ഫിഷറീസ് വകുപ്പ് മുഖേന താനൂര്‍ ഗവ.റീജണല്‍ ഫിഷറീസ് ടെക്‌നിക്കല്‍ ഹൈസ്‌ക്കൂള്‍, ഗണപ്രഭ എ.എം.യു.പി സ്‌കൂള്‍ തേവര്‍ കടപ്പുറം സ്ഥാപനങ്ങളില്‍ ഫുട്‌ബോള്‍ ടീം രൂപീകരിച്ച് വിദ്യാര്‍ത്ഥികള്‍ക്ക് കോച്ചിംഗ് നല്‍കുന്നതിന് ഫുട്‌ബോള്‍ കോച്ചിനെ നിയമിക്കുന്നതിന് അപേക്ഷ ക്ഷണിക്കുന്നു. ഫുട്‌ബോള്‍ ഇനത്തില്‍ സംസ്ഥാന തലത്തില്‍ സീനിയര്‍ വിഭാഗത്തില്‍ കഴിവ് തെളിയിച്ച വ്യക്തിയായിരിക്കണം. അല്ലാത്ത പക്ഷം സ്‌പോര്‍ട്‌സ് കൗണ്‍സിലിന്റെ അംഗീകാരമുളള കോച്ചായിരിക്കണം. കൂടികാഴ്ച നവംബര്‍ 17ന് രാവിലെ 11 ന് പൊന്നാനി ജില്ലാ ഫിഷറീസ് ഡെപ്യൂട്ടി ഡയറക്ടറുടെ കാര്യാലയത്തില്‍ നടത്തും.ഫോണ്‍ 0494-2666428.

    2018 ജനുവരി ഒന്നിന് 18 വയസ്സ് പൂര്‍ത്തിയാക്കുന്നവരെ വോട്ടര്‍ പട്ടികയില്‍ ഉള്‍പ്പെടുത്തുന്നതിന്റെ ഭാഗമായി നവംബര്‍ 11, 26 തിയ്യതികളില്‍ ബി.എല്‍.ഒ മാര്‍ അതത് ബൂത്തുകളില്‍ ക്യാമ്പ് ചെയ്യും.

    സംസ്ഥാന വ്യവസായ വാണിജ്യ വകുപ്പിന്റെ കീഴില്‍ മഞ്ചേരി, പയ്യനാടുളള കോമണ്‍ ഫെസിലിറ്റി സര്‍വ്വീസ് സെന്ററില്‍ റബ്ബര്‍ പാലില്‍ നിന്നും ഡ്രൈ റബ്ബറില്‍ നിന്നും ഉല്‍പന്നങ്ങള്‍ നിര്‍മ്മിച്ച് റബ്ബറധിഷ്ഠിത വ്യവസായങ്ങള്‍ ആരംഭിക്കാന്‍ താല്‍പര്യമുളളവര്‍ക്ക്  നവംബര്‍ 16 മുതല്‍ 18 വരെ പ്രായോഗിക പരിശീലന നല്‍കുന്നു. താല്‍പര്യമുളളവര്‍  നവംബര്‍ 14 നകം പേര് രജിസ്റ്റര്‍ ചെയ്യണം.  വിവരങ്ങള്‍ക്ക്  അസിസ്റ്റന്റ് ഡയറക്ടര്‍, കോമണ്‍ ഫെസിലിറ്റി സര്‍വ്വീസ് സെന്റര്‍,     പയ്യനാട് (പി.ഒ), മഞ്ചേരി, മലപ്പുറം. പിന്‍ 676122. വിലാസത്തില്‍ ബന്ധപ്പെടണം.  ഫോണ്‍ :0483 2768507.

മലപ്പുറം ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റില്‍ പ്രൊട്ടക്ഷന്‍ ഓഫീസര്‍ നോണ്‍ ഇന്‍സ്റ്റിറ്റിയൂഷണല്‍ കെയര്‍,  സോഷ്യല്‍ വര്‍ക്കര്‍ തസ്ത്ഥികകളിലേക്ക് ഒരു വര്‍ഷത്തെ കരാര്‍ വ്യവസ്ഥയില്‍  അപേക്ഷകള്‍ ക്ഷണിച്ചു.  സോഷ്യല്‍ വര്‍ക്കിലുള്ള ബിരുദാനന്തര ബിരുദം, കുട്ടികളുടെ അവകാശവുമായി ബന്ധപ്പെട്ട പ്രവര്‍ത്തി പരിചയം എന്നിവയാണ്  പ്രൊട്ടക്ഷന്‍ ഓഫീസര്‍ നോണ്‍ ഇന്‍സ്റ്റിസ്റ്റ്യൂഷണല്‍ കെയറിനുള്ള യോഗ്യത. വേതനം പ്രതിമാസം 27825 രൂപ. പ്രായം 2017 ജനുവരി ഒന്നിന് 35 വയസ്സ് കവിയാന്‍ പാടില്ല.

അനെര്‍ട്ടിന്റെ വിവിധ പദ്ധതികളെക്കുറിച്ചുള്ള അവബോധന ക്ലാസ്സും രജിസ്‌ട്രേഷനും നവംബര്‍ 14, 15 തിയ്യതികളില്‍ മലപ്പും എസ്. പി. ഓഫീസിന് സമീപമുള്ള അനെര്‍ട്ടിന്റെ ജില്ലാ ഓഫീസില്‍ നടക്കും.  തിരിച്ചറിയല്‍ കാര്‍ഡിന്റെ പകര്‍പ്പും 1000 രൂപ ഫീസും നല്‍കി പേര് രജിസ്റ്റര്‍ ചെയ്യാം.  വിവരങ്ങള്‍ ംംം.മിലൃ.േഴീ്.ശി ല്‍ ലഭിക്കും. ഫോണ്‍ 04832730999.

പി.എസ്.സി അംഗീകരിച്ച ഹൈസ്‌കൂള്‍ ഹിന്ദി അധ്യാപക പരിശീലനത്തിന് ഒഴിവുള്ള സീറ്റിലേക്ക് അപേക്ഷ ക്ഷണിച്ചു.  പ്രവീണ്‍, സാഹിത്യാചാര്യ, ബി.എ, എം.എ പാസ്സായവര്‍ക്ക് അപേക്ഷിക്കാം.  പട്ടികജാതി മറ്റര്‍ഹ വിഭാഗത്തിനും സര്‍വ്വീസിലുള്ള അധ്യാപകര്‍ക്കും സീറ്റ് സംവരണം ലഭിക്കും.  അപേക്ഷ പ്രിന്‍സിപ്പാള്‍, ഇന്‍സ്റ്റിറ്റ്യൂട്ട് ഓഫ് ലാംഗേജ് ടീച്ചര്‍ എഡ്യുക്കേഷന്‍, അടൂര്‍ പത്തനംതിട്ട വിലസാത്തില്‍ അയക്കണം.  ഫോണ്‍ 04734 226028, 9446321496.

ആരേഗ്യ വകുപ്പ് കീഴില്‍ നടന്നുവരുന്ന റുബല്ല, മീസില്‍സ് രോഗങ്ങളെ നിര്‍മ്മാര്‍ജനം ചെയ്യുന്നതിനായുള്ള പ്രവര്‍ത്തനങ്ങളില്‍ എല്ലാവരും സഹകരിക്കണമെന്ന് ജില്ലാ മെഡിക്കല്‍ ഓഫീസര്‍ (ഹോമിയോ) ഡോ. ഷീബാ ബീഗം. എല്‍ അഭ്യര്‍ത്ഥിച്ചു.  ഈ പ്രവര്‍ത്തനത്തിന്റെ വിജയത്തിന് ഹോമിയോ വകുപ്പ് എല്ലാവിധ പുന്തുണയും നല്‍കിവരുന്നുണ്ട്.  ഗര്‍ഭസ്ഥ ശിശുക്കളില്‍ ജ•-നാലുള്ള വൈകല്യങ്ങള്‍ ഉണ്ടാക്കുന്ന റുബെല്ല രോഗത്തിനെ തുടച്ചു നീക്കുന്നതിനായുള്ള ഈ സംരംഭത്തില്‍ എല്ലാവരും സഹകരിക്കണമെന്നും ഡോ. ഷീബാ ബീഗം പറഞ്ഞു.

താനൂര്‍ മിനി സിവില്‍ സ്റ്റേഷനില്‍ ഫിഷറീസ് ഓഫീസ് പ്രവര്‍ത്തന ഉദ്ഘാടനം നവംബര്‍ 14ന് വൈകുന്നേരം മൂന്നിന് വി. അബ്ദുല്‍ റഹിമാന്‍ എം.എല്‍.എ നിവര്‍വ്വഹിക്കും. മത്സ്യഫെഡ് ചെയര്‍മാന്‍ പി.പി. ചിത്തരഞ്ജന്‍ അധ്യക്ഷത വഹിക്കും.  പരിപാടിയില്‍ വിവിധ സാമ്പത്തിക സഹായ വിതരണവും നടക്കും.  

മത്സ്യത്തൊഴിലാളികള്‍ക്ക് വേണ്ടിയുളള സമഗ്ര ആരോഗ്യ ഇന്‍ഷുറന്‍സ് പദ്ധതിയില്‍  നിലവില്‍ അംഗമല്ലാത്ത മത്സ്യത്തൊഴിലാളികള്‍ അടുത്തുളള അക്ഷയ കേന്ദ്രവുമായി ബന്ധപ്പെട്ട് നവംബര്‍ 15 നകം http://chiakrsby.keltron.in ല്‍ ഓണ്‍ലൈന്‍ രജിസ്‌ട്രേഷന്‍ ചെയ്യണം. ഫോണ്‍ 0494-2666428.