പൈനാവ് മോഡല്‍ പോളിടെക്‌നിക് കോളേജില്‍ 2020-21 അദ്ധ്യായന വര്‍ഷത്തെ  ലാറ്ററല്‍ എന്‍ട്രി പ്രവേശനം  തുടരുന്നു.  കമ്പ്യൂട്ടര്‍ ഹാര്‍ഡ് വെയര്‍, ബയോമെഡിക്കല്‍ എഞ്ചിനീയറിംഗ്  എന്നീ ബ്രാഞ്ചുകളില്‍  സീറ്റ് ഒഴിവ്. ജില്ലയിലെ റാങ്ക് പട്ടികയില്‍ ഉള്‍പ്പെട്ട അപേക്ഷകര്‍  രക്ഷിതാക്കളോടൊപ്പം രാവിലെ 10ന് കോളേജില്‍ എത്തേണ്ടതാണ്. . പൈനാവ് മോഡല്‍ പോളിടെക്‌നിക് ഓപ്ഷനായി കൊടുക്കാത്തവര്‍ക്കും പ്രവേശനം നേടാം.

ക്ഷീരവികസനവകുപ്പിന്റെ 2020 - 21 മില്‍ക്ക് ഷെഡ് ഡെവലപ്മെന്റ് പദ്ധതിയില്‍ ഉള്‍പ്പെടുത്തി ചക്കുപള്ളം ഗ്രാമപഞ്ചായത്തില്‍ നടപ്പിലാക്കുന്ന ക്ഷീരഗ്രാമം പദ്ധതിയുടെ ഗുണഭോക്താക്കളെ തെരഞ്ഞെടുക്കുന്നതിനു പഞ്ചായത്ത് പരിധിയില്‍ താമസിക്കുന്ന ക്ഷീരകര്‍ഷകരില്‍ നിന്നും നിര്‍ദ്ദിഷ്ട മാതൃകയില്‍ അപേക്ഷ ക്ഷണിച്ചു. അപേക്ഷാഫോം കട്ടപ്പന ക്ഷീരവികസനയൂണിറ്റില്‍ നിന്നും,ചക്കുപള്ളം ഗ്രാമപഞ്ചായത്ത് പരിധിയില്‍ ഉള്ള ക്ഷീരസംഘങ്ങളില്‍ നിന്നും ലഭിക്കും. പൂരിപ്പിച്ച അപേക്ഷകള്‍ സെപ്റ്റംബര്‍ 25 നുള്ളില്‍ കട്ടപ്പന ക്ഷീരവികസന യൂണിറ്റില്‍ ലഭിച്ചിരിക്കണം.
അപേക്ഷിക്കാവുന്ന പദ്ധതികള്‍
1. 2 പശു യൂണിറ്റ്

കോലാഹലമേട് കൊച്ചുകരുന്തരുവി റോഡിന്റെ നിര്‍മ്മാണ ഉദ്ഘാടനം ഇ എസ് ബിജിമോള്‍ എംഎല്‍എ നിര്‍വ്വഹിച്ചു.നബാഡിന്റെ സഹായത്തോടെ 5 കോടി രൂപ ചിലവഴിച്ച് ബിഎംബിസി നിലവാരത്തിലാണ് റോഡിന്റെ നിര്‍മ്മാണം നടത്തുക.നാളുകളായി ഈ റോഡ് തകര്‍ന്ന് കിടക്കുകയാണ്.റോഡിന്റെ ശോച്യാവസ്ഥക്ക് മാറ്റമുണ്ടാക്കണമെന്ന പ്രദേശവാസികളുടെ വര്‍ഷങ്ങളായുള്ള ആവശ്യത്തിന്  പരിഹാരമാകും.

പ്രീ മണ്‍സൂണ്‍ ഓണ്‍ ലൈന്‍ ട്രെയിനിംഗ് പൂര്‍ത്തീകരിച്ച സന്നദ്ധ പ്രവര്‍ത്തകര്‍ക്ക് ജില്ലാ കളക്ടര്‍ എച്ച് ദിനേശന്‍ സര്‍ട്ടിഫിക്കറ്റ് വിതരണം ചെയ്തു.  കോവിഡ്, ദുരന്തനിവാരണ പ്രവര്‍ത്തനങ്ങളില്‍ പങ്കാളിയാക്കുന്നതിന് സര്‍ക്കാര്‍ പോര്‍ട്ടലില്‍ രജിസ്റ്റര്‍ ചെയ്ത സന്നദ്ധ പ്രവര്‍ത്തകര്‍ക്ക് ഓണ്‍ലൈനായാണ് പരിശീലനം നല്കിയത്. വാഴത്തോപ്പ് കാട്ടുകുന്നേല്‍ ജെയിന്‍ ജയിംസ്, കളക്ടറില്‍ നിന്നും സര്‍ട്ടിഫിക്കറ്റ് ഏറ്റുവാങ്ങി. ഇടുക്കി ജില്ലയില്‍ 86 സന്നദ്ധ പ്രവര്‍ത്തകരാണ് പരിശീലനം പൂര്‍ത്തീകരിച്ചത്.
 

സംസ്ഥാന സര്‍ക്കാറിന് കീഴിലെ ജെന്‍ഡര്‍ പാര്‍ക്ക് കോഴിക്കോട് ക്യാമ്പസില്‍ സൈറ്റ് എഞ്ചിനീയറുടെ ഒരു താല്‍ക്കാലിക ഒഴിവിലേക്ക് സര്‍ക്കാര്‍ സര്‍വ്വീസില്‍ അസി.എഞ്ചിനീയര്‍ തസ്തികയില്‍ നിന്നും വിരമിച്ചവരെ ഹോണറേറിയം വ്യവസ്ഥയില്‍ നിയമിക്കുന്നു. താല്‍പര്യമുളളവര്‍ കോഴിക്കോട് വെളളിമാടുകുന്ന് സോഷ്യല്‍ ജസ്റ്റിസ് കോംപ്ലക്സിലെ ജെന്‍ഡര്‍ പാര്‍ക്ക് മാനേജറുടെ ഓഫീസില്‍ സെപ്തംബര്‍ 24 ന് ഉച്ചയ്ക്ക രണ്ട് മണിക്ക് അസ്സല്‍ സര്‍ട്ടിഫിക്കറ്റുകള്‍ സഹിതം ഇന്റര്‍വ്യൂവിന് ഹാജരാകണമെന്ന് മാനേജര്‍ അറിയിച്ചു.

വനിത ശിശുവികസനI വകുപ്പ് ബാലുശ്ശേരി അഡീഷണല്‍ ഐസിഡിഎസ് ഓഫീസിന്റെ ഉപയോഗത്തിനായി 2021 മാര്‍ച്ച് 31 വരെ വാടകയ്ക്ക് വാഹനം നല്‍കുന്നതിന്  താല്‍പര്യമുളള വ്യക്തികളില്‍/സ്ഥാനപത്തില്‍ നിന്ന് ടെണ്ടര്‍ ക്ഷണിച്ചു. അവസാന തീയതി സെപ്തംബര്‍ 28 ന് രണ്ട് മണി വരെ. ഫോണ്‍ : 0496 2705228.

കേരള ലേബര്‍ വെല്‍ഫയര്‍ ഫണ്ട് ബോര്‍ഡ് വരിക്കാരായ (ഫാക്ടറി തൊഴിലാളികള്‍, തോട്ടം തൊഴിലാളികള്‍, ബാങ്ക്, കോ ഓപ്പറേറ്റീവ് ബാങ്ക് തൊഴിലാളികള്‍) തൊഴിലാളികളുടെ മക്കള്‍ക്ക് 2020-21 വര്‍ഷം ഐടിഐ പ്രവേശനത്തിനായി അപേക്ഷിക്കുന്നതിനുള്ള അവസാന തീയതി സെപ്തംബര്‍ 28 വരെ നീട്ടി. 12 ഐടിഐകളിലെ 13 ട്രേഡുകളിലേക്ക്  www.labourwelfarefundboard.in എന്ന വെബ്സൈറ്റിലൂടെ ഓണ്‍ലൈനായാണ് അപേക്ഷ സമര്‍പ്പിക്കേണ്ടതെന്ന് ലേബര്‍ വെല്‍ഫെയര്‍ ഫണ്ട് ഇന്‍സ്പെക്ടര്‍ അറിയിച്ചു.  ഫോണ്‍ -0495 2372480.