കെൽട്രോണിന്റെ തൊഴിലധിഷ്ഠിത കോഴ്‌സുകളായ ലോജിസ്റ്റിക്‌സ് ആൻഡ് സപ്ലൈ ചെയിൻ മാനേജ്‌മെന്റ്‌, ഡിജിറ്റൽ മാർക്കറ്റിംഗ്, കമ്പ്യൂട്ടറൈസ്ഡ് ഫിനാൻഷ്യൽ അക്കൗണ്ടിംഗ്, ഡി.സി.എ, പി.ജി.ഡി.സി.എ, വേഡ് പ്രോസസിംഗ് ആൻഡ് ഡാറ്റ എൻട്രി, ഡി.ടി.പി കോഴ്‌സുകളിൽ പ്രവേശനം ആരംഭിച്ചു.

പരിസ്ഥിതി കാലാവസ്ഥാ വ്യതിയാന ഡയറക്ടറേറ്റിന്റെ പരിസ്ഥിതി പോഷിണി റിസർച്ച് ഫെലോഷിപ്പ് പ്രോഗ്രാമിലേക്ക് അപേക്ഷ ക്ഷണിച്ചു, ജൂൺ 30 നകം അപേക്ഷിക്കാം. വിശദവിവരങ്ങൾക്ക് ഫോൺ : 0471 – 2326264.

തിരുവനന്തപുരം വട്ടിയൂർക്കാവ് സെൻട്രൽ പോളിടെക്നിക് കോളേജിൽ ടെക്സ്റ്റൈൽ ടെക്നോളജി വിഭാഗത്തിൽ ലക്ചറർ, ട്രേഡ്സ്മാൻ തസ്തികകളിലേക്ക് ജൂൺ 3 ന് രാവിലെ 10 ന് അഭിമുഖം നടക്കും. യോഗ്യരായവർ അസൽ സർട്ടിഫിക്കറ്റ് സഹിതം കോളേജിൽ ഹാജരാകണം.

നെടുമങ്ങാട് സർക്കാർ ടെക്‌നിക്കൽ ഹൈസ്‌കൂളിൽ ഹൈസ്‌കൂൾ ടീച്ചർ ഗണിതശാസ്ത്രം, ഫിസിക്കൽ സയൻസ് തസ്തികകളിൽ ദിവസവേതന അടിസ്ഥാനത്തിൽ ഓരോ താൽക്കാലിക ഒഴിവുണ്ട്. ഹൈസ്‌കൂൾ തലത്തിൽ ഗണിതാശാസ്ത്രം, ഫിസിക്കൽ സയസ് ക്ലാസ്സുകൾ കൈകാര്യം ചെയ്യാൻ യോഗ്യതയുള്ളവർ ജൂൺ 2 ന് രാവിലെ 10 മണിക്ക് സ്‌കൂളിൽ നടക്കുന്ന അഭിമുഖത്തിൽ പങ്കെടുക്കണം.

അപ്രതീക്ഷിത കാലാവസ്ഥാ വ്യതിയാനങ്ങളും മണ്ണിടിച്ചിൽ ഉൾപ്പെടെയുള്ള ദുരന്തസാധ്യതകളും മുന്നിൽ കണ്ട് എല്ലാ വകുപ്പുകളും കാലവർഷത്തിന് മുന്നോടിയായുള്ള പ്രവൃത്തികൾ അടിയന്തരമായി പൂർത്തിയാക്കണമെന്ന് മുഖ്യമന്ത്രി വി.ഡി. സതീശൻ നിർദേശിച്ചു.

സംസ്ഥാന ന്യൂനപക്ഷ കമ്മീഷൻ സിറ്റിംഗ്  ജൂൺ 2ന് രാവിലെ 11 മണി മുതൽ ശാസ്തമം​ഗലം കമ്മീഷൻ ഓഫീസിലെ കോർട്ട് ഹാളിൽ നടക്കും. ചെയർമാൻ എ.എ റഷീദ് ഹർജികൾ പരിഗണിക്കും. സിറ്റിംഗിൽ നിലവിലുള്ള പരാതികൾ പരിഗണിക്കുന്നതോടൊപ്പം പുതിയ പരാതികൾ സ്വീകരിക്കുന്നതുമാണ്.

സംസ്ഥാനത്തെ ന്യൂനപക്ഷങ്ങളായ മുസ്ലീം, ക്രിസ്ത്യൻ, ബുദ്ധ, സിഖ്, ജൈന, പാഴ്‌സി വിഭാഗങ്ങളിൽപ്പെട്ടവർക്ക് പരാതികൾക്ക് പരിഹാരം കാണാൻ കമ്മീഷനെ സമീപിക്കാവുന്നതാണ്. സിറ്റിംഗുകളിൽ കമ്മീഷന് നേരിട്ടോ, തപാലിലോ, kscminorities@gmail.com എന്ന ഇ-മെയിൽ വിലാസത്തിലോ, 9746515133 എന്ന വാട്ട്‌സ് ആപ്പ് നമ്പറിലോ പരാതി സമർപ്പിക്കാവുന്നതാണ്.

നെടുമങ്ങാട് സര്‍ക്കാര്‍ ടെക്‌നിക്കല്‍ ഹൈസ്‌ക്കൂളിൽ ഗണിതശാസ്ത്രം, ഫിസിക്കല്‍ സയന്‍സ് എന്നീ വിഷയങ്ങളിൽ ഹൈസ്‌കൂള്‍ ടീച്ചറുടെ താല്‍ക്കാലിക ഒഴിവുണ്ട്.

യോഗ്യതയുള്ളവർ യോഗ്യത, എക്‌സ്പീരിയന്‍സ് സര്‍ട്ടിഫിക്കറ്റുകളുടെ അസ്സല്‍, പകര്‍പ്പ് എന്നിവ സഹിതം ജൂണ്‍ 2ന് രാവിലെ 10 മണിക്ക് സ്‌കൂളില്‍ നടക്കുന്ന അഭിമുഖത്തിൽ പങ്കെടുക്കുക. ഫോൺ: 0472- 2812686.

വെള്ളമുണ്ട ഇലക്ട്രിക്കൽ സെക്ഷൻ കീഴിലെ പൊരുന്നന്നൂർ, ആലഞ്ചേരി പ്രദേശങ്ങളിൽ ഇന്ന് (മെയ് 23) രാവിലെ 8.30 മുതൽ വൈകിട്ട് അഞ്ച് വരെ  വൈദ്യുതി വിതരണം ഭാഗികമായി മുടങ്ങും.

വിഴിഞ്ഞത്തെ മത്സ്യത്തൊഴിലാളികളുടെ പ്രശ്നങ്ങൾ ചർച്ച ചെയ്യുന്നതിനും വിഴിഞ്ഞം തുറമുഖ പ്രദേശത്തെ പൊതുവായ പ്രശ്നങ്ങൾക്ക് പരിഹാരം കാണുന്നതിനും വിവിധ വകുപ്പ് ഉദ്യോ​ഗസ്ഥരുടേയും പ്രദേശവാസികളുടേയും സാമുദായിക നേതാക്കളുടേയും യോ​ഗം ജില്ലാ കളക്ടറുടെ  ചേംബറിൽ ചേർന്നു.

വിഴിഞ്ഞം തുറമുഖ പ്രദേശത്ത് ലൈറ്റുകൾ, സിസിടിവി ക്യാമറകൾ എന്നിവ പുനഃസ്ഥാപിക്കുക, ബയോ ടോയ്ലറ്റുകൾ സ്ഥാപിക്കുക, കുടിവെള്ള പ്രശ്നത്തിന് പരിഹാരം കാണുക, ആംബുലൻസ് സേവനം ഉറപ്പാക്കുക, വാർഫിനകത്ത് റോഡുകൾ റീടാറിം​ഗ് ചെയ്യുക, ഹാർബർ വൃത്തിയാക്കുക തുടങ്ങിയ വിവിധ ആവശ്യങ്ങൾ യോ​ഗത്തിൽ ഉന്നയിച്ചു.

പട്ടികവർഗ വകുപ്പിന്റെ പണിയ വികസന പാക്കേജ്, കോർപ്പസ് ഫണ്ട് പദ്ധതികളിൽ ഉൾപ്പെടുത്തി നാല് ഉന്നതികളിൽ കുടിവെള്ള പദ്ധതികൾ നടപ്പിലാക്കുന്നതിനുള്ള പ്രവൃത്തികൾക്ക് താത്പര്യപത്രം ക്ഷണിച്ചു. ക്വട്ടേഷനുകൾ മെയ് 29 വൈകുന്നേരം മൂന്നിനകം സുൽത്താൻ ബത്തേരി ട്രൈബൽ ഡെവലപ്മെന്റ് ഓഫീസിൽ ലഭിക്കണം. ഫോൺ: 04936 221074