വനിതാ ശിശു വികസന വകുപ്പിന് കീഴിൽ കൽപ്പറ്റ ഐ.സി.ഡി.എസ് പ്രോജക്ടിന്റെ ഉപയോഗത്തിനായി ജീപ്പ്/കാർ വാടകക്ക് നൽകാൻ താത്പര്യമുള്ള വ്യക്തികൾ/ സ്ഥാപനങ്ങൾ നിന്ന് ടെൻഡറുകൾ ക്ഷണിച്ചു. ടെൻഡറുകൾ മെയ് ആറ് ഉച്ചക്ക് രണ്ടിനകം നൽകണം. ഫോൺ:04936 207014.

അപ്പപ്പാറ കുടുംബാരോഗ്യ കേന്ദ്രത്തിലെ ടി.എം.എം.യു മൊബൈൽ മെഡിക്കൽ യൂണിറ്റിലേക്ക്  മാസ വാടക നിരക്കിൽ ബോലേറോ/തത്തുല്യ വാഹനം നൽകാൻ താത്പര്യമുള്ളവരിൽ നിന്ന് ടെൻഡർ ക്ഷണിച്ചു. ടെൻഡറുകൾ ജൂൺ അഞ്ച് ഉച്ചക്ക് രണ്ടിനകം അപ്പപ്പാറ കുടുംബാരോഗ്യ കേന്ദ്രത്തിൽ ലഭ്യമാക്കണം. ഫോൺ: 04935 210425.

തൊണ്ടർനാട് ഗ്രാമപഞ്ചായത്തിലെ തേറ്റമല ആയുഷ് എൻ.എച്ച്.എം ഹോമിയോ പി.എച്ച്.സിയിലേക്ക് ദിവസ വേതനാടിസ്ഥാനത്തിൽ അറ്റൻഡർ നിയമനം നടത്തുന്നു.  എസ്.എസ്.എൽ.സിയാണ് അടിസ്ഥാന യോഗ്യത. ഉദ്യോഗാർത്ഥികൾ ബയോഡാറ്റ, യോഗ്യതാ സർട്ടിഫിക്കറ്റുകളുടെ അസൽ എന്നിവ സഹിതം ജൂൺ രണ്ട് രാവിലെ 10ന് ഹാളിൽ നടക്കുന്ന കൂടിക്കാഴ്ചയിൽ പങ്കെടുക്കണം. ഫോൺ: 04935-235235.

മാനന്തവാടി ഗവ കോളേജ് കോമേഴ്‌സ് വിഭാഗത്തിൽ ഗസ്റ്റ് അധ്യാപക നിയമനം നടത്തുന്നു. കോഴിക്കോട് കോളേജ് വിദ്യാഭ്യാസ ഡെപ്യൂട്ടി ഡയറക്ടറുടെ ഓഫീസിൽ തയ്യാറാക്കിയിട്ടുള്ള പാനലിൽ ഉൾപ്പെട്ട ഉദ്യോഗാർത്ഥികൾ യോഗ്യത സർട്ടിഫിക്കറ്റുകളുടെ അസൽ, പകർപ്പ് എന്നിവ സഹിതം മെയ് 25 രാവിലെ 10ന് കോളേജ് ഓഫീസിൽ നടക്കുന്ന അഭിമുഖത്തിൽ പങ്കെടുക്കണം. ഫോൺ: 9539596905   

ലോക പുകയില വിരുദ്ധ ദിനാചരണത്തിന്റെ ഭാഗമായി ജില്ലയിലെ ഹയർസെക്കൻഡറി വൊക്കേഷൻ ഹയർ സെക്കൻഡറി വിദ്യാർത്ഥികൾക്കായി  ജില്ലാ മെഡിക്കൽ ഓഫീസ്  വിവിധ മത്സരങ്ങൾ സംഘടിപ്പിക്കുന്നു. തിരുവനന്തപുരം ജില്ലയിലെ 2025 26 അധ്യായന വർഷം പഠിച്ച ഹയർസെക്കൻഡറി വൊക്കേഷൻ ഹയർ സെക്കൻഡറി വിദ്യാർത്ഥികൾക്ക്  പങ്കെടുക്കാം.

ഹൈസ്‌കൂൾ വിദ്യാർത്ഥികൾക്കായി പ്രസംഗമത്സരമാണ് നടത്തുന്നത്. 'പുകയിലയുടെ ഉപയോഗവും ആരോഗ്യ പ്രശ്‌നങ്ങളും' എന്നതാണ് വിഷയം. ഒരു മിനിറ്റ് ദൈർഘ്യമുള്ള പ്രസംഗം റെക്കോർഡ് ചെയ്ത്  ജൂൺ 5 ന് മുമ്പ് സ്‌കൂൾ ഐഡി കാർഡിന്റെ ് കോപ്പി സഹിതം അയക്കേണ്ടതാണ്.

കൽപ്പറ്റ എൻ.എം.എസ്.എം ഗവ കോളേജ് കമ്പ്യൂട്ടർ സയൻസ് വിഭാഗത്തിൽ ഗസ്റ്റ് അധ്യാപക നിയമനം നടത്തുന്നു. കോളേജ് വിദ്യാഭ്യാസ ഉപഡയറക്ടറേറ്റിൽ രജിസ്റ്റർ ചെയ്തിട്ടുള്ള കമ്പ്യൂട്ടർ സയൻസിൽ ബിരുദാനന്തര ബിരുദവും നെറ്റ്/പി.എച്ച്.ഡിയുമുള്ള ഉദ്യോഗാർത്ഥികൾ ബയോഡാറ്റ, യോഗ്യത സർട്ടിഫിക്കറ്റുകളുടെ അസൽ, പകർപ്പ് എന്നിവ സഹിതം മെയ് 26 രാവിലെ 11.30ന് കോളേജ് ഓഫീസിൽ നടക്കുന്ന അഭിമുഖത്തിൽ പങ്കെടുക്കണം. ഫോൺ :04936 204569.

മഴക്കാലമെത്തുന്ന സാഹചര്യത്തിൽ എലിപ്പനി, ഡെങ്കിപ്പനി തുടങ്ങിയ പകർച്ചവ്യാധികൾക്കെതിരെ ജാഗ്രത പാലിക്കണമെന്ന് ജില്ലാ മെഡിക്കൽ ഓഫീസർ അറിയിച്ചു.
ഡെങ്കിപ്പനിക്ക് കാരണമാകുന്ന ഈഡിസ് കൊതുകുകൾ മുട്ടയിട്ട് പെരുകാനുള്ള സാധ്യത കൂടുതലായതിനാൽ ഉറവിട നശീകരണ പ്രവർത്തനങ്ങൾ  ഊർജ്ജിതമാക്കണം. ഞായറാഴ്ച്ച വീടുകളിലും പൊതുസ്ഥലങ്ങളിലും ശനിയാഴ്ച്ച സ്ഥാപനങ്ങളിലും നിർമ്മാണ മേഖലകളിലും വെള്ളിയാഴ്ച്ച വിദ്യാഭ്യാസ സ്ഥാപനങ്ങളിലും ഡ്രൈ ഡേ ആചരിക്കേണ്ടതാണെന്നും ഡി എം ഒ അറിയിച്ചു.
കാലവർഷം ശക്തമാകാൻ സാഹചര്യമുള്ളതിനാൽ മഴവെള്ളം കെട്ടി നിൽക്കുവാനും  കെട്ടിക്കിടക്കുന്ന വെള്ളത്തിലൂടെ എലിപ്പനി പകരുവാനും സാഹചര്യമുണ്ട്.

കളക്ടറേറ്റ് ഇലക്ഷന്‍ വിഭാഗത്തില്‍ ഓഫീസ് ആവശ്യാര്‍ത്ഥം പ്രതിമാസം 2000 കിലോമീറ്റര്‍ പരിധി എന്ന കരാര്‍ വ്യവസ്ഥയില്‍ ഡ്രൈവര്‍ ഉള്‍പ്പെടെ 7 സീറ്റുള്ള നാല്ചക്ര വാഹനം ലഭ്യമാക്കുന്നതിന് വാഹന ഉടമകളില്‍ നിന്നോ കോണ്‍ട്രാക്ടര്‍മാരില്‍ നിന്നോ ക്വട്ടേഷന്‍ ക്ഷണിക്കുന്നു.

7 സീറ്റ് വിഭാഗത്തില്‍പ്പെട്ട സെഡാന്‍/ കോംപാക്ട് സെഡാന്‍, എസ്.യു.വി വാഹനം അഞ്ച് വര്‍ഷത്തിനുള്ളില്‍ രജിസ്റ്റര്‍ ചെയ്തതും ഫിറ്റ്‌നസ് സര്‍ട്ടിഫിക്കറ്റുള്ളതും ആയിരിക്കണം.

ക്വട്ടേഷനുകള്‍ ജൂണ്‍ 5ന് രാവിലെ 11ന് ഡെപ്യൂട്ടി കളക്ടര്‍, കളക്ടറേറ്റ്, കുടപ്പനക്കുന്ന്, തിരുവനന്തപുരം-43 എന്ന വിലാസത്തില്‍ ലഭ്യമാക്കണം. ഫോണ്‍: 0471-2731122.

മാനന്തവാടി ജില്ലാ ആശുപത്രിയിൽ പ്രവർത്തിക്കുന്ന ജില്ലാ മാനസികാരോഗ്യ പദ്ധതിയിലേക്ക് താത്കാലിക മെഡിക്കൽ ഓഫീസർ നിയമനം നടത്തുന്നു. എം.ബി.ബി.എസും ടി.സി.എം.സി രജിസ്ട്രേഷനുമാണ് യോഗ്യത. ഉദ്യോഗാർത്ഥികൾ തിരിച്ചറിയൽ രേഖ, യോഗ്യത സർട്ടിഫിക്കറ്റുകളുടെ അസൽ, പകർപ്പ് എന്നിവ സഹിതം മെയ് 29 രാവിലെ 11ന് മാനന്തവാടി ജില്ലാ മെഡിക്കൽ ഓഫീസിൽ (ആരോഗ്യം) നടക്കുന്ന  കൂടിക്കാഴ്ചയിൽ പങ്കെടുക്കണം. ഫോൺ: 04935 240390   

സ്റ്റാച്യുവിൽ പ്രവർത്തിക്കുന്ന ഗ്രാമീണ സ്വയംതൊഴിൽ പരിശീലനകേന്ദ്രത്തിൽ ജൂൺ 15ന് ആരംഭിക്കുന്ന 14 ദിവസത്തെ സൗജന്യ നെറ്റിപ്പട്ട ആഭരണ നിർമാണ പരിശീലനത്തിന് അപേക്ഷ ക്ഷണിച്ചു. ക്ലാസ്സുകൾ രാവിലെ 9.30 മുതൽ വൈകുന്നേരം 5 മണി വരെയായിരിക്കും.

18-50 പ്രായപരിധിയിലുളളവർക്ക് അപേക്ഷിക്കാം. താത്പര്യമുള്ളവർ 0471-2322430, 8891228788 എന്നീ നമ്പരുകളിൽ വിളിച്ച് രജിസ്റ്റർ ചെയ്ത് ജൂൺ 5ന് നടക്കുന്ന ഇൻറർവ്യൂവിൽ പങ്കെടുക്കുക.