കോവിഡ് പോസിറ്റീവ് ആയതിനെ തുടർന്ന് കോഴിക്കോട് മെഡിക്കൽ കോളേജ് ആശുപത്രിയിൽ  ചികിൽസയിലായിരുന്ന  ബാലുശ്ശേരി എംഎൽഎ  പുരുഷൻ കടലുണ്ടി രോഗമുക്തി നേടി ആശുപത്രി വിട്ടു. സെപ്റ്റംബർ 22 നാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്. ഡോക്ടർമാർ നിദ്ദേശിച്ച ദിവസങ്ങൾ  വിശ്രമിച്ച ശേഷം ശേഷം പരിപാടികളിൽ പങ്കെടുക്കുമെന്ന് എംഎൽഎ അറിയിച്ചു.   മെഡിക്കൽ കോളേജിലെ  ഡോക്ടർമാർ, ആരോഗ്യ പ്രവർത്തകർ എന്നിവർക്ക് എംഎൽഎ പ്രത്യേക നന്ദി അറിയിച്ചു.

 ഒക്‌ടോബര്‍ ഒന്ന് ദേശീയ രക്തദാനദിനം 

'സ്വമേധയാ രക്തം ദാനം ചെയ്യൂ, കൊറോണയ്‌ക്കെതിരെയുളള പോരാട്ടത്തില്‍  പങ്കാളിയാകൂ'. ദേശീയ രക്തദാന ദിനത്തോടനുബന്ധിച്ചുള്ളതാണ് ഈ സന്ദേശം. സന്നദ്ധ രക്തദാനത്തിന്റെ ആവശ്യകത, മഹത്വം എന്നിവയെ കുറിച്ച് എല്ലാ വിഭാഗം ജനങ്ങളിലും അവബോധം സൃഷ്ടിക്കുക  എന്ന ലക്ഷ്യത്തോടെയാണ് ഒക്ടോബർ ഒന്ന്  ദേശീയ രക്തദാനദിനമായി ആചരിക്കുന്നത്. 

പെരിഞ്ചേരിക്കടവ് റഗുലേറ്റര്‍ കം ബ്രിഡ്ജിന്റെ നിര്‍മ്മാണോദ്ഘാടനം മുഖ്യമന്ത്രി പിണറായി വിജയന്‍ ഇന്ന് (ഒക്ടോബര്‍ ഒന്ന്) രാവിലെ 10 മണിക്ക് വീഡിയോകോണ്‍ഫറന്‍സിലൂടെ നിര്‍വഹിക്കും. ജലവിഭവ വകുപ്പ് മന്ത്രി കെ.കൃഷ്ണന്‍കുട്ടി അധ്യക്ഷത വഹിക്കും. ധനമന്ത്രി തോമസ് ഐസക് വീഡിയോ കോണ്‍ഫറന്‍സിലൂടെ പരിപാടിയില്‍ പങ്കെടുക്കും. ചെറുവണ്ണൂര്‍ പഞ്ചായത്തിലെ പെരിഞ്ചേരിക്കടവില്‍ സംഘടിപ്പിക്കുന്ന ഉദ്ഘാടന ചടങ്ങില്‍ മന്ത്രി ടി.പി.രാമകൃഷ്ണന്‍, കെ.മുരളീധരന്‍ എംപി, എംഎല്‍എമാരായ പാറക്കല്‍ അബ്ദുള്ള, സി.കെ.നാണു, ഇ.കെ.വിജയന്‍, ജനപ്രതിനിധികള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.

തിരുവമ്പാടി ഗ്രാമപഞ്ചായത്തിനു കീഴില്‍ ലൈഫ് ഭവനപദ്ധതിയില്‍ ഉള്‍പ്പെടുത്തി സ്വന്തമായി സ്ഥലവും വീടും ഇല്ലാത്ത 32 കുടുംബങ്ങള്‍ക്ക് സ്ഥലം വാങ്ങുന്നതിനും വീടുവെക്കുന്നതിനും ഫണ്ട് അനുവദിച്ചു.  കോവിഡ് മാനദണ്ഡപ്രകാരം ഗുണഭോക്താക്കളുടെ യോഗം പഞ്ചായത്ത് ഹാളില്‍ വിളിച്ചു  ചേര്‍ക്കുകയും കാര്യങ്ങള്‍ വിശദീകരിക്കുകയും ചെയ്തു. 

ചടങ്ങില്‍ പഞ്ചായത്ത് പ്രസിഡന്റ് പി.ടി.അഗസ്റ്റിന്‍, വൈസ് പ്രസിഡന്റ് ഗീത വിനോദ്, കെ.ആര്‍.ഗോപാലന്‍, സുഹ്‌റ മസ്തഫ, സ്മിത ബാബു, വില്‍സണ്‍ താഴത്തുപറമ്പില്‍, വിഇഒമാരായ സബീഷ്, റുബീന എന്നിവര്‍ പങ്കെടുത്തു.

ഗാന്ധിജയന്തി ദിനാഘോഷത്തിന്റെ ഭാഗമായി ഇടുക്കി ജില്ലാ ഇന്‍ഫര്‍മേഷന്‍ ഓഫീസിന്റെ ആഭിമുഖ്യത്തില്‍ 18 വയസില്‍ താഴെയുള്ള കുട്ടികള്‍ക്കായി ഓണ്‍ലൈന്‍ കാര്‍ട്ടൂണ്‍, ഉപന്യാസ മത്സരങ്ങള്‍ സംഘടിപ്പിക്കുന്നു. iprdidukki@gmail.com എന്ന ഇ-മെയില്‍ വിലാസത്തിലും ജില്ലാ ഇന്‍ഫര്‍മേഷന്‍ ഓഫീസിന്റെ ഔദ്യോഗിക ഫേയ്സ്ബുക്ക് പേജില്‍
https://www.facebook.com/Idukki-District-Information-Office-230880581168042/?ref=bookmarks പോസ്റ്റിന്റെ കമന്റായും  ഒക്ടോബര്‍ 2 വൈകിട്ട് 5 മണിക്ക് മുന്‍പായി മത്സരാര്‍ത്ഥികള്‍ തങ്ങളുടെ സൃഷ്ടികള്‍ സമര്‍പ്പിക്കണം. സൃഷ്ടികള്‍ മൗലികമായിരിക്കണം.
 

ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സി കള്‍ എന്നിവിടങ്ങളില്‍ ചികിത്സയിലായിരുന്ന 589 പേര്‍ കൂടി രോഗമുക്തി നേടി.  ഇന്ന് പുതുതായി വന്ന 951 പേരുള്‍പ്പെടെ ജില്ലയില്‍ 24,711 പേര്‍ നിരീക്ഷണത്തിലുണ്ട്.  ജില്ലയില്‍ ഇതുവരെ  1,05,025 പേര്‍ നിരീക്ഷണം പൂര്‍ത്തിയാക്കി.

രോഗമുക്തി 589

ജില്ലയില്‍ ഇന്ന് 942 പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു. വിദേശത്ത് നിന്ന് എത്തിയ 5 പേർക്കും  ഇതര സംസ്ഥാനങ്ങളില്‍ നിന്ന് എത്തിയവരില്‍ 14 പേര്‍ക്കുമാണ് പോസിറ്റീവായത്. 57 പേരുടെ ഉറവിടം വ്യക്തമല്ല. സമ്പര്‍ക്കം വഴി 866 പേര്‍ക്കാണ് രോഗം ബാധിച്ചത്. കോർപറേഷൻ പരിധിയിൽ സമ്പർക്കം വഴി 352 പേർക്ക്  പോസിറ്റീവായി.  ചികിത്സയിലുള്ള കോഴിക്കോട് സ്വദേശികളുടെ എണ്ണം 6751 ആയി. 17 ആരോഗ്യ പ്രവർത്തകർക്കും കോവിഡ് സ്ഥിരീകരിച്ചിട്ടുണ്ട്.

ഏലപ്പാറ, വണ്ടിപ്പെരിയാര്‍, പെരുവന്താനം, കുമളി, കൊക്കയാര്‍, പീരുമേട്  എന്നീ ഗ്രാമപഞ്ചായത്തുകളിലെ സംവരണവാര്‍ഡുകള്‍  കളക്‌ട്രേറ്റില്‍ ജില്ലാ കളക്ടറുടെ നേതൃത്വത്തില്‍ നെറുക്കെടുപ്പിലൂടെ നിശ്ചയിച്ചു.  ബ്ലോക്ക് പഞ്ചായത്തിലെ സംവരണ മണ്ഡലങ്ങള്‍ ഒക്‌ടോബര്‍ അഞ്ചിന് രാവിലെ 10 മുതല്‍ 3 വരെയും ജില്ലാ പഞ്ചായത്തിലേത് 4 മണിക്കും കളക്‌ട്രേറ്റില്‍  നറുക്കെടുപ്പിലൂടെ നിശ്ചയിക്കും.  

2019-20 അദ്ധ്യായനവര്‍ഷത്തില്‍ പത്താം ക്ലാസ്, പ്ലസ്ടൂ, അഥവാ തത്തുല്യ പരീക്ഷകളില്‍  എല്ലാ വിഷയങ്ങള്‍ക്കും എ പ്ലസ്/എ വണ്‍ ഗ്രേഡ് നേടിയിട്ടുളള വിമുക്തഭടന്‍മാരുടെ മക്കള്‍ക്ക് ജില്ലാ സൈനികക്ഷേമ ഓഫീസുവഴി  കാഷ് അവാര്‍ഡ് നല്‍കുന്നു. താത്പര്യമുളളവര്‍ അപേക്ഷ ഒക്‌ടോബര്‍ 10ന് മുന്‍പായി ഇടുക്കി ജില്ലാ സൈനികക്ഷേമ ഓഫീസില്‍ സമര്‍പ്പിക്കണമെന്ന് ജില്ലാ സൈനികക്ഷേമ ഓഫീസര്‍  അറിയിച്ചു.