കാക്കനാട്: മരട് അഗ്രിക്കള്‍ച്ചറല്‍ അര്‍ബന്‍ ഹോള്‍സെയില്‍ മാര്‍ക്കറ്റില്‍ 24 മണിക്കൂറും പ്രവര്‍ത്തിക്കുന്ന വെയ്ബ്രിഡ്ജിന്റെ പ്രവര്‍ത്തനം കരാര്‍ അടിസ്ഥാനത്തില്‍ 11 മാസത്തേക്ക് ഏറ്റെടുത്ത് നടത്തുന്നതിന് താല്‍പര്യമുളള വ്യക്തികള്‍/സ്ഥാപനങ്ങള്‍/സഹകരണ സ്ഥാപനങ്ങള്‍/സര്‍ക്കാര്‍അര്‍ധ സര്‍ക്കാര്‍ സ്ഥാപനങ്ങള്‍ എന്നിവരില്‍ നിന്ന് ദര്‍ഘാസുകള്‍ ക്ഷണിച്ചു.

ദര്‍ഘാസ് പ്രമാണങ്ങളും വിശദ വിവരങ്ങളും നവംബര്‍ 16 വരെ രാവിലെ 10.30 മുതല്‍ 12.30 വരെ ഓഫീസില്‍ നിന്നു ലഭിക്കും. 

കൊച്ചി: പാര്‍ലമെന്റ് അംഗങ്ങളുടെ ഗ്രാമം ദത്തെടുക്കല്‍ പദ്ധതിയായ സന്‍സദ് ആദര്‍ശ് ഗ്രാം യോജനയുടെ കീഴില്‍ ഗ്രാമങ്ങളുടെ സമഗ്രവികസനത്തിനായുള്ള പദ്ധതിരേഖ 2018 ജനുവരി 31-നു മുമ്പ്് തയാറാക്കുമെന്ന് അഖിലേന്ത്യാ സാങ്കേതിക വിദ്യാഭ്യാസ കൗണ്‍സില്‍ ഉപാധ്യക്ഷന്‍ ഡോ. പി എം പൂണിയ അറിയിച്ചു.

അങ്കമാലി എംഎല്‍എ റോജി എം ജോണ്‍, എഐസിടിഇ ഡയറക്ടര്‍ രമേഷ് ഉണ്ണികൃഷ്ണന്‍, നാഷണല്‍ സര്‍വ്വീസ് സ്‌കീം ടെക്‌നിക്കല്‍ സെല്‍ സംസ്ഥാന കോര്‍ഡിനേറ്റര്‍ അബ്ദുള്‍ ജബ്ബാര്‍ അഹമ്മദ്, അങ്കമാലി ഫെഡറല്‍ ഇന്‍സ്റ്റിറ്റിയൂട്ട് ചെയര്‍മാന്‍ പോള്‍ മുണ്ടാടന്‍ എന്നിവര്‍ സന്നിഹിതരായിരുന്നു.

തെരഞ്ഞെടുപ്പും തെരഞ്ഞെടുപ്പ് അനുബന്ധ പ്രക്രിയകള്‍ എന്ന വിഷയത്തില്‍ ഇന്ത്യന്‍ തെരഞ്ഞെടുപ്പ്  കമ്മീഷന്‍ അഖിലേന്ത്യാടിസ്ഥാനത്തില്‍ നടത്തുന്ന ക്വിസ് മത്സരത്തില്‍ പങ്കെടുക്കുവാന്‍ അവസരം.

ജില്ലയില്‍ തലശ്ശേരി, കണ്ണൂര്‍, തളിപ്പറമ്പ്, ഇരിട്ടി താലൂക്കുകളില്‍ നവംബര്‍ 10ന് മത്സരം നടത്തുമെന്ന് ഡെപ്യൂട്ടി കലക്ടര്‍ (ഇലക്ഷന്‍ ) അറിയിച്ചു. സ്‌കൂള്‍ അധികൃതര്‍ തെരഞ്ഞെടുത്ത രണ്ട് വിദ്യാര്‍ത്ഥികളെ അന്നേ ദിവസം മത്സരത്തില്‍ പങ്കെടുപ്പിക്കുന്നതിനുള്ള നടപടികള്‍ സ്വീകരിക്കണം. കൂടുതല്‍ വിവരങ്ങള്‍ക്ക് അതാത് താലൂക്ക് ഓഫീസിലെ ഇലക്ഷന്‍ വിഭാഗവുമായി ബന്ധപ്പെടണം.

സി ഡിറ്റിന്റെ മേലെ ചൊവ്വ പഠനകേന്ദ്രത്തില്‍ ആരംഭിക്കുന്ന ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍, വേഡ്‌പ്രൊസസിങ്ങ്, ഡി ടി പി, ഡാറ്റാ എന്‍ട്രി   ഓപ്പറേറ്റര്‍, അക്കൗണ്ടിങ്ങ്, എം എസ് ഓഫീസ് എന്നീ കോഴ്‌സുകള്‍ക്ക് എസ് എസ് എല്‍ സി യോഗ്യതയുളളവരില്‍ നിന്ന് അപേക്ഷ ക്ഷണിച്ചു.  

എസ് സി എസ് ടി വിഭാഗത്തില്‍പെട്ടവര്‍ക്ക് ഫീസിളവ് ലഭിക്കും.  അപേക്ഷാ ഫോറവും വിശദവിവരങ്ങളും സി ഡിറ്റ് പഠനകേന്ദ്രം, ചൊവ്വ ശിവക്ഷേത്രത്തിന് എതിര്‍വശം, മേലെ ചൊവ്വ എന്ന വിലാസത്തില്‍ ലഭിക്കും.  ഫോണ്‍: 0497 2729877.

പി എന്‍ സി/4243/2017
 

ബാങ്ക് വായ്പ കുടിശ്ശിക ഈടാക്കുന്നതിനായി ജപ്തി ചെയ്ത എളയാവൂര്‍ അംശം ചൊവ്വ ദേശത്തെ റി.സ.20 405 ആര്‍ കെട്ടിടം 20 ന് രാവിലെ 11 മണിക്ക് കണ്ണൂര്‍ താലൂക്ക് ഓഫീസില്‍ ലേലം ചെയ്യും.

കൂടുതല്‍ വിവരങ്ങള്‍ താലൂക്ക് ഓഫീസില്‍ ലഭിക്കും.

പി എന്‍ സി/4242/2017
 

ആറളം ഫാം ഗവ. ഹൈസ്‌കൂളില്‍ സ്മാര്‍ട്ട് ക്ലാസ് മുറിയുടെ ഉദ്ഘാടനം പി കെ ശ്രീമതി ടീച്ചര്‍ എംപി നിര്‍വഹിച്ചു. സ്‌കൂളില്‍ ആരംഭിക്കുന്ന അമ്പെയ്ത്ത് പരിശീലനം ജില്ലാ കലക്ടര്‍ മീര്‍ മുഹമ്മദലി ഉദ്ഘാടനം ചെയ്തു.

പളളിക്കുന്ന് ഇലക്ട്രിക്കല്‍ സെക്ഷന്‍ പരിധിയിലെ മണല്‍, പളള്യാംമൂല, ചാലിക്കാവ്, കെ വി പാലം, കൊട്ടേക്കന്‍ പീടിക, ചാക്കാട്ടില്‍പിടിക, ചാലാട്, ദിനേശ്, ഒറ്റതെങ്ങ്, കാനത്തൂര്‍ റോഡ്, റെഡ് ബില്‍ഡിങ്ങ് ഭാഗങ്ങളില്‍ ഇന്ന് (നവംബര്‍ 9) രാവിലെ 9 മുതല്‍ വൈകിട്ട് 5 മണി വരെ വൈദ്യുതി മുടങ്ങും.

മട്ടന്നൂര്‍ ഇലക്ട്രിക്കല്‍ സെക്ഷന്‍ പരിധിയിലെ നാഗവളവ്, കുമ്മാനം, തെരൂര്‍, പാലയോട് ഭാഗങ്ങളില്‍ ഇന്ന് (നവംബര്‍ 9) രാവിലെ 8.30 മുതല്‍ വൈകിട്ട് 6 മണി വരെയും ഒളവര, ഇരുപത്തൊന്നാം മൈല്‍, നരയന്‍പാറ ഭാഗങ്ങളില്‍ രാവിലെ 9 മുതല്‍ വൈകിട്ട 5 മണി വരെയും  വൈദ്യുതി മുടങ്ങും.

കേന്ദ്ര ടെക്‌സ്റ്റൈല്‍ മന്ത്രാലയത്തിന്റെ കീഴിലുളള ടെക്‌സ്റ്റൈല്‍ കമ്മീഷണര്‍ ഓഫീസ് പവര്‍ലൂം സര്‍വിസ് സെന്ററില്‍ തയ്യല്‍ പരിശീലന കോഴ്‌സിന്റെ പുതിയ ബാച്ചിലേക്ക് അപേക്ഷ ക്ഷണിച്ചു.  രണ്ടു മാസത്തെ പരിശീലനത്തിന് 18 വയസ് പൂര്‍ത്തിയായവര്‍ക്ക് അപേക്ഷിക്കാം.

താല്‍പര്യമുളളവര്‍ 20 ന് മുമ്പ് മരക്കാര്‍കണ്ടിയിലുളള പവര്‍ലൂം സര്‍വീസ് സെന്ററില്‍ ആധാര്‍ കാര്‍ഡിന്റെയും എസ് എസ് എല്‍ സി ബുക്കിന്റെയും പകര്‍പ്പും ഫീസായ 1500 രൂപയും പാസ്‌പോര്‍ട്ട് സൈസ് ഫോട്ടോയും സഹിതം നേരിട്ട് ഹാജരാകണം.  ഫോണ്‍: 0497 2734950.

പി എന്‍ സി/4239/2017
 

ഇന്ത്യന്‍ കൗണ്‍സില്‍ ഫോര്‍ ചൈല്‍ഡ് വെല്‍ഫെയര്‍ സംഘടിപ്പിക്കുന്ന ദേശീയ ബാലചിത്രരചന മത്സരത്തിന്റെ ഭാഗമായി കണ്ണൂര്‍ ജില്ലാതല മത്സരം 19 ന് രാവിലെ 10 മണിക്ക് കണ്ണൂര്‍ മുനിസിപ്പല്‍ വൊക്കേഷണല്‍ ഹയര്‍ സെക്കണ്ടറി സ്‌കൂളില്‍ നടക്കും.  

ജില്ലാ ശിശുക്ഷേമസമിതിയുടെ നേതൃത്വത്തിലാണ് മത്സരം.  5 വയസ് മുതല്‍ 8 വയസ് വരെ, 9 വയസ് മുതല്‍ 12 വയസ് വരെ, 13 മുതല്‍ 16 വയസു വരെയുളള കുട്ടികള്‍ക്ക് പങ്കെടുക്കാം.  ഭിന്നശേഷി വിഭാഗത്തിലുളള കുട്ടികള്‍ക്ക് പ്രതേ്യക മത്സരമുണ്ട്.  വരക്കാനുളള കടലാസ് ശിശുക്ഷേമ സമിതി നല്‍കും.  പേസ്റ്റല്‍ ക്രയോണ്‍, വാക്കര്‍ കളര്‍, എണ്ണച്ചായം എന്നിവ ചിത്രരചനക്ക് ഉപയോഗിക്കാം.  

ഇന്ത്യന്‍ സായുധ സേനയിലെ എം ഇ ജി യില്‍ വിവിധ ഒഴിവുകളിലേക്ക് 21 മുതല്‍ 28 വരെ എം ഇ ജി സെന്ററില്‍(ബാംഗ്ലൂര്‍) യൂണിറ്റി ഹെഡ് ക്വാര്‍ട്ടര്‍ ക്വാട്ട റിക്രൂട്ട്‌മെന്റ് റാലി നടത്തുന്നു.

താല്‍പര്യമുളള വിമുക്തഭടന്‍മാരായ ഉദേ്യാഗാര്‍ത്ഥികള്‍ നേരിട്ട് 21 ന് രാവിലെ 5 മണിക്ക് എം ഇ ജി സെന്ററില്‍ റിപ്പോര്‍ട്ട് ചെയ്യേണ്ടതാണെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു. കൂടുതല്‍ വിവരങ്ങള്‍ ജില്ലാ സൈനിക ഓഫീസില്‍ ലഭിക്കും.  ഫോണ്‍: 0497 2700069.

പി എന്‍ സി/4237/2017