റാന്നി ട്രൈബല്‍ ഡവലപ്‌മെന്റ് ഓഫീസിന് കീഴിലുളള ചിറ്റാര്‍ പ്രീ മെട്രിക് ഹോസ്റ്റല്‍, വടശ്ശേരിക്കര മോഡല്‍ റസിഡന്‍ഷ്യല്‍ സ്‌കൂള്‍ എന്നിവിടങ്ങളില്‍ താല്‍കാലികമായി കുക്കിനെ നിയമിക്കുന്നു. യോഗ്യത -പത്താംക്ലാസ്, ഭക്ഷ്യ ഉല്‍പാദനത്തില്‍  സര്‍ക്കാര്‍ ഫുഡ് ക്രാഫ്റ്റ് സ്ഥാപനത്തില്‍ നിന്നുളള കെജിടിഇ  അല്ലെങ്കില്‍ സമാന കോഴ്‌സ്. പ്രായപരിധി 18-40. എസ് സി / എസ് റ്റി കാര്‍ക്ക് ഉയര്‍ന്ന പ്രായപരിധി 45 വയസ്. പട്ടിക വര്‍ഗ വിഭാഗക്കാര്‍ക്ക് മുന്‍ഗണന.  പ്രതിദിനം 750 രൂപ വേതന നിരക്കില്‍ പ്രതിമാസം പരമാവധി 20,250 രൂപ ലഭിക്കും.

2026-27  അധ്യയന വര്‍ഷത്തെ അവധിക്കാല അധ്യാപക പരിശീലനം മൈലപ്ര എസ് എച്ച് എച്ച് എസ് എസ് ല്‍ ജില്ല പഞ്ചായത്ത് പ്രസിഡന്റ് അനീഷ് വരിക്കണ്ണാമല ഉദ്ഘാടനം ചെയ്തു. ജില്ല പഞ്ചായത്ത് വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ ശ്രീനാദേവി കുഞ്ഞമ്മ അധ്യക്ഷയായി. വിദ്യാഭ്യാസ ഉപഡയറക്ടര്‍ ബി ആര്‍ അനില, മൈലപ്ര ഗ്രാമപഞ്ചായത്ത് വൈസ് പ്രസിഡന്റ് ശോശാമ്മ ജോണ്‍സണ്‍, വാര്‍ഡ് അംഗം പുഷ്പലത, എസ് എസ് കെ പ്രൊജക്ട് കോ-ഓര്‍ഡിനേറ്റര്‍ റെനി ആന്റണി, ഡി ഇ ഒ അമ്പിളി ഭാസ്‌കര്‍ എന്നിവര്‍ പങ്കെടുത്തു.  
 

തദ്ദേശ സ്വയംഭരണ വകുപ്പ് ജില്ല ജോയിന്റ് ഡയറക്ടറുടെ കാര്യാലയത്തിലേക്ക്  പ്രതിമാസ വാടക നിരക്കില്‍ രണ്ട് വാഹനങ്ങള്‍ ഡ്രൈവര്‍ ഉള്‍പ്പടെ ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. അവസാന തീയതി മെയ് 26 വൈകിട്ട് മൂന്ന്. ഫോണ്‍ : 0468 2222561.  

കുളനട കുടുംബാരോഗ്യ കേന്ദ്രത്തിലെ കാലപ്പഴക്കം സംഭവിച്ച ലാബ് കെട്ടിടം 14/200 നമ്പര്‍ നിയമാനുസൃതമായ നടപടിക്രമം പാലിച്ചു പൊളിച്ചു നീക്കുന്നതിന് ക്വട്ടേഷന്‍  ക്ഷണിച്ചു . അവസാന തീയതി ജൂണ്‍ നാല് പകല്‍ 12. ഫോണ്‍ : 04734 262277.
 

അയിരൂര്‍ സര്‍ക്കാര്‍ സെക്കന്‍ഡറി സ്‌കൂളില്‍ സ്‌കൂള്‍ ജാഗ്രത സുരക്ഷ സമിതി യോഗം ചേര്‍ന്നു. കുട്ടികള്‍ക്കായി ഫുട്‌ബോള്‍ കോച്ചിംഗ്, എസ് പി സി എന്നിവ തുടങ്ങുന്നതിനുളള പ്രാരംഭ നടപടികള്‍ ആരംഭിച്ചു. പത്തനംതിട്ട ജില്ല പഞ്ചായത്ത് വൈസ് പ്രസിഡന്റ് അനീഷ് വരിക്കണ്ണാമല, അയിരൂര്‍ ഗ്രാമപഞ്ചായത്ത് അംഗം അനുരാധ ശ്രീജിത്ത്, ഗ്രാമപഞ്ചായത്തംഗം അമ്പിളി പ്രഭാകരന്‍ നായര്‍, സ്‌കൂള്‍ പിടിഎ പ്രസിഡന്റ് സുരേഷ് കുഴിവേലില്‍, ബ്ലോക്ക് പഞ്ചായത്ത് അംഗം അനുരാധ ശ്രീജിത്ത്,  ഗ്രാമപഞ്ചായത്ത് അംഗം അമ്പിളി പ്രഭാകരന്‍ നായര്‍, സ്‌കൂള്‍ പി ടി എ പ്രസിഡന്റ്  ബിനു ചിറപ്പുറം എന്നിവര്‍ പങ്കെടുത്തു.
 

സെന്‍സസ്  2027 ന്റെ ഭാഗമായി ജില്ലയിലെ തെരഞ്ഞെടുക്കപെട്ട 44 ഫീല്‍ഡ്  ട്രെയിനര്‍മാര്‍ക്കുള്ള പരിശീലന പരിപാടി  ജില്ലാ കളക്ടറേറ്റ് കോണ്‍ഫറന്‍സ് ഹാളില്‍ സംഘടിപ്പിച്ചു. മെയ് 18 മുതല്‍ 23 വരെ രണ്ട്  ബാച്ചുകളിലായി ആയിരുന്നു  പരിശീലനം. ജില്ല സെന്‍സസ് ഓഫീസറായ അഡീഷണല്‍ ജില്ലാ  മജിസ്ട്രേറ്റ് എ വിജയന്‍ ഉദ്ഘാടനം ചെയ്തു. സെന്‍സസ് ഡയറക്ടറേറ്റ് സ്റ്റാറ്റിസ്റ്റിക്കല്‍ ഇന്‍വെസ്റ്റിഗേറ്റര്‍   സി. കെ കാര്‍ത്തിക, തിരുവല്ല ആര്‍ ഡി ഒ  സീനിയര്‍ സൂപ്രണ്ട്  കെ എസ് സിറോഷ് എന്നിവര്‍ ക്ലാസുകള്‍ നയിച്ചു.

സെന്‍സസ് -2027ന്റെ ഭാഗമായി പൊതുജനങ്ങള്‍ക്ക് സ്വന്തമായി വിവരങ്ങള്‍ ഓണ്‍ലൈനായി രേഖപ്പെടുത്താനുള്ള (സെല്‍ഫ് എന്യൂമറേഷന്‍) സൗകര്യം ജൂണ്‍ മാസം മുതല്‍ ലഭ്യമാകും. 2026 ജൂണ്‍ 16 മുതല്‍ 30 വരെയാണ് ഇതിനായി സമയം അനുവദിച്ചിരിക്കുന്നത്. സെന്‍സസ് ഉദ്യോഗസ്ഥര്‍ വീടുകളില്‍ എത്തുന്നതിന് മുന്‍പ് തന്നെ വ്യക്തികള്‍ക്ക് തങ്ങളുടെ കുടുംബത്തിലെ വിവരങ്ങള്‍ ഓണ്‍ലൈന്‍ പോര്‍ട്ടല്‍ വഴി നേരിട്ട് സമര്‍പ്പിക്കാനുള്ള സംവിധാനമാണ് സെല്‍ഫ് എന്യുമറേഷന്‍. ഏകദേശം 15-20 മിനിറ്റിനുള്ളില്‍ ഈ പ്രക്രിയ പൂര്‍ത്തിയാക്കാന്‍ സാധിക്കും.
 
രജിസ്റ്റര്‍ ചെയ്യേണ്ട വിധം

മൈലപ്ര ഗ്രാമപഞ്ചായത്തിലെ വ്യാപാര- വ്യവസായ സ്ഥാപനങ്ങള്‍, സംരംഭങ്ങള്‍ എന്നിവയുടെ ഉടമകള്‍ 2026-27 സാമ്പത്തിക വര്‍ഷത്തെ ലൈസന്‍സ് പുതുക്കണം.  പുതിയ സ്ഥാപനങ്ങളും ലൈസന്‍സ് എടുക്കണം.  നിശ്ചിത സമയ പരിധിക്കകം ലൈസന്‍സ് എടുക്കാത്ത സ്ഥാപന ഉടമകള്‍ക്കെതിരെ കേരള പഞ്ചായത്ത് രാജ്  നിയമപ്രകാരമുള്ള നടപടി സ്വീകരിക്കുമെന്ന് ഗ്രാമപഞ്ചായത്ത് സെക്രട്ടറി അറിയിച്ചു.
 

വടശ്ശേരിക്കര ഗ്രാമപഞ്ചായത്തിലെ അസിസ്റ്റന്റ് എഞ്ചിനീയറുടെ  കാര്യാലയത്തിലേക്ക് വാഹനം വാടകയ്ക്ക് നല്‍കാന്‍ താല്‍പര്യമുളളവരില്‍ നിന്ന് ദര്‍ഘാസ് ക്ഷണിച്ചു. അവസാന തീയതി മെയ് 30 ഉച്ചയ്ക്ക് ഒന്ന്.
ഫോണ്‍ : 04735 252029.
 

വടശ്ശേരിക്കര ഗ്രാമപഞ്ചായത്തിലെ 2026-27 വാര്‍ഷിക പദ്ധതിയില്‍ ഉള്‍പ്പെട്ട നാല് പ്രവൃത്തികള്‍ നടപ്പാക്കുന്നതിന് ജി എസ് ടി രജിസ്‌ട്രേഷനുളള സ്ഥാപനങ്ങള്‍ / ഏജന്‍സികള്‍/ വ്യക്തികള്‍ എന്നിവരില്‍ നിന്ന് ദര്‍ഘാസ് ക്ഷണിച്ചു. അവസാന തീയതി ജൂണ്‍ 12 വൈകിട്ട് അഞ്ച്.  ഫോണ്‍ : 04735 252029.