ജില്ലാ പഞ്ചായത്ത് സമഗ്ര വിദ്യാഭ്യാസ പദ്ധതിയുടെ ഭാഗമായി നടപ്പിലാക്കുന്ന ഇ മുകുളം പദ്ധതിയുടെ  ഉദ്ഘാടനവും പദ്ധതി വിശദീകരണ യോഗവും നവംബര്‍ 16 ഉച്ചക്ക് 2 മണിക്ക് ജില്ലാ പഞ്ചായത്ത് ഹാളില്‍ ചേരും.  യോഗത്തില്‍ ജില്ലയിലെ ഗവ./എയിഡഡ് ഹൈസ്‌കൂളിലെ പ്രധാനാധ്യാപകരും പി ടി എ പ്രസിഡണ്ടുമാരും വിദ്യാഭ്യാസ ഓഫീസര്‍മാരും പങ്കെടുക്കണമെന്ന് ജില്ലാ പഞ്ചായത്ത് പ്രസിഡണ്ട്  അറിയിച്ചു.
പി എന്‍ സി/4303/2017
 

കണ്ണൂര്‍ ഗവ.ഐ ടി ഐ യില്‍ ആരംഭിക്കുന്ന നോര്‍ക്ക റൂട്ട്‌സ് തൊഴില്‍ വൈദഗ്ധ്യ പരിശീലനത്തിന് ഓട്ടോകാഡ് 2ഡി & 3ഡി, ടോട്ടല്‍ സ്റ്റേഷന്‍, ടിഗ് & മിഗ് വെല്‍ഡിംഗ്, ഇന്‍ഡസ്ട്രിയല്‍ ഇലക്ട്രീഷ്യന്‍, ഓട്ടോമൊബൈല്‍ ടെക്‌നീഷ്യന്‍ എന്നീ കോഴ്‌സുകളില്‍ സീറ്റ് ഒഴിവുണ്ട്.  അപേക്ഷാ ഫോറവും വിശദ വിവരങ്ങളും www.norkaroots.net എന്ന വെബ്‌സൈറ്റിലും ഐ ടി ഐ യിലും ലഭിക്കും.  കോഴ്‌സ് ഫീസ് 2360 രൂപ.  അവസാന തീയതി: നവംബര്‍ 18.
പി എന്‍ സി/4303/2017

കുടുംബശ്രീ ജില്ലാമിഷന്‍ ദീന്‍ ദയാല്‍ ഉപാധ്യായ ഗ്രാമീണ്‍ കൗശല്യ യോജനയുമായി സഹകരിച്ച് 18 ന് രാവിലെ 10 മണി മുതല്‍ 1 മണി വരെ തളിപ്പറമ്പ് ഡ്രീം പാലസ് ഓഡിറ്റോറിയത്തില്‍ പി എന്‍ സി/4303/2017 18 നും 35 നും ഇടയില്‍ പ്രായമുള്ള പത്താംക്ലാസ്സ് മുതല്‍ ബിരുദാനന്തര ബിരുദം വരെ യോഗ്യതയുള്ള യുവതീയുവാക്കള്‍ക്കായി തൊഴില്‍ മേളയും ഡി ഡി യു ജി കെ വൈ പദ്ധതിയില്‍ അംഗമായി നൈപുണ്യ പരിശീലനം നേടാനാഗ്രഹിക്കുന്നവര്‍ക്കായി രജിസ്‌ട്രേഷനും നടത്തുന്നു.

 കണ്ണൂര്‍ താലൂക്കിലെ ചെറുതാഴം വില്ലേജിലുളള പുത്തരിക്കാവ് ഭഗവതി ക്ഷേത്രത്തിലും കീഴറ വില്ലേജിലുളള കീഴറ പുളിത്തറമ്മല്‍ ഭഗവതി ക്ഷേത്രത്തിലും പാരമ്പര്യേതര ട്രസ്റ്റിമാരുടെ ഒഴിവിലേക്ക് നിയമിക്കപ്പെടുന്നതിന് ഹിന്ദുമത വിശ്വാസികളായ ക്ഷേത്ര പരിസരവാസികളില്‍ നിന്ന് അപേക്ഷ ക്ഷണിച്ചു.   പൂരിപ്പിച്ച അപേക്ഷകള്‍ 27 ന് വൈകിട്ട് 5 മണിക്ക് മുമ്പ് തലശ്ശേരി അസി.കമ്മീഷണറുടെ ഓഫീസില്‍ ലഭിക്കണം.  അപേക്ഷാ ഫോറം പ്രസ്തുത ഓഫീസില്‍ നിന്ന് എല്ലാ പ്രവൃത്തി ദിവസങ്ങളിലും ലഭിക്കും.

നിയമസഭയുടെ പരിസ്ഥിതി സമിതി (2016 -19), നവംബര്‍ 23ന് രാവിലെ 11 മണിക്ക് നിയമസസഭാ സമുച്ചയത്തിലെ 5 ഡി സമ്മേളനഹാളില്‍ യോഗം ചേരും.  മൂക്കുന്നിമലയിലെ അനധികൃത ക്വാറി/ക്രഷര്‍ പ്രവര്‍ത്തനത്തിനെതിരെയും വെളളായണി കായലിന്റെ മലിനീകരണം സംബന്ധിച്ചും സമിതിക്കു ലഭിച്ച പരാതികളിന്മേല്‍ ബന്ധപ്പെട്ട വകുപ്പുദ്യോഗസ്ഥരില്‍ നിന്നും തെളിവെടുപ്പ് നടത്തി ഈ സ്ഥലങ്ങള്‍ സന്ദര്‍ശിക്കും.

പി.എന്‍.എക്‌സ്.4862/17

* അബ്കാരി തൊഴിലാളി ക്ഷേമനിധി ബോര്‍ഡ് സ്‌കോളര്‍ഷിപ്പ് വിതരണവും 

അംഗത്വകാര്‍ഡ് വിതരണവും നിര്‍വഹിച്ചു

സുപ്രീം കോടതി വിധിപ്രകാരം കേരളത്തില്‍ മദ്യശാലകള്‍ പൂട്ടേണ്ടിവന്നപ്പോഴും തൊഴിലാളികളുടെ ജോലി സംരക്ഷിക്കുന്ന നിലപാടാണ് സര്‍ക്കാര്‍ കൈക്കൊണ്ടതെന്ന് തൊഴിലും നൈപുണ്യവും, എക്‌സൈസും വകുപ്പ് മന്ത്രി ടി.പി. രാമകൃഷ്ണന്‍ . കേരള അബ്കാരി തൊഴിലാളി ക്ഷേമനിധി ബോര്‍ഡിന്റെ ആഭിമുഖ്യത്തില്‍ സംഘടിപ്പിച്ച വിദ്യാഭ്യാസ സ്‌കോളര്‍ഷിപ്പ്  വിതരണം,  ലേബലിംഗ് തൊഴിലാളികളുടെ അംഗത്വകാര്‍ഡ് വിതരണം എന്നിവയുടെ  ഉദ്ഘാടനം നിര്‍വ്വഹിക്കുകയായിരുന്നു അദ്ദേഹം.

സംസ്ഥാനത്ത് ഹയര്‍ സെക്കന്ററി വിദ്യാഭ്യാസ മേഖലയില്‍ ഒന്നും രണ്ടും വര്‍ഷ വിദ്യാര്‍ത്ഥികള്‍ക്കായി നടത്തുന്ന പാദവാര്‍ഷിക പരീക്ഷകളുടെ ഭാഗമായി ചോദ്യപേപ്പര്‍ സര്‍ക്കാര്‍ / എയ്ഡഡ് / അണ്‍ - എയ്ഡഡ് സ്‌കൂളുകള്‍ക്ക് വിതരണം ചെയ്യുന്നതിന് കുട്ടികളില്‍ നിന്ന് യാതൊരു ഫീസും ഈടാക്കരുതെന്ന് ബോര്‍ഡ് ഓഫ് ഹയര്‍ സെക്കന്‍ഡറി എക്‌സാമിനേഷന്‍സ് സെക്രട്ടറി അറിയിച്ചു.സ്‌കൂള്‍ അധികൃതര്‍ ഫീസ് ഈടാക്കിയാല്‍ വിവരം രേഖകള്‍ സഹിതം ഹയര്‍ സെക്കന്‍ഡറി വിദ്യാഭ്യാസ വകുപ്പ് പരീക്ഷ സെക്രട്ടറിക്ക് നല്‍കണം.

പി.എന്‍.എക്‌സ്.4860/17

കേരള സംസ്ഥാന വികലാംഗക്ഷേമ കോര്‍പ്പറേഷന്‍ 2017-ലെ എസ്.എസ്.എല്‍.സി, പ്ലസ് ടു പരീക്ഷകളില്‍ എല്ലാ വിഷയങ്ങള്‍ക്കും ബി ഗ്രേഡോ  മുകളിലോ ലഭിച്ച ഭിന്നശേഷിക്കാരായ വിദ്യാര്‍ത്ഥികള്‍ക്ക് 2500/- രൂപാ വീതം ക്യാഷ് അവാര്‍ഡ് നല്‍കും.  40 ശതമാനമോ അതിനു മുകളിലോ ഭിന്നശേഷിത്വം ഉള്ളവരും, വാര്‍ഷിക വരുമാനം ഒരു ലക്ഷം രൂപയില്‍ താഴെയുളളതുമായ ഭിന്നശേഷിക്കാര്‍ മാനേജിംഗ് ഡയറക്ടര്‍, കേരള സംസ്ഥാന വികലാംഗക്ഷേമ കോര്‍പ്പറേഷന്‍, പൂജപ്പുര, തിരുവനന്തപുരം എന്ന വിലാസത്തില്‍ നവംബര്‍ 31 നകം അപേക്ഷ നല്‍കണം. അപേക്ഷാ ഫോറം www.hpwc.kerala.gov.in ല്‍ ലഭ്യമാണ്. ഫോണ്‍ : 0471 - 2347768.

പി.എന്‍.എക്‌സ്.4859/17

ജോലി ഏതായാലും അതിനാവശ്യമായ സൂക്ഷ്മശേഷികള്‍ ഉദ്യോഗസ്ഥര്‍ക്ക് ഉണ്ടാകണമെന്ന് ഭരണപരിഷ്‌കാര കമ്മീഷന്‍ ചെയര്‍മാന്‍ വി.എസ്. അച്യുതാനന്ദന്‍ അഭിപ്രായപ്പെട്ടു. സംസ്ഥാനത്തെ ഉദ്യോഗസ്ഥശേഷി വികസനം സംബന്ധിച്ച് ഭരണ പരിഷ്‌കാര കമ്മീഷന്‍ സംഘടിപ്പിച്ച ശില്‍പശാലയില്‍ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം. സര്‍ക്കാരിന്റെ മുഖമായി ജനങ്ങള്‍ ഇടപെടുന്നത് ഉദ്യോഗസ്ഥന്‍മാരുമായാണ്. ജനങ്ങളുമായുള്ള ഇടപെടല്‍ ഒരു കലയാണ്. അതുകൊണ്ടുതന്നെ നമ്മുടെ ഭാഷയും ശരീരഭാഷയും പ്രധാനമാണ്. 

കേരള വാട്ടര്‍ അതോറിറ്റിയിലെ ആരോഗ്യ ഇന്‍ഷ്വറന്‍സ് പദ്ധതിയില്‍ അംഗമായിട്ടുള്ള ജീവനക്കാര്‍, പെന്‍ഷന്‍കാര്‍, അവരുടെ കുടുംബാംഗങ്ങള്‍ എന്നിവര്‍ക്കായി നാളെ (നവംബര്‍17) രാവിലെ പത്ത് മുതല്‍ ഉച്ചയ്ക്ക് ഒന്നര വരെ കേരള വാട്ടര്‍ അതോറിറ്റിയുടെ പത്തനംതിട്ട പി.എച്ച് ഡിവിഷനില്‍ സൗജന്യ മെഡിക്കല്‍ ക്യാമ്പ് സംഘടിപ്പിക്കും. ഹെല്‍ത്ത് കാര്‍ഡ് കൈപ്പറ്റാത്ത പെന്‍ഷന്‍കാര്‍ക്ക് അന്നേ ദിവസം ഹെല്‍ത്ത് കാര്‍ഡ് നല്‍കും.