പട്ടികജാതി വികസന വകുപ്പിന് കീഴിൽ തൃശ്ശൂർ ജില്ലയിൽ പ്രവർത്തിക്കുന്ന വിവിധ  വിജ്ഞാനവാടിയിലേക്ക്  കോഡിനേറ്റർമാരെ നിയമിക്കുന്നതിന് അഭിമുഖം നടത്തും.  പട്ടികജാതി വിഭാഗത്തിൽ നിന്നുള്ള ബിരുദവും കമ്പ്യൂട്ടർ പ്രതിജ്ഞാനവും 21 നും 45നുമിടയിൽ  പ്രായപരിധിയുള്ള യുവതി യുവാക്കളിൽ നിന്നും അപേക്ഷ ക്ഷണിച്ചു.

പൊതുമേഖലാ സ്ഥാപനമായ കെൽട്രോൺ വിദേശത്തും സ്വദേശത്തും തൊഴിൽ സാധ്യതകളുള്ള ഒരു വർഷം ദൈർഘ്യമുള്ള പ്രൊഫഷണൽ ഡിപ്ലോമ ഇൻ ഗ്രാഫിക്സ് ആൻഡ് ഡിജിറ്റൽ ഫിലിം മേക്കിംഗ് ടെക്നിക്സ് കോഴ്‌സിലേക്ക് പ്രവേശനം ആരംഭിച്ചു.
എസ്.എസ്.എൽ‍.സി.യാണ് അടിസ്ഥാന യോഗ്യത.
കൂടുതൽ വിവരങ്ങൾക്ക്: 0494-2697288, 8590605276
വിലാസം: കെൽട്രോൺ നോളജ് സെന്റർ, കെൽട്രോൺ ടൂൾ കം ട്രെയിനിംഗ് സെന്റർ, തൃക്കണാപുരം, കുറ്റിപ്പുറം.

 സ്കൂൾ തുറക്കുന്നതിന് മുന്നോടിയായി തൃശ്ശൂർ റീജണൽ ട്രാൻസ്പോർട്ട് ഓഫീസിന് കീഴിലുള്ള മുഴുവൻ സ്കൂൾ ബസ് ഡ്രൈവർമാർക്ക് റോഡ് സുരക്ഷാ പരിശീലന ക്ലാസും "വിമുക്തി"ലഹരി വിരുദ്ധ ക്ലാസും സംഘടിപ്പിച്ചു.

എടപ്പാൾ ഐ ഡി ടി ആർ ഇൻചാർജ്, മോട്ടോർ വെഹിക്കിൾ ഇൻസ്പെക്ടർ പി. എം. അപ്പു, സൂരജ് എന്നിവരാണ് റോഡ് സുരക്ഷ ക്ലാസ്സ് നയിച്ചത്.

മൺസൂൺ കാല വാഹന പരിശോധനയുടെ അടിസ്ഥാനത്തിലാണ് ഡ്രൈവർമാർക്കായി തിയറിയും പ്രാക്ടിക്കലും ഉൾപ്പെടുന്ന പരിശീലനം സംഘടിപ്പിച്ചത്. മണ്ണുത്തി ഡോൺ ബോസ്കോ സ്കൂളിൽ നടത്തിയ പരിശീലനത്തിൽ നൂറിലധികം സ്കൂൾ ബസ് ഡ്രൈവർമാർ പങ്കെടുത്തു.

തൊടുപുഴ ജില്ലാ ആയുർവേദ ആശുപത്രിയിൽ സിദ്ധ അറ്റൻഡറുടെ ഒഴിവിലേയ്ക്ക് ദിവസവേതന അടിസ്ഥാനത്തിൽ നിയമനം നടത്തുന്നു. കുയിലിമല സിവിൽ സ്റ്റേഷനിൽ പ്രവർത്തിക്കുന്ന ഭാരതീയ ചികിത്സാ വകുപ്പിൻ്റെ ജില്ലാ മെഡിക്കൽ ഓഫീസിൽ മെയ് 29 ന് രാവിലെ 11 ന് അഭിമുഖം നടക്കും.

യോഗ്യത എസ്.എസ്.എൽ.സി. അല്ലെങ്കിൽ തത്തുല്യവും ഒരു ഗവ. അംഗീകൃത സിദ്ധ മെഡിക്കൽ ഒഫീസറുടെ കീഴിൽ 2 വർഷത്തെ പ്രവർത്തി പരിചയവും ഉണ്ടായിരിക്കണം. വിദ്യാഭ്യാസ യോഗ്യത, പ്രായം, തൊഴിൽ പരിചയം എന്നിവ തെളിയിക്കുന്ന അസൽ സർട്ടിഫിക്കറ്റുകളും അവയുടെ പകർപ്പുകളും ജില്ലാ മെഡിക്കൽ ഓഫീസർ മുൻപാകെ പരിശോധനയ്ക്ക് ഹാജരാക്കണം. കൂടുതൽ വിവരങ്ങൾക്ക് ഫോൺ: 04862 232318

അക്കാദമിക വർഷത്തിന്‍റെ ആരംഭത്തിന് മുന്നോടിയായി സ്കൂളുകളിൽ അടിയന്തിര ശുചീകരണത്തിനും സുരക്ഷ ഉറപ്പു വരുത്തുന്നതിനുള്ള പ്രവർത്തനങ്ങൾക്കും ആവശ്യമായ ഫണ്ട് ജില്ലയിലെ സർക്കാർ ഹയർ സെക്കൻഡറി, ഹൈസ്കൂളുകൾക്ക് അനുവദിക്കാന്‍ ജില്ലാ പഞ്ചായത്ത് ഭരണ സമിതി തീരുമാനിച്ചു. സ്കൂളുകളുടെ ആവശ്യങ്ങൾ പരിഗണിച്ചുള്ള നിരവധി പദ്ധതികൾ 2026-27 സാമ്പത്തിക വർഷം നടപ്പിലാക്കും. ജില്ലയിലെ ഗ്രാമ പരിധിയിലുള്ള എല്ലാ സർക്കാർ ഹയർ സെക്കന്‍ഡറി സ്കൂളുകളും ഹൈസ്കൂളുകളുമടക്കം ആകെ 114 വിദ്യാലയങ്ങളാണ് ജില്ലാ പഞ്ചായത്തിൻ്റെ നിയന്ത്രണത്തിലുള്ളത്.

കേസ് സർക്കാർ ഏറ്റെടുക്കും, അനുകൂല വിധിയില്ലെങ്കിൽ പുനരധിവാസം

പര്യത്തുകാവ് നിവാസികളെ പെരുവഴിയിലാക്കില്ലെന്ന്  ഉന്നത വിദ്യാഭ്യാസ വകുപ്പ് മന്ത്രി റോജി എം. ജോൺ.

മന്ത്രിയുടെ അധ്യക്ഷതയിൽ കളക്ടറേറ്റിൽ ചേർന്ന ഉന്നതി നിവാസികളുടേയും ഉദ്യോഗസ്ഥരുടേയും  ഉന്നത തല യോഗത്തിലാണ് ഈ തീരുമാനം അറിയിച്ചത്. 

സർക്കാർ ഏറെ പ്രാധാന്യത്തോടെയാണ് ഈ വിഷയത്തെ കാണുന്നത്. മുഖ്യമന്ത്രി വി.ഡി സതീശനുമായി വിഷയം ചർച്ച ചെയ്തിരുന്നു. 

ഭാരതീയ ചികിത്സാ വകുപ്പിന് കീഴിൽ  ജില്ലയിലെ വിവിധ സ്ഥാപനങ്ങളിലേക്ക് ദേശീയ ആയുഷ് മിഷൻ വഴി കരാർ അടിസ്ഥാനത്തിൽ താൽക്കാലിക നിയമനത്തിന് അപേക്ഷ ക്ഷണിച്ചു. പുരുഷ-സ്ത്രീ തെറാപ്പിസ്റ്റുകൾ, തെറാപ്പി അസിസ്റ്റന്റ്, മൾട്ടി പർപ്പസ് വർക്കർ എന്നീ ഒഴിവുകളിലേക്കാണ് നിയമനം. പരമാവധി 40 വയസ്സ്. 

എറണാകുളം ജില്ലാ ശിശു സംരക്ഷണ യൂണിറ്റിലെ ഓഫീസർമാരുടെ ഔദ്യോഗിക ആവശ്യങ്ങൾക്കായി ഒരു വർഷത്തേക്ക് വാഹനം വാടകയ്ക്ക് ലഭ്യമാക്കാൻ താല്പര്യമുള്ള വ്യക്തികളിൽ നിന്നും ടെൻഡർ ക്ഷണിച്ചു. പരമാവധി പ്രതിമാസ വാടക 35,000 രൂപയും (2000 കി.മീ വരെ), വാഹനത്തിന് ഏഴ് വർഷത്തിൽ താഴെ പഴക്കവും ഉണ്ടായിരിക്കണം. ഇന്ധനം, പരിപാലനം, ഡ്രൈവർ ശമ്പളം എന്നിവ ഉടമ വഹിക്കണം. ടെൻഡർ ഫോമുകൾ മെയ്‌ 26 ഉച്ചയ്ക്ക് ഒന്ന് വരെ ലഭിക്കുന്നതാണ്; പൂരിപ്പിച്ചവ അന്നേ ദിവസം വൈകിട്ട് 3ന് മുൻപായി കാക്കനാട് സിവിൽ സ്റ്റേഷനിലെ ജില്ലാ ശിശു സംരക്ഷണ ഓഫീസിൽ സമർപ്പിക്കേണ്ടതാണ്.
ഫോൺ: 0484 2959177, 9387162707.
 

വനിതാ ശിശുവികസന വകുപ്പിന് കീഴിലുള്ള കൊച്ചി മുൻസിപ്പൽ കോർപ്പറേഷനിലെ കൊച്ചി അർബൻ 2 ഐ.സി.ഡി.എസ്  പ്രോജക്ട് ഓഫീസ് പരിധിയിൽ വരുന്ന അങ്കണവാടി കം ക്രഷുകളിലെ ഒഴിവുകളിലേക്ക് അപേക്ഷ ക്ഷണിച്ചു. ഡിവിഷൻ 19 (സെക്ടർ 2) പെൻഷൻ ഭവനിൽ പ്രവർത്തിക്കുന്ന അങ്കണവാടി കം ക്രഷ് നം. 43-ൽ ഹെൽപ്പർ തസ്തികയിലും, ഡിവിഷൻ 65 (സെക്ടർ 3) മണപ്പാട്ടിപ്പറമ്പിൽ പ്രവർത്തിക്കുന്ന അങ്കണവാടി കം ക്രഷ് നം. 95-ൽ വർക്കർ തസ്തികയിലുമാണ് ഒഴിവുകളുള്ളത്. ബന്ധപ്പെട്ട ഡിവിഷനുകളിൽ സ്ഥിരതാമസക്കാരായ, സേവന താല്പര്യവും മതിയായ ശാരീരിക ക്ഷമതയുമുള്ള വനിതകൾക്കാണ് അവസരം.

കേരള ലോകായുക്ത ക്യാമ്പ് സിറ്റിംഗുകൾ ജൂൺ ആദ്യവാരം തൃശൂർ, കോട്ടയം, മൂവാറ്റുപുഴ എന്നിവിടങ്ങളിൽ നടക്കും. ജൂൺ 2 മുതൽ 5 വരെയുള്ള തീയതികളിൽ രാവിലെ 10:30 മുതലാണ് സിറ്റിംഗുകൾ നടക്കുക. നിലവിലുള്ള കേസുകൾ പരിഗണിക്കുന്നതിനൊപ്പം, സിറ്റിംഗ് നടക്കുന്ന ദിവസങ്ങളിൽ നിശ്ചിത ഫോറത്തിലുള്ള പുതിയ പരാതികളും നേരിട്ട് സ്വീകരിക്കും.