സ്ത്രീകള്‍ക്കും പെണ്‍കുട്ടികള്‍ക്കും എതിരായ അതിക്രമങ്ങളും ലിംഗ വിവേചനവും അവസാനിപ്പിക്കുന്നതിനായി ഓറഞ്ച് ദി വേള്‍ഡ് ക്യാമ്പയിന്‍ സംഘടിപ്പിച്ചു. വനിത-ശിശു വികസന വകുപ്പ്, ജില്ലാ വനിത-ശിശു വികസന ഓഫീസ്, ഡിസ്ട്രിക്റ്റ് സങ്കല്‍പ് ഹബ് ഫോര്‍ എംപവര്‍മെന്റ് ഓഫ് വുമണ്‍, ഫാറൂഖ് ട്രെയ്‌നിങ് കോളേജ്, പ്രൊവിഡന്‍സ് വിമന്‍സ് കോളേജ് എന്‍.എസ്.എസ് എന്നിവ സംയുക്തമായാണ് പരിപാടി സംഘടിപ്പിച്ചത്. ബോധവത്കരണ റാലി, ബലൂണ്‍ പറത്തല്‍, സാംസ്‌കാരിക പരിപാടികള്‍ എന്നിവ നടന്നു.

സംസ്ഥാന ന്യൂനപക്ഷ ക്ഷേമ വകുപ്പിന് കീഴിൽ മട്ടാഞ്ചേരി ബസാർ റോഡിലെ യത്തീംഖാന കെട്ടിടത്തിൽ പ്രവർത്തിക്കുന്ന ന്യൂനപക്ഷ യുവജനങ്ങൾക്കായുള്ള പരിശീലന കേന്ദ്രത്തിൽ ജനുവരി 15-ന് ആരംഭിക്കുന്ന സൗജന്യ പി.എസ്.സി പരിശീലന കോഴ്സിലേക്ക് അപേക്ഷ ക്ഷണിച്ചു.

പുതിയ ബാച്ചിലേക്ക് ജനുവരി 9 വരെ അപേക്ഷിക്കാം.തിങ്കൾ മുതൽ ശനി വരെ ക്ലാസുകളുള്ള റെഗുലർ ബാച്ചും, രണ്ടാം ശനി, ഞായർ ദിവസങ്ങളിൽ ക്ലാസുകൾ നടത്തുന്ന ഹോളിഡേ ബാച്ചുമാണ് ഉള്ളത്. 

ആറുമാസമാണ് പരിശീലന കാലാവധി.ന്യൂനപക്ഷ വിഭാഗത്തിൽപ്പെട്ട 18 വയസ്സ് തികഞ്ഞവർക്കും എസ്.എസ്.എൽ.സി-യോ അതിനു മുകളിലോ വിദ്യാഭ്യാസ യോഗ്യതയുള്ളവർക്കും അപേക്ഷിക്കാം. 

ബാങ്ക് അക്കൗണ്ടുകളിൽ പത്തുവർഷത്തിലേറെയായി ഇടപാടുകൾ നടക്കാതെ കിടക്കുന്ന നിക്ഷേപങ്ങൾ യഥാർത്ഥ ഉടമകൾക്കോ അവകാശികൾക്കോ തിരികെ നൽകുന്നതിനായി രാജ്യവ്യാപകമായി നടത്തുന്ന 'നിങ്ങളുടെ പണം നിങ്ങളുടെ അവകാശം' എന്ന ക്യാമ്പയിന്റെ ഭാഗമായി ഇന്ന് (ഡിസംബർ 29) ജില്ലാതല മെഗാ ക്യാമ്പ് സംഘടിപ്പിക്കുന്നു.

ലീഡ് ബാങ്കിന്റെ നേതൃത്വത്തിൽ ജില്ലയിലെ എല്ലാ ബാങ്കുകളുടെയും സഹകരണത്തോടെ എറണാകുളം ഹൈക്കോടതിക്ക് സമീപമുള്ള ഇൻഫന്റ് ജീസസ് പാരിഷ് ഹാളിലാണ് ക്യാമ്പ് നടക്കുന്നത്. രാവിലെ 10 ന് ടി.ജെ. വിനോദ് എം എൽ എ ഉദ്ഘാടനം നിർവഹിക്കും. 

ചാലിയം ഓഷ്യാനസ് പരിസരത്തുനിന്ന് രാവിലെ ആറിന്  ആരംഭിക്കും

ബേപ്പൂര്‍ അന്താരാഷ്ട്ര വാട്ടര്‍ ഫെസ്റ്റ് അഞ്ചാം പതിപ്പിന്റെ ഭാഗമായി സംഘടിപ്പിക്കുന്ന മാരത്തോണ്‍ മത്സരം ഡിസംബര്‍ 28ന് നടക്കും. രാവിലെ ആറിന് ചാലിയം ഓഷ്യാനസ് പരിസരത്തുനിന്ന് ആരംഭിക്കുന്ന മാരത്തോണ്‍ 13 കിലോമീറ്റര്‍ പിന്നിട്ട് ബേപ്പൂര്‍ മറീന ബീച്ചില്‍ അവസാനിക്കും. കെ എം സച്ചിന്‍ ദേവ് എംഎല്‍എ ഉദ്ഘാടനം നിര്‍വഹിക്കും. 

പുതുവർഷത്തിൽ നല്ല ആരോഗ്യമെന്ന സന്ദേശവുമായി ആരോഗ്യവകുപ്പ് നടപ്പാക്കുന്ന ആരോഗ്യം ആനന്ദം വൈബ് 4വെൽനെസ് ക്യാമ്പയിനു മുന്നോടിയായുള്ള ജില്ലാതല പരിപാടി ഇന്ന് (29.12.2025) കോതമംഗലം എംബിറ്റ്സ് കോളേജിൽ നടക്കും. രാവിലെ 9ന് ആൻ്റണി ജോൺ എം എൽ എ ഉദ്ഘാടനം നിർവഹിക്കും. ഇന്ത്യൻ വോളിബോൾ ടീം മുൻ ക്യാപ്റ്റൻ ടോം ജോസഫ് മുഖ്യാതിഥിയാകും.

പരിപാടിയുടെ ഭാഗമായി ബ്രാൻഡ് ചെയ്ത കെഎസ്ആർടിസി ബസ്സിൽ സജ്ജമാക്കിയ വിളംബര ജാഥ സൈക്കിൾ റാലിയുടെ അകമ്പടിയോടെ രാവിലെ 8ന് കോതമംഗലം താലൂക്ക് ആശുപത്രിയിൽ നിന്നും ആരംഭിച്ച് കോളേജിൽ എത്തിച്ചേരും.

തൊഴില്‍ രംഗത്തെ സ്ത്രീ പങ്കാളിത്തം അമ്പത് ശതമാനമായി വര്‍ധിപ്പിക്കുന്നതിന് കുടുംബശ്രീയുടെ ആഭിമുഖ്യത്തില്‍ ആരംഭിക്കുന്ന 'ഉയരെ' ക്യാമ്പയിന്റെ ഭാഗമായ ജില്ലാതല പരിശീലനത്തിന് തുടക്കമായി. എല്ലാ അയല്‍ക്കൂട്ടങ്ങളിലും ക്ലാസുകളും സംവാദങ്ങളുമാണ് ആദ്യഘട്ടത്തില്‍ നടക്കുക. വേതനാധിഷ്ഠിത തൊഴിലും സ്ത്രീ സമൂഹവും, ലിംഗ വ്യത്യാസവും ലിംഗപദവിയും, സുരക്ഷിത തൊഴിലിടം, കുടുംബശ്രീ ജെന്‍ഡര്‍ പിന്തുണാ സംവിധാനങ്ങള്‍, ഹാപ്പി കേരളം തുടങ്ങിയ വിഷയങ്ങളിലാണ് ക്ലാസുകള്‍. അയല്‍ക്കൂട്ട തലത്തില്‍ ആദ്യ ശില്‍പശാല ജനുവരി ഒന്നിന് നടക്കും.

നെറ്റ്‌ഫിഷ് എം.പി.ഇ.ഡി.എ, സിഫ്റ്റ് എന്നിവയുടെ എംപാനൽമെന്റിലുള്ള എറണാകുളം മത്സ്യഫെഡ് നെറ്റ് ഫാക്ടറി, ടർട്ടിൽ എക്സ്ക്ലൂഡർ ഡിവൈസ് നിർമ്മാണത്തിന് ആവശ്യമായ ഗ്രിഡുകൾ വിതരണം ചെയ്യുന്നതിന് സീൽ ചെയ്ത ക്വട്ടേഷനുകൾ ക്ഷണിച്ചു. 

ക്വട്ടേഷനുകൾ ജനുവരി 3-ന് രാവിലെ 11 ന് മുൻപായി എറണാകുളം മത്സ്യഫെഡ് നെറ്റ് ഫാക്ടറി ഓഫീസിൽ ലഭിക്കണം.  

ഫോൺ- 0484-2394410, 0484 2391426.

എറണാകുളം സർക്കാർ മെഡിക്കൽ കോളേജ് ആശുപത്രി വികസന സമിതിയുടെ കീഴിൽ ജനറൽ മെഡിസിൻ വിഭാഗത്തിലേക്ക് ഇ.സി.ജി ടെക്നിഷ്യൻ തസ്തികയിലേക്ക് ദിവസ വേതനാടിസ്ഥാനത്തിൽ താൽകാലിക നിയമനം നടത്തുന്നു. ഡിപ്ലോമ ഇൻ കാർഡിയോ വാസ്കുലർ ടെക്നോളജി , ബാച്ചിലർ ഓഫ് കാർഡിയോ വാസ്കുലർ ടെക്നോളജി , അല്ലെങ്കിൽ പ്രവൃത്തിപരിചയത്തോടുകൂടിയ വി.എച്ച്.എസ്.ഇ എന്നിവയാണ് നിശ്ചിത യോഗ്യതകൾ. 

35 വയസ്സാണ് ഉയർന്ന പ്രായപരിധി. താല്പര്യമുള്ള ഉദ്യോഗാർത്ഥികൾ പ്രായം, യോഗ്യത എന്നിവ തെളിയിക്കുന്ന അസ്സൽ സർട്ടിഫിക്കറ്റുകളും അവയുടെ പകർപ്പുകളും സഹിതം

വനിതാ ശിശുവികസന വകുപ്പിന് കീഴിലെ എറണാകുളം ജില്ലാതല ഐ.സി.ഡി.എസ് സെല്ലിന്റെ പരിധിയിൽ വരുന്ന 35 പേർ അടങ്ങുന്ന അങ്കണവാടി ഹെൽപ്പർമാർക്ക് 32 ദിവസം പരിശീലനം നൽകുന്നതിലേക്കായി ക്ലാസ് മുറി, താമസം, ഭക്ഷണം, വെള്ളം 

ഇലക്ട്രിസിറ്റി, ഇന്റർനെറ്റ് എന്നിവ ലഭ്യമാക്കാൻ താൽപര്യമുള്ള സ്ഥാപനങ്ങളിൽ നിന്ന് ദർഘാസ് ക്ഷണിച്ചു. 

 ജനുവരി മൂന്ന് ഉച്ചയ്ക്ക് ഒന്നു വരെ ദർഘാസുകൾ സ്വീകരിക്കും.  

വിലാസം- ജില്ലാ തല ഐ സി ഡി എസ് സെൽ, കാക്കനാട്, പിൻ 682030 

 കൂടുതൽ വിവരങ്ങൾക്ക് കാക്കനാട് സിവിൽ സ്റ്റേഷനിൽ മൂന്നാം നിലയിൽ പ്രവർത്തിക്കുന്ന ജില്ലാതല ഐ സി ഡി എസ് ഓഫീസുമായി ബന്ധപ്പെടാവുന്നതാണ്.

'10 മിനിറ്റ് ഡെലിവറി' എന്ന അതിവേഗ സേവനത്തിന്റെ പേരിൽ റോഡ് സുരക്ഷാ മാനദണ്ഡങ്ങൾ ലംഘിക്കപ്പെടുന്ന സാഹചര്യത്തിൽ ഓൺലൈൻ ഡെലിവറി കമ്പനികൾക്ക് മോട്ടോർ വാഹന വകുപ്പ് കാരണം കാണിക്കൽ നോട്ടീസ് നൽകി. റോഡ് സുരക്ഷ മാനദണ്ഡങ്ങൾ ലംഘിച്ചതായി കണ്ടെത്തിയ സ്ഥാപനങ്ങൾക്കെതിരെയാണ് നടപടി.