വടശ്ശേരിക്കര ഗ്രാമപഞ്ചായത്ത് കുടുംബാരോഗ്യ കേന്ദ്രത്തില്‍ ആംബുലന്‍സ് ഡ്രൈവറെ നിയമിക്കുന്ന അഭിമുഖം മെയ് 26 രാവിലെ 11 ന് ഗ്രാമപഞ്ചായത്ത് ഓഫീസില്‍ നടക്കും. പ്രായ പരിധി 30 - 50.
യോഗ്യത  എസ്.എസ്.എല്‍.സി. പ്രവൃത്തി പരിചയം - മൂന്ന് വര്‍ഷം. ഉദ്യോഗാര്‍ഥിക്ക് ഹെവി ലൈസന്‍സ്, ബാഡ്ജ്, പോലീസ് ക്ലിയറന്‍സ് സര്‍ട്ടിഫിക്കറ്റ് എന്നിവ ഉണ്ടാകണം. ബയോ ഡേറ്റയും അസ്സല്‍ രേഖകളുമായി അഭിമുഖത്തിന് ഹാജരാകണം. ഫോണ്‍: 04735 252029

തൊഴില്‍ വകുപ്പിന് കീഴില്‍ കൊല്ലം ചവറയില്‍ പ്രവര്‍ത്തിക്കുന്ന ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫ്രാസ്ട്രക്ചര്‍ ആന്‍ഡ് കണ്‍സ്ട്രക്ഷനില്‍ സൗജന്യ തൊഴില്‍ പരിശീലനം. എം ഇ പി സൂപ്പര്‍വൈസര്‍ -മെയിന്റനന്‍സ്, റോഡ്വെ സര്‍വേയര്‍, സോളാര്‍ ടെക്നീഷ്യന്‍, കോമീസ് ഷെഫ് എന്നിവയിലാണ് പരിശീലനം. പ്രായം 18. യോഗ്യത തെളിയിക്കുന്ന രേഖ, ആധാര്‍ കാര്‍ഡ് എന്നിവയുമായി അപേക്ഷകര്‍ മെയ് 30ന് മുമ്പ് കൊല്ലം ചവറയിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫ്രാസ്ട്രക്ചര്‍ ആന്‍ഡ് കണ്‍സ്ട്രക്ഷനില്‍ നേരിട്ട് ഹാജരാകണം.  ജൂണ്‍ ഒന്നിന് പരിശീലനം ആരംഭിക്കും. ഫോണ്‍ : 8078980000 .

മല്ലപ്പള്ളി കെല്‍ട്രോണ്‍ സെന്ററില്‍ വിവിധ കോഴ്‌സുകളിലേക്ക് അപേക്ഷ ക്ഷണിച്ചു. പി.എസ്.സി നിയമനങ്ങള്‍ക്ക് യോഗ്യമായ പി ജി ഡി സി എ, ഡി സി എ, വേഡ് പ്രോസസ്സിംഗ് ആന്റ് ഡാറ്റ എന്‍ട്രി, കമ്പ്യൂട്ടറൈസ്ഡ് ഫിനാന്‍ഷ്യല്‍ അക്കൗണ്ടിംഗ്, ഓഫീസ് ഓട്ടോമേഷന്‍ തുടങ്ങിയ കോഴ്സുകളിലേക്കും  തൊഴിലധിഷ്ഠിത കോഴ്സുകളായ ഓട്ടോകാഡ്, അഡ്വാന്‍സ്ഡ് ഗ്രാഫിക്സ് ഡിസൈന്‍ എന്നിവയിലേക്കും അപേക്ഷിക്കാം. ഫോണ്‍ : 0469 2961525, 8281905525

കോയിപ്രം ശിശുവികസന പദ്ധതി ഓഫീസിലേക്ക് കരാര്‍ വ്യവസ്ഥയില്‍ വാഹനം നല്‍കുന്നതിന് ദര്‍ഘാസ് ക്ഷണിച്ചു. അവസാനതീയതി മെയ് 28. ഫോണ്‍ : 9188959671.
 

മഴക്കാല മുന്നൊരുക്കവുമായി ബന്ധപ്പെട്ട് ജില്ല കലക്ടര്‍ എസ് പ്രേം കൃഷ്ണന്‍ വിവിധ വകുപ്പുകള്‍ക്ക്  മാര്‍ഗനിര്‍ദേശം നല്‍കി. സ്വകാര്യ ഭൂമിയിലെ അപകടകരമായ മരങ്ങള്‍ മുറിച്ചുമാറ്റുന്നതിന് തദ്ദേശസ്വയംഭരണ സ്ഥാപനങ്ങള്‍ നടപടി സ്വീകരിക്കണം. മരം മുറിക്കുന്നതുമായി ബന്ധപ്പെട്ട ഏതെങ്കിലും പരാതി തദ്ദേശസ്വയംഭരണ സ്ഥാപനങ്ങളില്‍ നിലവിലുണ്ടെങ്കില്‍ പഞ്ചായത്ത് രാജ് ആക്ട്  പ്രകാരം അടിയന്തരമായി നടപടി സ്വീകരിക്കണം. ഏതെങ്കിലും വകുപ്പുകളുടെ കൈവശമുള്ള ഭൂമിയില്‍ അപകടകരമായി നില്‍ക്കുന്ന മരങ്ങള്‍ മുറിച്ചുമാറ്റേണ്ടത് അതാത് വകുപ്പുകളുടെ ഉത്തരവാദിത്തമാണ് .

പത്തനംതിട്ട ജില്ല മേരാ യുവ ഭാരത് (നെഹ്റു യുവകേന്ദ്ര) ഓഫീസിന്റെ ആഭിമുഖ്യത്തില്‍ പ്രകൃതി ദുരന്തങ്ങളിലും മറ്റ് അടിയന്തര സാഹചര്യങ്ങളിലും പ്രവര്‍ത്തിക്കുന്നതിന് ടീമിനെ (യുവ ആപ്ദ മിത്ര) തയ്യാറാക്കുന്നതിന് അപേക്ഷ ക്ഷണിച്ചു. തിരഞ്ഞെടുക്കപ്പെടുന്നവര്‍ക്ക് ഒരാഴ്ചത്തെ സൗജന്യ പരിശീലനം ലഭിക്കും. പ്രായപരിധി 18-40. ആര്‍ട്‌സ് ആന്റ് സ്‌പോര്‍ട്‌സ് ക്ലബ് അംഗങ്ങള്‍, മേരാ യുവ ഭാരത്, എന്‍.വൈ.കെ.എസ്, എന്‍.എസ്.എസ്, എന്‍.സി.സി, റെഡ്ക്രോസ്, സന്നദ്ധസേന, ട്രോമ കെയര്‍ വിഭാഗങ്ങളിലുള്ളവര്‍ക്ക് പങ്കെടുക്കാം. മുന്‍ വോളണ്ടിയര്‍, സ്‌പോര്‍ട്‌സ് താരങ്ങള്‍ക്ക് മുന്‍ഗണന.

സംസ്ഥാന ലീഗല്‍ സര്‍വീസസ് അതോറിറ്റി, ജില്ല ലീഗല്‍ സര്‍വീസസ് അതോറിറ്റി, താലൂക്ക് ലീഗല്‍ സര്‍വീസസ് കമ്മിറ്റികള്‍ എന്നിവയുടെ ആഭിമുഖ്യത്തില്‍ ജൂണ്‍ 13ന് ദേശീയ ലോക് അദാലത്ത് നടത്തും. ജില്ല കോടതി സമുച്ചയത്തിലും തിരുവല്ല, റാന്നി, അടൂര്‍ കോടതി സമുച്ചയങ്ങളിലുമാണ് അദാലത്ത്.

പട്ടികവര്‍ഗ വികസന വകുപ്പിന്റെ  സാമൂഹ്യ പഠനമുറികളില്‍ താല്‍കാലികാടിസ്ഥാനത്തില്‍ ഫെസിലിറ്റേറ്റര്‍മാരെ നിയമിക്കുന്നതിന് യോഗ്യരായ പട്ടികവര്‍ഗ ഉദ്യോഗാര്‍ഥികള്‍ക്ക് അഭിമുഖം നടത്തുന്നു. യോഗ്യത: ബിരുദം/ ബിരുദാനന്തര ബിരുദം/ ബി.എഡ്. താല്‍പര്യമുള്ളവര്‍ യോഗ്യത സര്‍ട്ടിഫിക്കറ്റ്, ജാതി സര്‍ട്ടിഫിക്കറ്റ്, ആധാര്‍ കാര്‍ഡ് എന്നിവയുടെ അസല്‍ സഹിതം റാന്നി ട്രൈബല്‍ ഡെവലപ്മെന്റ്് ഓഫീസില്‍ ജൂണ്‍ രണ്ട് രാവിലെ 11 ന് നടക്കുന്ന അഭിമുഖത്തില്‍ പങ്കെടുക്കണം. പ്രാദേശികമായ മുന്‍ഗണന ഉണ്ടായിരിക്കും. ഫോണ്‍ : 04735-227703.
 

വള്ളിക്കോട് ഗ്രാമപഞ്ചായത്തിലെ നാല്, 12 വാര്‍ഡുകളിലെ ആശമാരുടെ ഒഴിവുകളില്‍ ജൂണ്‍ മൂന്ന് രാവിലെ 11 ന് വള്ളിക്കോട് പ്രഥമിക ആരോഗ്യ കേന്ദ്രത്തില്‍ അഭിമുഖം നടത്തുന്നു. താല്‍പര്യമുള്ളവര്‍ മെയ് 26 വൈകിട്ട് മൂന്നിന് മുമ്പ് ബന്ധപ്പെട്ട രേഖ സഹിതം വള്ളിക്കോട് പ്രാഥമിക ആരോഗ്യ കേന്ദ്രത്തില്‍ നേരിട്ട് അപേക്ഷ സമര്‍പ്പിക്കണം. യോഗ്യത എസ്എസ്എല്‍സി. പ്രായപരിധി 25-45. അപേക്ഷകര്‍ വാര്‍ഡ് പരിധിയില്‍ സ്ഥിരതാമസക്കാരായിരിക്കണം. ഫോണ്‍ : 04682 350229.
 

പന്തളം ബ്ലോക്കില്‍ രാത്രികാല മൃഗചികിത്സ സേവനം നല്‍കുന്നതിന് കേരള സ്റ്റേറ്റ് വെറ്ററിനറി കൗണ്‍സില്‍ രജിസ്റ്റര്‍ ചെയ്ത തൊഴില്‍രഹിതരായ വെറ്ററിനറി സയന്‍സ് ബിരുദധാരികളില്‍ നിന്ന് അപേക്ഷ ക്ഷണിച്ചു. ഇവരുടെ അഭാവത്തില്‍ സര്‍വീസില്‍ നിന്നും വിരമിച്ച വെറ്ററിനറി ഡോക്ടര്‍മാരെ പരിഗണിക്കും.
ജില്ല മൃഗസംരക്ഷണ ഓഫീസില്‍ മെയ് 22 രാവിലെ 11.30 ന് അഭിമുഖം. 89 ദിവസത്തേക്കാണ് നിയമനം. വൈകിട്ട് ആറ് മുതല്‍ രാവിലെ ആറു വരെയാണ് സേവനം. ബയോഡേറ്റ, യോഗ്യതാ സര്‍ട്ടിഫിക്കറ്റുകളുടെ അസലും പകര്‍പ്പും സഹിതം അഭിമുഖത്തിനെത്തണം.  ഫോണ്‍. 0468 2322762.