കോട്ടയം: ജില്ലാ എംപ്ലോയ്‌മെന്റ് എക്സ്ചേഞ്ചില്‍  പ്രവര്‍ത്തിക്കുന്ന എംപ്ലോയബിലിറ്റി സെന്ററില്‍ സ്വകാര്യ  സ്ഥാപനങ്ങളിലെ നൂറിലധികം ഒഴിവുകളിലേക്ക് ഡിസംബര്‍ 27ന് അഭിമുഖം നടത്തും. പങ്കെടുക്കുന്നവര്‍ രാവിലെ 10ന് കളക്ടറേറ്റിലെ എംപ്ലോയബിലിറ്റി സെന്ററില്‍ എത്തി രജിസ്റ്റര്‍ ചെയ്യണം. ഫോണ്‍: 8138908657, 0481-2563451.

കാണികളിൽ ആവേശം നിറച്ച് കലാപരിപാടികൾ

ബേപ്പൂരിന്റെ സായാഹ്നങ്ങളെ മനോഹരമാക്കി അന്താരാഷ്ട്ര വാട്ടർ ഫെസ്റ്റിൻ്റെ ഭാഗമായി അരങ്ങേറിയ കലാപരിപാടികൾ. ഉദ്ഘാടന പരിപാടികൾക്ക് ശേഷം പ്രധാന വേദിയായ മറീന ബീച്ചിൽ കുടുംബശ്രീ കള്‍ച്ചറല്‍ ഫെസ്റ്റിവലാണ് അരങ്ങേറിയത്. ബേപ്പൂർ മണ്ഡലത്തിലെയും സമീപ പ്രദേശങ്ങളിലെയും വിവിധ സിഡിഎസ് ഗ്രൂപ്പ് അംഗങ്ങൾ അവതരിപ്പിച്ച ഗ്രൂപ്പ് ഡാന്‍സ്, സംഘഗാനം, ഒപ്പന, തിരുവാതിര കളി, നാടന്‍ പാട്ട്, സിനിമാറ്റിക് ഡാൻസ്  കലാപരിപാടികളാണ്  നിറഞ്ഞ സദസ്സിന് വേറിട്ട അനുഭവമായത്. 

ആരോഗ്യം ആനന്ദം – `വൈബ് ഫോർ വെൽനെസ്, ഹെൽത്തി ലൈഫ്’ ക്യാംപയിന് ജില്ലയിൽ സ്വീകരണം നൽകി

ജനമൈത്രി സുരക്ഷാ പൊലീസ് പദ്ധതിയിൽ പിങ്ക് പ്രൊജക്ടിന്റെ ഭാഗമായി 'സ്ത്രീ സുരക്ഷ സമൂഹത്തിൻ്റെ ശക്തി' എന്ന വിഷയത്തിൽ ജൻഡർ ജസ്റ്റിസ് കോൺഫ്രറൻസ് മലപ്പുറം എം.എസ്.പി. കമ്മ്യൂണിറ്റി ഹാളിൽ നടന്നു. കൊണ്ടോട്ടി സബ് ഡിവിഷൻ അസിസ്റ്റൻ്റ് സൂപ്രണ്ട് ഓഫ് പൊലീസ് കാർത്തിക് ബാലകുമാർ കോൺഫ്രൻസ് ഉദ്ഘാടനം ചെയ്തു. മലപ്പുറം ജില്ല അഡീഷണൽ പൊലീസ് സൂപ്രണ്ടും ജില്ലാ സോഷ്യൽ പോലീസിങ് ഡിവിഷൻ നോഡൽ ഓഫീസറുമായ വി. എ.കൃഷ്ണദാസ് അധ്യക്ഷത വഹിച്ചു. 

വിഷൻ 2031- പ്രവാസി കാര്യ വകുപ്പിന്റെ സംസ്ഥാനതല സെമിനാർ  മന്ത്രി വി. അബ്ദുറഹ്മാൻ ഉദ്ഘാടനം ചെയ്തു

കേരളത്തെ ഇന്നത്തെ രീതിയിൽ നിലനിർത്തുന്നത് പ്രവാസികളാണെന്നും സാമ്പത്തികമായി സംസ്ഥാനത്തെ ശക്തിപ്പെടുത്തിയതും പ്രവാസികളാണെന്ന് കായിക -ന്യൂനപക്ഷ ക്ഷേമ- വഖഫ്- ഹജ്ജ് വകുപ്പ് മന്ത്രി വി.അബ്ദുറഹ്മാൻ. വിഷൻ 2031- പ്രവാസി കാര്യ വകുപ്പിന്റെ സംസ്ഥാനതല സെമിനാർ മലപ്പുറത്ത് ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.

കോട്ടയം: ഭക്ഷ്യ-പൊതുവിതരണ വകുപ്പും ജില്ലാ ഉപഭോക്തൃകാര്യ വകുപ്പും ചേര്‍ന്ന്  ദേശീയ ഉപഭോക്തൃ അവകാശദിനം ആചരിച്ചു. കളക്ടറേറ്റ് വിപഞ്ചിക ഹാളില്‍ നടന്ന പരിപാടി തിരുവഞ്ചൂര്‍ രാധകൃഷ്ണന്‍ എം.എല്‍.എ. ഉദ്ഘാടനം ചെയ്തു.

 ജില്ലാ ലീഗല്‍ സര്‍വീസ് അതോറിറ്റി  സെക്രട്ടറി  സബ് ജഡ്ജ് ജി. പ്രവീണ്‍ മുഖ്യാതിഥിയായി. ജില്ലാ ഉപഭോക്തൃ തര്‍ക്ക പരിഹാര കമ്മീഷന്‍ പ്രസിഡന്റ് വി.എസ്. മനുലാല്‍ അധ്യക്ഷത വഹിച്ചു. സ്‌പെഷ്യല്‍ ഗവണ്മെന്റ് പ്ലീഡര്‍ സജി കൊടുവത്ത്  മുഖ്യപ്രഭാഷണം നടത്തി.  

കോട്ടയം: ജില്ലയില്‍ പക്ഷിപ്പനി സ്ഥിരീകരിച്ച സാഹചര്യത്തില്‍ ജില്ലാ വെറ്ററിനറി കേന്ദ്രത്തില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം പ്രവര്‍ത്തനമാരംഭിച്ചു. ഫോണ്‍: 0481 2564623.

പ്രവാസികളുടെ പരാതി പരിഹാരത്തിനായി സംസ്ഥാനത്ത് പ്രത്യേക പൊലീസ് സ്റ്റേഷന്‍ രൂപീകരിക്കണമെന്നും എന്‍.ആര്‍.ഐ കമ്മീഷന്‍ യാഥാര്‍ഥ്യമാക്കുമെന്നുമുള്ള നിർദേശം വിഷൻ 2031- പ്രവാസി കാര്യ വകുപ്പിന്റെ മലപ്പുറത്തു നടന്ന സംസ്ഥാനതല സെമിനാറിൽ നിർദേശം.   തദ്ദേശ സ്ഥാപനങ്ങള്‍ കേന്ദ്രീകരിച്ച് പ്രവാസി സൗഹൃദ ഇടങ്ങള്‍ ഒരുക്കും. പ്രവാസി ബിസിനസ് റീജനറേഷന്‍ പ്രോഗാം, പ്രവാസികള്‍ക്ക് ലീഗല്‍ അസിസ്റ്റന്‍സ്, പുതിയ പ്രവാസത്തെ സംബന്ധിച്ചുള്ള ആശങ്ങള്‍ക്കനുസരിച്ച് സമൂഹത്തെ തയ്യാറാക്കല്‍, നോര്‍ക്കയുടെ പ്രവര്‍ത്തനങ്ങളിലും പെന്‍ഷന്‍ സ്‌കീമുകളിലും കാലോചിതമായ പരിഷ്‌കരണം തുടങ്ങിയ നിര്‍ദേശങ്ങളും ചര്‍ച്ചയില്‍ ഉയര്‍ന്നു.

പ്രവാസ ലോകത്തുനിന്ന് തിരിച്ചുവരുന്ന പ്രവാസികളുടെ വിഭവശേഷിയെ നാടിന്റെ വികസനത്തിന് ഉപയോഗിക്കണമെന്ന് വിഷന്‍ 2031 പ്രവാസികാര്യ വകുപ്പിന്റെ സംസ്ഥാനതല സെമിനാറിന്റെ ഭാഗമായുള്ള 'കേരള വികസനവും പ്രവാസി പങ്കാളിത്തവും' പാനല്‍ ചര്‍ച്ച അഭിപ്രായപ്പെട്ടു. സിയാല്‍ മാതൃകയില്‍ കമ്പനികള്‍ രൂപീകരിച്ച് പ്രവാസി ഫെഡിന്റെ മേല്‍നോട്ടത്തില്‍ ഓരോ പ്രദേശങ്ങള്‍ക്കും അനുയോജ്യമായ പ്രൊജക്ടുകള്‍ നടപ്പാക്കണം.