പട്ടാമ്പി സെന്‍ട്രല്‍ ഓര്‍ച്ചാര്‍ഡിലെ  ഓക്സിജന്‍ പര്‍ക്കിന്റെയും ഫാം ടൂറിസത്തിന്റെയും ഉദ്ഘാടനം കൃഷി വകുപ്പ് മന്ത്രി പി. പ്രസാദ് ഓണ്‍ലൈനായി നിര്‍വഹിച്ചു. ഓര്‍ച്ചാര്‍ഡിന്റെ നിര്‍മ്മാണം പൂര്‍ത്തിയായതോടെ കര്‍ഷകര്‍ക്ക് കൂടുതല്‍ ഉപകാരമാകുമെന്നും ജിവിത നിലവാരം മെച്ചപ്പെടുമെന്നും മന്ത്രി പറഞ്ഞു.

തദ്ദേശ സ്വയംഭരണ  എക്‌സൈസ് പാര്‍ലമെന്ററികാര്യ മന്ത്രി  എം. ബി. രാജേഷിന്റെ 'തെരഞ്ഞെടുത്ത ലേഖനങ്ങള്‍' എന്ന പുസ്തകം ഇന്ന് (മാര്‍ച്ച് 14) വൈകുന്നേരം 4.30 ന്  പ്രമുഖ സിനിമാ അഭിനേതാവും സാംസ്‌കാരിക പ്രവര്‍ത്തകനുമായ  പ്രകാശ് രാജ് പ്രകാശനം ചെയ്യും. കള്ളം എന്ന കവിത രചിച്ച അന്തരിച്ച കുഞ്ഞുകവയത്രി ഷെറിയുടെ പിതാവ് ഫൈസല്‍ നയ്യൂര്‍ ഏറ്റുവാങ്ങും.

കുടുംബശ്രീ ജില്ലാ മിഷന്റെ ആഭിമുഖ്യത്തില്‍ നടപ്പിലാക്കുന്ന 'മീറ്റ് പോയിന്റ്' ടേക്ക് എവേ കൗണ്ടറുകളുടെ ജില്ലാതല ഉദ്ഘാടനം ഇന്ന്(മാര്‍ച്ച് 14) രാവിലെ 9.30 ന് കൊഴിഞ്ഞാമ്പാറ കരുവപ്പാറയില്‍ നടക്കും. ജില്ലാ പഞ്ചായത്ത് വൈസ് പ്രസിഡന്റ് എന്‍. സരിത കൗണ്ടറിന്റെ ഉദ്ഘാടനം നിര്‍വഹിക്കും. കുടുംബശ്രീ സംരംഭകര്‍ക്ക് സ്ഥിരവരുമാനം ഉറപ്പാക്കുന്നതിനായി രൂപീകരിച്ച പദ്ധതിയാണിത്. ഒരേ മാതൃകയിലും ഗുണനിലവാരത്തിലും സ്വാദിഷ്ടമായ ഭക്ഷണം ലഭ്യമാക്കുക എന്നതാണ് പദ്ധതി ലക്ഷ്യം.

തിരഞ്ഞെടുപ്പ് വാർത്തകൾ 

 
 സംസ്ഥാനത്ത് നിയമസഭാ തെരഞ്ഞെടുപ്പ് പ്രഖ്യാപിച്ച സാഹചര്യത്തിൽ മാതൃക പെരുമാറ്റചട്ടം നിലവിൽ വന്നതോടെ 
 ജില്ലയിൽ എം സി സി സ്‌ക്വാഡിന്റെ പ്രവർത്തനം ആരംഭിച്ചു. 
ആദ്യഘട്ടത്തിൽ സർക്കാർ ഓഫീസുകൾ തുടങ്ങിയ പൊതു ഇടങ്ങളിലെയും  പരിസരങ്ങളിലെയും പ്രചാരണ ബോർഡുകൾ, കട്ടൗട്ടുകൾ, പോസ്റ്ററുകൾ, ബാനറുകൾ എന്നിവ നീക്കം ചെയ്തു തുടങ്ങി.

നിയമസഭാ തിരഞ്ഞെടുപ്പ്: വോട്ടെടുപ്പ് ഏപ്രിൽ ഒമ്പതിന്, വോട്ടെണ്ണൽ മെയ് നാലിന്

കണ്ണൂര്‍ ആയുര്‍വേദ കോളേജില്‍ ഒന്ന് വീതം പ്രൊഫസര്‍, അസി. പ്രൊഫസര്‍ തസ്തികകൾ

ആയുഷ് വകുപ്പില്‍ 10 തസ്തികകള്‍ സൃഷ്ടിച്ച് ഉത്തരവ് പുറപ്പെടുവിച്ചതായി ആരോഗ്യ വകുപ്പ് മന്ത്രി വീണാ ജോര്‍ജ്. കണ്ണൂര്‍ ആയുര്‍വേദ കോളേജില്‍ ഒരു പ്രൊഫസര്‍, ഒരു അസി. പ്രൊഫസര്‍ തസ്തികയും, തിരുവനന്തപുരം ഹോമിയോ മെഡിക്കല്‍ കോളേജില്‍ 4 അസി. പ്രൊഫസര്‍ തസ്തികകളും കോഴിക്കോട് ഹോമിയോ മെഡിക്കല്‍ കോളേജില്‍ 4 അസി. പ്രൊഫസര്‍ തസ്തികകളുമാണ് സൃഷ്ടിച്ചത്.

ഐക്യം ഊട്ടി ഉറപ്പിക്കാൻ 'റൺ ഫോർ യൂണിറ്റി 'എന്ന സന്ദേശവുമായി ജില്ലാ ഭരണകൂടവും ജില്ലാ ടൂറിസം പ്രൊമോഷൻ കൗൺസിലും കേന്ദ്ര ടൂറിസം മന്ത്രാലയം കൊച്ചി ഓഫീസും സംയുക്തമായി കനറ ബാങ്കിന്റെ സഹകരണത്തോടെ കണ്ണൂരിൽ ആറാമത് മിഡ് നൈറ്റ് യൂണിറ്റി റൺ സംഘടിപ്പിച്ചു 

പുരുഷൻമാർ മാത്രമുള്ള ടീം, സ്ത്രീകളും പുരുഷൻമാരുമുള്ള ടീം, യൂണിഫോം സർവീസിൽ ഉള്ളവരുടെ ടീം (മിലിട്ടറി/പോലീസ്/+ഫയർ ഫോഴ്‌സ് എക്‌സൈസ്, ഫോറസ്റ്റ്), സ്‌കൂൾ /കോളേജ് വിദ്യാർഥികൾക്കുള്ള ടീം, മുതിർന്ന പൗരൻമാരുടെ ടീം, സർക്കാർ ജീവനക്കാരുടെ ടീം എന്നീ വിഭാഗങ്ങളിൽ  5 പേർ അടങ്ങുന്ന ടീമുകളിലായി 
1000 ഓളം പേർ മിഡ് നൈറ്റ് റണ്ണിൽ പങ്കെടുത്തു.