പറളി ഗ്രാമപഞ്ചായത്തിന്റെ 2017-18 വാര്‍ഷിക പദ്ധതിയില്‍ പട്ടികജാതിയില്‍പ്പെട്ടവര്‍ക്കായി വിവാഹ ധനസഹായം, സ്വയം തൊഴിലിനായി ഓട്ടോറിക്ഷ വാങ്ങല്‍ എന്നിവയ്ക്കായി അപേക്ഷ ക്ഷണിച്ചു.

അര്‍ഹതയുള്ളവര്‍ ആവശ്യമായ രേഖകള്‍ സഹിതം നവംബര്‍ 15നകം ഗ്രാമപഞ്ചായത്തില്‍ അപേക്ഷ നല്‍കണമെന്ന് സെക്രട്ടറി അറിയിച്ചു. 
 

പട്ടികജാതി വികസന വകുപ്പും ബാംഗ്ലൂര്‍ ആസ്ഥാനമായി പ്രവര്‍ത്തിക്കുന്ന എത്തിയോസ് കമ്പനിയും സഹകരിച്ച് 50 യുവാക്കള്‍ക്ക് ഹോട്ടല്‍ മേഖലയില്‍ ജോലിക്ക് അവസരമൊരുക്കുന്നു. കേന്ദ്ര സര്‍ക്കാറിന്റെ കീഴിലുള്ള ടൂറിസം ആന്‍ഡ് ഹോസ്പിറ്റാലിറ്റി സെക്ടര്‍ സ്‌കില്‍ കൗണ്‍സിലിന്റെ അംഗീകാരമുള്ള 'സര്‍ട്ടിഫിക്കറ്റ് കോഴ്‌സ് ഇന്‍ ഹൗസ് കീപ്പിങ്' (യോഗ്യത : പത്താംക്ലാസ്), 'സര്‍ട്ടിഫിക്കറ്റ് കോഴ്‌സ് ഇന്‍ ഫുഡ് ആന്‍ഡ് ബവ്‌റിജ് സര്‍വീസ്' (യോഗ്യത : പ്ലസ് ടു) കോഴ്‌സുകളിലാണ് പരിശീലനം.  രണ്ട് കോഴ്‌സുകള്‍ക്കും കെ.എ.എസ്.ഇ അംഗീകാരമുണ്ട്. 

 സാക്ഷരതാമിഷന്റെ നേതൃത്വത്തില്‍ ജില്ലയിലെ ട്രാന്‍സ്‌ജെന്‍ഡേഴ്‌സിന്റെ യോഗം ജില്ലാ പഞ്ചായത്ത് ഹാളില്‍ നവംബര്‍ എട്ട് ഉച്ചയ്ക്ക് രണ്ടിന് ചേരും. ട്രാന്‍സ്‌ജെന്‍ഡേഴ്‌സുമായി ബന്ധപ്പെട്ട് പ്രവര്‍ത്തിക്കുന്ന സംഘടനകളും പ്രവര്‍ത്തകരും പങ്കെടുക്കണമെന്ന് സാക്ഷരതാമിഷന്‍ ജില്ലാ കോഡിനേറ്റര്‍ അറിയിച്ചു.

'സമന്വയ' ട്രാന്‍സ്‌ജെന്‍ഡര്‍ തുടര്‍ വിദ്യാഭ്യാസ പരിപാടിയോടനുബന്ധിച്ച് പത്താം തരം-ഹയര്‍സെക്കന്‍ഡറി കോഴ്‌സുകള്‍ക്ക് ട്രാന്‍സ്‌ജെന്‍ഡേഴ്‌സിന് അപേക്ഷിക്കാം.
 

മലമ്പുഴ നിയോജക മണ്ഡലത്തില്‍ 81.74 കോടിയുടെ പൊതുമരാമത്ത് പ്രവൃത്തികള്‍ രണ്ട് വര്‍ഷത്തിനകം നടപ്പാക്കിയതായി വി.എസ്.അച്ചുതാനന്ദന്‍ എം.എല്‍.എ അറിയിച്ചു. 2015-16ലെ ബജറ്റില്‍ ഉള്‍പ്പെടുത്തിയ മുണ്ടൂര്‍-കൂട്ടുപാത-കീഴ്പ്പാടം-ഒമ്പതാംമൈല്‍ റോഡ് നവീകരണം തുടങ്ങി. മരുതറോഡ് -കല്ലേപ്പുള്ളി-നരകംപുള്ളി റോഡ് നവീകരണവും രണ്ട് കോടി ചെലവില്‍ പൂര്‍ത്തിയാക്കി . മന്തക്കാട്-മലമ്പുഴ ഡാം റോഡ് നവീകരണത്തിന്റെ ആദ്യഘട്ടം ഒരു കോടി ചെലവില്‍ പുരോഗമിക്കുകയാണ്. 

കുട്ടികളെ അനധികൃതമായി കൈമാറ്റം ചെയ്യുന്നതും വില്‍പ്പന നടത്തുന്നതും തടയുന്നത് ലക്ഷ്യമിട്ട് ആശുപത്രി ജീവനക്കാര്‍ക്ക് ദത്തെടുക്കല്‍ നിയമം സംബന്ധിച്ച്  ബോധവത്കരണം നടത്തി. ജില്ലയിലെ സര്‍ക്കാര്‍-സര്‍ക്കാരിതര ആശുപത്രികളിലെ ഡോക്ടര്‍മാര്‍, നേഴ്സുമാര്‍, പാരാമെഡിക്കല്‍ ജീവനക്കാര്‍ എന്നിവര്‍ക്കായി ജില്ലാ ശിശു സംരക്ഷണ യൂനിറ്റിന്റെ നേതൃത്വത്തിലാണ് പരിശീലനം നല്‍കിയത്. ജില്ലാ മെഡിക്കല്‍ ഓഫീസര്‍ ഡോ.കെ.പി റീത്ത ഉദ്ഘാടനം ചെയ്തു.ജില്ലാ ശിശു സംരക്ഷണ ഓഫീസര്‍ കെ.ആനന്ദന്‍, ഇന്ത്യന്‍ മെഡിക്കല്‍ അസോസിയേഷന്റെ പ്രതിനിധികളായ ഡോ.

തെരഞ്ഞെടുപ്പ് കമ്മീഷന്‍ സ്വീപ് 2017 പരിപാടിയുമായി ബന്ധപ്പെട്ട് ഒമ്പത് മുതല്‍ 12-ാം ക്ലാസ് വരെയുള്ള വിദ്യാര്‍ഥികളെ ഉള്‍പ്പെടുത്തി 'ഇലക്ഷന്‍ ആന്‍ഡ് ഇലക്ടറല്‍ പ്രൊസസ്' വിഷയത്തില്‍ താലൂക്ക് തലത്തില്‍ ഇന്‍ട്രാ സ്‌കൂള്‍ ക്വിസ് മത്സരം നടത്തും. കലക്ടറേറ്റ് സമ്മേളഹാളില്‍ നവംബര്‍ ഒമ്പതിന് രാവിലെ 10നാണ് മത്സരം. ഒരു സ്‌കൂളില്‍ നിന്നും രണ്ട് വീതം വിദ്യാര്‍ഥികള്‍ക്ക് പങ്കെടുക്കാം.

താത്പര്യമുള്ളവര്‍ ബന്ധപ്പെട്ട സ്‌കൂള്‍ പ്രിന്‍സിപ്പല്‍/പ്രധാനാധ്യാപകന്റെ കത്ത് സഹിതം മത്സരത്തിനെത്തണമെന്ന് ഇലക്ടറല്‍ രജിസ്‌ട്രേഷന്‍ ഓഫീസര്‍ കൂടിയായ പാലക്കാട് തഹസില്‍ദാര്‍ അറിയിച്ചു.

2017 ഡിസംബര്‍ രണ്ടാംവാരത്തോടെ പട്ടയ വിതരണമേള മുന്നില്‍ കണ്ട് ജില്ലയിലെ ലാന്‍ഡ് ട്രിബ്യൂനലിന്റെ പരിഗണനയിലുളളതുള്‍പ്പെടെയുളള പട്ടയങ്ങളുടെ വിതരണ നടപടികള്‍ വേഗത്തില്‍ പൂര്‍ത്തിയാക്കണമെന്ന് റവന്യൂ മന്ത്രി ഇ. ചന്ദ്രശേഖരന്‍ റവന്യൂ ഉദ്യോഗസ്ഥര്‍ക്ക് നിര്‍ദ്ദേശം നല്‍കി. ജില്ലാ കലക്ടറുടെ ചേബറില്‍ ചേര്‍ന്ന അവലോകനയോഗത്തിലാണ് മന്ത്രി നിര്‍ദ്ദേശം നല്‍കിയത്.

ചെന്നീര്‍ക്കര ഗ്രാമപഞ്ചായത്തിലെ നികുതിദായകരുടെ സൗകര്യാര്‍ഥം കെട്ടിട        നികുതി, തൊഴില്‍ നികുതി, ലൈസന്‍സ് ഫീസ് എന്നിവ നാളെ (എട്ട്) മുതല്‍ 15 വരെ രാവിലെ 10.30 മുതല്‍ ഉച്ചയ്ക്ക് 2.30 വരെ വിവിധ കേന്ദ്രങ്ങളില്‍ സ്വീകരിക്കും.

സര്‍വ ശിക്ഷാ അഭിയാന്‍ നടപ്പാക്കുന്ന ഒന്നാം ക്ലാസ് ഒന്നാംതരം വായനക്കാര്‍ എന്ന പദ്ധതിയോട് ചേര്‍ന്ന് വള്ളിക്കോട് പഞ്ചായത്തിലെ വയലാ വടക്ക് ഗവണ്‍മെന്റ് എല്‍പി സ്‌കൂളില്‍ പിടിഎയുടെ ആഭിമുഖ്യത്തചന്റ പുസ്തക ശേഖരണം ആരംഭിച്ചു. പരിപാടിയുടെ    ഉദ്ഘാടനം കോന്നി ബ്ലോക്ക് പഞ്ചായത്ത് വൈസ്പ്രസിഡന്റ് റോസമ്മ ബാബുജി നിര്‍വഹിച്ചു.

ജില്ലാ പഞ്ചായത്തിന്റെ 2016-17 വാര്‍ഷിക പദ്ധതിയില്‍ ഉള്‍പ്പെടുത്തി 13 ലക്ഷം രൂപ ചെലവഴിച്ച് കോയിപ്രം ഗവണ്‍മെന്റ് ഹയര്‍ സെക്കന്‍ഡറി സ്‌കൂളില്‍ നിര്‍മിച്ച അഞ്ച് സ്മാര്‍ട്ട് ക്ലാസ് റൂമുകളുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി നിര്‍വഹിച്ചു.