സംസ്ഥാന സര്‍ക്കാരിന്റെ ആര്‍ദ്രം മിഷന്റെ ഭാഗമായി ജില്ലയില്‍ വിവിധയിടങ്ങളിലായി പ്രവര്‍ത്തനസജ്ജമായ എട്ട് കുടുംബാരോഗ്യ കേന്ദ്രങ്ങളുടെ ഉദ്ഘാടനം ഇന്ന് (ഒക്ടോബര്‍ ആറ്) രാവിലെ 11ന് ഓണ്‍ലൈന്‍ വഴി മുഖ്യമന്ത്രി പിണറായി വിജയന്‍ നിര്‍വഹിക്കും. ആരോഗ്യ വകുപ്പ് മന്ത്രി കെ.കെ ശൈലജ ടീച്ചര്‍ ചടങ്ങില്‍ അധ്യക്ഷയാവും. ചാലിയാര്‍, വാഴയൂര്‍, നന്നമ്പ്ര, തൃക്കലങ്ങോട്, ചേലേമ്പ്ര, കരുളായി, താനാളൂര്‍, പൊന്നാനി എന്നീ എട്ട് കുടുംബാരോഗ്യ കേന്ദ്രങ്ങളാണ് മുഖ്യമന്ത്രി ഉദ്ഘാടനം ചെയ്യുന്നത്.

മാധ്യമ പ്രവര്‍ത്തകരുടെ നേതൃത്വത്തില്‍ തയ്യാറാക്കിയ പെട്ടിമുടി ദുരന്തത്തിന്റെ കാവ്യ ദൃശ്യാവിഷ്‌കാരം ജില്ലാ കളക്ടര്‍ എച്ച് ദിനേശന്‍ പ്രകാശനം ചെയ്തു. എട്ടു മിനിറ്റ് ദൈര്‍ഘ്യമുള്ള ഡോക്യുമെന്ററിയില്‍ ദുരന്തത്തിന്റെ ആഴവും രക്ഷാപ്രവര്‍ത്തനത്തിന്റെ തീവ്രതയും സര്‍ക്കാരിന്റെയും ജില്ലാ ഭരണകൂടത്തിന്റെയും ഇടപെടിലും വ്യക്തമാക്കുന്നുണ്ടണ്‍്. മാധ്യമ പ്രവര്‍ത്തകനായ കെടി രാജീവെഴുതിയ  ഗാനം കെസി രാജു ആലപിച്ചു.  മാധ്യമ പ്രവര്‍ത്തകനായ കെടി സുരേന്ദ്രനാണ് ചിത്രസംയോജനം നിര്‍വഹിച്ചത്.
 

കേരള ഖാദി ഗ്രാമ വ്യവസായ ബോര്‍ഡ് ഗാന്ധിജയന്തിയോടനുബന്ധിച്ച് ഖാദി തുണിത്തരങ്ങള്‍ക്ക് 20 ശതമാനം മുതല്‍ 30 ശതമാനം വരെ പ്രത്യേക റിബേറ്റ്  ഒക്‌ടോബര്‍ 12 വരെ അനുവദിച്ചു. എല്ലാ വില്‍പനശാലകളില്‍ ഖാദി കോട്ടണ്‍, സില്‍ക്ക,് മനില, ഷര്‍ട്ടിംഗ് തുടങ്ങിയ തുണിത്തരങ്ങളും  തേന്‍, സോപ്പ്,  മരച്ചക്കിലാട്ടിയ നല്ലെണ്ണ മുതലായ ഗ്രാമീണ ഉല്‍പ്പന്നങ്ങളും ലഭിക്കും.

വാഗമണ്‍ മൃഗസംരക്ഷണ പരിശീലന കേന്ദ്രത്തിന്റെ ആഭിമുഖ്യത്തില്‍ മേഖലയിലെ കര്‍ഷകര്‍ക്ക് ഓണ്‍ലൈന്‍ പരിശീലനം നല്‍കുന്നു. നിലവില്‍ പ്രവര്‍ത്തനങ്ങളില്‍ ഏര്‍പ്പെട്ടിരിക്കുന്നവര്‍ക്കും പുതുതായി പദ്ധതികള്‍ തുടങ്ങുവാന്‍ ഉദ്ദേശിക്കുന്നവര്‍ക്കും പങ്കെടുക്കാം. രണ്ടു മണിമുതല്‍ നാലു വരെയായിരിക്കും സമയം.

പോണ്ടിച്ചേരി കേന്ദ്ര സര്‍വകലാശാലയുടെ മാഹി കേന്ദ്രത്തിലെ ഡിഗ്രി-ഡിപ്ലോമ കോഴ്‌സുകളിലേക്ക് പ്രവേശനത്തിനുള്ള അപേക്ഷ സ്വീകരിക്കുന്ന അവസാന തിയ്യതി ഒക്ടോബര്‍ 20 വരെ നീട്ടി. ജേണലിസം, ഫാഷന്‍ ടെക്‌നോളജി എന്നിവയില്‍ മൂന്നുവര്‍ഷത്തെ തൊഴിലധിഷ്ഠിത ഡിഗ്രിയ്ക്കും ടൂറിസം, റേഡിയോഗ്രഫി എന്നിവയില്‍ ഒരുവര്‍ഷത്തെ ഡിപ്ലോമയ്ക്കുമാണ് അപേക്ഷ ക്ഷണിച്ചിരുന്നത്. പ്ലസ്ടു അല്ലെങ്കില്‍ തുല്യയോഗ്യതയുള്ള എല്ലാ വിദ്യാര്‍ത്ഥികള്‍ക്കും അപേക്ഷിക്കാം.

ഇടുക്കി ജില്ലാ  പഞ്ചായത്ത്, അടിമാലി, ദേവികുളം, നെടുംകണ്ടം, ഇളംദേശം, ഇടുക്കി, അഴുത, കട്ടപ്പന, തൊടുപുഴ എന്നീ ബ്ലോക്ക് പഞ്ചായത്തുകളിലെ സംവരണവാര്‍ഡുകള്‍ കളക്‌ട്രേറ്റില്‍ ജില്ലാ കളക്ടറുടെ നേതൃത്വത്തില്‍ നെറുക്കെടുപ്പിലൂടെ നിശ്ചയിച്ചു.    

ഇടുക്കി ജില്ലാ  പഞ്ചായത്ത്
വനിത സംവരണം -  01 അടിമാലി 02 മൂന്നാര്‍  04 രാജാക്കാട് 05 മുരിക്കാശ്ശേരി  11 ഉപ്പുതറ 14 കരിമണ്ണൂര്‍  16 മുളങ്ങരിങ്ങാട്  
പട്ടിക ജാതി  വനിത  -   13 കരിങ്കുന്നം
പട്ടിക ജാതി -  15 പൈനാവ്
പട്ടിക വര്‍ഗ്ഗം - 03 ദേവികുളം  

നെടുങ്കണ്ടം കെഎസ്ഇബി ട്രാന്‍സ്മിഷന്‍ ഡിവിഷന്റെ ഉദ്ഘാടനം മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിലൂടെ നിര്‍വഹിച്ചു. ജനജീവിതത്തിന് കൂടുതല്‍ വെളിച്ചം പകരാനും ഗുണമേന്‍മ വര്‍ധിപ്പിക്കാനും ഉപകരിക്കുന്ന പദ്ധതികളാണ് കെഎസ്ഇബി നടപ്പാക്കുന്നതെന്ന് വിവിധ പദ്ധതികളുടെ ഉദ്ഘാടനം നിര്‍വഹിച്ചുകൊണ്ട്  മുഖ്യമന്ത്രി പിണറായി വിജയന്‍ പറഞ്ഞു. വൈദ്യുതി ബോര്‍ഡിന്റെ  വിവിധ ജില്ലകളിലെ പത്തോളം പദ്ധതികളാണ് മുഖ്യമന്ത്രി ഉദ്ഘാടനം ചെയ്തത്.  പുതിയ പദ്ധതികള്‍ പ്രവര്‍ത്തനം  ആരംഭിക്കുന്നതോടെ വൈദ്യുതി മേഖലയിലെ കാര്യക്ഷമത വലിയ തോതില്‍ ഉയരും. വൈദ്യുതി മേഖലയില്‍ ഏറ്റവും കൂടുതല്‍ പുരോഗതിയുണ്ടാക്കിയ കാലഘട്ടമാണിത്.

ജില്ലയില്‍ 144 പ്രഖ്യാപിച്ച സാഹചര്യത്തില്‍ നിരീക്ഷണം കൂടുതല്‍ ശക്തമാക്കുന്നതിന്റെ ഭാഗമായി ജില്ലാ കളക്ടര്‍ ഡോ. നവജ്യോത് ഖോസ വിവിധ സ്ഥലങ്ങളില്‍ പരിശോധന നടത്തി. തമ്പാനൂര്‍, കിഴക്കേക്കോട്ട ബസ് സ്റ്റാന്‍ഡുകള്‍, ചാല മാര്‍ക്കറ്റ്, വിവിധ സ്ഥാപനങ്ങള്‍ എന്നിവിടങ്ങളില്‍ പരിശോധന നടത്തിയ കളക്ടര്‍ ആളുകള്‍ കൂട്ടം കൂടുന്നില്ലെന്നും കോവിഡ് മാനദണ്ഡങ്ങള്‍ പാലിക്കുന്നുണ്ടെന്നും ഉറപ്പുവരുത്തി. പൊതുജനങ്ങളുമായും കളക്ടര്‍ ആശയവിനിമയം നടത്തി.

അണ്ടൂര്‍കോണം ഗ്രാമപഞ്ചായത്തിലെ പായിച്ചിറ, തിരുവനന്തപുരം കോര്‍പ്പറേഷനു കീഴിലെ കുടപ്പനക്കുന്ന് എന്നീ പ്രദേശങ്ങളെ കണ്ടെയിന്‍മെന്റ് സോണില്‍ നിന്നും ഒഴിവാക്കിയതായി ജില്ലാ കളക്ടര്‍ അറിയിച്ചു.

നാവായിക്കുളം ഗ്രാമപഞ്ചായത്തിലെ നാവായിക്കുളം, ആര്യങ്കോട് ഗ്രാമപഞ്ചായത്തിലെ ചിലമ്പറ, ചെമ്പൂര്‍, കിളിമാനൂര്‍ ഗ്രാമപഞ്ചായത്തിലെ ആര്‍.ആര്‍.വി, ചൂട്ടയില്‍, നെയ്യാറ്റിന്‍കര മുന്‍സിപ്പാലിറ്റിയിലെ ആലംപൊറ്റ, അഴൂര്‍ ഗ്രാമപഞ്ചായത്തിലെ ഗാന്ധിസ്മാരകം, ഇലകമണ്‍ ഗ്രാമപഞ്ചായത്തിലെ വേങ്കോട് എന്നീ പ്രദേശങ്ങളെ കണ്ടെയിന്‍മെന്റ് സോണായി ജില്ലാ കളക്ടര്‍ ഡോ. നവജ്യോത് ഖോസ പ്രഖ്യാപിച്ചു. ഇവയോട് ചേര്‍ന്നുള്ള പ്രദേശങ്ങളിലും ജാഗ്രത പുലര്‍ത്തണം. അടിയന്തര ആവശ്യങ്ങള്‍ക്കല്ലാതെ ആരുംതന്നെ കണ്ടെയിന്‍മെന്റ് സോണിനു പുറത്തു പോകാന്‍ പാടില്ലെന്നും കളക്ടര്‍ അറിയിച്ചു.