കോവിഡ്-19 പ്രതിരോധ നടപടികള്‍ക്കായി മുഖ്യമന്ത്രിയുടെ ദുരിതാശ്വാസ നിധിയിലേക്ക് 10 ലക്ഷം രൂപ സംഭാവന നല്‍കി ആറന്മുള ഗ്രാമപഞ്ചായത്ത്. പഞ്ചായത്തിന്റെ തനതു ഫണ്ടില്‍ നിന്നാണു 10 ലക്ഷം രൂപ മുഖ്യമന്ത്രിയുടെ ദുരിതാശ്വാസനിധിയിലേക്കു നല്‍കിയത്. 

പഞ്ചായത്ത് പ്രസിഡന്റ് ഐഷാ പുരുഷോത്തമനില്‍ നിന്നും ജില്ലാ കളക്ടര്‍ പി.ബി നൂഹ് ചെക്ക് ഏറ്റുവാങ്ങി. വൈസ് പ്രസിഡന്റ് വേരുങ്കല്‍ പ്രസാദ്, ആരോഗ്യ വിദ്യാഭ്യാസ സ്റ്റാന്റിംഗ് കമ്മറ്റി ചെയര്‍പേഴ്സണ്‍ ഷീജ.ടി.റ്റോജി, ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ എം.പി.ഉണ്ണികൃഷ്ണന്‍ നായര്‍, പഞ്ചായത്തംഗം കെ.കെ.ശിവാനന്ദന്‍ എന്നിവര്‍ പങ്കെടുത്തു. 

ജില്ലാ പഞ്ചായത്ത് പ്രസിഡന്റ് അഡ്വ കെ. ശാന്തകുമാരിയുടെയും ഡ്രൈവര്‍ മധുസൂദനന്റെയും കോവിഡ് 19 പരിശോധന ഫലം നെഗറ്റീവ് ആണെന്ന് ആരോഗ്യവകുപ്പ് അധികൃതര്‍ അറിയിച്ചു. ജില്ലാ ആശുപത്രിയില്‍ മെയ് 26 ന് നടന്ന ഒരു ഔദ്യോഗിക പരിപാടിയില്‍ പങ്കെടുത്ത ജീവനക്കാരന് രോഗം സ്ഥിരീകരിച്ചതിനെ തുടര്‍ന്നാണ് ജില്ലാ പഞ്ചായത്ത് പ്രസിഡന്റും ഡ്രൈവറും ക്വാറന്റൈനില്‍ പ്രവേശിച്ചത്. ഇന്നാണ് (ജൂണ്‍ 12) പരിശോധന ഫലം ലഭിച്ചത്. ഇരുവരും ക്വാറന്റൈന്‍ കാലാവധി പൂര്‍ത്തിയാക്കിയിട്ടുണ്ട്.

മുഖ്യമന്ത്രിയുടെ ദുരിതാശ്വാസ നിധിയിലേക്ക് പണം സ്വരൂപിക്കാൻ യുവജനങ്ങളുടെ എൽ ഇ ഡി ബൾബ് ചലഞ്ച്. സംസ്ഥാന യുവജനക്ഷേമബോർഡിന്റേതാണ് പദ്ധതി. എൽ ഇ ഡി ബൾബുകൾ നിർമ്മിച്ച്് പൊതു വിപണിയിലെത്തിക്കുകയാണ് ലക്ഷ്യം. ബൾബ് വിറ്റു കിട്ടുന്ന തുക മുഖ്യമന്ത്രിയുടെ  ദുരിതാശ്വാസ നിധിയിൽ നൽകും. സംരംഭത്തിന്റെ ഉദ്ഘാടനം വ്യവസായ മന്ത്രി ഇ പി ജയരാജൻ നിർവഹിച്ചു. ആദ്യ ബൾബ്  പ്രശസ്ത സിനിമാ നടൻ ഇന്ദ്രൻസിന് നൽകി.

ലോക്ഡൗണിനെ തുടര്‍ന്ന് ഇതര സംസ്ഥാനങ്ങളില്‍ അകപ്പെട്ടു പോയ മലയാളികള്‍ക്ക് കേരളത്തിലേക്ക് മടങ്ങി വരുന്നതിനും ഇവിടെ നിന്നും മറ്റ് സംസ്ഥാനങ്ങളിലേക്ക് പോകുന്നതിനും സര്‍ക്കാര്‍ പുതിയ നിര്‍ദേശങ്ങള്‍ പുറത്തിറക്കി.

വിക്ടേഴ്‌സ് ചാനലില്‍ സംപ്രേഷണം ചെയ്യുന്ന ക്ലാസുകള്‍  ഭിന്നശേഷി കുട്ടികള്‍ക്ക് മനസിലാക്കാന്‍ ബുദ്ധിമുട്ടാണെന്ന തിരിച്ചറിവിനെ തുടര്‍ന്ന് ഓരോ വിഷയത്തിന്റെയും അധ്യാപകരും, ഭിന്നശേഷി കുട്ടികള്‍ക്ക് സഹായം ചെയ്യുന്ന റിസോഴ്‌സ് അധ്യാപകരും ചേര്‍ന്ന് ആറു വിഭാഗത്തിലായുള്ള (HI, VI, MR/LD, Autism, Cerebral Palsy, SLD) ഭിന്നശേഷി കുട്ടികളെ പരിഗണിച്ചുകൊണ്ട് ബി.ആര്‍.സി തലത്തില്‍ പ്രത്യേകം വീഡിയോ ഒരുങ്ങുന്നു. ഓണ്‍ലൈന്‍ ക്ലാസുകള്‍  കാണുന്നതിനുള്ള സംവിധാനം ഒരുക്കിയിട്ടുണ്ട്.

ജില്ലയിലെ ദുരന്ത നിവാരണ പ്രവര്‍ത്തനങ്ങള്‍ക്കായി പഞ്ചായത്ത്തലത്തില്‍ തെരഞ്ഞെടുക്കുന്ന വോളിന്റീയര്‍മാര്‍ക്ക് വിദഗ്ധ പരിശീലനം നല്‍കുമെന്ന് ജില്ലാ കളക്ടര്‍ പി.ബി നൂഹ് പറന്നു. കമ്മ്യൂണിറ്റി റെസ്‌ക്യൂ വോളന്റീയര്‍ സര്‍വീസസ്, സാമൂഹിക സന്നദ്ധസേന, സിവില്‍ ഡിഫന്‍സ് എന്നിവയുടെ പ്രവര്‍ത്തനങ്ങള്‍ കളക്ടറേറ്റില്‍ അവലോകനം ചെയ്തു സംസാരിക്കുകയായിരുന്നു ജില്ലാ കളക്ടര്‍.

കോവിഡ് രോഗവ്യാപനം തടയുന്നതിന്റെ ഭാഗമായി തെന്നല ഗ്രാമ പഞ്ചായത്തിലെ 13 വാര്‍ഡുകള്‍ കൂടി കണ്‍െയിന്‍മെന്റ് സോണില്‍ പുതുതായി ഉള്‍പ്പെടുത്തിയതായി ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. 01, 02, 03, 04, 05, 06, 10, 12, 13, 14, 15, 16, 17 വാര്‍ഡുകളാണ് പട്ടികയില്‍ ഉള്‍പ്പെടുത്തിയത്. ജില്ലയില്‍ നേരത്തെ കണ്‍െയിന്‍മെന്റ് സോണിലുള്ള വാര്‍ഡുകള്‍ക്ക് പുറമെയാണിത്. ഇവിടങ്ങളില്‍ അതീവ ജാഗ്രതയും കര്‍ശന നിയന്ത്രണങ്ങളുമുണ്‍ാകുമെന്ന് ജില്ലാ കലക്ടര്‍ അറിയിച്ചു.
കണ്‍െയിന്‍മെന്റ് സോണിലെ നിയന്ത്രണങ്ങള്‍