക് നിര്‍ദ്ദേശം നല്‍കി. വീഡിയോ കോണ്‍ഫറന്‍സിംഗ് വഴിയാണ് മുഖ്യമന്ത്രി കളക്ടര്‍മാരോട് സംസാരിച്ചത്.

ഓര്‍ഫനേജ് കണ്‍ട്രോള്‍ ബോര്‍ഡിനു കീഴിലും അല്ലാതെയും പ്രവര്‍ത്തിക്കുന്ന ശിശു സംരക്ഷണ സ്ഥാപനങ്ങള്‍ രജിസ്‌ട്രേഷന്‍ നടത്തുന്നതിനുള്ള സമയപരിധി ഡിസംബര്‍ 15 വരെ നീട്ടി.

2015 ലെ ജൂവനൈല്‍ ജസ്റ്റിസ് (കെയര്‍ ആന്റ് പ്രൊട്ടക്ഷന്‍ ഓഫ് ചില്‍ഡ്രന്‍) ആക്ടിനു കീഴിലാണ് രജിസ്റ്റര്‍ ചെയ്യേണ്ടത്. സംസ്ഥാനത്തെ ശിശു സംരക്ഷണ സ്ഥാപനങ്ങളുടെ ബാഹുല്യം കണക്കിലെടുത്താണ് സമയപരിധി നീട്ടിയത്.

പി.എന്‍.എക്‌സ്.5110/17

പാലക്കാട് മെഡിക്കല്‍ കോളേജിലെ ഡയറക്ടര്‍ തസ്തികയിലേക്ക്  അപേക്ഷ സമര്‍പ്പിക്കുന്നതിനുള്ള അവസാന തീയതി ഡിസംബര്‍ 30 വരെ നീട്ടിയതായി പട്ടികജാതി പട്ടികവര്‍ഗ വികസന വകുപ്പ് അറിയിച്ചു.

പി.എന്‍.എക്‌സ്.5109/17

ഇ-പഞ്ചായത്ത് ട്രെയിനിംഗ് പദ്ധതിയുടെ ഗുണഭോക്താക്കള്‍ക്ക് ആധാര്‍ എടുക്കുന്നതിനുളള  തീയതി ഡിസംബര്‍ 31 വരെ നീട്ടി. നിലവില്‍ ആധാര്‍ ഇല്ലാത്ത ഗുണഭോക്താക്കള്‍ക്ക്  പദ്ധതിയുടെ ആനുകൂല്യങ്ങള്‍ മറ്റു തിരിച്ചറിയല്‍ രേഖകള്‍ മുഖേന ലഭ്യമാക്കും.

പി.എന്‍.എക്‌സ്.5108/17

സ്റ്റേറ്റ് ഹോര്‍ട്ടികള്‍ച്ചര്‍ മിഷന്‍ ഡയറക്ടറുടെ പൂര്‍ണ അധിക ചുമതല മണ്ണ് പര്യവേഷണ മണ്ണ് സംരക്ഷണ വകുപ്പ് ഡയറക്ടര്‍ ജെ. ജസ്റ്റിന്‍ മോഹന് നല്‍കി ഉത്തരവായി.

പി.എന്‍.എക്‌സ്.5107/17