കേരളഖാദി ഗ്രാമ വ്യവസായ ബോര്‍ഡും ഖാദി ഗ്രാമവ്യവസായ കമ്മീഷനും  സംസ്ഥാനത്തെ ഖാദി സ്ഥാപനങ്ങളും സംയുക്തമായി സംഘടിപ്പിച്ച ഓണം-ബക്രീദ് മേള സമ്മാനപദ്ധതിയുടെ  മെഗാ നറുക്കെടുപ്പില്‍ വിജയികളായവര്‍ക്കുളള സമ്മാനദാനം  ഡിസംബര്‍ 18-ന് രാവിലെ 11 മണിക്ക് കണ്ണൂര്‍ ടൗണ്‍ സര്‍വീസ് സഹകരണ ബാങ്ക് ഓഡിറ്റോറിയത്തില്‍  നടക്കുമെന്ന് പ്രൊജക്ട് ഓഫീസര്‍ അറിയിച്ചു. പാലക്കാട് ജില്ലയിലെ 319865, 329600 കൂപ്പണ്‍ നമ്പറുകളാണ് സമ്മാനാര്‍ഹമായിരിക്കുന്നത്. സമ്മാനാര്‍ഹര്‍ നേരിട്ടെത്തി സമ്മാനം കൈപറ്റേണ്ടതാണ്. വിശദവിവരങ്ങള്‍ക്ക് ഫോണ്‍: 04912534392.

    ഊര്‍ജ സംരക്ഷണ ദിനാചരണത്തിന്‍റെ ഭാഗമായി ഇന്ന് (ഡിസംബര്‍ 14) രാവിലെ 11 ന് എല്ലാ സര്‍ക്കാര്‍ ഓഫീസുകളിലും സ്കൂള്‍ അസംബ്ലികളിലും ഊര്‍ജ സംരക്ഷണ പ്രതിജ്ഞയെടുക്കും.

* ക്രിസ്തുമസ് മെട്രോ ഫെയര്‍ സംസ്ഥാനതല ഉദ്ഘാടനം മുഖ്യമന്ത്രി നിര്‍വഹിച്ചു

നിത്യോപയോഗ സാധനങ്ങളുടെ വില വര്‍ദ്ധിക്കാതിരിക്കാന്‍ സര്‍ക്കാര്‍ ജാഗ്രതയോടെയാണ് നീങ്ങുന്നതെന്ന് മുഖ്യമന്ത്രി പിണറായി വിജയന്‍.  തിരുവനന്തപുരം പുത്തരിക്കണ്ടം മൈതാനിയില്‍ ക്രിസ്തുമസ് മെട്രോ ഫെയറുകളുടെ സംസ്ഥാനതല ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.

106-ാമത് അഖിലേന്ത്യാ അപ്രന്റീസ് പരീക്ഷയ്ക്ക് രജിസ്റ്റര്‍ ചെയ്തശേഷം ഓണ്‍ലൈന്‍ പരീക്ഷ എഴുതാതെയിരുന്ന ട്രെയിനികള്‍ക്കും പരാജയപ്പെട്ട ട്രെയിനികള്‍ക്കും വീണ്ടും അവസരം. ഡിസംബര്‍ 15 ന് ആറുമണി വരെ ഡി.ജി.റ്റി യുടെ പോര്‍ട്ടലില്‍ ഇതിനായി രജിസ്റ്റര്‍ ചെയ്യാം.  വിശദ വിവരങ്ങള്‍ക്ക് ചാക്ക ആര്‍.ഐ. സെന്ററുമായി ബന്ധപ്പെടണം.  (ഫോണ്‍ : 0471 2501867, 9495479536).

പി.എന്‍.എക്‌സ്.5321/17

നിയമസഭയുടെ വിദ്യാഭ്യാസം സംബന്ധിച്ച സബ്ജക്ട് കമ്മിറ്റി ഡിസംബര്‍ 19ന് രാവിലെ 10ന് എറണാകുളം കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും. വിദ്യാര്‍ഥികള്‍ക്കിടയിലെ ലഹരിവസ്തുക്കളുടെ ഉപയോഗം എന്ന വിഷയം സംബന്ധിച്ച് ജില്ലയിലെ ബന്ധപ്പെട്ട വകുപ്പ് ഉദ്യോഗസ്ഥരില്‍ നിന്നും തെളിവെടുപ്പ് നടത്തും.

 സംസ്ഥാന ബാലാവകാശസംരക്ഷണ കമ്മീഷനില്‍ ഡ്രൈവര്‍ തസ്തികയിലേക്ക് സബോര്‍ഡിനേറ്റ് സര്‍വീസില്‍ സമാന തസ്തികയില്‍ ജോലി ചെയ്യുന്നവരില്‍ നിന്ന് ഡെപ്യൂട്ടേഷന്‍ നിയമനത്തിന് അപേക്ഷ ക്ഷണിച്ചു. ബയോഡേറ്റ, മാതൃവകുപ്പില്‍നിന്നുള്ള എന്‍.ഒ.സി എന്നിവ സഹിതമുള്ള അപേക്ഷ  ജനുവരി 12-നകം ബന്ധപ്പെട്ട അധികാരിവഴി സെക്രട്ടറി, സംസ്ഥാന ബാലാവകാശ സംരക്ഷണ കമ്മീഷന്‍, റ്റി.സി. 14/2036, വാന്റോസ് ജംഗ്ഷന്‍, കേരള യൂണിവേഴ്‌സിറ്റി.പി.ഒ, തിരുവനന്തപുരം- 695 034  എന്ന വിലാസത്തില്‍ ലഭിക്കണം.  ജില്ലയില്‍ സ്ഥിരമായി താമസിക്കുന്നവര്‍ക്ക് മുന്‍ഗണന നല്‍കും. 

പി.എന്‍.എക്‌സ്.5319/17

കേരള സംസ്ഥാന ലഹരിവര്‍ജ്ജനമിഷന്‍ വിമുക്തിയുടെ പ്രചാരണത്തിന് 'വിമുക്തി തീം സോംഗ്' വീഡിയോ പ്രകാശനം ഇന്ന് (ഡിസംബര്‍ 14)  വൈകുന്നേരം മൂന്ന് മണിയ്ക്ക് സെക്രട്ടേറിയറ്റ് സൗത്ത് ബ്ലോക്കിലെ പി.ആര്‍. ചേമ്പറില്‍ തൊഴിലും നൈപുണ്യവും, എക്‌സൈസ് വകുപ്പ് മന്ത്രി ടി.കെ. രാമകൃഷ്ണന്‍ നിര്‍വ്വഹിക്കും.  കവി. പ്രൊഫ.വി. മധുസൂദനന്‍ നായര്‍ രചിച്ച്, പണ്ഡിറ്റ് രമേശ് നാരായണന്‍ സംഗീത സംവിധാനം നിര്‍വ്വഹിച്ച്,  വിജയ് യേശുദാസ് ആലപിച്ച ഗാനം കേരള സ്റ്റേറ്റ് ഫിലിം ഡവലപ്പ്‌മെന്റ് കോര്‍പ്പറേഷനാണ് ചിത്രീകരണം നടത്തിയത്.  സംവിധാനം : ആര്‍.എസ്. പ്രദീപ്, ക്യാമറ:പെരുമ്പടവം ശ്രീകുമാര്‍.

പി.എന്‍.എക്‌സ്.5318/17