കരനെൽ കൃഷിയിൽ വിജയം കൊയ്ത്  വടക്കേക്കര

എറണാകുളം: ജില്ലയിലെ തീരദേശ പഞ്ചായത്തായ  വടക്കേക്കരയുടെ മണ്ണിന് നെൽകൃഷി തീരെ പരിചയമില്ലാത്ത ഒന്നാണ്. എന്നാൽ പഞ്ചായത്തിലെ ഇരുപത് വാർഡുകളിലും കരനെൽ കൃഷി സജീവം. നെൽപ്പാടങ്ങൾ ഇല്ലാത്ത വടക്കേക്കരയിൽ ഇന്ന് എവിടെ നോക്കിയാലും നെൽകൃഷിയാണ്. 

മലയാറ്റൂർ സ്ഫോടനം;

ലൈസൻസ് റദ്ദാക്കും* 

മലയാറ്റൂരിൽ 

പാറമടയോട് ചേർന്ന് പ്രവർത്തിച്ചിരുന്ന കെട്ടിടം സ്ഫോടനത്തിൽ തകരുകയും രണ്ടു പേർ കൊല്ലപ്പെടുകയും  ചെയ്ത സംഭവത്തിൽ,

പാറമടയുടെ ലൈസൻസ് റദ്ദാക്കാൻ തീരുമാനിച്ചതായി 

ജില്ലാ കളക്ടർ എസ് സുഹാസ് അറിയിച്ചു. 

അഡീഷണൽ ജില്ലാ മജിസ്ട്രേറ്റ് സാബു കെ ജേക്കബ് നടത്തുന്ന മജിസ്റ്റീരിയൽ അന്വേഷണത്തിൻ്റെ

ഇടക്കാല റിപ്പോർട്ടിൻ്റെ അടിസ്ഥാനത്തിലാണ് 

നടപടി.

ലൈസൻസ് റദ്ദാക്കുന്ന തീരുമാനം 

അന്തിമ അന്വേഷണ റിപ്പോർട്ടിന് വിധേയമായിരിക്കും എന്നും അദ്ദേഹം അറിയിച്ചു. 

മുഖ്യമന്ത്രിയുടെ തദ്ദേശ റോഡ് വികസന പദ്ധതി പ്രകാരം കരവാരം പഞ്ചായത്തില്‍ നവീകരിക്കുന്ന രണ്ട് റോഡുകളുടെ നിര്‍മാണോദ്ഘാടനം ബി. സത്യന്‍ എം.എല്‍.എ നിര്‍വഹിച്ചു. കുന്നത്ത് വാതുക്കല്‍ - അപ്പൂപ്പന്‍ നട റോഡ്, പാവല്ല -പല്ലാല റോഡുകളാണ് പുനര്‍നിര്‍മിക്കുന്നത്. കുന്നത്ത് വാതുക്കല്‍ അപ്പൂപ്പന്‍ നട റോഡിന് 25 ലക്ഷം രൂപയും പാവല്ല -പല്ലാല റോഡിന് 15 ലക്ഷം രൂപയും ചെലവഴിച്ചാണ് നിര്‍മാണം നടത്തുന്നത്. കരവാരം പഞ്ചായത്ത് പ്രസിഡന്റ് ഐ. എസ്. ദീപ അധ്യക്ഷത വഹിച്ച ചടങ്ങില്‍ വൈസ് പ്രസിഡന്റ് സുരേഷ് കുമാര്‍, ജനപ്രതിനിധികള്‍ എന്നിവര്‍ പങ്കെടുത്തു.

നാലര വര്‍ഷം കൊണ്ടു സമാനതകളില്ലാത്ത വികസനപ്രവര്‍ത്തനങ്ങളാണു നെടുമങ്ങാട് ജില്ലാ ആശുപത്രിയില്‍ നടന്നതെന്ന് ആരോഗ്യമന്ത്രി കെ.കെ. ശൈലജ ടീച്ചര്‍. ജനോപകാരപ്രദമായ രീതിയില്‍ ആശുപത്രിയില്‍ നടത്തിയ വികസന പ്രവര്‍ത്തനങ്ങള്‍ മാതൃകാപരമാണെന്നും മന്ത്രി പറഞ്ഞു. ആശുപത്രി ശതാബ്ദി ആഘോഷത്തിന്റെയും പുതിയ ഐ.സി. യൂണിറ്റിന്റെയും ഉദ്ഘാടനം നിര്‍വഹിക്കുകയായിരുന്നു മന്ത്രി.

കരാര്‍ നിയമനം

ഉഴവൂർ ഐ.സി.ഡി.എസ് പ്രോജക്ട് ഓഫീസിന്‍റെ  ആവശ്യത്തിന് വാഹനം വാടകയ്ക്ക് എടുക്കുന്നതിന് ക്വട്ടേഷൻ ക്ഷണിച്ചു. ഒക്ടോബർ അഞ്ചിന് ഉച്ചക്ക് രണ്ടിനകം നൽകണം. ഫോൺ: 04822231858

ആലപ്പുഴ ജില്ലയിൽ ആറാട്ടുപുഴയിൽ പ്രാദേശിക വികസന ഫണ്ട് ഉപയോഗിച്ച് നിർമ്മിച്ച സാമൂഹ്യ നീതി വകുപ്പിൻ്റെ കെട്ടിടത്തിൽ ഡിമെൻഷ്യ രോഗികളെയും 80 വയസ് കഴിഞ്ഞവരെയും താമസിപ്പിച്ചു സംരക്ഷണം നൽകുന്നതിനും വകുപ്പിൻ്റെ സഹകരണത്തോടെ ഓൾഡ് ഏജ്  നഴ്സിംഗ് ഹോം നടത്തുന്നതിനും താത്പര്യമുള്ള സന്നദ്ധ സംഘടനകളിൽ നിന്നും താത്പര്യപത്രം ക്ഷണിച്ചു.

ഒക്ടോബർ 10 നകം നൽകണം. കൂടുതൽ വിവരങ്ങൾ www.sjd.kerala.gov.in എന്ന വെബ് സൈറ്റിൽ ലഭിക്കും.

=====
കോട്ടയം ജില്ലയില്‍ സ്വകാര്യ മേഖലയില്‍ ഉള്‍പ്പെടെ പ്രസവ സംബന്ധമായ ചികിത്സാ സൗകര്യങ്ങളുള്ള ആശുപത്രികളില്‍ ഗര്‍ഭിണികള്‍ക്ക് കോവിഡ് സ്ഥിതി പരിഗണിക്കാതെതന്നെ ചികിത്സ ഉറപ്പാക്കണമെന്ന് ജില്ലാ മെഡിക്കല്‍ ഓഫീസര്‍ ഡോ. ജേക്കബ് വര്‍ഗീസ് നിര്‍ദേശിച്ചു. നിര്‍ദേശം ലംഘിക്കുന്ന സ്ഥാപനങ്ങള്‍ക്കെതിരെ നടപടി സ്വീകരിക്കും

വാഴൂർ സമഗ്ര ശിശു വികസന പദ്ധതിയുടെ ആവശ്യത്തിന് കാർ വാടകയ്ക്ക് നൽകുന്നതിന്  ടെണ്ടർ ക്ഷണിച്ചു. ഒക്ടോബര്‍ 12ന് ഉച്ചകഴിഞ്ഞ് രണ്ടിനകം സമര്‍പ്പിക്കണം. ഫോൺ: 0481 2458400

ജില്ലയിലെ 11 ഗ്രാമപഞ്ചായത്തുകളില്‍ ഇന്റലിജന്‍സ് ഇ-ഗവേണന്‍സ് സംവിധാനത്തിന് തുടക്കം

തദ്ദേശ സ്ഥാപനങ്ങളുടെ പ്രവര്‍ത്തനത്തില്‍  ജനോപകാരപ്രദമായ മാറ്റങ്ങള്‍ സൃഷ്ടിക്കാനും  സേവന രംഗം  വിപുലീകരിക്കാനും സര്‍ക്കാരിന് സാധിച്ചതായി മുഖ്യമന്ത്രി പിണറായി വിജയന്‍ പറഞ്ഞു. സംസ്ഥാന സര്‍ക്കാരിന്റെ നൂറു ദിനങ്ങള്‍ നൂറു പദ്ധതികള്‍ എന്ന കര്‍മ പരിപാടിയുടെ ഭാഗമായി  150 ഗ്രാമ പഞ്ചായത്തുകളില്‍ ഇന്റഗ്രേറ്റഡ് ലോക്കല്‍ ഗവേണന്‍സ് മാനേജ്‌മെന്റ് സംവിധാനം നടപ്പാക്കുന്നതിന്റെ സംസ്ഥാന തല ഉദ്ഘാടനം വീഡിയോ കോണ്‍ഫറന്‍സിലൂടെ നിര്‍വ്വഹിക്കുകയായിരുന്നു അദ്ദേഹം.