നേരിട്ടുള്ള സമ്പര്‍ക്കത്തിലൂടെ 848 പേര്‍ക്ക് വൈറസ്ബാധ
ഉറവിടമറിയാതെ രോഗബാധിതരായവര്‍ 40 പേര്‍
അഞ്ച് ആരോഗ്യ പ്രവര്‍ത്തകര്‍ക്കും രോഗബാധ
രോഗബാധിതരായി ചികിത്സയില്‍ 4,757 പേര്‍
ആകെ നിരീക്ഷണത്തിലുള്ളത് 34,387 പേര്‍

മാറാക്കര പഞ്ചായത്ത് പത്താം  വാര്‍ഡില്‍ ജാറത്തിങ്ങലില്‍ കോണ്‍ക്രീറ്റ് ചെയ്ത് നവീകരിച്ച തടം പറമ്പ് പ്ലൈവുഡ് കമ്പനി റോഡ് പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ ഉദ്ഘാടനം ചെയ്തു. എം.എല്‍.എയുടെ പ്രത്യേക വികസന പദ്ധതിയില്‍ നിന്നും അനുവദിച്ച മൂന്ന് ലക്ഷം രൂപ ഉപയോഗിച്ചാണ് റോഡ് കോണ്‍ക്രീറ്റ് ചെയ്തത്. ചടങ്ങില്‍ ഗ്രാമ പഞ്ചായത്ത് പ്രസിഡന്റ് വി. മദുസൂദനന്‍ അധ്യക്ഷത വഹിച്ചു. ഗ്രാമ പഞ്ചായത്ത് വൈസ് പ്രസിഡന്റ് കല്ലന്‍ ആമിന തുടങ്ങി വിവിധ  ജന പ്രതിനിധികള്‍ പങ്കെടുത്തു.

സംസ്ഥാന സര്‍ക്കാരിന്റെ നൂറുദിന കര്‍മ പരിപാടികളുടെ ഭാഗമായി തദ്ദേശ സ്ഥാപനങ്ങളുടെ സേവനങ്ങള്‍ സുതാര്യവും സമയബന്ധിതവുമാക്കുന്നതിനായി നടപ്പാക്കുന്ന ഇന്റഗ്രേറ്റഡ് ലോക്കല്‍ ഗവേണന്‍സ് മാനേജ്മെന്റ് സിസ്റ്റം അഥവാ ഐ.എല്‍.ജി.എസിന്റെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയന്‍ ഇന്ന് (സെപ്തംബര്‍ 28) രാവിലെ 10.30ന് വീഡിയോ കോണ്‍ഫറന്‍സിലൂടെ നിര്‍വഹിക്കും. ജില്ലയിലേതുള്‍പ്പടെ സംസ്ഥാനത്തെ 150 ഗ്രാമ പഞ്ചായത്തുകളിലേക്കുള്ള പദ്ധതിയുടെ സംസ്ഥാന തല ഉദ്ഘാടനമാണ് മുഖ്യമന്ത്രി ഇന്ന് നിര്‍വഹിക്കുന്നത്.

കോവിഡ് 19മായി ബന്ധപ്പെട്ട് ജില്ലയിലെ മത മേലധ്യക്ഷന്മാരുടെ ഓണ്‍ലൈന്‍ സൂം യോഗം ഇന്ന് ( സെപ്തംബര്‍ 29) രാവിലെ 11ന് ജില്ലാ കലക്ടറുടെ അധ്യക്ഷതയില്‍ ചേരും.  സൂം ഐ.ഡി ലഭിക്കുന്നതിനായി ഡി.എം സെക്ഷനിലെ 0483 2736320 എന്ന നമ്പറുമായി ബന്ധപ്പെടണം.

തദ്ദേശസ്വയഭരണ തെരഞ്ഞെടുപ്പ് ഗ്രാമപഞ്ചായത്ത്കളിലെ സംവരണ സീറ്റുകളിലേക്കുള്ള നറുക്കെടുപ്പ് തുടരുന്നു 21 ഗ്രാമപഞ്ചായത്തുകളിലെ സംവരണ സീറ്റുകള്‍ ചൊവ്വാഴ്ച നറുക്കെടുത്തു. കലക്ടറേറ്റ് ഓഡിറ്റോറിയത്തിലായിരുന്നു നറുക്കെടുപ്പ്.
ഗ്രാമപഞ്ചായത്ത്, സ്ത്രീസംവരണം, പട്ടിക ജാതി, പട്ടികവര്‍ഗ്ഗ വാര്‍ഡുകള്‍ യഥാക്രമം.