പരമ്പരാഗതമായ ലക്ഷ്യസ്ഥാനങ്ങള്‍ക്കും രീതികള്‍ക്കും അപ്പുറം സുരക്ഷിതവും സുതാര്യവും നൈപുണ്യത്തിലധിഷ്ഠിതവുമായ കുടിയേറ്റ സംസ്‌കാരത്തിന് മുന്‍ഗണന നല്‍കണമെന്ന്  വിഷന്‍ 2031 പ്രവാസികാര്യ വകുപ്പിന്റെ സംസ്ഥാനതല സെമിനാറിന്റെ ഭാഗമായുള്ള നവ തൊഴില്‍ അവസരങ്ങളും നൈപുണ്യ വികസനവും  പ്രവാസത്തിന്റെ പശ്ചാത്തലത്തില്‍ എന്ന പാനല്‍ ചര്‍ച്ച അഭിപ്രായപ്പെട്ടു. സംസ്ഥാന ആസൂത്രണ ബോര്‍ഡ് വിദഗ്ധ അംഗം ഡോ: കെ.രവി രാമന്‍ ചര്‍ച്ചയില്‍ അധ്യക്ഷത വഹിച്ചു.

മലപ്പുറം ജില്ലാപഞ്ചായത്ത് പ്രസിഡന്റായി പി.എ ജബ്ബാര്‍ ഹാജിയും വൈസ് പ്രസിഡന്റായി അഡ്വ. എ.പി സ്മിജിയും സത്യപ്രതിജ്ഞ ചെയ്ത് ചുമതലയേറ്റു. രാവിലെ 10.30ന് ജില്ലാ പഞ്ചായത്ത് പരിസരത്ത് പ്രത്യേകം സജ്ജമാക്കിയ വേദിയില്‍ വരണാധികാരി കൂടിയായ ജില്ലാകളക്ടര്‍ ജബ്ബാര്‍ ഹാജിക്ക് സത്യവാചകം ചൊല്ലിക്കൊടുത്തു. അരീക്കോട് ഡിവിഷനില്‍ നിന്ന് ജില്ലാ പഞ്ചായത്തിലേക്ക് തെരഞ്ഞെടുക്കപ്പെട്ട അംഗമാണ് പ്രസിഡന്റായി തെരഞ്ഞെടുക്കപ്പെട്ട പി.എ ജബ്ബാര്‍ ഹാജി. ജില്ലാപഞ്ചായത്ത് കൗണ്‍സില്‍ ഹാളില്‍ നടന്ന യോഗത്തിൽ വരണാധികാരി കൂടിയായ ജില്ലാകളക്ടർ തെരഞ്ഞെടുപ്പ് നിയന്ത്രിച്ചു.

തിരൂര്‍ ജില്ലാ അശുപത്രിയില്‍ ദിവസ വേതനാടിസ്ഥാനത്തില്‍ ഫിസിയോതെറാപ്പിസ്റ്റ്, നഴ്സിങ് ഓഫീസര്‍ എന്നീ തസ്തികകളിലേക്ക് നിയമനം നടത്തുന്നു. ഫീസിയോതെറാപ്പിയില്‍ ബിരുദമുള്ളവര്‍ക്ക് ഫിസിയോതെറാപ്പിസ്റ്റ് തസ്തികയിലേക്കും പ്ലസ്ടു, ജനറല്‍ നഴ്സിങ് അല്ലെങ്കില്‍ ബി.എസ്.സി നഴ്സിങ്, കേരള നഴ്സസ് ആന്‍ഡ് മിഡ് വൈഫ്സ് കൗണ്‍സില്‍ രജിസ്ട്രേഷന്‍ എന്നിവ ഉള്ളവര്‍ക്ക് നഴ്സിങ് ഓഫീസര്‍ തസ്തികയിലേക്കും അപേക്ഷിക്കാം. താത്പര്യമുള്ള ഉദ്യോഗാര്‍ഥികള്‍ അസല്‍ സര്‍ട്ടിഫിക്കറ്റും പകര്‍പ്പും സഹിതം ആശുപത്രി സൂപ്രണ്ടിന്റെ ഓഫീസില്‍ അഭിമുഖത്തിന് ഹാജരാകണം.

മലപ്പുറം പഴയ എന്‍എച്ച് 17ല്‍ തൃക്കണാപുരം മുതല്‍ നരിപ്പറമ്പ് വരെ ടാറിങ് പ്രവൃത്തി ആരംഭിക്കുന്നതിനാല്‍ ഡിസംബര്‍ 29 മുതല്‍ പ്രവൃത്തി പൂര്‍ത്തിയാകുന്നത് വരെ ഈ റോഡിലൂടെയുള്ള വാഹന ഗതാഗതം പൂര്‍ണമായും നിരോധിച്ചു. ഈ വഴി കടന്നുപോവുന്ന വാഹനങ്ങള്‍ നരിപ്പറമ്പ് - പന്തേപ്പാലം റോഡ്, കുറ്റിപ്പുറം-എടപ്പാള്‍ റോഡ്, എന്‍എച്ച് 66 എന്നിവ വഴി തിരിഞ്ഞ് പോകണം.

കോഡൂര്‍ പഞ്ചായത്തിലെ കരിങ്കൊറ ഇടവഴിയില്‍ ഉള്ള 40 എം.എം.ജി.ഐ പൈപ്പ് പുനഃസ്ഥാപിക്കുന്നതിന് ഇ-ദര്‍ഘാസ് ക്ഷണിച്ചു.  2026 ജനുവരി അഞ്ച് വരെ ദര്‍ഘാസ് സ്വീകരിക്കും. കൂടുതല്‍ വിവരങ്ങള്‍ www.etenders.kerala.gov.in ല്‍ ലഭിക്കും. ഫോണ്‍: 8547638398.

*കൊണ്ടോട്ടി ബ്ലോക്ക് പഞ്ചായത്ത്*

പ്രസിഡന്റ്- പി.കെ.സി അബ്ദുറഹ്‌മാന്‍ (ഐ.യു.എം.എല്‍)
വൈസ് പ്രസിഡന്റ്-അഡ്വ. ഫാത്തിമ റോസ്‌ന (ഐ.എന്‍.സി)

*പെരുമ്പടപ്പ് ബ്ലോക്ക് പഞ്ചായത്ത്*

പ്രസിഡന്റ് - ഫാത്തിമത്ത് സുഹറ (റമീന ഇസ്മായില്‍) (ഐ.എന്‍.സി)
വൈസ് പ്രസിഡന്റ് - സാബിറ ഷറഫുദ്ദീന്‍ (ഐ.യു.എം.എല്‍)

*പൊന്നാനി ബ്ലോക്ക് പഞ്ചായത്ത്*

പ്രസിഡന്റ്-അഡ്വ. ആര്‍. ഗായത്രി (സി.പി.ഐ.എം)
വൈസ് പ്രസിഡന്റ് - എ.പി വിമല്‍ (സി.പി.ഐ.എം)

*നിലമ്പൂര്‍ ബ്ലോക്ക് പഞ്ചായത്ത്*

പ്രസിഡന്റ്-ബോബി സി മാമ്പ്ര (ഐ.എന്‍.സി)
വൈസ് പ്രസിഡന്റ്-കെ.എച്ച്. സീനത്ത് (ഐ.യു.എം.എല്‍)

പൊതുവിദ്യാലയങ്ങള്‍ക്കായി കേരള ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എജ്യൂക്കേഷന്റെ (കൈറ്റ്) ലിറ്റില്‍കൈറ്റ്സ് ഐ.ടി. ക്ലബ്ബുകളിലെ കുട്ടികള്‍ക്കായി സംഘടിപ്പിക്കുന്ന ഉപജില്ലാതല ദ്വിദിന ക്യാമ്പിന് തുടക്കമായി. ശാസ്ത്രീയമായി കാലാവസ്ഥാ നിര്‍ണയം സാധ്യമാകുന്നതെങ്ങനെയെന്നും കാലാവസ്ഥാ പ്രവചന കേന്ദ്രങ്ങളുടെ പ്രവര്‍ത്തനങ്ങളെങ്ങനെയെന്നും ഇതിന് സഹായിക്കുന്ന പ്രോട്ടോടൈപ്പുകള്‍, പ്രോഗ്രാമിങ്് വിഭാഗത്തില്‍ ഓരോ കുട്ടിയും തയ്യാറാക്കുന്നതാണ് ഈ വര്‍ഷത്തെ ക്യാംപുകളുടെ പ്രത്യേകത.

കോട്ടയം: പ്രത്യേക തീവ്ര വോട്ടര്‍ പട്ടിക പരിഷ്‌കരണ നടപടികളുടെ(എസ്.ഐ.ആര്‍) ഭാഗമായി കോട്ടയം ജില്ലയിലെ ആദ്യഘട്ട കരട് വോട്ടര്‍ പട്ടിക  പ്രസിദ്ധീകരിച്ചു. ബൂത്ത് അടിസ്ഥാനത്തിലുള്ള വോട്ടര്‍ പട്ടികയുടെ പകര്‍പ്പ്് ജില്ലാ തെരഞ്ഞെടുപ്പ് ഓഫീസറായ ജില്ലാ കളക്ടര്‍ ചേതന്‍കുമാര്‍ മീണ രാഷ്ട്രീയ പാര്‍ട്ടി പ്രതിനിധികള്‍ക്ക് നല്‍കി. httsp://ceo.kerala.gov.in എന്ന വെബ്സൈറ്റിലും പട്ടിക പരിശോധിക്കാം. 

കഴിഞ്ഞ ഒക്ടോബര്‍ 27ന് വോട്ടര്‍ പട്ടികയില്‍ പേരുണ്ടായിരുന്ന ജില്ലയിലെ 1611002 വോട്ടര്‍മാരില്‍  1449740 പേര്‍ കരട് പട്ടിയയില്‍ ഉള്‍പെട്ടിട്ടുണ്ട്.

1. കൊണ്ടോട്ടി ബ്ലോക്ക്

-ചെറുകാവ് പഞ്ചായത്ത്
പ്രസി: ജസീന ആലുങ്ങല്‍ (മുസ്ലിം ലീഗ്)
വൈസ്: സുജാത കളത്തിങ്ങല്‍-(കോണ്‍ഗ്രസ്)

-പള്ളിക്കല്‍ പഞ്ചായത്ത്
പ്രസി: സാബിറ (മുസ്ലിം ലീഗ്)
വൈസ്:- കെ.പി സക്കീര്‍ മാസ്റ്റര്‍ (കോണ്‍ഗ്രസ്)

-വാഴയൂര്‍ പഞ്ചായത്ത്
പ്രസി: ആര്‍.എസ് അമീനാകുമാരി (സിപിഎം)
വൈസ്: പിപി സുലൈമാന്‍ (സിപിഎം)

-വാഴക്കാട് പഞ്ചായത്ത്
പ്രസി: ആരിഫ കണ്ടാംതൊടി (മുസ്ലിം ലീഗ്)
വൈസ്: അഡ്വ. എം.കെ നൗഷാദ് (മുസ്ലിം ലീഗ്)