ജില്ലയില്‍ ഭൂ ഉടമകളുടെ വിവരം റീലീസ് സോഫ്റ്റ് വെയറില്‍ അപ്‌ഡേറ്റ് ചെയ്യുന്നതിന് ഹാജരാക്കാത്തവര്‍ ഭൂമിയുടെ ആധാരം, നികുതി രശീത് എന്നിവ ഡിസംബര്‍ 31നകം വില്ലേജ് ഓഫീസില്‍ ഹാജരാക്കണം.  അപേക്ഷാ ഫോം വില്ലേജ് ഓഫീസില്‍ സൗജന്യമായി ലഭിക്കും.  കാണം, പാട്ടം വിഭാഗത്തില്‍പ്പെട്ട ഭൂമി കൈവശമുള്ളവരും അപേക്ഷ നല്‍കണം.  ഡിസംബര്‍ 31നകം അപേക്ഷ നല്‍കാത്തവരില്‍ നിന്നും 2017-18 മുതല്‍ നികുതി സ്വീകരിക്കാന്‍ സാധിക്കുകയില്ല.  ഭൂ ഉടമകളുടെ വിവരങ്ങള്‍ റിലീസ് സൈറ്റില്‍ അപ്‌ഡേറ്റ് ചെയ്യുന്നതിനാല്‍ വില്ലേജ് ഓഫീസില്‍ ഹാജരാക്കാതെ ഓണ്‍ലൈനായി നികുതി അടവാക്കാം.

ക്ഷീരവികസന വകുപ്പ് പെരുമ്പടപ്പ് ബ്ലോക്കും താഴത്തേല്‍പടി ക്ഷീര സംഘവും സംയുക്തമായി പാലിന്റെ ഗുണമേ•ാ ബോധവല്ക്കതരണ പരിപാടി സംഘടിപ്പിച്ചു. ബ്ലോക്ക് പ്രസിഡണ്ട് ആറ്റുണ്ണി തങ്ങള്‍ ഉദ്ഘാടനം ചെയ്തു. വെളിയംകോട് ഗ്രാമ പഞ്ചായത്ത് പ്രസിഡണ്ട്  പ്രേമജ സുധീര്‍ അധ്യക്ഷത വഹിച്ചു.  ചടങ്ങില്‍ ക്വാളിറ്റി കണ്‍ട്രോള്‍ ഓഫീസര്‍ ഷീബഖമര്‍ ഡി.ഇ.ഒ പ്രഭ.എസ്, ഡി.എഫ്.ഐ ഷാജിത്ത്, ഷാഹിര്‍ ബാന്‍ എന്നിവര്‍ പങ്കെടുത്തു.

സേവയുമായി സഹകരിച്ച് നബാഡ് നാഷന്‍ എന്റര്‍പ്രണര്‍ ഷിപ് ഡേ ആഘോഷിച്ചു. മലപ്പുറം കാവുങ്ങല്‍ ബൈപാസിലുള്ള  പഗോഡ ഹാളില്‍ നടന്ന പരിപാടി  എ.ഡി.എം ടി. വിജയന്‍ ഉദ്ഘാടനം ചെയ്തു.  നബാര്‍ഡ് എ.ജി.എം ജയിംസ് പി ജോര്‍ജ് അധ്യക്ഷത വഹിച്ചു. കോമേഴ്‌സ്യല്‍ ടാക്‌സ് ഓഫീസര്‍ മുഷ്താഖ് അലി, ഡി.ഐ.സി മാനേജര്‍ രമ, വ്യവസായ ഓഫീസര്‍ ലത്തീഫ്,  മീഡിയ വിഷന്‍ സി.ഇ.ഒ ഷൈജു അനസ് എന്നിവര്‍ സംസാരിച്ചു.

റേഷന്‍ കാര്‍ഡ് മുന്‍ണനാ വിഭാഗത്തില്‍ ഉള്‍പ്പെടുത്തുന്നതിന് അപേക്ഷ നല്‍കുകയും എന്നാല്‍ വിചാരണയ്ക്ക് ഹാജരാകാന്‍ സാധിക്കാതിരുന്നതുമായ പൊന്നാനി താലൂക്ക് പരിധിയില്‍ വരുന്ന അപേക്ഷകര്‍ക്ക് നവംബര്‍ 17 മുതല്‍ വിചാരണ നടത്തും.
നവംബര്‍ 17, 18 തിയ്യതികളില്‍ പൊന്നാനി നഗരസഭ, 20ന് എടപ്പാള്‍, 21 ന് കാലടി, 22ന് മാറഞ്ചേരി, 23ന് നന്നംമുക്ക്, 24ന് പെരുമ്പടപ്പ,് 27ന് തവനൂര്‍, 28ന് വെളിയംകോട്, 29ന് വട്ടംകുളം, 30ന് ആലംകോട് പഞ്ചായത്തുകളിലുള്ളവര്‍ക്കും വിചാരണ നടത്തും.  വിവരങ്ങള്‍ അതത് റേഷന്‍ കടകളില്‍ നിന്നും ലഭിക്കും.  

മദ്രസാ അധ്യാപകര്‍ക്ക്  പരിശീലനം നല്‍കുന്നതിന് സംസ്ഥാന സര്‍ക്കാരിന്റെ കീഴില്‍ സ്ഥിരം സംവിധാനമൊരുക്കുമെന്ന് ന്യൂനപക്ഷ ക്ഷേമ വകുപ്പ് മന്ത്രി ഡോ. കെ.ടി ജലീല്‍.  കിലയുടെ  മാതൃകയില്‍ ഹജ്ജ് ഹൗസില്‍ സ്ഥിരം പരിശീലന കേന്ദ്രമൊരുക്കാനാണ് ഉദ്ദേശിക്കുന്നത്. കുട്ടികളുടെ മനശ്ശാസ്ത്രം, രാജ്യത്തിന്റെ ചരിത്രം, ബഹുസ്വരത  തുടങ്ങിയ കാര്യങ്ങളില്‍ മദ്രസാ അധ്യാപകരില്‍ അവബോധം വളര്‍ത്താന്‍ പരിശീലനം കൊണ്ട് സാധിക്കുമെന്ന് മന്ത്രി പറഞ്ഞു.  മദ്രസാ അധ്യാപകര്‍ക്കുള്ള ഭവനവായ്പാ പദ്ധതികളുടെ വിതരണോദ്ഘാടനം മലപ്പുറം വളാഞ്ചാരിയില്‍ നിര്‍വഹിക്കുകയായിരുന്നു      അദ്ദേഹം.

    വോട്ടര്‍ പട്ടിക ശുദ്ധീകരണ യജ്ഞത്തിന്റെ ഭാഗമായ ജോലികളില്‍ ഏര്‍പ്പെടുന്ന ബി.എല്‍.എ മാര്‍ക്ക് നവംബര്‍ 15 മുതല്‍ 30 വരെയുള്ള തിയ്യതികള്‍ക്കിടയില്‍ ഏഴ് പ്രവര്‍ത്തി ദിവസം ഡ്യൂട്ടി ലീവ് അനുവദിച്ചു.  

സംസ്ഥാന സാക്ഷരതാ മിഷന്‍ നടത്തുന്ന നാലാംതരം തുല്യത കോഴ്‌സ് പഠിതാക്കള്‍ക്കുള്ള പൊതുപരീക്ഷ   നവംബര്‍ 26ന്   നടക്കും. നിലവില്‍ പഠനം നടത്തി വരുന്ന പഠിതാക്കള്‍ ബന്ധപ്പെട്ട പ്രേരക് മുഖേന ജില്ലാ സാക്ഷരതാ മിഷന്‍ ഓഫീസില്‍ നിന്നും രജിസ്‌ട്രേഷന്‍ കാര്‍ഡ് കൈപ്പറ്റണം. നിശ്ചിത പരീക്ഷ കേന്ദ്രങ്ങളിലാണ് പരീക്ഷ. നാലാംതരം തുല്യത പരീക്ഷ വിജയികള്‍ക്ക് ഏഴാംതരം തുല്യത കോഴ്‌സില്‍ ചേരാന്‍ അവസരം ലഭിക്കും.

ഡിസംബര്‍ മൂന്നിന് അന്തര്‍ദ്ദേശീയ ഭിന്നശേഷി ദിനം ജില്ലയില്‍ ആഘോഷിക്കുന്നതു സംബന്ധിച്ച കാര്യങ്ങള്‍ ചര്‍ച്ച ചെയ്യുന്നതിനായി നവംബര്‍ 17ന്  രാവിലെ 10 ന് ജില്ലാ പഞ്ചായത്തില്‍ ആലോചനാ യോഗം ചേരും. ജില്ലയില്‍ ഭിന്നശേഷിയുളളവരുടെ ക്ഷേമത്തിനായി പ്രവര്‍ത്തിക്കുന്ന സന്നദ്ധ സംഘടനകളുടെ പ്രതിനിധികളും സ്‌പെഷ്യല്‍ സ്‌കൂള്‍, ബഡ്‌സ് സ്‌കൂള്‍ പ്രതിനിധികളും യോഗത്തില്‍ പങ്കെടുക്കണമെന്ന് ജില്ലാ സാമൂഹ്യനീതി ഓഫീസര്‍ അറിയിച്ചു.