പട്ടികജാതി സങ്കേതങ്ങളുടെ സമഗ്രവികസനമാണ് സര്‍ക്കാരിന്റെ ലക്ഷ്യമെന്ന് പട്ടികജാതി-പട്ടികവര്‍ഗ -പിന്നാക്ക ക്ഷേമ വകുപ്പ് മന്ത്രി എ.കെ ബാലന്‍. അംബേദ്കര്‍ ഗ്രാമം പദ്ധതിയുടെ ഭാഗമായി  ഇലകമണ്‍ പഞ്ചായത്തിലെ ഇ. പി  കോളനി, നാവായിക്കുളം പഞ്ചായത്തിലെ കൈപ്പടക്കോണം - പുളിയറക്കോണം കോളനി എന്നിവിടങ്ങളില്‍ നടപ്പാക്കിയ വിവിധ നവീകരണ പ്രവര്‍ത്തനങ്ങളുടെ പൂര്‍ത്തീകരണ പ്രഖ്യാപനം
ഓണ്‍ലൈനിലൂടെ  നിർവഹിക്കുകയായിരുന്നു അദ്ദേഹം.

വെഞ്ഞാറമൂട് ഗവ. മോഡല്‍ ഹയര്‍സെക്കന്‍ഡറി സ്‌കൂള്‍ അന്തര്‍ദേശീയ നിലവാരത്തിലേക്ക് ഉയര്‍ത്തുന്നതിന്റെ ഭാഗമായി വിദ്യാലയത്തില്‍ ഏര്‍പ്പെടുത്തിയ നവീകരണ പ്രവര്‍ത്തനങ്ങളുടെ ഉദ്ഘാടനം മുഖ്യമന്ത്രി പിണറായി വിജയന്‍ ഓണ്‍ലൈനിലൂടെ നിര്‍വഹിച്ചു. അഞ്ചുകോടി രൂപ കിഫ്ബി ധനസഹായം ഉപയോഗിച്ചാണ് സ്‌കൂള്‍ അന്താരാഷ്ട്ര നിലവാരത്തിലേക്ക് ഉയര്‍ത്തിയത്. ആധുനിക സൗകര്യമുള്ള സ്റ്റേജ്,   18,000 ചതുരശ്ര അടിയുള്ള വിശാലമായ ഓപ്പണ്‍ എയര്‍ ഓഡിറ്റോറിയം, ബാഡ്മിന്റണ്‍ കോര്‍ട്ട്, മെച്ചപ്പെട്ട ശൗചാലയങ്ങള്‍ എന്നിവ ഇവിടെ ഒരുക്കിയിട്ടുണ്ട്. കൂടാതെ 45 ക്ലാസ് മുറികള്‍ ഹൈടെക്കായി മാറ്റുകയും ചെയ്തു.

മലയിന്‍കീഴ് ഗേള്‍സ് ഹയര്‍ സെക്കന്ററി സ്‌കൂളിന്റെ പുതിയ കെട്ടിടം മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിലൂടെ ഉദ്ഘാടനം ചെയ്തു. പൊതു വിദ്യാലയങ്ങളാകെ മികവിന്റെ കേന്ദ്രങ്ങളാക്കുകയാണ് പൊതുവിദ്യാഭ്യാസ യജ്ഞത്തിലൂടെ സര്‍ക്കാര്‍ ലക്ഷ്യമിടുന്നതെന്ന് മുഖ്യമന്ത്രി പറഞ്ഞു. അന്താരാഷ്ട്ര നിലവാരത്തിലേയ്ക്ക് ഉയരുന്ന വിദ്യാലയങ്ങള്‍ നാടിന്റെ മുഖച്ഛായ മാറ്റുമെന്നും മുഖ്യമന്ത്രി പറഞ്ഞു. കിഫ്ബിയുടെ അഞ്ചു കോടി രൂപ ധനസഹായവും എം.എല്‍.എഫണ്ടും, പഞ്ചായത്ത് ഫണ്ടും അടക്കം 7.7 കോടി ചെലവിലാണ് നിർ‍മാണം പൂര്‍ത്തിയാക്കിയത്.

ഇന്ന് എട്ടു മരണങ്ങള്‍ കോവിഡ് മൂലമാണെന്ന് സ്ഥിരീകരിച്ചു

തിരുവനന്തപുരം ജില്ലയില്‍ ഇന്ന്(03 ഒക്ടോബര്‍) 1,049 പേര്‍ക്കാണ് കോവിഡ് 19 സ്ഥിരീകരിച്ചത്. ഇതില്‍ 836 പേര്‍ക്കു സമ്പര്‍ക്കത്തിലൂടെയാണ് രോഗം ബാധിച്ചത്. 177 പേരുടെ ഉറവിടം വ്യക്തമല്ല. 24 പേര്‍ വീട്ടുനിരീക്ഷണത്തിലായിരുന്നു. നാലുപേര്‍ അന്യസംസ്ഥാനങ്ങളില്‍ നിന്നുമെത്തിയതാണ്. എട്ടുപേരുടെ മരണം കോവിഡ് മൂലമാണെന്നും സ്ഥിരീകരിച്ചു.

സമഗ്രശിക്ഷാ കേരളം പത്തനംതിട്ട ജില്ലാ ഓഫീസില്‍ പ്രോജക്ട് എഞ്ചിനീയര്‍ തസ്തികയില്‍ ഒക്ടോബര്‍ അഞ്ചിനു നടത്താന്‍ നിശ്ചയിച്ചിരുന്ന അഭിമുഖം മാറ്റിവച്ചതായി ജില്ലാ പ്രോജക്ട് കോ-ഓര്‍ഡിനേറ്റര്‍ അറിയിച്ചു. പുതുക്കിയ തീയതി പിന്നീട് അറിയിക്കും.

പൊതുസ്ഥലങ്ങളില്‍ അഞ്ചിലധികം പേര്‍ കൂട്ടംകൂടരുത്
**നിയന്ത്രണം ഒക്ടോബര്‍ 31 അര്‍ദ്ധരാത്രിവരെ

ഇന്ന് നാലു മരണങ്ങള്‍ കോവിഡ് മൂലമാണെന്ന് സ്ഥിരീകരിച്ചു

തിരുവനന്തപുരം ജില്ലയില്‍ ഇന്ന്(02 ഒക്ടോബര്‍) 1,096 പേര്‍ക്കാണ് കോവിഡ് 19 സ്ഥിരീകരിച്ചത്. ഇതില്‍ 956 പേര്‍ക്കു സമ്പര്‍ക്കത്തിലൂടെയാണ് രോഗം ബാധിച്ചത്. 110 പേരുടെ ഉറവിടം വ്യക്തമല്ല. 23 പേര്‍ വീട്ടുനിരീക്ഷണത്തിലായിരുന്നു. രണ്ടുപേര്‍ അന്യസംസ്ഥാനങ്ങളില്‍ നിന്നുമെത്തിയതാണ്. ഒരാള്‍ വിദേശത്തുനിന്നുമെത്തി. നാലുപേരുടെ മരണം കോവിഡ് മൂലമാണെന്നും സ്ഥിരീകരിച്ചു.

പാലോട് കരുമൺകോടിനടുത്ത്‌ മുക്കാംതോട്ടിൽ  ജില്ലാ പഞ്ചായത്ത്‌ നിർമ്മിച്ച ആധുനിക പൊതു ശ്മശാനമായ ശാന്തികുടിരത്തിൻ്റെ ഉദ്ഘാടനം സഹകരണ- ടൂറിസം വകുപ്പ് മന്ത്രി കടകംപള്ളി സുരേന്ദ്രൻ നിർവഹിച്ചു.

ജില്ലാ പഞ്ചായത്ത് മൂന്നു കോടി രൂപ ചെലവഴിച്ചാണ്  പൊതുശ്മശാനം  നിർമിച്ചത്. വൈദ്യുതിയിൽ  
 പ്രവർത്തിക്കുന്ന ശ്മശാനത്തിനു
പുറമേ പരമ്പരാഗതരീതിയിലുള്ള സംവിധാനവും ഇവിടെ സജ്ജീകരിച്ചിട്ടുണ്ട്.

ക്ഷീരവികസന വകുപ്പ് നടപ്പിലാക്കുന്ന ക്ഷീര ഗ്രാമം പദ്ധതിയ്ക്ക് അഴൂര്‍ പഞ്ചായത്തില്‍ തുടക്കമായി.  പദ്ധതിയുടെ ഉദ്ഘാടനം മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിംഗിലൂടെ നിര്‍വഹിച്ചു.

തദ്ദേശ സ്വയംഭരണ സ്ഥാപനങ്ങളിലേയ്ക്കുളള തെരഞ്ഞെടുപ്പിനായി ജില്ലയിലെ ഗ്രാമപഞ്ചായത്തുകളിലെ സംവരണ വാര്‍ഡുകള്‍ നറുക്കെടുപ്പിലൂടെ നിശ്ചയിച്ചു. വെള്ളനാട്, കിളിമാനൂര്‍, ചിറയിന്‍കീഴ് ബ്ലോക്ക് പരിധിയിലുള്ള പഞ്ചായത്തുകളിലെ നറുക്കെടുപ്പാണ് ഇന്നലെ (01 ഒക്ടോബര്‍) നടന്നത്. ജില്ലാ കളക്ടര്‍ ഡോ.നവ്‌ജ്യോത് ഖോസ, തെരഞ്ഞെടുപ്പ് വിഭാഗം ഡെപ്യൂട്ടി കളക്ടര്‍ ജോണ്‍ സാമുവല്‍ എന്നിവരുടെ നേതൃത്വത്തിലാണ് നറുക്കെടുപ്പിന്റെ നടപടി ക്രമങ്ങള്‍.

*ഇന്നലെ (01 ഒക്ടോബര്‍) നിശ്ചയിച്ച സംവരണ വാര്‍ഡുകള്‍*

*കാട്ടാക്കട ഗ്രാമപഞ്ചായത്ത് *