എം.എസ്.പി ഹയര്‍സെക്കണ്ടറി സ്‌കൂളില്‍ അധ്യാപക തസ്തികകളിലേക്ക് പി.എസ്.സി നിഷ്‌കര്‍ഷിക്കുന്ന യോഗ്യതയുള്ള ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു. ജെ.എല്‍.ടി അറബിക് (എല്‍.പി), ജെ.എല്‍.ടി അറബിക് (യു.പി), ജെ.എല്‍.ടി ഹിന്ദി (യു.പി), എച്ച്.എസ്.ടി ഹിന്ദി, എച്ച്.എസ്.ടി മലയാളം, എല്‍.പി.എസ്.ടി എന്നീ തസ്തികളിലേക്ക് മെയ് 25നും എച്ച്.എസ്.ടി മാത്തമാറ്റിക്‌സ്, എച്ച്.എസ്.ടി ഫിസിക്കല്‍ സയന്‍സ്, യു.പി.എസ്.ടി എന്നീ തസ്തികളിലേക്ക് മെയ് 26നും അഭിമുഖം നടക്കും.  താത്പര്യമുള്ള ഉദ്യോഗാര്‍ഥികള്‍ അന്നേദിവസം രാവിലെ 10 ന് മലപ്പുറം എം.എസ്.പി ഹയര്‍ സെക്കണ്ടറി സ്‌കൂളില്‍ ഹാജരാകണം. ഫോണ്‍-0483 2734921.

 സാമൂഹ്യനീതി വകുപ്പിന്റെ കീഴിലുള്ള വടക്കാഞ്ചേരി ആര്യംപാടം മോഡൽ സ്വയംപ്രഭാഹോമിൽ ഫെസിലിറ്റേറ്റർ, മാനേജർ നിയമനതിന് അഭിമുഖം നടത്തും. അംഗീകൃത സർവകലാശാലയിൽ നിന്നുള്ള ബിരുദമാണ് യോഗ്യത. സോഷ്യോളജി ബിരുദമുള്ളവർക്കും സാമൂഹ്യസേവന മേഖലകളിൽ പ്രവൃത്തി പരിചയമുള്ളവർക്കും മുതിർന്ന പൗരന്മാരുമായി ബന്ധമുള്ള ക്ഷേമപദ്ധതികളുടെ നിർവഹണത്തിൽ പ്രവൃത്തിപരിചയമുള്ളവർക്കും മുൻഗണന. പ്രായപരിധി 45 വയസ്സ്.

സെന്‍സസ് 2027 മായി ബന്ധപ്പെട്ട എന്യൂമറേറ്റര്‍, സൂപ്പര്‍വൈസര്‍ എന്നിവര്‍ക്ക് പരിശീലനം നല്‍കുന്നതിനായി നിയമിതരായിട്ടുള്ള ഫീല്‍ഡ് ട്രെയിനര്‍മാര്‍ക്കുള്ള പരിശീലന പരിപാടി ജില്ലയില്‍ ആരംഭിച്ചു. ജില്ലാ ആസൂത്രണ സമിതി ഹാളില്‍ നടക്കുന്ന മൂന്നു ദിവസത്തെ പരിശീലന പരിപാടി എ.ഡി.എം. സി.എസ്. രാജേഷ് ഉദ്ഘാടനം ചെയ്തു.

കേരള ലോകായുക്തയുടെ ജില്ലയിലെ ക്യാമ്പ് സിറ്റിംഗ് ജൂൺ 2, 3 തീയതികളിലായി രാവിലെ 10:30 ന് തൃശൂർ കോവിലകത്തുംപാടത്തുള്ള സ്റ്റേറ്റ് കോ-ഓപ്പറേറ്റീവ് ബാങ്ക് റീജിണൽ ഓഫീസിൽ മിനി കോൺഫറൻസ് ഹാളിൽ നടക്കുമെന്ന് ലോകായുക്ത രജിസ്ട്രാർ അറിയിച്ചു. സിംഗിൾ ബെഞ്ച് ഉപലോകായുക്ത ജസ്റ്റിസ് അശോക് മേനോനും ഡിവിഷൻ ബെഞ്ച് ജസ്റ്റിസ് എൻ അനിൽകുമാർ, ഉപ ലോകായുക്ത ജസ്റ്റിസ് അശോക് മേനോൻ എന്നിവർ പരാതികൾ കേൾക്കും. ക്യാമ്പ് സിറ്റിംഗ് ദിവസങ്ങളിൽ നിശ്ചിത ഫോറത്തിലുള്ള പുതിയ പരാതികളും സ്വീകരിക്കും.
 

പട്ടികജാതി വികസന വകുപ്പിന് കീഴിൽ തൃശ്ശൂർ ജില്ലയിൽ പ്രവർത്തിക്കുന്ന വിവിധ  വിജ്ഞാനവാടിയിലേക്ക്  കോഡിനേറ്റർമാരെ നിയമിക്കുന്നതിന് അഭിമുഖം നടത്തും.  പട്ടികജാതി വിഭാഗത്തിൽ നിന്നുള്ള ബിരുദവും കമ്പ്യൂട്ടർ പ്രതിജ്ഞാനവും 21 നും 45നുമിടയിൽ  പ്രായപരിധിയുള്ള യുവതി യുവാക്കളിൽ നിന്നും അപേക്ഷ ക്ഷണിച്ചു.

പൊതുമേഖലാ സ്ഥാപനമായ കെൽട്രോൺ വിദേശത്തും സ്വദേശത്തും തൊഴിൽ സാധ്യതകളുള്ള ഒരു വർഷം ദൈർഘ്യമുള്ള പ്രൊഫഷണൽ ഡിപ്ലോമ ഇൻ ഗ്രാഫിക്സ് ആൻഡ് ഡിജിറ്റൽ ഫിലിം മേക്കിംഗ് ടെക്നിക്സ് കോഴ്‌സിലേക്ക് പ്രവേശനം ആരംഭിച്ചു.
എസ്.എസ്.എൽ‍.സി.യാണ് അടിസ്ഥാന യോഗ്യത.
കൂടുതൽ വിവരങ്ങൾക്ക്: 0494-2697288, 8590605276
വിലാസം: കെൽട്രോൺ നോളജ് സെന്റർ, കെൽട്രോൺ ടൂൾ കം ട്രെയിനിംഗ് സെന്റർ, തൃക്കണാപുരം, കുറ്റിപ്പുറം.

 സ്കൂൾ തുറക്കുന്നതിന് മുന്നോടിയായി തൃശ്ശൂർ റീജണൽ ട്രാൻസ്പോർട്ട് ഓഫീസിന് കീഴിലുള്ള മുഴുവൻ സ്കൂൾ ബസ് ഡ്രൈവർമാർക്ക് റോഡ് സുരക്ഷാ പരിശീലന ക്ലാസും "വിമുക്തി"ലഹരി വിരുദ്ധ ക്ലാസും സംഘടിപ്പിച്ചു.

എടപ്പാൾ ഐ ഡി ടി ആർ ഇൻചാർജ്, മോട്ടോർ വെഹിക്കിൾ ഇൻസ്പെക്ടർ പി. എം. അപ്പു, സൂരജ് എന്നിവരാണ് റോഡ് സുരക്ഷ ക്ലാസ്സ് നയിച്ചത്.

മൺസൂൺ കാല വാഹന പരിശോധനയുടെ അടിസ്ഥാനത്തിലാണ് ഡ്രൈവർമാർക്കായി തിയറിയും പ്രാക്ടിക്കലും ഉൾപ്പെടുന്ന പരിശീലനം സംഘടിപ്പിച്ചത്. മണ്ണുത്തി ഡോൺ ബോസ്കോ സ്കൂളിൽ നടത്തിയ പരിശീലനത്തിൽ നൂറിലധികം സ്കൂൾ ബസ് ഡ്രൈവർമാർ പങ്കെടുത്തു.

തൊടുപുഴ ജില്ലാ ആയുർവേദ ആശുപത്രിയിൽ സിദ്ധ അറ്റൻഡറുടെ ഒഴിവിലേയ്ക്ക് ദിവസവേതന അടിസ്ഥാനത്തിൽ നിയമനം നടത്തുന്നു. കുയിലിമല സിവിൽ സ്റ്റേഷനിൽ പ്രവർത്തിക്കുന്ന ഭാരതീയ ചികിത്സാ വകുപ്പിൻ്റെ ജില്ലാ മെഡിക്കൽ ഓഫീസിൽ മെയ് 29 ന് രാവിലെ 11 ന് അഭിമുഖം നടക്കും.

യോഗ്യത എസ്.എസ്.എൽ.സി. അല്ലെങ്കിൽ തത്തുല്യവും ഒരു ഗവ. അംഗീകൃത സിദ്ധ മെഡിക്കൽ ഒഫീസറുടെ കീഴിൽ 2 വർഷത്തെ പ്രവർത്തി പരിചയവും ഉണ്ടായിരിക്കണം. വിദ്യാഭ്യാസ യോഗ്യത, പ്രായം, തൊഴിൽ പരിചയം എന്നിവ തെളിയിക്കുന്ന അസൽ സർട്ടിഫിക്കറ്റുകളും അവയുടെ പകർപ്പുകളും ജില്ലാ മെഡിക്കൽ ഓഫീസർ മുൻപാകെ പരിശോധനയ്ക്ക് ഹാജരാക്കണം. കൂടുതൽ വിവരങ്ങൾക്ക് ഫോൺ: 04862 232318

അക്കാദമിക വർഷത്തിന്‍റെ ആരംഭത്തിന് മുന്നോടിയായി സ്കൂളുകളിൽ അടിയന്തിര ശുചീകരണത്തിനും സുരക്ഷ ഉറപ്പു വരുത്തുന്നതിനുള്ള പ്രവർത്തനങ്ങൾക്കും ആവശ്യമായ ഫണ്ട് ജില്ലയിലെ സർക്കാർ ഹയർ സെക്കൻഡറി, ഹൈസ്കൂളുകൾക്ക് അനുവദിക്കാന്‍ ജില്ലാ പഞ്ചായത്ത് ഭരണ സമിതി തീരുമാനിച്ചു. സ്കൂളുകളുടെ ആവശ്യങ്ങൾ പരിഗണിച്ചുള്ള നിരവധി പദ്ധതികൾ 2026-27 സാമ്പത്തിക വർഷം നടപ്പിലാക്കും. ജില്ലയിലെ ഗ്രാമ പരിധിയിലുള്ള എല്ലാ സർക്കാർ ഹയർ സെക്കന്‍ഡറി സ്കൂളുകളും ഹൈസ്കൂളുകളുമടക്കം ആകെ 114 വിദ്യാലയങ്ങളാണ് ജില്ലാ പഞ്ചായത്തിൻ്റെ നിയന്ത്രണത്തിലുള്ളത്.

കേസ് സർക്കാർ ഏറ്റെടുക്കും, അനുകൂല വിധിയില്ലെങ്കിൽ പുനരധിവാസം

പര്യത്തുകാവ് നിവാസികളെ പെരുവഴിയിലാക്കില്ലെന്ന്  ഉന്നത വിദ്യാഭ്യാസ വകുപ്പ് മന്ത്രി റോജി എം. ജോൺ.

മന്ത്രിയുടെ അധ്യക്ഷതയിൽ കളക്ടറേറ്റിൽ ചേർന്ന ഉന്നതി നിവാസികളുടേയും ഉദ്യോഗസ്ഥരുടേയും  ഉന്നത തല യോഗത്തിലാണ് ഈ തീരുമാനം അറിയിച്ചത്. 

സർക്കാർ ഏറെ പ്രാധാന്യത്തോടെയാണ് ഈ വിഷയത്തെ കാണുന്നത്. മുഖ്യമന്ത്രി വി.ഡി സതീശനുമായി വിഷയം ചർച്ച ചെയ്തിരുന്നു.