ചെന്നിത്തല തൃപ്പെരുതുറ- ഇരമത്തൂര് പടിഞ്ഞാറ് (2), ഇരമത്തൂര് കിഴക്ക് (3), നവോദയ (4),കാരാഴ്മ (6), പ്രായിക്കര (9), കോട്ടയ്ക്കകം (12), പി. എച്. സി വാര്‍ഡ് (16), കാരിക്കുഴി (18), എന്നിവ സ്ത്രീ സംവരണ മണ്ഡലങ്ങളാണ്. 
ആശ്രമം (8) പട്ടികജാതി  സ്ത്രീ സംവരണ മണ്ഡലമാണ്. ചെറുകോല്‍ (10)പട്ടിക ജാതി  സംവരണ മണ്ഡലങ്ങളാണ്. 

ആര്യാട് -കൈതത്തില്‍ (2), ആശാന്‍ സ്മാരക ഗ്രന്ഥശാല(3), കൃഷിഭവന്‍ (6), സര്‍ഗ(8), നവാദര്‍ശ (12), ഐക്യഭാരതം (15), നോണ്‍ ടൌണ്‍ തുമ്പോളി (16), തുമ്പോളി തീരദേശം (17), എ. എസ് കനാല്‍ (18) എന്നിവ സ്ത്രീ സംവരണ മണ്ഡലങ്ങളാണ്. അയ്യന്‍കാളി (11)പട്ടികജാതി സംവരണ മണ്ഡലങ്ങളാണ്. 

ആലപ്പുഴ: വനിത ശിശു വികസന വകുപ്പിന്റെ കീഴിൽ കഞ്ഞിക്കുഴി ഐ.സി.ഡി.എസ്  ഓഫീസിന്റെ ഉപയോഗത്തിലേക്ക് 2020-21 സാമ്പത്തിക വർഷത്തിൽ കാർ /ജീപ്പ് വാടകയ്ക്ക് നൽകുന്നതിന് താൽപര്യമുള്ള വ്യക്തികൾ/സ്ഥാപനങ്ങൾ എന്നിവരിൽ നിന്ന് മുദ്രവെച്ച ടെണ്ടർ ക്ഷണിച്ചു. ഏഴു വർഷത്തിൽ കൂടുതൽ പഴക്കമുണ്ടാകരുത്. ടാക്‌സി പെർമിറ്റ് നിലവിലുണ്ടായിരിക്കണം. ഒക്ടോബർ അഞ്ചിന് ഉച്ചകഴിഞ്ഞ് 2.30 വരെ ടെൻഡർ സ്വീകരിക്കും. അന്നേ ദിവസം വൈകിട്ട് മൂന്നിന് തുറക്കും. കൂടുതൽ വിവരത്തിന് ഫോൺ 0478 2869677.

ആലപ്പുഴ: തൈക്കാട്ടുശ്ശേരി ശിശുവികസന പദ്ധതി ഓഫീസറുടെ ഔദ്യോഗിക ആവശ്യത്തിന് 2020 നവംബർ ഒന്നു മുതൽ 2021 മാർച്ച് 31 വരെയുള്ള അഞ്ച് മാസക്കാലയളവിലേക്ക് കാർ വാടകയ്ക്ക് നൽകുന്നതിന് താൽപര്യമുള്ള വാഹന ഉടമകളിൽ നിന്ന് ക്വട്ടേഷൻ ക്ഷണിച്ചു. വാഹനത്തിന് ഏഴ് വർഷത്തിൽ കൂടുതൽ പഴക്കം ഉണ്ടാകരുത്. ടാക്സി പെർമിറ്റ് നിലവിലുണ്ടാവണം. ക്വട്ടേഷൻ സമർപ്പിക്കുന്ന അവസാന തീയതി ഒക്ടോബർ എട്ട് വൈകിട്ട് മൂന്നുമണി. അന്നേദിവസം നാലുമണിക്ക് തുറക്കും. വിലാസം: ശിശുവികസന പദ്ധതി ഓഫീസറുടെ കാര്യാലയം, തൈക്കാട്ടുശ്ശേരി,പാണാവള്ളി പി.ഒ,ചേർത്തല-688526. ഫോൺ: 0478 2523206.

കലവൂർ ആര്യാട് ബ്ലോക്ക് പഞ്ചായത്ത് ഓഫീസിൽ പ്രവർത്തിക്കുന്ന എസ് ബി ഐ യുടെ ഗ്രാമീണ സ്വയം തൊഴിൽ പരിശീലന കേന്ദ്രത്തിൽ 30 ദിവസത്തെ സൗജന്യ മൊബൈൽ ഫോൺ റിപ്പയറിംഗ് പരിശീലനപരിപാടി ഒക്ടോബർ 12ന് ആരംഭിക്കും. പരിശീലനത്തിൽ പങ്കെടുക്കാൻ താല്പര്യമുള്ള 18 നും 45 നും മധ്യേ പ്രായമുള്ള യുവതി-യുവാക്കൾ ഒക്ടോബർ 7 രാവിലെ 10.30 ന് പരിശീലന കേന്ദ്രത്തിൽ ഹാജരാകണം. 4 പാസ്പോർട്ട് സൈസ് ഫോട്ടോ,  ആധാർ കാർഡ്,  റേഷൻ കാർഡ് എന്നിവയുടെ പകർപ്പ് തുടങ്ങിയ രേഖകൾ ഹാജരാക്കണം.

ഫോൺ 0477 2292427, 8330011815

 ചേർത്തല താലൂക്കിൽ ഒക്ടോബർ അഞ്ചിന് നടത്താനിരുന്ന ജില്ലാ കലക്ടറുടെ പൊതുജന പരാതി പരിഹാര അദാലത്ത് ഒക്ടോബർ 7 ന് വീഡിയോ കോൺഫറൻസ് വഴി നടത്തും. ഈ അദാലത്തിലേക്ക് അക്ഷയ സെൻറർ വഴി അപേക്ഷ സമർപ്പിച്ച് അവരിൽ സമയം അനുവദിച്ചു നൽകിയിട്ടുള്ള അപേക്ഷകർ മാത്രം അവർക്ക് അനുവദിക്കുന്ന സമയത്ത് (ഒക്ടോബർ 7 രാവിലെ 10 മണി മുതൽ ) അക്ഷയ സെൻററിൽ ഹാജരായി കലക്ടറോട് സംസാരിക്കാം. പരാതികൾ വകുപ്പ് മേധാവികളുമായി ജില്ലാ കലക്ടർ  വീഡിയോ കോൺഫറൻസിലൂടെ സംസാരിച്ച് പരിഹരിക്കും. 

അക്ഷയ സെൻറർ വഴി അപേക്ഷ സമർപ്പിച്ചവരിൽ ബാക്കിയുള്ള അപേക്ഷകരുടെ അദാലത്ത് ഒക്ടോബർ 19ന് നടത്തും.

ആലപ്പുഴ : ജില്ലയിലെ ബാങ്കുകളുടെ 2020 -2021 സാമ്പത്തിക വർഷത്തിന്റെ ആദ്യ പാദത്തിലെ പ്രകടനം അവലോകനം ചെയ്യുന്നതിനായി ബാങ്കുകളുടെ ജില്ലാതല അവലോകന  സമിതി യോഗം  ഒക്ടോബർ 8 വ്യാഴാഴ്ച മൂന്ന് മണിക്ക് വീഡിയോ കോൺഫറൻസ് വഴി നടത്തും. യോഗത്തിൽ പങ്കെടുക്കുന്നവർ പേര്,  വാട്സാപ്പ് നമ്പർ, ഇമെയിൽ അഡ്രസ് എന്നിവ മുന്‍കൂട്ടി നൽകണമെന്ന് ലീഡ് ബാങ്ക് മാനേജര്‍ അറിയിച്ചു. കൂടുതൽ വിവരങ്ങൾക്ക് : 0477 2251267.

ആലപ്പുഴ :കേരളാ ഷോപ്സ് ആന്റ് കോമേഴ്സ്യൽ എസ്റ്റാബ്ലിഷെന്റ്സ് തൊഴിലാളി ക്ഷേമനിധി അംഗങ്ങളുടെ മക്കളിൽ 2020-21 അദ്ധ്യയന വർഷം വിവിധ വിഷയങ്ങളിൽ പ്ലസ് വൺ മുതൽ പോസ്റ്റ് ഗ്രാജുവേറ്റ് വരേയുള്ള (പ്രോഫഷണൽ കോഴ്ചകൾ ഉൾപ്പടെ) ഏതെങ്കിലും കോഴ്സുകളിൽ ചേർന്ന് പഠിക്കുന്ന വിദ്യാർത്ഥികൾക്ക് സ്കോളർഷിപ്പിന് അപേക്ഷിക്കാം. അപേക്ഷിക്കേണ്ട അവസാന തീയതി ഒക്ടോബർ 30 വരെ നീട്ടി.  പൂരിപ്പിച്ച അപേക്ഷകൾ ബന്ധപ്പെട്ട രേഖകൾ സഹിതം ഒക്ടോബർ 30 ന്  മുമ്പായി ആലപ്പുഴ ജില്ലാ ഓഫീസിൽ ലഭിച്ചിരിക്കേണ്ടതാണ്. അപേക്ഷ ഫോറം peedika.kerala.gov.in എന്ന വെബ്സൈറ്റിൽ ലഭ്യമാണ്. ഓഫീസ് ഫോൺ നമ്പർ 0477 2230244. 
 

സംയോജിത ശിശു വികസന പദ്ധതി 45 വര്‍ഷം പകര്‍ത്തിയാകുന്നതിന്റെ ആഘോഷ ഭാഗമായി ജില്ലയിലെ അങ്കണവാടികളില്‍ ഇന്ന്(ഒക്‌ടോബര്‍ 2) ദീപം തെളിയും. ജില്ലയില്‍ 21 പ്രോജക്ടുകളിലായി 2,723 അങ്കണവാടികളിലും ഗുണഭോക്താക്കളുടെ വീടുകളിലും വിളക്കും മെഴുകുതിരികളും കത്തിച്ച് ലളിതമായാണ് ആഘോഷം. പരിപാടികള്‍ ശിശുദിനമായ നവംബര്‍ 14 വരെ നീളുമെന്ന് ജില്ലാ പ്രോഗ്രാം ഓഫീസര്‍ ടിജു റേയ്ച്ചല്‍ തോമസ് അറിയിച്ചു.
(പി.ആര്‍.കെ നമ്പര്‍ 2622/2020)