സെമിനാര്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും

പട്ടികജാതി - പട്ടികവർഗ്ഗ വിദ്യാർത്ഥികൾക്കായി നടപ്പാക്കുന്ന 'ഉന്നതി വിജ്ഞാന കേരളം' തൊഴിൽ പരിശീലന പദ്ധതി ഉദ്ഘാടനം ഇന്ന്.
കോഴിക്കോട്  മരുതോങ്കര എം.ആര്‍.എസില്‍  വൈകിട്ട് നാലിന് മന്ത്രി ഒ ആർ  കേളു പദ്ധതി ഉദ്ഘാടനം ചെയ്യും.

പട്ടികജാതി, പട്ടികവർഗ്ഗ പിന്നോക്ക വികസന വകുപ്പും കെ - ഡിസ്കും വിജ്ഞാനകേരളവും സംയുക്തമായി ആവിഷ് കരിച്ച് നടപ്പിലാക്കുന്ന പ്രത്യേക പദ്ധതിയാണ് 'ഉന്നതി -വിജ്ഞാന കേരളം.
ഇന്റേണ്‍ഷിപ്പുകള്‍, തൊഴില്‍, അപ്രന്റീസ് ഷിപ്പുകള്‍ വഴി 2026 മാര്‍ച്ച് 31 നകം 10,000 തൊഴിലവകരങ്ങള്‍ സൃഷ്ടിക്കാനാണ് ഇത് ലക്ഷ്യമിടുന്നത്.

മീഡിയ സെന്റര്‍ ഉദ്ഘാടനം ചെയ്തു

ബേപ്പൂര്‍ ഇന്റര്‍നാഷണല്‍ വാട്ടര്‍ ഫെസ്റ്റിന്റെ ഭാഗമായി സംഘാടക സമിതി ഓഫീസില്‍ ആരംഭിച്ച മീഡിയ സെന്റര്‍ മന്ത്രി പി എ മുഹമ്മദ് റിയാസ് ഉദ്ഘാടനം ചെയ്തു. മീഡിയ കമ്മിറ്റി ചെയര്‍മാന്‍ സനോജ് കുമാര്‍, കോഓഡിനേറ്റര്‍ മനാഫ് താഴത്ത്, ഡി.ടി.പി.സി സെക്രട്ടറി ഡോ. ടി നിഖില്‍ ദാസ്, ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പ് അസി. എഡിറ്റര്‍ സൗമ്യ ചന്ദ്രന്‍, അസി. ഇന്‍ഫര്‍മേഷന്‍ ഓഫീസര്‍ എ പി നൗഷാദ് തുടങ്ങിയവര്‍ പങ്കെടുത്തു.

കൗതുകമായി സെയിലിങ് റഗാട്ടെ

ബേപ്പൂര്‍ ഇന്റര്‍നാഷണല്‍ വാട്ടര്‍ ഫെസ്റ്റില്‍ ആദ്യ ദിനത്തില്‍ കൗതുകമുണര്‍ത്തി സെയിലിങ് റഗാട്ടെ. ഇന്ന് (27) നടക്കുന്ന മത്സരത്തിലേക്കുള്ള പരിശീലനവും പ്രദര്‍ശനവുമാണ് ആദ്യ ദിനത്തില്‍ ബേപ്പൂര്‍ ബീച്ചില്‍ നടന്നത്. പായ്‌വഞ്ചികള്‍ അണിനിരക്കുന്ന ജലസാഹസിക കായിക ഇനം മത്സരാര്‍ഥികള്‍ക്കും കാണികള്‍ക്കും ഒരുപോലെ ആവേശം പകരുന്നതാണ്. 

സർഗോത്സവം 2025 ൻ്റെ വേദി രണ്ട് കനലിൽ ലളിതഗാന മത്സരത്തിൽ  83 വിദ്യാർഥികളാണ് ജൂനിയർ ആൺ, പെൺ, സീനിയർ ആൺ, പെൺ വിഭാഗങ്ങളിൽ മത്സരിക്കാനെത്തിയത്. ഞായറാഴ്ച്ച രാവിലെ ഒൻപതു മണിയോടെ ആരംഭിച്ച മത്സരം രാത്രിയാണ്  അവസാനിച്ചത്. പല ലളിതഗാനങ്ങളും  പല കുറി ആവർത്തിച്ചെങ്കിലും എല്ലാ മത്സരാർഥികളും ഒന്നിനൊന്ന്
മികച്ചു നിന്നു.

പട്ടികവർഗ വികസന വകുപ്പിന് കീഴിലുള്ള മോഡൽ റെസിഡൻഷ്യൽ സ്കൂളിലെയും ഹോസ്റ്റലുകളിലെയും വിദ്യാർഥികളുടെ സംസ്ഥാനതല കലാമേള സർഗോത്സവത്തിന്റെരണ്ടാം ദിനമായ തിങ്കളാഴ്ച നാടകം പ്രധാന ആകർഷകമാകും. വേദി രണ്ട് കനലിലാണ് നാടക മത്സരം അരങ്ങേറുക.

പ്രധാന വേദിയായ കലക്ടറേറ്റ് മൈതാനിയിലെ വേദി ഒന്ന് 'കളിയാട്ടത്തിൽ' പരമ്പരാഗത ഗാനം (സീനിയർ), നാടോടി നൃത്തം സീനിയർ  ആൺ, പെൺ എന്നീ മത്സരങ്ങൾ അരങ്ങേറും. വേദി മൂന്ന് 'പറശ്ശിനി' യിൽ കവിതാ പാരായണം മലയാളം ജൂനിയർ, സീനിയർ വിഭാഗം, വേദി നാല് 'ജ്വാല' യിൽ ജലച്ചായം ജൂനിയർ സീനിയർ വിഭാഗം, പെൻസിൽ ഡ്രോയിങ്ങ് വിഭാഗം എന്നിവ അരങ്ങേറും. 

ഇന്ത്യൻ ചരിത്ര കോൺഗ്രസിന്റെ മുഖ്യ ആകർഷണമായി ചരിത്ര പൈതൃക പ്രദർശനം. ഡോ. എ.ടി. മോഹൻ രാജിന്റെ 'തലശ്ശേരി വിഷ്വൽ ഹിസ്റ്ററി', പ്രശാന്ത് ഒളവിലത്തിന്റെ തലശ്ശേരി ചരിത്ര ചിത്രങ്ങൾ, ദേവദാസ് മാടായിയുടെ ‘വടക്കൻ കേരളത്തിലെ അച്ചടി മാധ്യമങ്ങൾ’ എന്നിവയടക്കം കേരളത്തിന്റെ ചരിത്രവും പൈതൃകവും അടയാളപ്പെടുത്തുകയാണ് പ്രദർശനം.

കേരള പുരാവസ്തു പുരാരേഖാ മ്യൂസിയം വകുപ്പുകളുടെ സംയുക്താഭിമുഖ്യത്തിൽ സംഘടിപ്പിക്കുന്ന കണ്ണൂർ പൈതൃകോത്സവം ജനുവരി ഒന്ന് മുതൽ ആറ് വരെ നടക്കും. കണ്ണൂർ നഗരത്തിലും സമീപ പ്രദേശങ്ങളായ മുണ്ടേരി, അറക്കൽ, ബർണ്ണശ്ശേരി എന്നിവിടങ്ങളിലുമാണ് പൈതൃകോത്സവം അരങ്ങേറുന്നത്. 
കണ്ണൂരിന്റെ ചരിത്ര സാംസ്കാരിക പൈതൃകത്തെക്കുറിച്ച് ജനങ്ങൾക്കിടയിൽ അവബോധം രൂപീകരിക്കുക, പൈതൃക സംരക്ഷണത്തിന്റെ ആവശ്യകത എത്തിക്കുക എന്നീ ഉദ്ദേശത്തോടെയാണ് പൈതൃകോത്സവം സംഘടിപ്പിക്കുന്നത്. ഇതിന്റെ ഭാഗമായി പ്രഭാഷണങ്ങൾ, സെമിനാറുകൾ, പ്രദർശനങ്ങൾ, കലാവതരണങ്ങൾ, പൈതൃക പദയാത്ര എന്നിവ സംഘടിപ്പിക്കും.

വിദ്യാർഥികളിൽ കലാ-സാംസ്കാരിക ബോധം വളർത്തിയെടുക്കണമെന്നും അല്ലെങ്കിൽ ലഹരി പോലുള്ള ആപത്തിലേക്ക് പോകാനിടയാകുമെന്നും രജിസ്ട്രേഷൻ മ്യൂസിയം പുരാവസ്തു പൂരാരേഖ വകുപ്പ് മന്ത്രി രാമചന്ദ്രൻ കടന്നപ്പള്ളി പറഞ്ഞു. പട്ടികവര്‍ഗ വികസന വകുപ്പിന്റെ കീഴിലുള്ള മോഡല്‍ റെസിഡന്‍ഷ്യല്‍ സ്‌കൂള്‍ വിദ്യാര്‍ഥികളുടെ സംസ്ഥാനതല കലാമേള 'സര്‍ഗോത്സവം 2025' കണ്ണൂര്‍ കലക്ടറേറ്റ് മൈതാനിയില്‍ ഉദ്ഘാടനം ചെയ്യുകയായിരുന്നു മന്ത്രി. സർഗാത്മകമായ ഭാവനകളും ചിന്തകളും സമന്വയിപ്പിച്ചുകൊണ്ടുള്ള  സാംസ്കാരിക ഉത്സവമാണ്  സർഗോത്സവം.

മണ്ണിന്റെ താളം നെഞ്ചിലേറ്റിയ ചുവടുകളാലും പ്രകൃതിയെ അനുകരിക്കുന്ന ചലനങ്ങളോടൊപ്പം തുടി താളത്തിന്റെ അകമ്പടിയോടെ സർഗോത്സവം കലാമേളയിൽ വിദ്യാർഥികൾ നിറഞ്ഞാടി. ഗോത്രജീവിതത്തിന്റെ ലാളിത്യം വ്യക്തമാക്കുന്ന പരമ്പരാഗത നൃത്തങ്ങളാണ്  സർഗോത്സവത്തിന്റെ പ്രധാന വേദിയായ കളിയാട്ടത്തിൽ  അരങ്ങേറിയത്. വനവും വേട്ടയും ഉത്സവങ്ങളുടെ ആഹ്ലാദവും  രോഗ ശാന്തിക്കായുള്ള പ്രാർത്ഥനയും സഹജീവിതത്തിന്റെ ആഴമുള്ള ഏടുകളും നൃത്തത്തിന്റെ ഭാഷയിൽ വിദ്യാർഥികൾ അതിമനോഹരമായി പുനർസൃഷ്ടിച്ചു.