വെള്ളരിക്കുണ്ട് ബളാല്‍ പ്രദേശത്തെ ഇരുനൂറോളം വ്യാപാര സ്ഥാപനങ്ങളിലും മറ്റ് സ്ഥാപനങ്ങളിലും ബളാല്‍ പഞ്ചായത്ത്, വെള്ളരിക്കുണ്ട് പ്രാഥമികാരോഗ്യകേന്ദ്രം, പോലീസ് , മാഷ് ടീം എന്നിവയുടെ സംയുക്ത പരിശോധന  നടത്തി. കോവിഡ് പ്രോട്ടോകോള്‍ പാലിക്കാത്ത സ്ഥാപന ഉടമകള്‍ക്ക് നോട്ടീസ് നല്‍കുകയും താക്കീത് ചെയ്യുകയും ചെയ്തു. കോവിഡ് രോഗികളുമായി സമ്പര്‍ക്കത്തില്‍ ഏര്‍പ്പെട്ട വ്യാപാരികള്‍ ക്വാറന്റിയിനില്‍ പോകുന്നതിന് നിര്‍ദ്ദേശിച്ചു. കടകള്‍ അണുവിമുക്തമാക്കുകയും സമ്പര്‍ക്കത്തില്‍ വരാത്ത ആളുകളെ ഉപയോഗിച്ച് വ്യാപാരം നടത്തുകയോ ചെയ്യാവുന്നതാണ്.  വെള്ളരിക്കുണ്ട് പോലീസ് അസി.

ഉദുമ ഗവണ്‍മെന്റ് ഫുഡ്ക്രാഫ്റ്റ് ഇന്‍സ്റ്റിറ്റിയട്ടില്‍ ഹോട്ടല്‍ മാനേജ്‌മെന്റ് കോഴ്‌സില്‍  സീറ്റ് ഒഴിവുണ്ട്.  ഫോണ്‍ : 0467 2236347 

ലാറ്ററല്‍ എന്‍ട്രി മുഖേന കാസര്‍കോട്  ഗവണ്‍മെന്റ് പോളിടെക്ക്‌നിക്ക്  കോളേജിലെ  രണ്ടാം വര്‍ഷ   ക്ളാസ്സുകളിക്കു പ്രവേശനം  ലഭിക്കുന്നതിന് അപേക്ഷ സമര്‍പ്പിച്ചു റാങ്ക് ലിസ്റ്റില്‍ ഉള്‍പ്പെട്ടവര്‍ക്കുവേണ്ടി ഒക്ടോബര്‍ ഒന്നിന്  സ്‌പോട് അഡ്മിഷന്‍ നടത്തും. കംപ്യുട്ടര്‍ , ഇലക്ട്രോണിക്‌സ്  എന്നീ ബ്രാഞ്ചുകളില്‍ ഒഴിവുള്ള  സീറ്റുകളിലേക്ക് പ്ലസ്ടു, വി എച്ച് എസ് സി റാങ്ക് ലിസ്റ്റില്‍ പേരുള്‍പ്പെട്ട എല്ലാവര്‍ക്കും സ്‌പോട് അഡ്മിഷനില്‍  പ്രവേശനം ആഗ്രഹിക്കുന്നവര്‍ക്കും ഒക്ടോബര്‍ ഒന്നിന്  രാവിലെ 11 നകം  പേര് രജിസ്റ്റര്‍ ചെയ്യണം. പ്രവേശന സമയത്തു യോഗ്യത തെളിയിക്കുന്ന  അസ്സല്‍ സര്‍ട്ടിഫിക്കറ്റുകള്‍  ഹാജരാക്കണം.

കാസര്‍കോട് ബ്ലോക്ക് പഞ്ചായത്ത് ഓഫീസിന്റെ കീഴിലുള്ള മൂന്ന് മരങ്ങള്‍ (പ്ലാവ്, കാട്ടുമരം, പാഴ്മരം) ഒക്ടോബര്‍ ആറിന് ഉച്ചയ്ക്ക് 3.30 ന് ലേലം ചെയ്യും. ഫോണ്‍ 04994 230230

സംസ്ഥാന മത്സ്യ വകുപ്പ് മുഖേന മത്സ്യത്തൊഴിലാളികളുടെ മക്കള്‍ക്ക് സൗജന്യ സിവില്‍ സര്‍വ്വീസ് പരീക്ഷാ പരിശീലനം നല്‍കുന്നു.  അപേക്ഷാ ഫോമും വിശദവിവരങ്ങളും ജില്ലാ ഫിഷറീസ് ഓഫീസുകളില്‍ ലഭ്യമാണ്. അപേക്ഷകള്‍ ഒക്ടോബര്‍ ഏഴിനകം  ജില്ലാ ഫിഷറീസ് ഓഫീസുകളില്‍ ലഭിക്കണം. ബിരുദ തലത്തില്‍ 60 ശതമാനം  മാര്‍ക്കോടെ വിജയിച്ച മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്തിട്ടുളള മത്സ്യത്തൊഴിലാളികളുടെ മക്കള്‍ക്കാണ് അവസരം. പരിശീലനം  സിവില്‍ സര്‍വ്വീസ് അക്കാദമി, പ്ലാമൂട് തിരുവനന്തപുരം മുഖേനയാണ് നടത്തുന്നത്. ഒരു വിദ്യാര്‍ത്ഥിക്ക് ഒരു തവണ മാത്രമേ ആനുകൂല്യത്തിന് അര്‍ഹത ലഭിക്കു. ഫോണ്‍ 0467 2202537

ഗാന്ധിജിയുടെ ജന്മദിനമായ ഒക്ടോബര്‍ രണ്ടിന്  കുടുംബശ്രീ ജില്ലാ മിഷന്റെ നേതൃത്വത്തില്‍ വരുമൊരു പൂക്കാലം എന്ന പേരില്‍ കുടുംബശ്രീ ബാലസഭ ചെറുവത്തൂര്‍  സ്‌കൂള്‍ ഓഫ് ഡാന്‍സ് ആന്‍ഡ് മ്യൂസിക്കിലെ കുട്ടികളുടെ സര്‍ഗോത്സകം സംഘടിപ്പിക്കും. കുട്ടികള്‍ അയച്ചു തരുന്ന വീഡിയോ കുടുംബശ്രീ മിഷന്റെ ഫേസ്ബുക്ക് പേജിലൂടെ ഒക്ടോബര്‍ രണ്ടിന് രാത്രി 7.30 മുതല്‍  സംപ്രേഷണം ചെയ്യും. 

ജില്ലയില്‍ ഇളവുകള്‍ അനുവദിച്ചതോടെ കോവിഡ് വ്യാപനവും വര്‍ധിക്കുകയാണ്. ആളുകളുടെ ജാഗ്രതക്കുറവാണ് രോഗവ്യാപനം രൂക്ഷമാകാന്‍ കാരണം.മാസ്‌ക് ധരിക്കാതെയും സാമൂഹ്യ അകലം പാലിക്കാതെയും സാനിറ്റൈസര്‍ ഉപയോഗിക്കാതെയുമൊക്കെ കൂട്ടംകൂടി നില്‍ക്കുന്നവരും നിര്‍ദ്ദേശങ്ങള്‍ അവഗണിച്ച് കറങ്ങി നടക്കുന്നവരുടെയെല്ലാം എണ്ണം ക്രമാതീതമായി വര്‍ധിക്കുകയാണ്. 

മാസ്‌ക് ധരിക്കാതെ പുറത്തിറങ്ങരുതേ

തദ്ദേശസ്വയംഭരണ തെരഞ്ഞെടുപ്പിന് മുന്നോടിയായി ജില്ലയിലെ 38 പഞ്ചായത്തിലെ സംവരണ വാര്‍ഡുകളുടെ   നറുക്കെടുപ്പ് പൂര്‍ത്തിയാക്കി.രണ്ട് ദിവസങ്ങളിലായി ജില്ലാ കളക്ടര്‍ ഡോ ഡി സജിത് ബാബുവിന്റെ നേതൃത്വത്തില്‍ കളക്ടറേറ്റ് കോണ്‍ഫറന്‍സ് ഹാളില്‍ ഓണ്‍ലൈനില്‍  ലൈവായാണ്് നറുക്കെടുപ്പ് നടത്തിയത്. ജില്ലയില്‍ കോവിഡ് രോഗവ്യാപനം രൂക്ഷമാകുന്ന പശ്ചാത്തലത്തില്‍, സമ്പര്‍ക്കം വഴിയുള്ള രോഗവ്യാപനം കുറയ്ക്കുന്നതിന്റെ ഭാഗമായി ഓണ്‍ലൈനായി  നറുക്കെടുപ്പ് സംഘടിപ്പിച്ചത് ശ്രദ്ധേയമായി.സംസ്ഥാനത്ത് ആദ്യമായാണ് ഒരു ജില്ല, തദ്ദേശ സ്വയംഭരണ സംവരണ  വാര്‍ഡുകളുടെ  നറുക്കെടുപ്പ് ഓണ്‍ലൈനായി സംഘടിപ്പിക്കുന്നത്.

ഒക്ടോബര്‍ ഒന്ന് മുതല്‍ കാഞ്ഞങ്ങാട് ജില്ലാ ആശുപത്രി കോവിഡ് ആശുപത്രി കോവിഡ് രോഗികള്‍ക്ക് മാത്രമുള്ള ചികിത്സാ കേന്ദ്രമായി മാറും. ജില്ലയില്‍ കോവിഡ് രോഗികളുടെ എണ്ണവും മരണവും പ്രതിദിനം ക്രമാതീതമായി വര്‍ധിക്കുന്ന സാഹചര്യത്തിലാണ് നടപടി. അത്യാസന്ന നിലയിലുള്ള കോവിഡ് രോഗികള്‍ക്കായി ജില്ലാ ആശുപത്രിയില്‍ 100 ബെഡുള്ള ഒരു വാര്‍ഡ് സജ്ജീകരിക്കും.  അഞ്ച് വെന്റിലേറ്ററുകള്‍ ഇവിടെ ഒരുക്കും. വാര്‍ഡില്‍ സെന്‍ട്രലൈസ്ഡ് ഒക്‌സിജന്‍ സപ്ലൈ ഉണ്ടാകും.  കോവിഡ് ബാധിച്ച ഗര്‍ഭിണികളുടെ പ്രസവം ഉള്‍പ്പെടെയുള്ള ചികിത്സയും ആശുപത്രിയില്‍ നല്‍കും.

ഏറെ കാലത്തെ കാത്തിരിപ്പിന് ശേഷം യാഥാര്‍ത്ഥ്യമായ മഞ്ചേശ്വരം മത്സ്യബന്ധന തുറമുഖം മുഖ്യമന്ത്രി പിണറായി വിജയന്‍ നാളെ (ഒക്ടോബര്‍ 1) രാവിലെ 10.30ന് നാടിന് സമര്‍പ്പിക്കും. കേന്ദ്ര മൃഗസംരക്ഷണ ക്ഷീരവികസന മത്സ്യബന്ധന വകുപ്പ് മന്ത്രി ഗിരിരാജ് സിങ് വിശിഷ്ടാതിഥിയാവും. ഫിഷറീസ്-ഹാര്‍ബര്‍ എഞ്ചിനീയറിങ്ങ് വകുപ്പ് മന്ത്രി ജെ മേഴ്സിക്കുട്ടിയമ്മ അധ്യക്ഷത വഹിക്കും. കേന്ദ്ര ഫിഷറീസ് വകുപ്പ് സ്റ്റേറ്റ് മന്ത്രി പ്രതാപ്ചന്ദ്ര സാരംഗി, റവന്യു-ഭവന നിര്‍മാണ വകുപ്പ് മന്ത്രി ഇ ചന്ദ്രശേഖരന്‍, രാജ്മോഹന്‍ ഉണ്ണിത്താന്‍ എംപി, കേന്ദ്ര ഫിഷറീസ് വകുപ്പ് സെക്രട്ടറി രാജീവ് രഞ്ജന്‍, എം സി കമറുദ്ദീന്‍ എംഎല്‍എ മുഖ്യാതിഥിയാവും.