കൗമാരക്കാരികളായ പെൺകുട്ടികൾക്ക് വേണ്ടിയുള്ള മികച്ച പ്രവർത്തനങ്ങൾക്ക് തരിയോട് ഗ്രാമപഞ്ചായത്തിലെ പത്താം വാർഡിലെ കാലികുനി-2 അംഗൻവാടിക്ക് വർണ്ണക്കൂട് പുരസ്‌കാരം. കൽപ്പറ്റ ഐ.സി.ഡി.എസ് അഡീഷണൽ പ്രോജക്ടിന് കീഴിൽ വരുന്ന അഞ്ച് പഞ്ചായത്തുകളിലായുള്ള 133 അംഗൻവാടികളിൽ നിന്നാണ് 2025-26 വർഷത്തെ വർണ്ണക്കൂട് പ്രവർത്തനങ്ങൾക്കുള്ള പുരസ്കാരം കാലിക്കുനി-2 അംഗൻവാടിയെ തേടിയെത്തിയത്. അനുമോദന യോഗത്തിന്റെ ഉദ്ഘാടനവും പുരസ്കാര സമർപ്പണവും തരിയോട് ഗ്രാമപഞ്ചായത്ത് വൈസ് പ്രസിഡന്റ് ഷമീം പാറക്കണ്ടി നിർവഹിച്ചു. 

മഴക്കാല മുന്നൊരുക്കവുമായി ബന്ധപ്പെട്ട് വിവിധ വകുപ്പുകൾ നടത്തിയ പ്രവർത്തനങ്ങൾ അവലോകനം ചെയ്യുന്നതിന് ജില്ലാതല ഉദ്യോഗസ്ഥരുടെ യോഗം ചേർന്നു. ദുരന്തനിവാരണ വിഭാഗം ഡെപ്യൂട്ടി കളക്ടർ എം.കെ ഇന്ദുവിന്റെ അധ്യക്ഷതയിൽ ചേർന്ന യോഗത്തിൽ ജില്ലയിൽ ഇതുവരെ നടത്തിയ മുന്നൊരുക്ക  പ്രവർത്തനങ്ങൾ അവലോകനം ചെയ്തു. അപകടകരമായി നിലനിൽക്കുന്ന മരങ്ങൾ, കെട്ടിടങ്ങൾ എന്നിവ നീക്കം ചെയ്യുന്നതിന് സ്വീകരിച്ച നടപടികൾ പൊതുമരാമത്ത്, തദ്ദേശ സ്വയംഭരണ, റവന്യൂ വകുപ്പുകൾ യോഗത്തിൽ വിശദീകരിച്ചു. മഴക്കാലം തുടങ്ങുന്നതിന് മുമ്പ് അടിയന്തിരമായി പൂർത്തീകരിക്കേണ്ട പ്രവൃത്തികളുടെ പുരോഗതിയും വിലയിരുത്തി. 

പെരുങ്കടവിള ബ്ലോക്ക് പഞ്ചായത്ത് സാമൂഹികാരോഗ്യ കേന്ദ്രത്തില്‍ ഒരു ഡോക്ടറുടെ താത്ക്കാലിക ഒഴിവുണ്ട്. 179 ദിവസത്തേയ്ക്കാണ് നിയമനം.

യോഗ്യതയുള്ള ഉദ്യോഗാര്‍ത്ഥികള്‍ രജിസ്‌ട്രേഷന്‍ സര്‍ട്ടിഫിക്കറ്റും യോഗ്യത തെളിയിക്കുന്ന മറ്റ് സര്‍ട്ടിഫിക്കറ്റുകളുമായി മെയ് 29ന് രാവിലെ 10ന് സാമൂഹികാരോഗ്യ കേന്ദ്രത്തില്‍ അഭിമുഖത്തിന് എത്തണം.

ഫോണ്‍: 0471-2276169

മഴക്കാല മുന്നൊരുക്കവുമായി ബന്ധപ്പെട്ട് ജില്ലയിലെ സന്നദ്ധ സംഘടനാ വളണ്ടിയർമാർക്കായി ജില്ലാ ദുരന്തനിവാരണ അതോറിറ്റിയുടെ നേതൃത്വത്തിൽ ഏകദിന പരിശീലന പരിപാടി സംഘടിപ്പിച്ചു. എ.ഡി.എം എ ജയശ്രീ ഉദ്ഘാടനം ചെയ്തു. അപ്രതീക്ഷിതമായുണ്ടാകുന്ന ദുരന്തമുഖങ്ങളിൽ പകച്ചുനിൽക്കാതെ രക്ഷാപ്രവർത്തനങ്ങൾക്ക് സന്നദ്ധമാകാൻ കൃത്യമായ പരിശീലനം അത്യാവശ്യമാണെന്ന് എ.ഡി.എം പറഞ്ഞു. ജില്ലാ ദുരന്ത നിവാരണ അതോറിറ്റിയിൽ രജിസ്റ്റർ ചെയ്തിട്ടുള്ള ഇന്റർ ഏജൻസി ഗ്രൂപ്പുകളിലെ വളണ്ടിയർമാർക്കു വേണ്ടിയാണ് കളക്ടറേറ്റ് എ.പി.ജെ ഹാളിൽ വെച്ച് വിവിധ മേഖലകളിൽ പ്രായോഗിക പരിശീലനം ഉൾപ്പെടെ നൽകിയത്.

ജില്ലയിലെ സമഗ്ര മാനസികാരോഗ്യ പദ്ധതിയുടെ കീഴിൽ തരിയോട് പ്രവർത്തിക്കുന്ന പകൽവീട്ടിലേക്ക് ദിവസേന ലഘുഭക്ഷണം, ഉച്ചഭക്ഷണം എന്നിവ പാചകം ചെയ്ത് എത്തിക്കുന്നതിന് തരിയോട് പഞ്ചായത്ത് പരിധിയിലെ പരിചയസമ്പന്നരായ ഹോട്ടലുകൾ/ ഭക്ഷണവിതരണക്കാർ/ കുടുംബശ്രീ യൂണിറ്റുകൾ എന്നിവരിൽ നിന്നും ദർഘാസ് ക്ഷണിച്ചു. ദർഘാസുകൾ ജൂൺ നാല് വൈകുന്നേരം അഞ്ചിനകം ലഭ്യമാക്കണം. ഫോൺ: 04935 240264

 മാനന്തവാടി ജില്ലാ ആശുപത്രിയിൽ ആർ.എസ്.ബി.വൈ, ആർ.ബി.എസ്.കെ, ജി.എസ്.എസ്.കെ ആരോഗ്യകിരണം, എസ്.റ്റി മെഡിസെപ്പ് തുടങ്ങിയ പദ്ധതികളുടെ ഗുണഭോക്താക്കളായ രോഗികൾക്ക് ആശുപത്രി ഫാർമസി, കാരുണ്യ ഫാർമസി, എച്ച്.എൽ.എൽ എന്നിവിടങ്ങളിൽ ലഭ്യമല്ലാത്ത മരുന്നുകൾ, സർജിക്കൽ എന്നിവ ക്രെഡിറ്റ് വ്യവസ്ഥയിൽ നൽകാൻ താത്പര്യമുള്ള അംഗീകൃത ഫാർമസി വിതരണക്കാരിൽ നിന്നും ദർഘാസ് ക്ഷണിച്ചു. ആശുപത്രി പരിസരത്ത് 100 മീറ്റർ ചുറ്റളവിൽ പ്രവർത്തിക്കുന്ന സ്ഥാപനങ്ങൾ ജൂൺ നാല് വൈകുന്നേരം അഞ്ചിനകം ദർഘാസുകൾ ലഭ്യമാക്കണം. ഫോൺ: 04935 240264.

അപ്പപ്പാറ കുടുംബാരോഗ്യ കേന്ദ്രത്തിലെ എൻ.ആർ.സിയിലേക്ക് മാസ വാടക നിരക്കിൽ ബോലേറോ/തത്തുല്യ വാഹനം നൽകാൻ താത്പര്യമുള്ളവരിൽ നിന്ന് ടെൻഡർ ക്ഷണിച്ചു. ടെൻഡറുകൾ ജൂൺ അഞ്ച് ഉച്ചക്ക് രണ്ടിനകം അപ്പപ്പാറ കുടുംബാരോഗ്യ കേന്ദ്രത്തിൽ ലഭ്യമാക്കണം. ഫോൺ: 04935 210425.

മാനന്തവാടി ഗവ കോളേജ് കോമേഴ്‌സ് വിഭാഗത്തിൽ ഗസ്റ്റ് അധ്യാപക നിയമനം നടത്തുന്നു. കോഴിക്കോട് കോളേജ് വിദ്യാഭ്യാസ ഡെപ്യൂട്ടി ഡയറക്ടറുടെ ഓഫീസിൽ തയ്യാറാക്കിയിട്ടുള്ള പാനലിൽ ഉൾപ്പെട്ട ഉദ്യോഗാർത്ഥികൾ യോഗ്യത സർട്ടിഫിക്കറ്റുകളുടെ അസൽ, പകർപ്പ് എന്നിവ സഹിതം ജൂൺ 25 രാവിലെ 10ന് കോളേജ് ഓഫീസിൽ നടക്കുന്ന അഭിമുഖത്തിൽ പങ്കെടുക്കണം. ഫോൺ: 9539596905

മീനങ്ങാടി സാമൂഹികരോഗ്യ കേന്ദ്രത്തിൽ ദിവസവേതനാടിസ്ഥാനത്തിൽ ലാബ് അസിസ്റ്റന്റ് നിയമനം നടത്തുന്നു.  വിഎച്ച്എസ്.സി എം.എൽ.ടിയാണ് യോഗ്യത. ഉദ്യോഗാർഥികൾ ബയോഡാറ്റ, യോഗ്യത സർട്ടിഫിക്കറ്റുകളുടെ അസൽ എന്നിവ സഹിതം മെയ്‌ 25 രാവിലെ 11ന് മീനങ്ങാടി സാമൂഹികരോഗ്യ കേന്ദ്രത്തിൽ നടക്കുന്ന അഭിമുഖത്തിൽ പങ്കെടുക്കണം. ഫോൺ: 04936 247290  

മീനങ്ങാടി സാമൂഹികരോഗ്യ കേന്ദ്രത്തിലെ ആയുർ ആരോഗ്യ സൗഖ്യം പദ്ധതിയിലേക്ക് താത്കാലിക ഡോക്ടർ, സ്റ്റാഫ് നഴ്സ്, ഫാർമസിസ്റ്റ് എന്നിവരുടെ നിയമനം നടത്തുന്നു. ഡോക്ടർ തസ്തികയിലേക്ക് എം.ബി.ബി.എസ്‌, ടി.സി.എം.സി രജിസ്‌ട്രേഷൻ എന്നിവയാണ് യോഗ്യത. സ്റ്റാഫ്‌ നഴ്സ് തസ്തികയിലേക്ക് ബി.എസ്‌. സി/ജി.എൻ.എം, കെ.എൻ.എം.സി രജിസ്ട്രേഷനും, ഫാർമസിസ്റ്റ് തസ്തികയിലേക്ക് ബി.ഫാം/ഡി.ഫാം, കേരള ഫർമസി കൗൺസിൽ രജിസ്ട്രേഷനുമാണ് യോഗ്യത.  ഉദ്യോഗാർഥികൾ ബയോഡാറ്റ, യോഗ്യത സർട്ടിഫിക്കറ്റുകളുടെ അസൽ എന്നിവ സഹിതം മെയ്‌ 25 രാവിലെ 10ന് മീനങ്ങാടി സാമൂഹികരോഗ്യ കേന്ദ്രത്തിൽ നടക്കുന്ന അഭിമുഖത്തിൽ പങ്കെടുക്കണം. ഫോൺ: 04936 247290