രജിസ്‌ട്രേഷന്‍ വകുപ്പ് ഡിസംബര്‍ 23ന് നടത്തുന്ന ആധാരം തയ്യാറാക്കല്‍ ലൈന്‍സന്‍സിനുളള പരീക്ഷയുടെ ഹാള്‍ ടിക്കറ്റുകള്‍ അപേക്ഷകള്‍ സമര്‍പ്പിച്ച സബ് രജിസ്ട്രാര്‍ ഓഫീസുകളില്‍ നിന്നും ഡിസംബര്‍ നാല് മുതല്‍ എട്ട് വരെ വിതരണം ചെയ്യും. അപേക്ഷകന്റെ ഫോട്ടോ പതിച്ച തിരിച്ചറിയല്‍ കാര്‍ഡും ആറ് മാസത്തിനുളളില്‍ എടുത്ത പാസ് പോര്‍ട്ട് സൈസ് ഫോട്ടോയും സഹിതം ബന്ധപ്പെട്ട സബ് രജിസ്ട്രാറില്‍ നിന്ന്, നേരിട്ടെത്തി ഹാള്‍ടിക്കറ്റ് വാങ്ങാം.

പി.എന്‍.എക്‌സ്.5106/17

2018 ലെ കേരള സര്‍ക്കാര്‍ കലണ്ടര്‍ തിരുവനന്തപുരം ഗവണ്‍മെന്റ് സെന്‍ട്രല്‍ പ്രസിലെ പബ്ലിക്കേഷന്‍ കൗണ്ടര്‍, അച്ചടി വകുപ്പിന് കീഴിലുളള കേരളത്തിലെ വിവിധ ജില്ലാ ഫോറം സ്റ്റോറുകള്‍ എന്നിവിടങ്ങളില്‍ വില്പനയ്ക്ക് തയ്യാറായി.  നികുതി ഉള്‍പ്പെടെ 29 രൂപയാണ് വില.  നിശ്ചിത വിലയില്‍ നിന്നും കൂട്ടി വില്ക്കുന്നതു ശ്രദ്ധയില്‍പ്പെട്ടാല്‍ dir.printing@kerala.gov.in ല്‍ അച്ചടി വകുപ്പ് ഡയറക്ടറുടെ ശ്രദ്ധയില്‍പ്പെടുത്താം.  10 കലണ്ടര്‍  ഒന്നിച്ച് വാങ്ങുമ്പോള്‍ ഒരു കലണ്ടര്‍ സൗജന്യമായി ലഭിക്കും.

പി.എന്‍.എക്‌സ്.5105/17

2018 മാര്‍ച്ചില്‍ നടക്കുന്ന എസ്.എസ്.എല്‍.സി പരീക്ഷയുടെ ഫീസ് 300 രൂപ സൂപ്പര്‍ ഫൈനോടെ ഡിസംബര്‍ എട്ട് വരെ പരീക്ഷാ കേന്ദ്രങ്ങളില്‍ സ്വീകരിക്കും.

പി.എന്‍.എക്‌സ്.5104/17

കാക്കനാട്: ജില്ല പഞ്ചായത്ത് സംസ്ഥാന യുവജന ക്ഷേമ ബോര്‍ഡിന്റെ ആഭിമുഖ്യത്തില്‍ സംഘടിപ്പിച്ച ജില്ലാതല കേരളോത്സവത്തില്‍ 184 പോയന്റോടെ പറവൂര്‍ ബ്ലോക്ക് ഓവറോള്‍ ചാംപ്യന്‍മാരായി. 148 പോയന്റോടെ വാഴക്കുളം ബ്ലോക്കും 133 പോയന്റോടെ ഏലൂര്‍ നഗരസഭയും യഥാക്രമം രണ്ടും മൂന്നും സ്ഥാനങ്ങളിലെത്തി. കൊച്ചി കോര്‍പ്പറേഷനില്‍ നിന്നുള്ള റെവീന ജെയിംസ് ആണ് കലാതിലകം. കായിക പ്രതിഭകളായി സീനിയര്‍ വനിത വിഭാഗത്തില്‍ ഡിവിന ലൂസി മരിയ (പള്ളുരുത്തി ബ്ലോക്ക്), ജിബ ജിന്‍സണ്‍ (കോതമംഗലം ബ്ലോക്ക്), സീനിയര്‍ പുരുഷ വിഭാഗത്തില്‍ ജിന്‍സ് ബേബി, ജൂനിയര്‍ വിഭാഗത്തില്‍ ഷാഹുല്‍ ഹമീദ് (മുവാറ്റുപുഴ ബ്ലോക്ക്), ജൂനിയര്‍ വനിത വിഭാഗത്തില്‍ കെ.കെ.

കാക്കനാട്: വിമുക്ത ഭടന്മാരുടെ പുനരധിവാസത്തിനായി ഡയറക്ടര്‍ ജനറല്‍ റീസെറ്റില്‍മെന്റിന്റെ വെബ് സൈറ്റില്‍ നിരവധി ഒഴിവുകള്‍ അപ്‌ലോഡ് ചെയ്തിട്ടുണ്ട്. ജില്ല സൈനിക ക്ഷേമ ഓഫീസില്‍ പുനരധിവാസത്തിനായി പേര് രജിസ്റ്റര്‍ ചെയ്തിട്ടുള്ള താത്പര്യമുള്ള വിമുക്ത ഭടന്മാര്‍ www.desw.gov.in എന്ന വെബ് സൈറ്റ് പരിശോധിച്ച് പേരും രജിസ്‌ട്രേഷന്‍ നമ്പറും ജില്ല സൈനിക ക്ഷേമ ഓഫീസില്‍ ഡിസംബര്‍ ഏഴിനു മുമ്പ് നല്‍കണം. സംശയനിവാരണത്തിനും വിശദ വിവരങ്ങള്‍ക്കും 011-26192356 എന്ന നമ്പറിലോ dirsedgr@desw.gov.in എന്ന ഇ മെയിലിലോ ബന്ധപ്പെടുക. 

കാക്കനാട്: തിരഞ്ഞെടുപ്പ് കമ്മീഷന്‍ അഖിലേന്ത്യാടിസ്ഥാനത്തില്‍ നടത്തുന്ന ക്വിസ് മത്സരവുമായി ബന്ധപ്പെട്ട് ജില്ലാടിസ്ഥാനത്തിലുള്ള സ്‌കൂള്‍ വിദ്യാര്‍ഥികളുടെ മത്സരം ഡിസംബര്‍ നാലിന് ഉച്ചകഴിഞ്ഞ് മൂന്നിന് കളക്ട്രേറ്റ് സ്പാര്‍ക്ക് ഹാളില്‍ നടക്കും. നേരത്തേ രാവിലെ 11 ന് നടത്താനാണ് നിശ്ചയിച്ചിരുന്നത്.
 

നഷ്ടപ്പെട്ടുപോയ ആധാരത്തിന് പകരം പകര്‍പ്പ് ലഭ്യമാക്കുന്നതിന് സഹായിക്കണമെന്നതായിരുന്നു ജില്ലാ കളക്ടര്‍ക്ക് മുമ്പില്‍ നിറകണ്ണുകളോടെ കയ്യാര്‍ കൊക്കച്ചാല്‍ സ്വദേശിയായ കൃഷ്ണപ്പ പൂജാരിയുടെ  അപേക്ഷ. തന്റെ കൃഷിസ്ഥലത്തുകൂടി കടന്നുപോകുന്ന ഇലക്ട്രിക്‌ലൈനില്‍ നിന്നു ഷോര്‍ട്ട് സര്‍ക്യൂട്ട് മൂലം തീപിടിച്ച് കൃഷി നശിക്കാന്‍ സാധ്യതയുണ്ടെന്നും അതിനാല്‍ വൈദ്യുതലൈന്‍ ഉയര്‍ത്തിസ്ഥാപിക്കുന്നതിന് നടപടിവേണമെന്നായിരുന്നു പൈവളിക ചിപ്പാറില്‍ നിന്നുള്ള കൃഷ്ണഭട്ടിന് കളക്ടര്‍ക്ക് മുമ്പില്‍ ബോധിപ്പിക്കാനുണ്ടായ പരാതി.

   സംസ്ഥാനത്ത് അടുത്ത രണ്ട് ദിവസം കനത്തമഴയ്ക്കും ശക്തമായ കാറ്റിനും സാധ്യതയുളളതിനാല്‍ കാസര്‍കോട് ഫിഷറീസ് ഡെപ്യൂട്ടി ഡയറക്‌റാഫീസില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം തുറന്നു.മത്സ്യത്തൊഴിലാളികള്‍ ജാഗ്രത പാലിക്കണം. ബന്ധപ്പെടേണ്ട കണ്‍ട്രോള്‍ റൂം നമ്പര്‍ 0467 2202537. 

   കാസര്‍കോട് തുറമുഖ ഓഫീസുകളുടെയും ക്വാര്‍ട്ടേഴ്‌സുകളുടെയും  ഉദ്ഘാടനം  ഈ മാസം അഞ്ചിന്  ഉച്ചയ്കക് രണ്ട് മണിക്ക് തുറമുഖം-മ്യൂസിയം വകുപ്പുമന്ത്രി രാമചന്ദ്രന്‍ കടന്നപ്പളളി  നിര്‍വ്വഹിക്കും. എന്‍ എ നെല്ലിക്കുന്ന് എംഎല്‍എ അധ്യക്ഷത വഹിക്കും. പി കരുണാകരന്‍ എം പി  മുഖ്യാതിഥിയാകും.  രണ്ടര കോടി രൂപ ചെലവഴിച്ചാണ് ഓഫീസുകളുടെയും ക്വാര്‍ട്ടേഴ്‌സുകളുടെയും നിര്‍മ്മാണം   പൂര്‍ത്തീകരിച്ചത്. ജില്ലയിലെ എംഎല്‍എ മാര്‍, ജില്ലാപഞ്ചായത്ത് പ്രസിഡന്റ്, ജില്ലാകളക്ടര്‍, നഗരസഭപ്രതിനിധികള്‍, വിവിധ രാഷ്ട്രീയകക്ഷി പ്രതിനിധികള്‍ തുടങ്ങിയവര്‍ സംബന്ധിക്കും.

   ക്രിസ്തുമസ്  പുതുവല്‍സരാഘോഷങ്ങളില്‍ മദ്യമയക്ക് മരുന്നിന്റെ ഉപഭോഗങ്ങള്‍ തടയുന്നതിന്‍ വേണ്ടി കാസര്‍കോട് എക്‌സൈസ് ഡിവിഷന്‍ ഓഫീസില്‍ ഒരു കണ്‍ട്രോള്‍ റൂമും ഹോസ്ദുര്‍ഗ്, കാസര്‍കോട് ഓരോ സ്‌ട്രൈക്കിംഗ് ഫോഴ്‌സും പ്രവര്‍ത്തിക്കാന്‍ ഉത്തരവായി. ഇത് 24 മണിക്കൂറും പ്രവര്‍ത്തന സജ്ജമാണ്. പൊതുജനങ്ങള്‍ക്കുളള പരാതി ടോള്‍ ഫ്രീ നമ്പരായ 155358 എന്ന നമ്പരിലും അസി. എക്‌സൈസ് കമ്മീഷണറുടെ 9496002874, ഹോസ്ദുര്‍ഗ് എക്‌സൈസ് സര്‍ക്കിള്‍ ഓഫീസിലെ 04672204125, കാസര്‍കോട് സര്‍ക്കിള്‍ ഓഫീസിലെ 04994255332 അറിയിക്കാം. വിവരം നല്‍കുന്നവരുടെ പേരുവിവരം രഹസ്യമായി സൂക്ഷിക്കുന്നതാണ്.