സ്ഥാനാര്‍ത്ഥികളുടെ തിരഞ്ഞെടുപ്പ് ചെലവുകള്‍ നിരീക്ഷിക്കാന്‍ ഫിനാന്‍സ് ഓഫീസര്‍ ആര്‍ സാബുവിന്റെ നേതൃത്വത്തില്‍ അക്കൗണ്ടിംഗ് ടീമിനെ നിയോഗിച്ചു. ഓരോ സ്ഥാനാര്‍ത്ഥിയുടേയും ഷാഡോ ചെലവ് രജിസ്റ്ററും തെളിവുകളുടെ ഫോള്‍ഡറും പരിപാലിക്കുന്നതില്‍ അസിസ്റ്റന്റ് ചെലവ് നിരീക്ഷകന്റെ മാര്‍ഗ്ഗനിര്‍ദ്ദേശത്തില്‍ അക്കൗണ്ടിംഗ് ടീം പ്രവര്‍ത്തിക്കും.
 

തിരഞ്ഞെടുപ്പ് പ്രക്രിയ പൂര്‍ത്തിയാകുന്നതുവരെ കണ്‍ട്രോള്‍ റൂമും ജില്ലാ കണ്‍ട്രോള്‍ സെന്ററും 24 മണിക്കൂറും പ്രവര്‍ത്തിക്കും. ചെലവ് നിരീക്ഷണത്തിനും എംസിസി, ക്രമസമാധാനം ഉള്‍പ്പെടെയുള്ള മറ്റ് തിരഞ്ഞെടുപ്പുമായി ബന്ധപ്പെട്ട പ്രവര്‍ത്തനങ്ങള്‍ക്കുമായി രൂപീകരിച്ച എല്ലാ ഏജന്‍സികളുടെയും കമ്മിറ്റികളുടെയും പ്രവര്‍ത്തനങ്ങള്‍ ഏകോപിപ്പിക്കുന്ന സംവിധാനമായിരിക്കും ഇത്. കണ്‍ട്രോള്‍ റൂമില്‍ ലഭിക്കുന്ന എല്ലാ പരാതികളും കൈകാര്യം ചെയ്യുക, സി-വിജില്‍ ആപ്പ് വഴി ലഭിക്കുന്ന എല്ലാ പരാതികളും നിരീക്ഷിക്കുക, പരാതിയോ വിവരമോ കാലതാമസമില്ലാതെ അതത് യൂണിറ്റിലേക്ക് കൈമാറുക എന്നിവയാണ് പ്രധാന ചുമതലകള്‍.

എംസിസി നിയമലംഘനങ്ങളോ പണമടച്ചുള്ള വാര്‍ത്തകളോ വിലയിരുത്തുന്നതിനായി എല്ലാ അച്ചടി/ഇലക്ട്രോണിക ്മാധ്യമങ്ങളെയും സൂക്ഷ്മമായി നിരീക്ഷിക്കുന്നതിന് എംസിഎംസിയുടെ കീഴില്‍ മീഡിയ സെന്റര്‍ രൂപീകരിച്ചു. ജില്ലാ ഇന്‍ഫര്‍മേഷന്‍ ഓഫീസറായിരിക്കും മീഡിയ സെല്ലിന് നേതൃത്വം നല്‍കുന്നത്. നിയമ ലംഘനം ശ്രദ്ധയില്‍പ്പെട്ടാല്‍ എംസിസി നോഡല്‍ ഓഫീസര്‍, ചെലവ് നിരീക്ഷണത്തിനും അക്കൗണ്ടിംഗ് ടീമിനുമുള്ള നോഡല്‍ ഓഫീസര്‍ എന്നിവരെ നിര്‍ദ്ദിഷ്ട പ്രൊഫോര്‍മയില്‍ അറിയിക്കണം.

നിയമസഭാ തിരഞ്ഞെടുപ്പ് കാലത്ത് മാധ്യമങ്ങളിലൂടെയുള്ള പ്രചരണം നിരീക്ഷിക്കുന്നതിനും നിയന്ത്രിക്കുന്നതിനുമാണ് ജില്ലാതല മീഡിയ സര്‍ട്ടിഫിക്കേഷന്‍ ആന്‍ഡ് മോണിറ്ററിംഗ് കമ്മിറ്റി (എംസിഎംസി) രൂപീകരിച്ചത്. ജില്ലാ കലക്ടര്‍ ഡി ആര്‍ മേഘശ്രീ അധ്യക്ഷയായ സമിതിയില്‍ എഡിഎം എ ജയശ്രീ, ജില്ലാ ഇന്‍ഫര്‍മേഷന്‍ ഓഫീസര്‍ പി റഷീദ് ബാബു, വയനാട് പ്രസ് ക്ലബ് പ്രസിഡന്റ് കെ എസ് മുസ്തഫ, പ്രസ് ക്ലബ് സെക്രട്ടറി ജോമോന്‍ ജോസഫ് എന്നിവരാണ് മറ്റ് അംഗങ്ങള്‍.

തെരഞ്ഞെടുപ്പ് സമയത്ത് മാതൃകാ പെരുമാറ്റച്ചട്ട ലംഘനങ്ങള്‍ റിപ്പോര്‍ട്ട് ചെയ്യാന്‍ പൗരന്മാരെ പ്രാപ്തരാക്കുന്നതിന് തിരഞ്ഞെടുപ്പ് കമ്മീഷന്‍ വികസിപ്പിച്ചെടുത്ത മൊബൈല്‍ ആപ്ലിക്കേഷന്‍ സി-വിജില്‍ ആപ്പ് കൈകാര്യം ചെയ്യുകയാണ് എംസിസി സ്‌ക്വാഡിന്റെ ഉത്തരവാദിത്വം.

2026 ലെ നിയമസഭാ തെരഞ്ഞെടുപ്പുമായി ബന്ധപ്പെട്ട് നോഡൽ ഓഫീസർമാരുടെ യോഗം    ജില്ലാ കളക്റ്റർ ഡി.ആർ മേഘശ്രീയുടെ അദ്ധ്യക്ഷതയിൽ മിനി കോൺഫറൻസ് ഹാളിൽ ചേർന്നു. ജില്ലയില്‍ സ്വതന്ത്രവും നീതിയുക്തവുമായ തെരഞ്ഞെടുപ്പ് ഉറപ്പാക്കുന്നതിന് മാതൃക പെരുമാറ്റ ചട്ടമനുസരിച്ച് നോഡൽ ഓഫീസർമാതടെ നേതൃത്വത്തിൽ കാര്യക്ഷമമായി പ്രവർത്തിക്കാൻ ജില്ലാ കലക്ടര്‍ ഡി.ആര്‍ മേഘശ്രീ നിർദ്ദേശം നൽകി. . അഡീഷണല്‍ ഡിസ്ട്രിക്ട് മജിസ്‌ട്രേറ്റ് എ ജയശ്രീയെ എം സി സി നോഡല്‍ ഓഫീസറായി നിയമിച്ചു. സമാധാനപരമായ തെരഞ്ഞെടുപ്പിന് എല്ലാവരും ഒറ്റക്കെട്ടായി പ്രവര്‍ത്തിക്കണമെന്ന് നോഡല്‍ ഓഫീസര്‍മാരുടെ യോഗത്തില്‍ ജില്ലാ കലക്ടര്‍ ആവശ്യപ്പെട്ടു.

ജില്ലയില്‍ ഭാരതീയ ചികിത്സാ വകുപ്പില്‍ നേഴ്‌സ് ഗ്രേഡ് 2 ആയുര്‍വേദ (കാറ്റഗറി നമ്പര്‍ 016/2021) തസ്തികയിലേക്ക് 2023 മാര്‍ച്ച് രണ്ടിന് നിലവില്‍ വന്ന റാങ്ക് പട്ടികയുടെ കാലാവധി പൂര്‍ത്തിയായതിനാല്‍ 2026 മാര്‍ച്ച് മൂന്നിന് പട്ടിക റദ്ദായതായി പി.എസ്.സി ഓഫീസര്‍ അറിയിച്ചു.

ജില്ലയിലെ വിവിധ വകുപ്പുകളില്‍ നിന്നും വനം വകുപ്പില്‍ നിന്നും കുപ്പാടി ഡിപ്പോയിലെത്തിച്ചതും മുന്‍ വര്‍ഷങ്ങളിലെ സ്റ്റോക്ക് എടുത്തിട്ടുള്ളതുമായ തേക്ക്, വീട്ടി, മറ്റിനം തടികള്‍, വീട്ടി വിറക് എന്നിവ മാര്‍ച്ച് 24ന് ഇ- ലേലം ചെയ്യുമെന്ന് കുപ്പാടി റെയിഞ്ച് ഫോറസറ്റ് ഓഫീസര്‍ അറിയിച്ചു. താത്പര്യമുള്ളവര്‍ www.mstcecommerce.com ല്‍ രജിസ്റ്റര്‍ ചെയ്യണം. ഫോണ്‍- 8547602856, 8547602857, 04936 221562.

        2026 ഏപ്രിലിൽ നടത്തുന്ന മലയാളശ്രീ-ഓറിയന്റൽ സ്കൂളുകളിലെ കുട്ടികൾക്കുള്ള മലയാളം തുല്യതാ പരീക്ഷയ്ക്കായി ഓൺലൈൻ മുഖേന അപേക്ഷ സമർപ്പിക്കുന്നതിനുള്ള തീയതി മാർച്ച് 26 വരെ നീട്ടി

        കേരള ഹൈക്കോടതിയിലെ എ.ഡി.ആർ സെന്ററിൽ സെക്ഷൻ ഓഫീസർ, കേരള സ്റ്റേറ്റ് ലീഗൽ സർവീസസ് അതോറിറ്റി മുഖ്യ ഓഫീസിൽ ഡ്രൈവർ തസ്തികകളിൽ അന്യത്ര സേവന വ്യവസ്ഥയിൽ നിയമിക്കുന്നു.