രോഗമുക്തി 308

ജില്ലയില്‍ ഇന്ന് 883 പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു. വിദേശത്ത് നിന്ന് എത്തിയ നാലുപേർക്കും ഇതര സംസ്ഥാനങ്ങളില്‍ നിന്ന് എത്തിയവരില്‍ 28 പേര്‍ക്കുമാണ് പോസിറ്റീവായത്. 40 പേരുടെ ഉറവിടം വ്യക്തമല്ല. സമ്പര്‍ക്കം വഴി 811 പേര്‍ക്കാണ് രോഗം ബാധിച്ചത്. ചികിത്സയിലുള്ള കോഴിക്കോട് സ്വദേശികളുടെ എണ്ണം 4721 ആയി. 
19 ആരോഗ്യ പ്രവർത്തകർക്കും പോസിറ്റീവായി.
ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സി കള്‍ എന്നിവിടങ്ങളില്‍ ചികിത്സയിലായിരുന്ന 308  പേര്‍ കൂടി രോഗമുക്തിനേടി ആശുപത്രി വിട്ടു.

മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിലുള്‍പ്പെടുത്തി കോണ്‍ക്രീറ്റ് വര്‍ക്ക് നടത്തിയ തയ്യുള്ളതില്‍ - കാപ്പ് റോഡ് ഉദ്ഘാടനം ചെയ്തു.   വാണിമേല്‍ ഗ്രാമ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ അഷ്‌റഫ് കൊറ്റാല ഉദ്ഘാടനം നിര്‍വ്വഹിച്ചു. ഹമീദ് കുറ്റിയില്‍, അസ്‌ലം കളത്തില്‍ കെ.ബാലകൃഷ്ണന്‍, സുബൈര്‍ തയ്യുള്ളതില്‍, അഷ്‌റഫ് പി.പി, സലാം കെ.സി, അബൂബകര്‍ കെ.സി തുടങ്ങിയവര്‍ സംബന്ധിച്ചു.

സംസ്ഥാന വനിത വികസന കോര്‍പ്പറേഷന്‍ വനിതകള്‍ക്ക് സ്വയംതൊഴില്‍ വായ്പ നല്‍കുന്നു.  18നും 55നുമിടയില്‍ പ്രായമുള്ള വനിതകള്‍ക്ക് അപേക്ഷിക്കാം.  വസ്തുജാമ്യമോ സര്‍ക്കാര്‍ ഉദ്യോഗസ്ഥന്റെ ജാമ്യമോ വേണം.  താല്‍പര്യമുള്ളവര്‍ വനിതാ വികസന കോര്‍പ്പറേഷന്‍ കോഴിക്കോട് മേഖലാ ഓഫീസുമായി ബന്ധപ്പെടണം.  അപേക്ഷാ ഫോം www.kswdc.org എന്ന വെബ്‌സൈറ്റില്‍ ലഭിക്കും.  ഫോണ്‍- 04952766454, 9496015010.

ജില്ലയിലെ വിവിധ പോലീസ് സ്‌റ്റേഷനുകളില്‍ ഉപയോഗിക്കുന്നതിന് 13 വീതം 1 കെവിഎ യുപിഎസുകളും റ്റിയൂബുലാര്‍ ബാറ്ററികളും വിതരണം ചെയ്യുന്നതിന് അംഗീകൃത നിര്‍മാതാക്കളില്‍നിന്നും വിതരണക്കാരില്‍നിന്നും ടെണ്ടര്‍ ക്ഷണിച്ചു.  അവസാന തീയതി ഒക്ടോബര്‍ 15.  ഫോണ്‍ 04962523031

മാനാഞ്ചിറ- വെള്ളിമാടുകുന്ന് റോഡു വികസനത്തിന്റെ ഭാഗമായി ഭൂമി ഏറ്റെടുക്കുന്നതിന് ചേവായൂര്‍, വേങ്ങേരി വില്ലേജുകളിലെ ഭൂവുടമകള്‍ അസ ്‌സല്‍ രേഖകള്‍ സഹിതം സിവില്‍ സ്‌റ്റേഷനിലുള്ള കോഴിക്കോട് നഗരപാത വികസന പദ്ധതി സ്‌പെഷ്യല്‍ തഹസില്‍രുടെ ഓഫീസുമായി ബന്ധപ്പെടണം.  റോഡു വികസനത്തിന് സര്‍ക്കാര്‍ 50 കോടി രൂപ അനുവദിച്ചിട്ടുണ്ട്.  രേഖകള്‍ സമര്‍പ്പിക്കുന്ന മുറക്ക് മുന്‍ഗണന ക്രമപ്രകാരം രജിസ്‌ട്രേഷന്‍ നടത്തിയാണ് തുക വിതരണം ചെയ്യുക.  
 

 
കോവിഡ് കാലത്ത് സംസ്ഥാനത്ത്  ആരും പട്ടിണി കിടക്കേണ്ടി വരില്ലെന്ന് മുഖ്യമന്ത്രി പിണറായി വിജയന്‍ പറഞ്ഞു.  സംസ്ഥാന   
സര്‍ക്കാരിന്റെ 100 ദിന കര്‍മ്മ പദ്ധതിയില്‍ ഉള്‍പ്പെടുത്തി സംസ്ഥാനത്തെ 87 ലക്ഷം കാര്‍ഡുടമകള്‍ക്ക് 4 മാസത്തേക്ക് സൗജന്യ ഭക്ഷ്യ കിറ്റ് നല്‍കുന്ന പദ്ധതിയുടെ സംസ്ഥാന തല ഉദ്ഘാടനം വീഡിയോ കോണ്‍ഫറന്‍സിലൂടെ നിര്‍വഹിച്ച് സംസാരിക്കുകയായിരുന്നു അദ്ദേഹം.

മൂടാടി ഗ്രാമപഞ്ചായത്തിൽ മൂന്ന് പ്രവർത്തികൾ ഉദ്ഘാടനം ചെയ്തു. താവോടി പൊയിൽ ഹിൽബസാർ റോഡ്, പാലക്കുളം ഉരുപുണ്യകാവ് റോഡ് പ്രവൃത്തി, പുളിയാട്ടു കുന്നുമ്മൽ ഗ്രാമീണ ശുദ്ധജല കുടിവെള്ള പദ്ധതി നവീകരണം എന്നിവയുടെ ഉദ്ഘാടനം പന്തലായനി ബ്ലോക്ക് പഞ്ചായത്ത് പ്രസിഡന്റ് കെ.എം ശോഭ നിർവഹിച്ചു. താവൊടി പൊയിൽ ഹിൽബസാർ റോഡിന് 15 ലക്ഷവും പാലക്കുളം ഉരുപുണ്യകാവ് റോഡ് പ്രവൃത്തിക്ക് അഞ്ച് ലക്ഷവും പുളിയോത്ത് കുന്ന് ഗ്രാമീണ ശുദ്ധജല കുടിവെള്ള പദ്ധതിക്ക് അഞ്ച് ലക്ഷവുമാണ് പന്തലായനി ബ്ലോക്ക് പഞ്ചായത്ത്
2015_20 സാമ്പത്തിക വർഷം പദ്ധതിയിൽ ഉൾപ്പെടുത്തി വകയിരുത്തിയത്.