കുറ്റ്യാടി മണ്ഡലത്തിലെ മണിമല നാളികേര പാർക്കിൽ പ്രവൃത്തി  പൂർത്തീകരിച്ച ഒന്നാംഘട്ടത്തിന്റെ ഉദ്ഘാടനം കെ പി കുഞ്ഞമ്മദ് കുട്ടി മാസ്റ്റർ എം.എൽ.എ നിർവഹിച്ചു. ചടങ്ങിൽ കുന്നുമ്മൽ ബ്ലോക്ക് പഞ്ചായത്ത് പ്രസിഡന്റ്‌ കെ ശശീന്ദ്രൻ, വേളം ഗ്രാമപഞ്ചായത്ത് പ്രസിഡന്റ് കെ സി  മുജീബ് റഹ്മാൻ, ബ്ലോക്ക് അംഗം കെ കെ അബ്ദുല്ല, പഞ്ചായത്ത് അംഗങ്ങളായ വി എം ദിനേശൻ, കെ സുരേഷ്, സൗദ, പി ടി ജയന്തി, രാഷ്ട്രീയ പാർട്ടി പ്രതിനിധികളായ പി എം കുമാരൻ, ഇ കെ നാണു, സി രാജീവൻ, ഗംഗാധരൻ എന്നിവർ സംസാരിച്ചു.

സംസ്ഥാന സാക്ഷരതാ മിഷൻ അതോറിറ്റി കാഴ്ച പരിമിതർക്കായി നടപ്പാക്കുന്ന ബ്രെയിൽ സാക്ഷരതാ പദ്ധതിക്ക് ജില്ലയിൽ തുടക്കമായി. പദ്ധതിയുടെ ജില്ലാതല ഉദ്ഘാടനം കലക്ടറേറ്റ് കോൺഫറൻസ് ഹാളിൽ ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണൻ നിർവഹിച്ചു. കേരള ഫെഡറേഷൻ ഓഫ് ബ്ലൈൻഡിന്റെ സഹകരണത്തോടെയാണ് പദ്ധതി നടപ്പിലാക്കുന്നത്. പദ്ധതിക്ക് വേണ്ടി നടത്തിയ സർവ്വേയിലൂടെ ബ്രെയിൽ ലിപി പരിശീലിക്കാൻ 59 പേർ രജിസ്ട്രേഷൻ നടത്തിയിരുന്നു. റെസിഡൻഷ്യൽ പരിശീലന ക്യാമ്പുകൾ നടത്തി ബ്രെയിൽ സാക്ഷരതാ പദ്ധതി പൂർത്തീകരിക്കുമെന്ന് അധികൃതർ അറിയിച്ചു.

നന്മണ്ട ഗ്രാമപഞ്ചായത്ത് 8-ാം വാർഡിലെ പേരാറ്റുംപൊയിൽ -കാടംകുനി റോഡ് വനം-വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രൻ ഉദ്ഘാടനം ചെയ്തു. മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ ഉൾപ്പെടുത്തി 15 ലക്ഷം രൂപ വിനിയോഗിച്ചാണ് റോഡ് നിർമിച്ചത്. 

ജില്ലയിലെ കുടുംബശ്രീ മുൻ സിഡിഎസ് ചെയർപേഴ്സൺമാർക്ക് യാത്രയയപ്പും ഇഫ്താർ വിരുന്നും നൽകി. കൽപ്പറ്റ ഡി ആൻഡ് സിയിൽ നടന്ന യാത്രയയപ്പ് കുടുംബശ്രീ ജില്ലാ മിഷൻ കോ- ഓർഡിനേറ്റർ കെ.പി ജയചന്ദ്രൻ ഉദ്ഘാടനം ചെയ്തു. കുടുംബശ്രീ മിഷന്റെ വളർച്ചയിൽ ഏറ്റവും ശകതമായ സ്വാധീനം ചെലുത്തി ദാരിദ്രനിർമാർജനത്തിനും സ്ത്രീ സംരംഭകരെ വളർത്തി എടുക്കുന്നതിനും കുടുംബശ്രീയുടെ പ്രവർത്തങ്ങളുടെ നേതൃത്വം വഹിച്ച ശേഷമാണ് പടിയിറക്കം. പരിപാടിയിൽ ചെയർപേഴസൺമാർക്ക് സ്നേഹോപഹാരം നൽകി.

ചേളന്നൂർ ഗ്രാമപഞ്ചായത്ത് 21-ാംവാർഡിലെ പുതിയടത്ത് താഴം -ചെമ്മാട്ട് മീത്തൽ റോഡിന്റെ ഉദ്ഘാടനവും പുത്തലത്ത് താഴം കൃഷിഭവൻ റോഡിന്റെ നവീകരണ പ്രവൃത്തി ഉദ്ഘാടനവും വനം-വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രൻ നിർവഹിച്ചു. മുഖ്യമന്ത്രിയുടെ ഗ്രാമീണ റോഡ് പുനരുദ്ധാരണ ഫണ്ടിൽ ഉൾപ്പെടുത്തി 15 ലക്ഷം രൂപ വിനിയോഗിച്ചാണ് പുതിയടത്ത് താഴം - ചെമ്മാട്ട് മീത്തൽ റോഡിന്റെ നിർമാണം പൂർത്തീകരിച്ചത്. 20 ലക്ഷം രൂപ വിനിയോഗിച്ചാണ് പുത്തലത്ത് താഴം കൃഷിഭവൻ റോഡ് നവീകരിക്കുന്നത്. 

തദ്ദേശസ്വയംഭരണ വകുപ്പിന്റെ ആഭിമുഖ്യത്തിൽ നടപ്പാക്കുന്ന  അക്ഷരോന്നതി പദ്ധതിയുടെ ജില്ലാതല പുസ്തക വിതരണോദ്ഘാടനം  പട്ടികജാതി-പട്ടികവർഗ്ഗ-പിന്നാക്കക്ഷേമ  വകുപ്പ് മന്ത്രി ഒ.ആർ കേളു തിരുനെല്ലി മാന്താനം ഉന്നതിയിൽ നിർവഹിച്ചു.
വായനയിലൂടെ ഉന്നതിയിലേക്ക് എന്ന ലക്ഷ്യം മുൻനിർത്തി എസ് സി, എസ് ടി ഉന്നതികളിലെ സാമൂഹ്യപഠന മുറികൾ, ഹോസ്റ്റലുകൾ, എംആർഎസുകൾ,  വിജ്ഞാനവാടികൾ തുടങ്ങിയ സ്ഥലങ്ങളിൽ ലൈബ്രറികൾ ഒരുക്കി കുട്ടികളിൽ വായന ശീലം ഒരുക്കുന്ന പദ്ധതിയാണ് അക്ഷരോന്നതി. എഴുത്തുകാരൻ എം മുകുന്ദന്റെ  'മയ്യഴിപ്പുഴയുടെ തീരങ്ങളിൽ' ഊര് മൂപ്പന്മാരായ ചേമ്പൻ, കരിയൻ എന്നിവർക്ക് മന്ത്രി ഒ ആർ കേളു കൈമാറി. 

പനമ്പറ്റ ന്യൂ യു.പി. സ്‌കൂൾ പുതിയ കെട്ടിടം ഉദ്ഘാടനം ചെയ്തു 

മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയില്‍ നിന്നുള്ള 20 ലക്ഷം രൂപ വിനിയോഗിച്ച് നവീകരിച്ച മാവൂര്‍ ഗ്രാമപഞ്ചായത്തിലെ ചെരളപ്പുറം-വളയന്നൂര്‍ റോഡ് പി ടി എ റഹീം എംഎല്‍എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് സി മുനീറത്ത് അധ്യക്ഷയായി. ജില്ലാ പഞ്ചായത്ത് അംഗം ‍ ടി.കെ മുരളീധരന്‍, ബ്ലോക്ക് പഞ്ചായത്ത് അംഗം ടി.പി ഉമ്മര്‍, ഗ്രാമപഞ്ചായത്ത് മെമ്പര്‍മാരായ അഷ്റഫ് കരിയേരി, മുനീറ പൊന്നമ്പുറത്ത്, ടി.സി അജലേഷ്, പി.കെ വത്സരാജ്, മുൻ മെമ്പർ ടി.ടി കാദർ, പി ശങ്കരനാരായണൻ, കെ.സി വത്സരാജ് എന്നിവര്‍ സംസാരിച്ചു.