സംസ്ഥാനത്തെ സര്‍ക്കാര്‍,എയ്ഡഡ് സ്‌കൂളുകളില്‍ ഒന്ന് മുതല്‍ 10 വരെ ക്ലാസ്സുകളില്‍ പഠിക്കുന്ന ഒ.ബി.സി. വിഭാഗം വിദ്യാര്‍ത്ഥികളില്‍ നിന്നും പ്രീമെട്രിക് സ്‌കോളര്‍ഷിപ്പിന് അപേക്ഷ ക്ഷണിച്ചു. കുടുംബ വാര്‍ഷിക വരുമാനം 2.5 ലക്ഷം രൂപയില്‍ കൂടരുത്.  അപേക്ഷാ ഫോമും വിശദ വിവരങ്ങളും www.bcdd.kerala.gov.in ല്‍ ലഭ്യമാണ്. പൂരിപ്പിച്ച അപേക്ഷകള്‍ വിദ്യാര്‍ഥികള്‍ സെപ്റ്റംബര്‍ 30 നകം  സ്‌കൂളുകളില്‍ ലഭിക്കണം. സ്‌കൂള്‍ അധികൃതര്‍ക്ക് www.egrantz.kerala.gov.in ല്‍ ഒക്ടോബര്‍ 15 വരെ വിവരങ്ങള്‍ സമര്‍പ്പിക്കാം

കയ്യൂര്‍ ഗവണ്‍മെന്റ്  ഐ.ടി.ഐ യില്‍ 2020 വര്‍ഷത്തെ പ്രവേശനത്തിന് അപേക്ഷിക്കാനുള്ള തിയ്യതി  സപ്തംബര്‍ 30 വരെ നീട്ടി. 13 എന്‍.സിവി.ടി ട്രേഡുകളിലേക്കുള്ള www.itiadmissions.kerala.gov.in ലൂടെയാണ് അപേക്ഷിക്കേണ്ടത്. നിലവില്‍ അപേക്ഷ സമര്‍പ്പിച്ചവര്‍ ട്രേഡ് ഓപ്ഷന്‍ രേഖപ്പെടുത്തണം. കൂടുതല്‍ വിവരങ്ങÄ www.itikayyur.kerala.gov.in ല്‍ ലഭിക്കും.

ജില്ലയില്‍ നിന്നുള്ള ഉദ്യോഗാര്‍ത്ഥികളെ പി.എസ്.സി പരീക്ഷകള്‍ക്ക് മത്സര സജ്ജരാക്കാന്‍ ജില്ലാ ഭരണകൂടത്തിന്റെ നേതൃത്വത്തില്‍ നടക്കുന്ന സൗജന്യ പരിശീലന പരിപാടി ഉന്നതി കോവിഡ് 19 പശ്ചാത്തലത്തില്‍ ഓണ്‍ലൈനായി നടക്കും. നിലവില്‍ ഉന്നതിയില്‍ രജിസ്റ്റര്‍ ചെയ്ത്  പരിശീലനം നേടി വരുന്നവരാണ് ഓണ്‍ലൈന്‍ പരിശീലനത്തിലേക്ക് മാറുക. ഓണ്‍ലൈന്‍ പരിശീലനത്തിന്റെ ഉദ്ഘാടനം ഒക്ടോബര്‍ രണ്ടിന് നടക്കും.

പരിശീലനാര്‍ത്ഥികള്‍ ശ്രദ്ധിക്കാന്‍

കാര്‍ഷിക മേഖലയില്‍ സ്വയം പര്യാപ്തത ലക്ഷ്യമാക്കി കുമ്പള പഞ്ചായത്തില്‍ ഒരു കോടി രൂപയുടെ കാര്‍ഷിക പദ്ധതി നടപ്പാക്കുന്നു. ഗ്രാമ പഞ്ചായത്ത് ജനകീയാസൂത്രണം വാര്‍ഷിക പദ്ധതിയില്‍ ഉള്‍പ്പെടുത്തി വികസന ഫണ്ട്, തനത് ഫണ്ട്, വിവിധ ഏജന്‍സികളുടെ ധനസഹായം എന്നിവ ഉപയോഗിച്ചാണ് പദ്ധതി തയ്യാറാക്കിയിട്ടുള്ളത്. സുഭിക്ഷ കേരളം, കൃഷി വകുപ്പ് എന്നിവയും സംയോജിപ്പിച്ചായിരിക്കും പദ്ധതി നടപ്പിലാക്കുന്നത്.

പഞ്ചായത്ത് സേവനങ്ങള്‍ ഇനി കാലതാമസമില്ലാതെ ജനങ്ങളിലേക്കെത്തിക്കാന്‍ പദ്ധതിയൊരുക്കി സംസാഥാന സര്‍ക്കാര്‍. സര്‍ക്കാരിന്റെ  നൂറ് ദിന കര്‍മ്മ പരിപാടികളുടെ ഭാഗമായാണ് പഞ്ചായത്തുകളില്‍ ഇന്റഗ്രേറ്റഡ് ലോക്കല്‍ ഗവേര്‍ണന്‍സ് മാനേജ്‌മെന്റ് സിസ്റ്റം നടപ്പാക്കുന്നത്. ജനന മരണ രജിസ്‌ട്രേഷന്‍ അടക്കം ഗ്രാമപഞ്ചായത്തുകളില്‍ നിന്നും ലഭ്യമാകുന്ന 200 ലധികം സേവനങ്ങള്‍ക്കുള്ള അപേക്ഷകളും, പരാതികളും, അപ്പീലുകളും, നിര്‍ദ്ദേശങ്ങളും ഓണ്‍ലൈന്‍ ആയി അയയ്ക്കുന്നതിനുള്ള സൗകര്യമാണ് ഇന്റഗ്രേറ്റഡ് ലോക്കല്‍ ഗവേര്‍ണന്‍സ് മാനേജ്‌മെന്റ് സിസ്റ്റത്തിലൂടെ സാധ്യമാകുക.

സംസ്ഥാനതല ഉദ്ഘാടനം ചെമ്മരുതി പഞ്ചായത്തില്‍ മുഖ്യമന്ത്രി നിര്‍വഹിക്കും

സംസ്ഥാനത്തെ പഞ്ചായത്തുകളില്‍ വലിയ മാറ്റത്തിനു വഴിയൊരുക്കുന്ന 'ഇന്റഗ്രേറ്റഡ് ലോക്കല്‍ ഗവേര്‍ണന്‍സ് മാനേജ്‌മെന്റ് സിസ്റ്റം' സോഫ്റ്റ് വെയറിന്റെ സംസ്ഥാനതല ഉദ്ഘാടനം ഇന്ന്( സെപ്റ്റംബര്‍ 28) രാവിലെ 10.30ന് മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിലൂടെ നിര്‍വഹിക്കും. സംസ്ഥാനത്തെ 150 ഗ്രാമ പഞ്ചായത്തുകളിലാണ് നടപ്പിലാക്കുന്നത്. ചടങ്ങില്‍ തദ്ദേശ സ്വയംഭരണ വകുപ്പ് മന്ത്രി എ. സി മൊയ്തീന്‍ അധ്യക്ഷത വഹിക്കും.

തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിനായി ജില്ലയിലെ ഗ്രാമ-ബ്ലോക്ക്- ജില്ലാ പഞ്ചായത്ത് സംവരണ വാർഡുകൾ നിശ്ചയിക്കുന്നതിനുള്ള നറുക്കെടുപ്പ് ഇന്നു (28 സെപ്റ്റംബർ) തുടങ്ങും. ഇന്നു  മുതൽ ഒക്‌ടോബർ ഒന്നു വരെ ഗ്രാമ പഞ്ചായത്തുകളുടേയും ഒക്ടോബർ അഞ്ചിനു ബ്ലോക്ക്, ജില്ലാ പഞ്ചായത്തുകളുടേയും നറുക്കെടുപ്പാണു നടക്കുന്നതെന്നു ജില്ലാ കളക്ടർ ഡോ. നവ്ജ്യോത് ഖോസ അറിയിച്ചു. കളക്ടറേറ്റ് കോൺഫറൻസ് ഹാളിലാണ് നറുക്കെടുപ്പ്.

ഇന്ന് ആറു മരണങ്ങള്‍ കോവിഡ് മൂലമാണെന്ന് സ്ഥിരീകരിച്ചു

തിരുവനന്തപുരം ജില്ലയില്‍ ഇന്ന്(27 സെപ്റ്റംബര്‍) 853 പേര്‍ക്കാണ് കോവിഡ് 19 സ്ഥിരീകരിച്ചത്. ഇതില്‍ 651 പേര്‍ക്കു സമ്പര്‍ക്കത്തിലൂടെയാണ് രോഗം ബാധിച്ചത്. 171 പേരുടെ ഉറവിടം വ്യക്തമല്ല. 19 പേര്‍ വീട്ടുനിരീക്ഷണത്തിലായിരുന്നു. ആറുപേര്‍ അന്യസംസ്ഥാനങ്ങളില്‍ നിന്നുമെത്തിയതാണ്. ആറുപേരുടെ മരണം കോവിഡ് മൂലമാണെന്നും സ്ഥിരീകരിച്ചു.

ചെറുന്നിയൂർ ഗ്രാമ പഞ്ചായത്തിലെ വെള്ളിയാഴ്ചക്കാവ് - പുത്തൻകടവ്,  ദളവാപുരം -ചുടുകാട്  റോഡുകൾ  നവീകരിക്കുന്നതിന്റെ  പ്രവർത്തനോദ്ഘാടനം

തദ്ദേശ സ്വയംഭരണ സ്ഥാപനങ്ങളുടെ നിയന്ത്രണത്തിലുള്ള സംസ്ഥാനത്തെ ആദ്യത്തെ ഡിജിറ്റല്‍ ലൈബ്രറി ചെമ്മരുതി ഗ്രാമപഞ്ചായത്തിലെ തോക്കാട് സാംസ്‌കാരിക നിലയത്തില്‍ വി. ജോയ് എം.എല്‍.എ ഉദ്ഘാടനം ചെയ്തു. മികവുറ്റ  പദ്ധതികള്‍ നടപ്പിലാക്കുന്നതില്‍ ചെമ്മരുതി പഞ്ചായത്ത് മറ്റു ഗ്രാമ പഞ്ചായത്തുകള്‍ക്ക് മാതൃകയാണെന്ന് അദ്ദേഹം പറഞ്ഞു. വിദ്യാര്‍ത്ഥികളുടെ പഠന നിലവാരം ഉയര്‍ത്തുന്നതിനും മത്സര പരീക്ഷകള്‍ക്ക് പങ്കെടുക്കുന്നതിനും ഡിജിറ്റല്‍ ലൈബ്രറി പ്രയോജനപ്പെടുമെന്നും എം.എല്‍.എ പറഞ്ഞു.