ആലപ്പുഴ :ഗാന്ധി സ്മൃതി മണ്ഡപ സമിതിയുടെ യോഗം സെപ്റ്റംബര്‍ 28ന് ഉച്ചകഴിഞ്ഞ് നാലുമണിക്ക് ജില്ല കളക്ടറുടെ അധ്യക്ഷതയില്‍ ചേംബറില്‍ വച്ച് ചേരും.

ആലപ്പുഴ: ചെങ്ങന്നൂർ താലൂക്ക് ഓഫീസിന് അത്യാധുനിക സൗകര്യങ്ങളോടെയുള്ള പുതിയ കെട്ടിടം നിർമിക്കുന്നതിനായി അഞ്ചരക്കോടി രൂപ അനുവദിച്ചു. റീബിള്‍ഡ് കേരള പദ്ധതിയില്‍ ഉള്‍പ്പെടുത്തിയാണ് സംസ്ഥാന സർക്കാർ തുക അനുവദിച്ചതെന്ന് സജി ചെറിയാന്‍ എം.എല്‍.എ പറഞ്ഞു. നിർമ്മാണ പ്രവർത്തനങ്ങൾ ഉടൻ ആരംഭിക്കും.

• ജില്ലയില്‍ 11 പഞ്ചായത്തുകളില്‍ പദ്ധതി നടപ്പാക്കുന്നു

ആറ് ആരോഗ്യപ്രവര്‍ത്തകര്‍ ഉള്‍പ്പടെ ജില്ലയില്‍ ഇന്നലെ(സെപ്തംബര്‍ 25) 569 പേര്‍ക്ക് കോവിഡ് സ്ഥിരീകരിച്ചു. ജില്ലയില്‍ ഇതുവരെയുള്ള ഏറ്റവും ഉയര്‍ന്ന രോഗനിരക്കാണിത്. വിദേശത്ത് നിന്നുമെത്തിയ നാലു പേര്‍ക്കും ഇതരസംസ്ഥാനങ്ങളില്‍ നിന്നുമെത്തിയ ഏഴു പേര്‍ക്കും സമ്പര്‍ക്കം വഴി 552 പേര്‍ക്കും രോഗം സ്ഥിരീകരിച്ചു.

തൊഴില്‍ സംരംഭങ്ങള്‍ ആരംഭിക്കുന്ന സാങ്കേതിക വിദ്യാഭ്യാസം പൂര്‍ത്തിയാക്കിയ യുവാക്കള്‍ക്ക് ജില്ലാ പഞ്ചായത്ത് വഴി ധനസഹായം നല്‍കും. യൂത്ത് ടെക്ക്/സ്റ്റാര്‍ട്ട് ആപ്പ് സംരംഭങ്ങള്‍ക്ക് നിക്ഷേപ സഹായം പദ്ധതി പ്രകാരമാണ് ധനസഹായം നല്‍കുക. പ്രായം 18 നും 40 നും മധ്യേ. തുകയുടെ 75 ശതമാനമോ പരമാവധി മൂന്നു ലക്ഷം രൂപയോ സബ്‌സിഡിയായി അനുവദിക്കും. അപേക്ഷ സെപ്തംബര്‍ 30 നകം ജില്ലാ പഞ്ചായത്തില്‍ സമര്‍പ്പിക്കണം.

കേരളത്തിൽ ഇന്ന് 6477 പേർക്ക് കോവിഡ്-19 സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചർ അറിയിച്ചു. തിരുവനന്തപുരം 814, മലപ്പുറം 784, കോഴിക്കോട് 690, എറണാകുളം 655, തൃശൂർ 607, കൊല്ലം 569, ആലപ്പുഴ 551, കണ്ണൂർ, പാലക്കാട് 419 വീതം, കോട്ടയം 322, കാസർഗോഡ് 268, പത്തനംതിട്ട 191, ഇടുക്കി 114, വയനാട് 74 എന്നിങ്ങനെയാണ് ജില്ലകളിൽ രോഗം സ്ഥിരീകരിച്ചത്.

കേന്ദ്ര ന്യൂനപക്ഷകാര്യ മന്ത്രാലയം കേരളത്തിലെ ന്യൂനപക്ഷ സമുദായങ്ങളായ മുസ്ലീം/ക്രിസ്ത്യൻ/സിഖ്/ബുദ്ധ/പാർസി/ജൈന സമുദായങ്ങളിൽപ്പെട്ട പ്ലസ് വൺ മുതൽ പി.എച്ച്.ഡി വരെ പഠിക്കുന്ന വിദ്യാർത്ഥികൾക്ക് 2020-21 വർഷത്തിൽ നൽകുന്ന പോസ്റ്റ് മെട്രിക് സ്‌കോളർഷിപ്പിന് ഓൺലൈൻ അപേക്ഷ ക്ഷണിച്ചു.

പട്ടികജാതി പട്ടികവർഗ്ഗക്കാർ അതിക്രമം നടന്നതായി ആരോപിക്കപ്പെട്ടിട്ടുള്ള കേസുകളുടെ അന്വേഷണത്തിൽ പട്ടികജാതി പട്ടികവർഗ്ഗ(അതിക്രമങ്ങൾ തടയൽ 1989) നിയമത്തിന്റെ പരിധിയിൽ വരുന്ന കുറ്റകൃത്യങ്ങൾ നടന്നിട്ടുണ്ടോ എന്നത് നിർബന്ധമായും അന്വേഷണ പ്രക്രിയയിൽ ഉൾപ്പെടുത്തുന്നതിന് ആവശ്യമായ മാർഗ്ഗനിർദ്ദേശങ്ങൾ അന്വേഷണ ഉദ്യോഗസ്ഥർക്ക് നൽകാൻ സംസ്ഥാന പോലീസ് മേധാവിക്ക് പട്ടികജാതി പട്ടികഗോത്രവർഗ്ഗ കമ്മീഷൻ നിർദ്ദേശം നൽകി.

2020-2022 വർഷത്തെ ഡി.എൽ.എഡ് ഹിന്ദി, അറബിക്, ഉറുദു, സംസ്‌കൃതം ഭാഷാവിഷയങ്ങൾക്കായുള്ള കോഴ്‌സിലേക്ക് സർക്കാർ/സ്വാശ്രയ സ്ഥാപനങ്ങളിലേക്കുള്ള പ്രവേശനത്തിനുള്ള അവസാന തിയതി 30 വരെ നീട്ടി. അപേക്ഷകൾ വൈകിട്ട് അഞ്ചിന് മുൻപ് നേരിട്ടോ, തപാൽമാർഗ്ഗമോ പൊതു വിദ്യാഭ്യാസ ഡയറക്ടർ, ജഗതി, തിരുവനന്തപുരം-695014 എന്ന വിലാസത്തിൽ ലഭ്യമാക്കണം.
പി.എൻ.എക്‌സ്. 3272/2020