തദ്ദേശ സ്വയം ഭരണ സ്ഥാപനങ്ങളിലേക്കുള്ള പൊതു തെരഞ്ഞെടുപ്പിന് മുന്നോടിയായി ജില്ലയിലെ നഗരസഭകളുടെ സംവരണ വാർഡുകൾ നിശ്ചയിക്കുന്നതിനുള്ള നറുക്കെടുപ്പ് സെപ്തംബർ 30 ന് നടക്കും. രാവിലെ 10 മുതൽ കോഴിക്കോട് മാനാഞ്ചിറ ടൗൺ ഹാളിലാണ് നറുക്കെടുപ്പ് നടക്കുക.

കോവിഡ് പ്രതിരോധ പ്രവർത്തനങ്ങളുടെ ഭാഗമായി ഇതര സംസ്ഥാനങ്ങളിൽ നിന്നും അതിർത്തി കടന്നെത്തുവരെ പരിശോധിക്കുന്നതിനായി ബാവലി, തോൽപ്പെട്ടി എന്നിവിടങ്ങളിൽ മിനി ബോർഡർ ഫെസിലിറ്റേഷൻ സെന്റർ സജ്ജമായി.
സ്വാബ് കളക്ഷൻ ബൂത്ത്, പൊതുജനങ്ങൾക്കുള്ള  ബാത്ത്റൂം, രജിസ്ട്രേഷൻ കൗണ്ടർ, സ്റ്റാഫുകൾക്കുള്ള വിശ്രമമുറി, സ്റ്റാഫുകൾക്ക് പിപി കിറ്റ് ഒഴിവാക്കുന്നതിനുള്ള ഡോഫിംഗ് ഏരിയ, ബാത്ത്റും തുടങ്ങിയ സൗകര്യങ്ങളോടെയാണ് ഫെസിലിറ്റേഷൻ സെന്ററുകളുടെ നിർമ്മാണം പൂർത്തിയാക്കിയത്. ജില്ലാ നിർമിതി കേന്ദ്രയാണ് നിർമാണം പൂർത്തികരിച്ചത്. ഇലക്ട്രിക്കൽ, പ്ലംബിംഗ് പ്രവൃത്തികളും പൂർത്തികരിച്ചിട്ടുണ്ട്.

ഹരിതകേരള മിഷന്റെ ആഭിമുഖ്യത്തിൽ തെരഞ്ഞെടുത്ത ഹയർസെക്കൻഡറി സ്‌കൂളുകളിലെ കെമിസ്ട്രി ലാബിനോട് ചേർന്ന് ജലഗുണനിലവാര പരിശോധന ലാബുകൾ സ്ഥാപിക്കുന്നതിനുള്ള നടപടികൾ ആരംഭിച്ചു. 

ഗുണനിലവാരമുള്ള സുരക്ഷിതമായ കുടിവെള്ളം ലഭ്യമാക്കുക എന്ന ലക്ഷ്യവുമായി  സംസ്ഥാന സർക്കാർ ഏജൻസിയായ കേരള ഇറിഗേഷൻ ഇൻഫ്രാസ്ട്രക്ചർ ഡെവലപ്മെന്റ് കോർപ്പറേഷൻ മുഖേന ജില്ലയിൽ ആദ്യഘട്ടത്തിൽ 7 മണ്ഡലങ്ങളിലായി 29 സ്‌കൂളുകളിലാണ് ലാബുകൾ സ്ഥാപിക്കുന്നത്. 

എംഎൽഎ മാരുടെ പ്രത്യേക വികസന ഫണ്ടിൽ ഉൾപ്പെടുത്തിയാണ് പദ്ധതിയുടെ തുക കണ്ടെത്തുന്നത്. സ്‌കൂളുകളിലെ എസ്റ്റിമേറ്റ് തയ്യാറാക്കുന്ന പ്രവർത്തനം ആരംഭിച്ചു.

വിനോദ സഞ്ചാര പദ്ധതികളുടെ നേട്ടം കൊയ്യാൻ പൊതുജനങ്ങളെ സഹായിക്കുകയെന്ന ലക്ഷ്യത്തോടെ പ്രാദേശിക ടൂറിസത്തിൽ മുന്നേറ്റം തീർത്ത് കോഴിക്കോട് ജില്ലയിലെ ഉത്തരവാദിത്ത ടൂറിസം. സംസ്ഥാനതലത്തിൽ ഏറ്റവും കൂടുതൽ ഉത്തരവാദിത്ത ടൂറിസം യൂണിറ്റികളുള്ള ജില്ലയായി ഒന്നാം സ്ഥാനത്താണ് കോഴിക്കോട്. 4,313 യൂണിറ്റുകളാണ് ജില്ലയിലുള്ളത്. മിഷനിലൂടെ സ്ത്രീകളുടെയും യുവാക്കളുടെയും ശാക്തീകരണത്തിനായി  പരിശീലനങ്ങൾ നടത്തി ഏറ്റവും കൂടുതൽ ആളുകളെ ഈ രംഗത്തേക്ക് എത്തിച്ചതിൽ രണ്ടാം സ്ഥാനമാണ് ജില്ലയ്ക്കുള്ളത്. 786 പേരെയാണ് മിഷൻ പരിശീലനം നൽകി സജ്ജരാക്കിയത്. 

 കുട്ടികളിലെ കോവിഡ് വ്യാപനം തടയാൻ അഴിയൂർ ഗ്രാമപഞ്ചായത്തിൽ സ്ക്വാഡ് പ്രവർത്തനം  ഊർജിതമാക്കി.

*

ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സി കള്‍ എന്നിവിടങ്ങളില്‍ ചികിത്സയിലായിരുന്ന 414 പേര്‍ കൂടി ഇന്ന്  രോഗമുക്തി നേടി.

*1070  പേര്‍ കൂടി നിരീക്ഷണത്തില്‍*

ഇന്ന് പുതുതായി വന്ന 1070 പേര്‍ ഉള്‍പ്പെട ജില്ലയില്‍ 23079 പേര്‍ നിരീക്ഷണത്തില്‍ ഉണ്ട്.   ജില്ലയില്‍ ഇതുവരെ 102483 പേര്‍ നിരീക്ഷണം പൂര്‍ത്തിയാക്കി.

ഇന്ന് പുതുതായി വന്ന 374 പേര്‍ ഉള്‍പ്പെടെ 3272 പേര്‍ ആണ് ആശുപത്രികളില്‍ നിരീക്ഷണത്തിലുള്ളത്. 479 പേര്‍ ഇന്ന് ഡിസ്ചാര്‍ജ്ജ് ആയി .

രോഗമുക്തി 414

ജില്ലയില്‍ ഇന്ന് 684 പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു. വിദേശത്ത് നിന്ന് എത്തിയ 9 പേർക്കും  ഇതര സംസ്ഥാനങ്ങളില്‍ നിന്ന് എത്തിയവരില്‍ 8 പേര്‍ക്കുമാണ് പോസിറ്റീവായത്. 28 പേരുടെ ഉറവിടം വ്യക്തമല്ല. സമ്പര്‍ക്കം വഴി 639 പേര്‍ക്കാണ് രോഗം ബാധിച്ചത്. ചികിത്സയിലുള്ള കോഴിക്കോട് സ്വദേശികളുടെ എണ്ണം 5229 ആയി. 

11 ആരോഗ്യ പ്രവർത്തകർക്കും പോസിറ്റീവായി.

ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സി കള്‍ എന്നിവിടങ്ങളില്‍ ചികിത്സയിലായിരുന്ന 414 പേര്‍ കൂടി രോഗമുക്തിനേടി ആശുപത്രി വിട്ടു.

കുന്ദമംഗലം നിയോജകമണ്ഡലത്തിലെ വിവിധ ഗ്രാമീണ റോഡുകള്‍ക്ക് 2.06 കോടി രൂപയുടെ ഭരണാനുമതി ലഭ്യമാക്കിയതായി പി.ടി.എ റഹീം എം.എല്‍.എ അറിയിച്ചു. കുന്ദമംഗലം ഗ്രാമപഞ്ചായത്തിലെ തെറ്റുപറമ്പ പുളിയപിലാക്കില്‍ റോഡ്, പുതുക്കുടി അമ്പലം റോഡ്, ശ്രീനിവാസന്‍ നായര്‍ റോഡ്, ചീനിക്കല്‍ പുറായില്‍ റോഡ്, പള്ളത്ത്താഴം റോഡ്, മാധവന്‍ നായര്‍ റോഡ്, കുന്ദമംഗലം ബ്ലോക്ക് പഞ്ചായത്ത് റോഡ്, കൊല്ലത്താടി പാറക്കോത്ത് അരീക്കല്‍ റോഡ്, കരിമ്പ പൂലോട് റോഡ്.

കോവിഡ് രോഗികളുടെ എണ്ണം കൂടുന്ന സാഹചര്യത്തിൽ ജില്ലയിൽ കൂടുതൽ ജാഗ്രത ആവശ്യമായി വരുമെന്ന് ഗതാഗത വകുപ്പ് മന്ത്രി എ.കെ.ശശീന്ദ്രൻ പറഞ്ഞു. കോവിഡ് പ്രതിരോധ പ്രവര്‍ത്തനങ്ങള്‍ വിലയിരുത്തുന്നതിന് കലക്ടറേറ്റില്‍ വിളിച്ചുചേര്‍ത്ത ഉദ്യോഗസ്ഥ യോഗത്തിനു ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

കയര്‍ വികസന വകുപ്പിനു കീഴിലെ കോഴിക്കോട് കയര്‍ പ്രൊജക്ട് ഓഫീസ്  ആവശ്യത്തിന് 14 ലക്ഷം രൂപയില്‍ താഴെ വിലയുളള എ.സി. വാഹനം പ്രതിമാസ നിരക്കില്‍ ഒരു വര്‍ഷക്കാലയളവിലേക്ക് ഡ്രൈവര്‍, ഇന്ധനചെലവ്, മെയിന്റനന്‍സ് ചെലവ് എന്നിവ ഉള്‍പ്പെടെ ലീസിന് എടുക്കുന്നതിന്   വാഹന ഉടമസ്ഥരില്‍ നിന്നും ക്വട്ടേഷൻ 

ക്ഷണിച്ചു. ക്വട്ടേഷനുകള്‍ ഒക്ടോബര്‍ അഞ്ചിന് രാവിലെ 11 മണി വരെ കോഴിക്കോട് ഗാന്ധി റോഡിലുളള കയര്‍ പ്രൊജക്ട് ഓഫീസില്‍ സ്വീകരിക്കും. ഫോണ്‍ : 0495 2768460, 9446029579.