സ്‌പോര്‍ട്‌സ് കൗണ്‍സിലിന്റെ കീഴില്‍ ജില്ലയില്‍  പ്രവര്‍ത്തിക്കുന്ന സ്‌കൂള്‍, പ്ലസ് വണ്‍, കോളേജ്, ഐ.ടി.ഐ, പോളിടെക്‌നിക് സ്‌പോര്‍ട്‌സ് ഹോസ്റ്റലുകളിലേയ്ക്കും, സെന്‍ട്രലൈസ്ഡ് സ്‌പോര്‍ട്‌സ് ഹോസ്റ്റലുകളിലേക്കും, 2019-20 അദ്ധ്യായന വര്‍ഷത്തേക്കുള്ള ഹോസ്റ്റല്‍ തിരഞ്ഞെടുപ്പ് ജനുവരി 19 ന് അറക്കുളം സെന്റ് ജോസഫ്‌സ് കോളേജില്‍  നടക്കും. അത്‌ലറ്റിക്‌സ്, ഫുട്‌ബോള്‍, വോളീബോള്‍, ബാസ്‌ക്കറ്റ്‌ബോള്‍ എന്നീ കായിക ഇനങ്ങളില്‍ ആണ്‍/പെണ്‍കുട്ടികള്‍ക്ക് സെലക്ഷന്‍ നടത്തുന്നു.

സംസ്ഥാനത്തെ കേബിള്‍ ടി.വി വ്യവസായ മേഖലയിലെ തൊഴിലാളികളുടെ മിനിമം വേതനം നിശ്ചയിക്കുന്നതിനുള്ള ഉപദേശക സമിതിയുടെ തെളിവെടുപ്പ് യോഗം ജനുവരി 14ന് രാവിലെ 10.30ന് കോട്ടയം പി.ഡബ്ല്യൂ.ഡി റസ്റ്റ്ഹൗസ് കോണ്‍ഫറന്‍സ് ഹാളില്‍ നടത്തും. ജില്ലയിലെ കേബിള്‍ ടി.വി മേഖലയുമായി ബന്ധപ്പെട്ട് പ്രവര്‍ത്തിക്കുന്ന തൊഴിലാളി, തൊഴിലുടമ പ്രിതിനിധികള്‍ തെളിവെടുപ്പ് യോഗത്തില്‍ പങ്കെടുക്കണമെന്ന് ജില്ലാ ലേബര്‍ ഓഫീസര്‍ നവാസ് വി.കെ അറിയിച്ചു.

അടിമാലി ട്രൈബല്‍ ഡെവലപ്‌മെന്റ് ഓഫീസിന്റെ പരിധിയിലുള്ള നാലാം ക്ലാസില്‍ പഠിക്കുന്ന പട്ടികവര്‍ഗ്ഗ വിദ്യാര്‍ത്ഥികള്‍ക്കായി അയ്യന്‍കാളി സ്‌കോളര്‍ഷിപ്പിനുള്ള എഴുത്തുപരീക്ഷ ഫെബ്രുവരി 23ന് രണ്ട് മണിക്ക് നടത്തുന്നു. വാര്‍ഷിക വരുമാനം 50,000 രൂപ കവിയാത്ത എസ്.റ്റി വിദ്യാര്‍ത്ഥികള്‍ ഫെബ്രുവരി നാലിന് മുമ്പ് അടിമാലി, മൂന്നാര്‍, മറയൂര്‍ ട്രൈബല്‍ എക്സ്റ്റന്‍ഷന്‍ ഓഫീസുകളില്‍ അപേക്ഷ സമര്‍പ്പിക്കണം. ഫോണ്‍ 04864 224399.

ഇടുക്കി ജില്ലയില്‍ കുളമാവ് ജവഹര്‍ നവോദയ വിദ്യാലയത്തില്‍ ഫെബ്രുവരി രണ്ടിന് നടക്കുന്ന 9-ാം ക്ലാസ് പ്രവേശന പരീക്ഷക്ക് അപേക്ഷ സമര്‍പ്പിച്ച വിദ്യാര്‍ത്ഥികളുടെ അഡ്മിറ്റ് കാര്‍ഡ് ംംം.ി്‌മെറാശശൈീിരഹമിൈശില.ശി, ംംം.ിമ്ീറമ്യമ.ഴീ്.ശി വെബ്‌സൈറ്റില്‍ നിന്നും ഡൗണ്‍ലോഡ് ചെയ്ത് എടുക്കണമെന്ന് നവോദയ വിദ്യാലയ പ്രിന്‍സിപ്പല്‍ അറിയിച്ചു. വിവരങ്ങള്‍ക്ക് 04862 259916, 9446658428, 9447722957.

ഓട്ടിസം ബാധിതര്‍ക്ക്  കരുതലായി ബങ്കുകളും ദുരന്തനിവാരണത്തിനായി ആര്‍ട്ട് ഓഫ് അഴുതയും ഉള്‍പ്പെടെയുള്ള അഴുത ബ്ലോക്ക് പഞ്ചായത്തിന്റെ 2019- 20 സാമ്പത്തിക വര്‍ഷത്തെ വാര്‍ഷിക പദ്ധതികള്‍ക്ക് ഡി.പി.സി അംഗീകാരം ലഭിച്ചു.  13.24 കോടി   രൂപയുടെ വാര്‍ഷിക പദ്ധതിയില്‍ 148 പ്രോജക്ടുകളാണ് ഉള്‍പ്പെട്ടിടുള്ളതെന്ന് ബ്ലോക്ക് പഞ്ചായത്ത് ആക്ടിംഗ് പ്രസിഡന്റ് ഷാജി പൈനാടത്ത്, സെക്രട്ടറി എം.എസ് വിജയന്‍ എന്നിവര്‍ പറഞ്ഞു. വികസന ഫണ്‍ണ്ട് ഇനത്തില്‍ 12.22 കോടി രൂപയും മെയിന്റനന്‍സ് ഫണ്ടണ്‍് ഇനത്തില്‍ 11.94 ലക്ഷം രൂപയും ഉള്‍പ്പെട്ടതാണ് 13.24 കോടി രൂപയുടെ വാര്‍ഷിക പദ്ധതി.

കൊല്ലം ഇന്‍ഡസ്ട്രിയല്‍ ട്രൈബ്യൂണല്‍ സുനിത വിമല്‍ ജനുവരി 19ന് പീരുമേടും 15, 22 തീയതികളില്‍ പുനലൂരിലും മറ്റു പ്രവൃത്തിദിനങ്ങളില്‍ കൊല്ലം ആസ്ഥാനത്തും തൊഴില്‍ തര്‍ക്ക കേസുകളും എംപ്ലോയീസ് ഇന്‍ഷുറന്‍സ് കേസുകളും എംപ്ലോയീസ് കോമ്പന്‍സേഷന്‍ കേസുകളും വിചാരണ നടത്തും.