വടകര  മോഡല്‍  പോളിടെക്നിക്  കോളേജിലേക്കുള്ള  ലാറ്ററല്‍ എന്‍ട്രി സ്പോട്ട് അഡ്മിഷന്‍ സെപ്തംബര്‍ 30 ന് നടക്കുമെന്ന് പ്രിന്‍സിപ്പാള്‍ അറിയിച്ചു.  കോഴിക്കോട് ജില്ലാ പ്ലസ് ടു/വിഎച്ച്എസ്ഇ റാങ്ക് ലിസ്റ്റില്‍ ഉള്‍പ്പെട്ടിട്ടുള്ളതും വടകര മോഡല്‍  പോളിടെക്നിക്  കോളേജിലേക്ക് ഓപ്ഷന്‍ നല്കിയിട്ടുള്ളതുമായ മുഴുവന്‍ പേരും രാവിലെ 10 മണിക്ക് സ്ഥാപനത്തിലെത്തി രജിസ്റ്റര്‍ ചെയ്യണം.  

പട്ടികജാതി വികസന വകുപ്പ് നടപ്പിലാക്കുന്ന പഠനമുറി പദ്ധതിയിലേക്ക് വടകര, തോടന്നൂര്‍ ബ്ലോക്ക് പഞ്ചായത്തുകളിലെ ചോറോട്, ഒഞ്ചിയം, അഴിയൂര്‍, ഏറാമല, വില്ല്യാപ്പള്ളി, ആയഞ്ചേരി, തിരുവള്ളൂര്‍, മണിയൂര്‍ ഗ്രാമ പഞ്ചായത്തുകളിലെ എട്ട് മുതല്‍ പ്ലസ് ടു വരെ ക്ലാസ്സുകളില്‍ പഠിക്കുന്നതും 800 ചതുരശ്ര അടിയില്‍ അധികരിക്കാത്ത വീടുള്ളവരുമായ പട്ടികജാതി വിദ്യാര്‍ത്ഥികളുടെ രക്ഷിതാക്കളില്‍ നിന്നും അപേക്ഷ ക്ഷണിച്ചു. അപേക്ഷ സ്വീകരിക്കുന്ന അവസാന തീയതി  ഒക്ടോബര്‍ അഞ്ച്.  കൂടുതല്‍ വിവരങ്ങള്‍ക്ക് 8281409756,  0496 2981200.

കോഴിക്കോട് സിറ്റി ഡിഎച്ച്ക്യു ക്യാമ്പിനകത്തെ അപകടകരമായ നിലയില്‍ നില്‍ക്കുന്ന മരങ്ങള്‍ മുറിച്ച് മാറ്റി നീക്കം ചെയ്യുന്നതിനുള്ള ലേലം സെപ്തംഹബര്‍ 28 ന് 12 മണിയ്ക്ക് കോഴിക്കോട് സിറ്റി മാലൂര്‍ക്കുന്ന് ഡിഎച്ച്ക്യുവില്‍ നടത്തും. ക്വട്ടേഷന്‍ രാവിലെ 10 മുതല്‍ 10.45 വരെ കോഴിക്കോട് സിറ്റി ഡിഎച്ച്ക്യുവില്‍  സ്വീകരിക്കും.

വനിതാശിശു വികസ വകുപ്പില്‍ കീഴിലെ തോടന്നൂര്‍ ശിശു വികസന പദ്ധതി ഓഫീസ് ആവശ്യത്തിന് 2020 നവംബര്‍ മുതല്‍ 2021 മാര്‍ച്ച് വരെ കരാറടിസ്ഥാനത്തില്‍ ഓടുന്നതിന് ടാക്സി പെര്‍മിറ്റുളള ജീപ്പ്/കാര്‍ വാടകയ്ക്ക് എടുക്കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ സെപ്തംബര്‍ 30 ഉച്ചയ്ക്ക് രണ്ട് മണി വരെ സ്വീകരിക്കും. ഫോണ്‍ : 0496 2592722.

    കോഴിക്കോട് ജില്ലയില്‍ ഇന്‍ഷുറന്‍സ് മെഡിക്കല്‍ സര്‍വ്വീസസ് വകുപ്പില്‍ സ്റ്റാഫ് നഴ്സ് ഗ്രേഡ് II (കാറ്റഗരി നം.132/2018) തസ്തികയുടെ  സാധ്യതാ പട്ടിക പസിദ്ധീകരിച്ചതായി ജില്ലാ പിഎസ്‌സി ഓഫീസര്‍ അറിയിച്ചു.

രോഗലക്ഷണങ്ങളില്ലാത്ത കോവിഡ്  രോഗികള്‍ക്ക് വീട്ടില്‍ തന്നെ   ആരോഗ്യവകുപ്പിന്റെ മേല്‍ നോട്ടത്തില്‍ നിരീക്ഷണത്തില്‍ കഴിയാമെന്ന് ജില്ലാ മെഡിക്കല്‍ ഓഫീസര്‍ ഡോ.ജയശ്രീ വി. അറിയിച്ചു. രോഗലക്ഷണങ്ങളില്ലാത്തവര്‍ക്കും ചെറിയ രോഗലക്ഷണങ്ങള്‍ മാത്രം ഉളളവര്‍ക്കും വീടുകളില്‍ ഒരു മുറിയില്‍ നിരീക്ഷണത്തില്‍ കഴിയാം. ഇത്തരത്തില്‍ നിരീക്ഷണത്തിലുളളവരുടെ ആരോഗ്യവിവരങ്ങള്‍ ദിവസവും പ്രദേശത്തെ മെഡിക്കല്‍ ഓഫീസറുടെ നേതൃത്ത്വത്തില്‍ ആരോഗ്യപ്രവര്‍ത്തകര്‍ വിലയിരുത്തും.

* നിരീക്ഷണത്തിന് തെരെഞ്ഞടുത്ത വീട്ടില്‍ വാഹനം, ടെലിഫോണ്‍,  മറ്റടിസ്ഥാന  സൗകര്യങ്ങള്‍ എന്നിവ ഉണ്ടായിരിക്കണം

.

മാവൂര്‍ ഗ്രാമപഞ്ചായത്തില്‍ 1.28 കോടി രൂപ ചെലവില്‍ നിര്‍മ്മിക്കുന്ന രണ്ട് റോഡുകളുടെ പ്രവൃത്തി ഉദ്ഘാടനം പി.ടി.എ റഹീം എം.എല്‍.എ നിര്‍വ്വഹിച്ചു. തദ്ദേശ റോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി 88 ലക്ഷം രൂപ അനുവദിച്ച തൊണ്ടിയേരി കളരിക്കല്‍താഴം റോഡ്, 40 ലക്ഷം രൂപ ഭരണാനുമതി ലഭ്യമാക്കിയ ചിറക്കൽ വീട്ടിക്കാട്ട് ഹൈസ്കൂള്‍ റോഡ് എന്നീ പ്രവൃത്തികള്‍ക്കാണ് തുടക്കം കുറിച്ചത്.

മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി മാവൂര്‍ ഗ്രാമപഞ്ചായത്തില്‍ പതിമൂന്ന് റോഡുകള്‍ക്കായി 2.85 കോടി രൂപ അനുവദിച്ചിട്ടുണ്ടെന്ന് എം.എല്‍.എ പറഞ്ഞു.

സംസ്ഥാന വെയര്‍ഹൗസിംഗ് കോര്‍പ്പറേഷന്‍ കോഴിക്കോട് റീജിയണല്‍ ഓഫീസും സ്റ്റേറ്റ് വെയര്‍ഹൗസും കുന്ദമംഗലം മിനി സിവില്‍ സ്റ്റേഷനില്‍ പി.ടി.എ റഹീം എം.എല്‍.എ 

ഉദ്ഘാടനം ചെയ്തു. കോഴിക്കോട് നടക്കാവില്‍ വാടക കെട്ടിടത്തില്‍ പ്രവർത്തിച്ചു വന്ന ഈ ഓഫീസ് കുന്ദമംഗലം മിനി സിവില്‍സ്റ്റേഷന്‍റെ രണ്ടാം നിലയില്‍ വിശാലമായ സൗകര്യങ്ങളോടെയാണ് പ്രവര്‍ത്തനമാരംഭിച്ചിട്ടുള്ളത്.