സംസ്ഥാന സർക്കാരിന്റെ നൂറ് ദിന കർമ്മപദ്ധതിയോടനുബന്ധിച്ച് നാല് മാസത്തേക്ക് കൂടി തുടരുന്ന സൗജന്യ ഭക്ഷ്യക്കിറ്റ് വിതരണം ജില്ലയിൽ ആരംഭിച്ചു. പദ്ധതിയുടെ  ജില്ലാതല ഉദ്ഘാടനം മേയർ അജിത ജയരാജൻ നിർവ്വഹിച്ചു. തൃശൂർ ടൗൺഹാളിൽ നടന്ന ചടങ്ങിൽ 12 എ എ വൈ (മഞ്ഞ) കാർഡുടമകൾക്ക്  ഭക്ഷ്യക്കിറ്റ് വിതരണം ചെയ്തു. ജില്ലയിലെ  8,48,000 കുടുംബങ്ങൾക്കാണ് പദ്ധതിയുടെ പ്രയോജനം ലഭിക്കുക.   ഒരു കിലോഗ്രാം പഞ്ചസാര, ആട്ട, ഉപ്പ്, 750 ഗ്രാം കടല, ചെറുപയർ, 250 ഗ്രാം സാമ്പാർ പരിപ്പ്, അര ലിറ്റർ വെളിച്ചെണ്ണ, 100 ഗ്രാം മുളക്പൊടി എന്നിവയാണ് ഭക്ഷ്യക്കിറ്റിൽ ഉൾപ്പെടുത്തിയിരിക്കുന്നത്.

ഗവ. മെഡിക്കൽ കോളേജിൽ ജൂനിയർ ലാബ് അസിസ്റ്റൻ്റ് താൽകാലിക നിയമനം നടത്തുന്നു. നിബന്ധനകൾക്ക്  വിധേയമായി പ്രതിദിന വേതനം 715 രൂപ വേതനത്തിൽ 90 ദിവസത്തേക്കായിരിക്കും നിയമനം. യോഗ്യത, വയസ്സ്, പ്രവൃത്തിപരിചയം എന്നിവ തെളിയിക്കുന്ന രേഖകൾ അപേക്ഷയോടൊപ്പം establishment.gmctsr@gmail.com എന്ന മെയിലിൽ ഒക്ടോബർ മൂന്നിന് വൈകീട്ട് 5ന് മുൻപ് അപ്ലോഡ് ചെയ്യണം. ഫോൺ: 0487-2200310, 2200319

സംസ്ഥാന പട്ടികജാതി- പട്ടികവർഗ്ഗ വികസന കോർപ്പറേഷൻ ദേശീയ പട്ടികജാതി ധനകാര്യ വികസന കോർപ്പറേഷൻ്റെ സഹായത്തോടെ നടപ്പിലാക്കുന്ന സ്വയംതൊഴിൽ വായ്പ പദ്ധതിക്ക് അപേക്ഷ ക്ഷണിച്ചു. 16,17,18 ലഘു വ്യവസായ യോജന ഘട്ടങ്ങളിലെ  സ്വയം തൊഴിൽ വായ്പ പദ്ധതികൾക്ക് 2,00,000 മുതൽ 4,00,000 രൂപ വരെ  വായ്പയായി ലഭിക്കും. 18നും 55 നും മധ്യേ പ്രായമുള്ളവർക്ക് അപേക്ഷിക്കാം. വാർഷിക വരുമാനം 3,00,000 രൂപയായിരിക്കണം. വായ്പ തുക ആറ് ശതമാനം പലിശ സഹിതം അഞ്ച് വർഷം കൊണ്ട് തിരിച്ചടക്കണം. തെരഞ്ഞെടുക്കുന്നവർ ഈടായി കോർപ്പറേഷൻ്റെ നിബന്ധനകൾക്കനുസരിച്ച് ആവശ്യമായ ഉദ്യോഗസ്ഥ ജാമ്യം/ വസ്തു ജാമ്യം എന്നിവ ഹാജരാക്കണം.

സംസ്ഥാന പട്ടികജാതി- പട്ടികവർഗ്ഗ വികസന കോർപ്പറേഷൻ തൊഴിൽ വായ്പാ പദ്ധതികൾക്ക് അപേക്ഷ ക്ഷണിച്ചു. ജില്ലയിലെ  പട്ടികജാതിയിൽപ്പെട്ട തൊഴിൽരഹിതരായ 18നും 55നും മധ്യേ പ്രായമുളള യുവാക്കൾക്ക് അപേക്ഷിക്കാം.  വാർഷിക വരുമാനം 3,50,000 രൂപയായിരിക്കണം. വായ്പാ തുക ഏഴ് ശതമാനം പലിശ സഹിതം അഞ്ച് വർഷം കൊണ്ട് തിരിച്ചടക്കണം. തെരഞ്ഞെടുക്കുന്നവർ ഈടായി കോർപ്പറേഷൻ്റെ നിബന്ധനകൾക്കനുസരിച്ച് ആവശ്യമായ ഉദ്യോഗസ്ഥ ജാമ്യം/ വസ്തു ജാമ്യം എന്നിവ ഹാജരാക്കണം. 1,00,000  രൂപ മുതൽ 4,95,000 രൂപ വരെ  വായ്പ നൽകും. അപേക്ഷാഫോറത്തിനും വിശദവിവരങ്ങൾക്കും ജില്ലാ ഓഫീസുമായി ബന്ധപ്പെടുക. ഫോൺ: 0487- 2331556.

തൃശൂർ ഗവ മെഡിക്കൽ കോളേജിൽ ഇ സി ജി ടെക്നീഷ്യൻ തസ്തികയിൽ ദിവസവേതനാടിസ്ഥാനത്തിൽ താൽക്കാലിക നിയമനം നടത്തുന്നു.  740 രൂപ ദിവസവേതനാടിസ്ഥാനത്തിൽ പരമാവധി 90 ദിവസത്തേക്കാണ്  നിയമനം. താല്പര്യമുള്ള ഉദ്യോഗാർഥികൾ യോഗ്യത, വയസ്സ്, പ്രവർത്തി പരിചയം എന്നിവ തെളിയിക്കുന്ന രേഖകൾ അപേക്ഷയോടൊപ്പം establishment.gmctsr@gmail.com എന്ന ഈ മെയിൽ വിലാസത്തിൽ ഒക്ടോബർ മൂന്നിന് മുമ്പായി അപ്‌ലോഡ്  ചെയ്യേണ്ടതാണ്. ഇസിജി ടെക്നീഷ്യൻ :യോഗ്യത,  എസ്എസ്എൽസി,  വിഎച്ച്എസ്ഇ  ഇസിജി ആൻഡ് ഓഡിയോമെട്രിക് ടെക്നോളജി പാസായിരിക്കണം. ഗവ.

ലൈഫ് മിഷന്‍ ഭവനപദ്ധതിയിലൂടെ ഭൂരഹിത ഭവനരഹിത ഗുണഭോക്താക്കള്‍ക്കായി നിര്‍മ്മിക്കുന്ന മൂന്നാമത്തെ ഫ്‌ളാറ്റ് സമുച്ചയത്തിന്റെ നിര്‍മ്മാണോദ്ഘാടനം കാറളത്ത് മുഖ്യമന്ത്രി ഓണ്‍ലൈന്‍ വഴി നടത്തി. സംസ്ഥാനത്തെ 29 ഫ്‌ളാറ്റ് സമുച്ചയങ്ങളുടെ നിര്‍മ്മാണോദ്ഘാടനം ഒരുമിച്ച് ഓണ്‍ലൈനിലൂടെ അദ്ദേഹം നിര്‍വ്വഹിച്ചു. തദ്ദേശസ്വയംഭരണവകുപ്പ് മന്ത്രി എ.സി.മൊയ്തീന്‍ അദ്ധ്യക്ഷനായി. ലൈഫ്മിഷന്‍ ഭവനസമുച്ചയ പദ്ധതി സുതാര്യമായ പദ്ധതിയാണെന്നും എല്ലാ വിശദാംശങ്ങളും ലൈഫ്മിഷന്‍ വെബ്‌സൈറ്റില്‍ ലഭ്യമാണെന്നും അദ്ദേഹം പറഞ്ഞു.

അയ്യന്തോൾ ഇൻഡസ്ട്രിയൽ ട്രിബ്യൂണൽ ആന്റ് എംപ്ലോയീസ് കോംപൻസേഷൻ കോടതി ഹാന്റ് ഹോൾഡ് സപ്പോർട്ട് എഞ്ചിനീയർ (എച്ച് എസ് ഇ ) നിയമനവുമായി ബന്ധപ്പെട്ട് സെപ്റ്റംബർ 30 ന് നടത്താൻ നിശ്ചയിച്ചിട്ടുള്ള കൂടിക്കാഴ്ച മാറ്റിവെച്ചു.

ചാലക്കുടി അഡീഷ്ണല്‍ ശിശുവികസന പദ്ധതി ഓഫീസിന് 2020 നവംബര്‍ മുതല്‍ 2021 മാര്‍ച്ച് 31 വരെ കരാര്‍ അടിസ്ഥാനത്തില്‍ വാഹനം വാടകയ്ക്ക് നല്‍കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി സെപ്റ്റംബര്‍ 28 വൈകീട്ട് 3 മണി. ഫോണ്‍: 0480-2700380.  

കോവിഡ് 19 പശ്ചാത്തലത്തില്‍ ടൂറിസം വ്യവസായം നേരിടുന്ന ഗുരുതര പ്രതിസന്ധിക്ക് ആശ്വാസമേകാന്‍ 455 കോടി രൂപയുടെ വായ്പാ സഹായ പദ്ധതികള്‍ ടൂറിസം വകുപ്പ് നടപ്പാക്കുമെന്ന് സഹകരണ-ടൂറിസം മന്ത്രി കടകംപള്ളി സുരേന്ദ്രന്‍. മുഖ്യമന്ത്രിയുടെ പ്രത്യേക ടൂറിസം വായ്പാനിധി എന്നപേരില്‍ നടപ്പാക്കുന്ന രണ്ട് വിഭാഗങ്ങളില്‍പ്പെട്ട
ഈ പദ്ധതികളുടെ പ്രയോജനം സംരംഭകര്‍ക്കും ടൂറിസം വ്യവസായ മേഖലയില്‍ ജോലി ചെയ്യുന്നവര്‍ക്കും ലഭിക്കും. മുസിരിസ് പൈതൃക പദ്ധതിയില്‍ ഉള്‍പ്പെടുത്തി കൊടുങ്ങല്ലൂര്‍ കാവില്‍ക്കടവില്‍ നിര്‍മ്മിച്ച മുസിരിസ് വിസിറ്റേഴ്‌സ് സെന്ററിന്റെ ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു അദ്ദേഹം.

കേരളത്തിലെ 99 സർക്കാർ ഐ.ടി.ഐകളിലായി 76 ഏകവത്സര, ദ്വിവത്സര ട്രേഡുകളിലേക്കുള്ള പ്രവേശനത്തിന് ഓൺലൈൻ മുഖേന അപേക്ഷ സമർപ്പിക്കുന്നതിനുള്ള അവസാന തീയതി 24 ൽ നിന്ന് 30 ലേക്ക് നീട്ടി.  ട്രേഡ് ഓപ്ഷൻ പോർട്ടലിൽ ലഭ്യമാണ്.
ഇതിനകം അപേക്ഷ സമർപ്പിച്ചവർ ട്രേഡ് ഓപ്ഷൻ നൽകണം.  https://itiadmissions.kerala.gov.in, https://det.kerala.gov.in എന്നിവ മുഖേന അപേക്ഷകൾ ഓൺലൈനായി സമർപ്പിക്കാം. അപേക്ഷ സമർപ്പിക്കുന്നതിനുള്ള പ്രോസ്പെക്ടസും മാർഗ്ഗനിർദ്ദേശ്ശങ്ങളും  വെബ്സൈറ്റിൽ ലഭ്യമാണ്.
പി.എൻ.എക്‌സ്. 3247/2020