അഞ്ച് വര്‍ഷത്തില്‍ താഴെ പഴക്കമുള്ള മുഖത്തെ കറുത്തപാടിനും കരുവാളിപ്പിനും തിരുവനന്തപുരം ഗവ: ആയുര്‍വേദ കോളേജ് ആശുപത്രിയിലെ രസശാസ്ത്ര ഭൈഷജ്യകല്‍പനാ വിഭാഗം റിസര്‍ച്ച് ഒ.പി. യില്‍ (1-ാം  നമ്പര്‍ ഒ.പി) ചൊവ്വ, വെള്ളി, ശനി ദിവസങ്ങളില്‍ രാവിലെ 8  മണി മുതല്‍ 12.30 വരെ ഗവേഷണാടിസ്ഥാനത്തിലുള്ള ചികിത്സ ലഭിക്കും. 20 നും 50 വയസിനുമിടയില്‍ പ്രായമുള്ളവര്‍ക്ക് രജിസ്റ്റര്‍ ചെയ്യാം. ഫോണ്‍ : 9497768443.

പി.എന്‍.എക്‌സ്.4743/17

തിരുവനന്തപുരം വട്ടിയൂര്‍ക്കാവ് സെന്‍ട്രല്‍ പോളിടെക്‌നിക് കോളേജിലെ കണ്ടിന്യൂയിംഗ് എഡ്യൂക്കേഷന്‍ സെല്ലില്‍ ആരംഭിക്കുന്ന ഡിപ്ലോമ ഇന്‍ ഫാഷന്‍ ടെക്‌നോളജി, കംപ്യൂട്ടറൈസ്ഡ് ഫിനാന്‍ഷ്യല്‍ അക്കൗണ്ടിംഗ് (ടാലി),  കോഴ്‌സുകളിലേക്ക് അപേക്ഷ ക്ഷണിച്ചു. അപേക്ഷാഫാറവും കൂടുതല്‍ വിവരങ്ങളും കണ്ടിന്യൂയിംഗ് എഡ്യൂക്കേഷന്‍ സെല്‍ ഓഫീസില്‍ നിന്നും ലഭിക്കും. ഫോണ്‍: 0471 -2360611 

പി.എന്‍.എക്‌സ്.4742/17

പിന്നാക്ക വിഭാഗ ഉദ്യോഗാര്‍ത്ഥികള്‍ക്ക് കേന്ദ്ര സംസ്ഥാന പൊതു മേഖലാ സ്ഥാപനങ്ങളില്‍ ജോലി ലഭിക്കുന്നതിനുളള വിവിധ മത്സര പരീക്ഷാ പരിശീലനത്തിന് ധനസഹായം നല്‍കുന്ന എംപ്ലോയബിലിറ്റി എന്‍ഹാന്‍സ്‌മെന്റ് പ്രോഗ്രാമിന് അപേക്ഷ ക്ഷണിച്ചു.

മെഡിക്കല്‍ / എഞ്ചിനീയറിങ്ങ് എന്‍ട്രന്‍സ്, സിവില്‍ സര്‍വീസ് പരീക്ഷ, ബാങ്കിങ്ങ് സര്‍വീസ് തുടങ്ങിയ വിവിധ മത്സര പരീക്ഷ പരിശീലനത്തിന് ചേര്‍ന്നിട്ടുളളവര്‍ക്കും അപേക്ഷിക്കാം. വിശദ വിവരങ്ങള്‍ക്ക് www.bcdd.kerala.gov.in  . ഫോണ്‍ 0495-2377786.

മീസില്‍സ് റൂബെല്ല കുത്തിവെയ്പ്പ് ക്യാമ്പെയ്‌നില്‍ പിന്നിലായ ചാവക്കാട്  രാജാസ് ഹൈസ്‌കൂളില്‍ സബ് കളക്ടര്‍  ഡോ. രേണുരാജ് സന്ദര്‍ശിച്ച് പ്രിന്‍സിപ്പാളുമായി ചര്‍ച്ച നടത്തി.

അഡീഷണല്‍ ഡി.എം.ഒ ഡോ.ഉണ്ണികൃഷ്ണന്‍ സന്നിഹിതനായി.
 

ഇരിങ്ങാലക്കുട ജനറല്‍ ആശുപത്രിയില്‍ പ്രവര്‍ത്തനം ആരംഭിക്കുന്ന വണ്‍ സ്‌റ്റോപ്പ് സെന്ററില്‍ വിവിധ തസ്തികളില്‍ കരാര്‍ അടിസ്ഥാനത്തില്‍ നിയമനം നടത്തുന്നു. പ്രവൃത്തി പരിചയമുളളവര്‍ക്ക് മുന്‍ഗണന. സെക്യൂരിറ്റി ഓഫീസര്‍ ഒഴികെയുളള തസ്തികയില്‍ സ്ത്രീകള്‍ മാത്രം അപേക്ഷിച്ചാല്‍ മതി.  തസ്തിക, യോഗ്യത യഥാക്രമം :  സെന്റര്‍ അഡ്മിനിസ്‌ട്രേറ്റര്‍-നിയമം / എം.എസ്.ഡബ്യൂ ബിരുദം. സ്ഥാപനത്തില്‍ താമസിച്ച് ജോലി ചെയ്യണം. കേസ് വര്‍ക്കര്‍--നിയമം / എം.എസ്.ഡബ്യൂ ബിരുദം. സൈക്കോ സോഷ്യല്‍ കൗണ്‍സിലര്‍-ക്ലിനിക്കല്‍ സൈക്കോളജി / എം.എസ്.ഡബ്യൂ ബിരുദം.

പിന്നാക്ക വിഭാഗ വികസന വകുപ്പ് മുഖേന വിശ്വകര്‍മ്മ പെന്‍ഷന്‍ ലഭിക്കുന്ന ഗുണഭോക്താക്കള്‍ ലൈഫ് സര്‍ട്ടിഫിക്കറ്റ്, പഞ്ചായത്തില്‍ നിന്നുളള സാക്ഷ്യപത്രം എന്നിവ നവംബര്‍ 30 നകം പിന്നാക്ക വിഭാഗ വകുപ്പിന്റെ തിരുവനന്തപുരം / കോഴിക്കോട് / എറണാകുളം ഓഫീസില്‍ ലഭ്യമാക്കണം.

സര്‍ക്കാര്‍ / എയ്ഡഡ് സ്‌കൂളുകളില്‍ ഒന്നു മുതല്‍ 10 വരെ ക്ലാസ്സുകളില്‍ പഠിക്കുന്ന ഒ ഇ സി വിദ്യാര്‍ത്ഥികളുടെ വിവരങ്ങള്‍ ഓണ്‍ലൈന്‍ വഴി സമര്‍പ്പിക്കാത്ത സ്ഥാപനങ്ങള്‍ക്ക് നവംബര്‍ 20 വരെ  www.scholarship.itschool.gov.in ലോഗില്‍ ചെയ്ത വിവരങ്ങള്‍ ചേര്‍ക്കാം.

കെല്‍ട്രോണില്‍ ജാവ, ഡോട്ട്‌നെറ്റ്, ആന്‍ഡ്രോയ്ഡ്, പി എച്ച് പി, വെബ് ഡിസൈനിംങ്ങ്, ഡി സി എ, പി ജി ഡി സി എ എന്നീ കോഴ്‌സുകളിലേക്ക് അപേക്ഷ ക്ഷണിച്ചു.

പ്രോജക്ട് ഇന്റേണ്‍ഷിപ്പിന് സൗകര്യമുണ്ട്. കൂടുതല്‍ വിവരങ്ങള്‍ക്ക് ഫോണ്‍ :  0487-2337005.
 

ഭക്ഷ്യസുരക്ഷാ ഗുണനിലവാര നിയമപ്രകാരമുളള ലൈസന്‍സ് / രജിസ്‌ട്രേഷന്‍ ലഭിച്ചിട്ടില്ലാത്ത ഭക്ഷ്യ ഉല്‍പാദന, വിതരണ, വില്‍പ്പന സ്ഥാപനങ്ങള്‍ക്ക് ലൈസന്‍സ് / രജിസ്‌ട്രേഷന്‍ നല്‍കുന്നതിന് ക്യാമ്പ് സംഘടിപ്പിക്കുന്നു. നാളെ (നവംബര്‍ 8)  തൃശൂര്‍, ഒല്ലൂര്‍, സര്‍ക്കിളുകളിലെ ഭക്ഷണ വ്യാപാരികള്‍ക്ക് തൃശൂര്‍ ടൗണ്‍ഹാളിലെത്തി ലൈസന്‍സ് / രജിസ്‌ട്രേഷന്‍ കൈപ്പറ്റാം. രാവിലെ 10 മുതല്‍ 2 മണിവരെയാണ് മേള.

കുടുംബശ്രീ ജില്ലാ മിഷനില്‍ 6 മാസത്തേ ജേണലിസ്റ്റ് ഇന്റേണ്‍ഷിപ്പ് പ്രോഗ്രാമിലേക്ക് അപേക്ഷ ക്ഷണിച്ചു. ജേര്‍ണലിസത്തില്‍ ബിരുദം / ബിരുദാനന്തര ബിരുദമാണ് യോഗ്യത. ഉയര്‍ന്ന പ്രായപരിധി 30 വയസ്സ്. പ്രവര്‍ത്തിപരിചയം നിര്‍ബന്ധമില്ല. 15000 രൂപ സ്റ്റൈപ്പന്റ്.

താല്‍പര്യമുളളവര്‍ ഫോട്ടോ സഹിതമുളള ബയോഡാറ്റാ കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍, സിവില്‍ സ്റ്റേഷന്‍, അയ്യന്തോള്‍ എന്ന വിലാസത്തില്‍ നവംബര്‍ 30 നകം നല്‍കണം.