ജില്ലാ ശിശുസംരക്ഷണ യൂണീറ്റ് വയനാടിന്റെ നേതൃത്വത്തില്‍ ബാലാവകാശവാരാചരണം വിബ്ജിയോര്‍-2017ന്റെ രണ്ടാം ദിനം (ഇന്‍സ്റ്റിറ്റിയൂഷന്‍ ഡേ) കണിയാമ്പറ്റ ഹൈസ്‌കൂളില്‍ ഹ്രസ്വ ചലച്ചിത്രോത്സവവും സംവാദവും സംഘടിപ്പിച്ചു. ജില്ലാ പഞ്ചായത്ത് അംഗം പി. ഇസ്മായില്‍ ഉദ്ഘാടനം ചെയ്തു. കണിയാമ്പറ്റ ഹൈസ്‌കൂള്‍ പി.ടിഎ പ്രസിഡന്റ് അബ്ദുള്‍ ഗഫൂര്‍ കാട്ടിയുടെ അധ്യക്ഷത വഹിച്ചു.

കണിയാമ്പറ്റ മില്ലുമുക്കില്‍ പുതുതായി പണിത കൃഷി അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ കാര്യാലയത്തിന്റെ ഉദ്ഘാടനം ഇന്ന് (നവംബര്‍ 16) ഉച്ചയ്ക്ക് 2ന്  കാര്‍ഷിക വികസന-കര്‍ഷകക്ഷേമ വകുപ്പ് മന്ത്രി അഡ്വ. വി.എസ്.സുനില്‍കുമാര്‍ ഉദ്ഘാടനം ചെയ്യും.  സി.കെ.ശശീന്ദ്രന്‍ എം.എല്‍.എ. അദ്ധ്യക്ഷത വഹിക്കും. ഇതോടനുബന്ധിച്ച് നടക്കുന്ന കാര്‍ഷിക സെമിനാര്‍ രാവിലെ 9.30 ന് ആരംഭിക്കും.

അക്ഷയ ദിനാചരണത്തിന്റെ ഭാഗമായി ജില്ലയില്‍ അക്ഷയ പ്രൊജക്ടിന്റെ ആഭിമുഖ്യത്തില്‍ രക്തദാന ക്യാമ്പ് സംഘടിപ്പിച്ചു. ജില്ലയിലെ അക്ഷയ സംരംഭകര്‍ ക്യാമ്പില്‍ പങ്കെടുത്തു രക്തം നല്‍കി. ജില്ലയില്‍ വിവിധ ബ്ലോക്കുകളിലായി രക്തദാന സേന രൂപീകരിച്ചു.

സമഗ്ര ആരോഗ്യ ഇന്‍ഷൂറന്‍സ് പദ്ധതിയുടെ അംഗത്വ രജിസ്‌ട്രേഷന്‍ നവംമ്പര്‍ 20-ന് അവസാനിക്കുമെന്ന് ജില്ലാ ലേബര്‍ ഓഫീസര്‍ അറിയിച്ചു.  നാളിതുവരെ രജിസ്റ്റര്‍ ചെയ്യാത്ത അര്‍ഹരായ കുടംബങ്ങള്‍ നവംമ്പര്‍ 20-നകം അക്ഷയ കേന്ദ്രത്തിലൂടെ രജിസ്റ്റര്‍ ചെയ്യണം.  2017-18 വര്‍ഷത്തില്‍ ഫോട്ടോ എടുത്ത് കാര്‍ഡ് കൈപ്പറ്റിയവരും പുതുക്കിയവരും അപേക്ഷിക്കേണ്ടതില്ല.  രജിസ്‌ട്രേഷന്‍ സൗജന്യമാണ്.

നവംബര്‍ 19, 20, 21 തീയതികളില്‍ കോഴിക്കോട്  ബീച്ചില്‍ ഫിഷറീസ് വകുപ്പ് മന്ത്രിയുടെ നേതൃത്വത്തില്‍ നടത്തുന്ന മത്സ്യമേളയോടനുബന്ധിച്ച് മത്സ്യമേഖലയിലെ പ്രശ്‌നങ്ങള്‍ പരിഹരിക്കുന്നതിനായി അദാലത്ത് സംഘടിപ്പിക്കുന്നു..

സിവില്‍ സര്‍വ്വീസ് സ്‌പോര്‍ട്‌സ് ഡവലപ്പ്‌മെന്റ് സൊസൈറ്റി സോഷ്യല്‍ ഫോറസ്ട്രിയുമായി ചേര്‍ന്ന് ഇറിഗേഷന്‍ വകുപ്പിന്റെ സഹകരണത്തോടെ കാരാപ്പുഴ അണക്കെട്ടിന്റെ വൃഷ്ടി പ്രദേശത്ത്  ഒരു ഏക്കര്‍ സ്ഥലത്ത്  വനവല്‍ക്കരണം നടത്തി.  ജില്ലാ കളക്ടര്‍ എസ്.സുഹാസ് പരിപാടി ഉദ്ഘാടനം ചെയ്തു.    സി.എസ്.പി.എല്‍ ചെയര്‍മാന്‍  പി.കെ.ജയന്‍ അദ്ധ്യക്ഷത വഹിച്ചു.  അസിസ്റ്റന്റ് ഫോറസ്റ്റ് കണ്‍സര്‍വേറ്റര്‍ ഷജന കരീം, ഇറിഗേഷന്‍ എക്‌സിക്യൂട്ടീവ് എഞ്ചിനീയര്‍  വി.സന

മീനങ്ങാടി കൃഷിഭവനില്‍ സമഗ്രപുരയിട കൃഷി വികസന പരിപാടിയില്‍ ഗ്രാമസഭവഴി അപേക്ഷ നല്‍കിയിട്ടുള്ള കര്‍ഷകര്‍ കുമ്മായവും വളവും വാങ്ങിയതിന്റെ ഒറിജിനല്‍ ബില്ലും ആധാര്‍ കാര്‍ഡിന്റെ കോപ്പിയും നവംബര്‍ 25നകം മീനങ്ങാടി കൃഷിഭവനില്‍ എത്തണം.

വ്യാവസായിക പരിശീലന വകുപ്പിന്റെ ആഭിമുഖ്യത്തില്‍ ഡിസംബര്‍ 16ന് കല്‍പ്പറ്റ ഗവ.ഐ.ടി.ഐ.-ല്‍ നടത്തുന്ന തൊഴില്‍ മേളയില്‍ പങ്കെടുക്കുന്നതിന് ഐ.ടി.ഐ. കോഴ്‌സ് പൂര്‍ത്തിയാക്കിവര്‍ക്ക് www.itdjobfair.in വെബ്‌പോര്‍ട്ടലില്‍ രജിസ്റ്റര്‍ ചെയ്യണം.  സര്‍ക്കാര്‍/പ്രൈവറ്റ് ഐ.ടി.ഐ.കളിലും രജിസ്റ്റര്‍ ചെയ്യാം. 

ജില്ലാ പദ്ധതി രൂപീകരണവുമായി ബന്ധപ്പെട്ട് ജില്ലാ പ്ലാനിംഗ് ഓഫീസില്‍ രണ്ട് മാസത്തേക്ക് പ്രൊജക്ട് അസ്സോസിയേറ്റിനെ നിയമിക്കുന്നു.  യോഗ്യത: ഏതെങ്കിലും വിഷയത്തില്‍ ബിരുദം.  മലയാള ഭാഷയില്‍ പ്രാവീണ്യവും മലയാളവും ഇംഗ്ലീഷും വേഗത്തില്‍ ടൈപ്പ് ചെയ്യാനുള്ള കഴിവും വേണം. വികസന റിപ്പോര്‍ട്ടുകള്‍ വായിച്ച് എഡിറ്റ് ചെയ്യുന്നതിനുള്ള പ്രായോഗിക പരിജ്ഞാനം.