ഗൃഹചികിത്സയെക്കുറിച്ച് ഉയരുന്ന ആശങ്കകള്‍ അസ്ഥാനത്താണെന്ന് തെളിയിച്ച് കോവിഡ് ബാധിച്ച വയോധിക രോഗമുക്തയായി. കോവിഡ് ബാധിച്ച് ഗൃഹചികിത്സയിലിരുന്ന ഉമ്മന്നൂര്‍ ഗ്രാമപഞ്ചായത്തിലെ പ്രമേഹ രോഗിയായ 90 വയസുകാരിയാണ് രോഗമുക്തി നേടിയത്. ഇവരുടെ 55 വയസുള്ള മകനും  രണ്ടു ചെറുമക്കളും രോഗമുക്തരായിട്ടുണ്ട്. രോഗവിവരം അറിയിച്ച് ആരോഗ്യ പ്രവര്‍ത്തകര്‍ വയോധികയെ ആശുപത്രിയിലാക്കാന്‍ ശ്രമിച്ചിട്ടും കുടുംബം അവരെ      ആത്മവിശ്വാസത്തോടെ ഗൃഹചികിത്സയില്‍ തുടരുകയാണെന്ന് അറിയിക്കുയും, വീട്ടില്‍ തന്നെ നിര്‍ദേശങ്ങള്‍ സ്വീകരിച്ച് തുടരുകയുമായിരുന്നു.

ജില്ലയില്‍ ഇന്നലെ(സെപ്തംബര്‍ 01) 633 പേര്‍ക്ക് കോവിഡ് സ്ഥിരീകരിച്ചു. ഇതരസംസ്ഥാനങ്ങളില്‍ നിന്നുമെത്തിയ അഞ്ചു പേര്‍ക്കും സമ്പര്‍ക്കം വഴി 620 പേര്‍ക്കും ഉറവിടം വ്യക്തമല്ലാത്ത ഏഴു പേര്‍ക്കും ഒരു ആരോഗ്യപ്രവത്തകയ്ക്കും രോഗം സ്ഥിരീകരിച്ചു. കൊല്ലം കോര്‍പ്പറേഷന്‍ പരിധിയില്‍ കാവനാട്, ശക്തികുളങ്ങര, പള്ളിത്തോട്ടം, വാടി, തേവള്ളി, ഇരവിപുരം, തിരുമുല്ലാവാരം, മരുത്തടി പ്രദേശങ്ങളിലാണ് രോധബാധ കൂടുതല്‍.

കേരളത്തിൽ 8135 പേർക്ക് കൂടി കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞു. കോഴിക്കോട് 1072, മലപ്പുറം 968, എറണാകുളം 934, തിരുവനന്തപുരം 856, ആലപ്പുഴ 804, കൊല്ലം 633, തൃശൂർ 613, പാലക്കാട് 513, കാസർഗോഡ് 471, കണ്ണൂർ 435, കോട്ടയം 340, പത്തനംതിട്ട 223, വയനാട് 143, ഇടുക്കി 130 എന്നിങ്ങനെയാണ് ജില്ലകളിൽ രോഗ ബാധ സ്ഥിരീകരിച്ചത്.

തദ്ദേശ സ്വയംഭരണ പൊതു തിരഞ്ഞെടുപ്പിനുള്ള ജില്ലയിലെ 86 ഗ്രാമപഞ്ചായത്തുകളിലെയും സംവരണ വാർഡുകളുടെ നറുക്കെടുപ്പ് പൂർത്തിയായി. വ്യാഴാഴ്ച വെള്ളാങ്ങല്ലൂർ, ഒല്ലൂക്കര, ചാലക്കുടി, മതിലകം ബ്ലോക്ക് പഞ്ചായത്തുകളുടെ കീഴിൽ വരുന്ന 22 ഗ്രാമപഞ്ചായത്തുകളുടെ തിരഞ്ഞെടുപ്പാണ് പൂർത്തിയായത്.

ലോക വയോജന ദിനമായ ഒക്ടോബർ ഒന്നിൽ കുടുംബശ്രീ വയോജന അയൽക്കൂട്ട അംഗങ്ങളുടെ പുസ്തകം 'ഇന്നലകളിലേക്കൊരു യാത്ര' പ്രകാശനം ചെയ്തു.

ഗാന്ധിജയന്തി വാരാഘോഷത്തോടനുബന്ധിച്ച് 

സംസ്ഥാന സർക്കാരിന്റെ നൂറുദിന കർമ്മ പരിപാടികളുടെ ഭാഗമായി 50,000 പേർക്ക് നൂറ് ദിവസത്തിനകം പുതുതായി തൊഴിൽ നൽകുന്ന പദ്ധതിക്ക് തുടക്കം കുറിച്ചുവെന്ന് തദ്ദേശസ്വയംഭരണ വകുപ്പ് മന്ത്രി എ സി മൊയ്തീൻ. ശ്രീനാരായണപുരം പഞ്ചായത്ത് കെട്ടിട സമുച്ചയം ശിലാസ്ഥാപനം ഓൺലൈനായി നിർവഹിക്കുകയായിരുന്നു അദ്ദേഹം.

പാൽ ഉൽപ്പാദനത്തിൽ സ്വയംപര്യാപ്തത ലക്ഷ്യമിട്ട് സംസ്ഥാന സർക്കാർ നടപ്പാക്കുന്ന ക്ഷീരഗ്രാമം പദ്ധതിയ്ക്ക് ജില്ലയിൽ തുടക്കം. ജില്ലയിൽ എടവിലങ്ങ്, പാണഞ്ചേരി  പഞ്ചായത്തുകളിലായാണ് പദ്ധതി നടപ്പാക്കുന്നത്. ഒരു ക്ഷീരഗ്രാമത്തിന് 50 ലക്ഷം രൂപ ധനസഹായം ലഭിക്കും. പാണഞ്ചേരി ഗ്രാമ പഞ്ചായത്തിലെ ക്ഷീര ഗ്രാമം പദ്ധതി ഗവ ചീഫ് വിപ്പ് കെ രാജനും എടവിലങ്ങിൽ നടന്ന പദ്ധതി ഇ ടി ടൈസൺ മാസ്റ്റർ എംഎൽഎ ഓൺലൈനായും ഉദ്ഘാടനം ചെയ്തു.