ജില്ലയില്‍  കോവിഡിനെ അതിജീവിച്ചവര്‍ക്ക് കോവിഡ് റിക്കവേര്‍ഡ് ടീം ( സി.ആര്‍.ടി ) എന്ന പേരില്‍ കൂട്ടായ്മ ഒരുങ്ങി. ടീമിന്റെ  ഔദ്യോഗിക ഉദ്ഘാടനം ജില്ലാ കലക്ടര്‍ കെ. ഗോപാലകൃഷ്ണന്‍ നിര്‍വഹിച്ചു. കോവിഡ് വ്യാപനം തുടരുന്ന സാഹചര്യത്തില്‍ രോഗം നിയന്ത്രണ വിധേയമാക്കുക എന്ന ലക്ഷ്യത്തോടെയാണ് കോവിഡ് റിക്കവേര്‍ഡ് ടീം പ്രവര്‍ത്തനമാരംഭിച്ചത്. ജില്ലാകലക്ടര്‍ കെ. ഗോപാലകൃഷ്ണന്‍, ജില്ലാ പൊലീസ് മേധാവി യു. അബ്ദുല്‍ കരീം, ജില്ലാ മെഡിക്കല്‍ ഓഫീസര്‍ ഡോ. കെ.സക്കീന, മഞ്ചേരി മെഡിക്കല്‍ കോളജ് സൂപ്രണ്ട് ഡോ. നന്ദകുമാര്‍, കോവിഡ് നോഡല്‍ ഓഫീസര്‍ ഡോ. ഷിനാസ് ബാബു എന്നിവരാണ് കോവിഡ് റിക്കവേര്‍ഡ് ടീമിന്റെ രക്ഷാധികാരികള്‍.

കോവിഡ് മഹാമാരിയുടെ പശ്ചാത്തലത്തില്‍ ദേശീയ സന്നദ്ധ രക്തദാന ദിനത്തില്‍ മാതൃകാ പ്രവര്‍ത്തനവുമായി ജില്ലാ കലക്ടര്‍ കെ.ഗോപാലകൃഷ്ണന്‍. കോവിഡ് ബാധിച്ച്  അതീവ ഗുരുതരാവസ്ഥയിലുള്ളവരുടെ ജീവന്‍ രക്ഷിക്കാന്‍ പ്ലാസ്മ ദാനം ചെയ്താണ് ജില്ലാ കലക്ടറും സഹപ്രവര്‍ത്തകരും മാതൃകയായത്. അസിസ്റ്റന്റ് കലക്ടര്‍ വിഷ്ണുരാജ്, ഗണ്‍മാന്‍ ടി. വിനു, ഡ്രൈവര്‍ കെ.എം പ്രസാദ് എന്നിവരും കലക്ടര്‍ക്കൊപ്പം സ്വയം സന്നദ്ധരായി മഞ്ചേരി മെഡിക്കല്‍ കോളജിലെത്തി പ്ലാസ്മ നല്‍കി.

ജില്ലയില്‍ 555 പേര്‍ക്ക് ഒക്ടോബര്‍ 4ന്‌ കൊവിഡ് ബാധ സ്ഥിരീകരിച്ചു. 481 പേര്‍ക്ക് സമ്പര്‍ക്കം മൂലമാണ് രോഗബാധ. ഒരാള്‍ വിദേശത്തു നിന്നും 44 പേര്‍ ഇതര സംസ്ഥാനങ്ങളില്‍ നിന്നും എത്തിയവരും 29 പേര്‍ ആരോഗ്യ പ്രവര്‍ത്തകരുമാണ്.

         ദേശീയ പാത വികസനത്തിനായി തിരൂര്‍ താലൂക്ക് നടുവട്ടം വില്ലേജില്‍ ഏറ്റെടുക്കുന്ന ഭൂമിയിലെ ഉടമകള്‍ക്ക് നഷ്ടപരിഹാരത്തിനും പുനരധിവാസത്തിനുമുള്ള സാമ്പത്തിക സഹായത്തിനുമായി 48.43 കോടി രൂപ അനുവദിച്ച് തിരുവനന്തപുരം ദേശീയപാത അതോറിറ്റി റീജിയനല്‍ ഓഫീസര്‍ ഉത്തരവ് പുറപ്പെടുവിച്ചു. നടുവട്ടം വില്ലേജിലെ നഷ്ടപരിഹാരം അനുവദിക്കുന്നതിന് 2019 ല്‍ പണം അനുവദിച്ചിരുന്നുവെങ്കിലും ഹൈക്കോടതിയുടെ ഉത്തരവ് നില നിന്നിരുന്നതിനാല്‍ തുക വിതരണം ചെയ്യാന്‍ കഴിഞ്ഞിരുന്നില്ല. ഇപ്പോള്‍ അനുവദിച്ച  തുക ഒരാഴ്ചക്കുള്ളില്‍ ഡെപ്യൂട്ടി കലക്ടറുടെ അക്കൗണ്ടില്‍ എത്തും.

കൊവിഡ് വ്യാപനം ശക്തമായി തുടരുന്ന സാഹചര്യത്തില്‍ പ്രതിരോധ പ്രവര്‍ത്തനങ്ങള്‍ ഊര്‍ജിതപ്പെടുത്തുന്നതിന്റെ ഭാഗമായി തദ്ദേശ സ്ഥാപന തലത്തില്‍ സെക്ടര്‍ മജിസ്‌ട്രേറ്റുമാരെ നിയമിക്കാന്‍ ജില്ലാ കലക്ടര്‍ ടി വി സുഭാഷിന്റെ അധ്യക്ഷതയില്‍ ചേര്‍ന്ന ജില്ലാ ദുരന്ത നിവാരണ സമിതി യോഗം തീരുമാനിച്ചു. ആദ്യഘട്ടത്തില്‍ രോഗവ്യാപനം ശക്തമായ പ്രദേശങ്ങളിലാണ് സ്‌പെഷ്യല്‍ എക്‌സിക്യൂട്ടീവ് മജിസ്‌ട്രേറ്റിന്റെ അധികാരങ്ങളോടെ ഗസറ്റഡ് ഓഫീസര്‍മാരെ സെക്ടര്‍ മജിസ്‌ട്രേറ്റുമാരായി നിയമിക്കുക.

തദ്ദേശസ്വയം ഭരണ തെരഞ്ഞെടുപ്പ് ഗ്രാമപഞ്ചായത്തുകളിലെ സംവരണ സീറ്റുകളിലേക്കുള്ള നറുക്കെടുപ്പ് പൂര്‍ത്തിയായി. 20 ഗ്രാമപഞ്ചായത്തുകളിലെ സംവരണ സീറ്റുകള്‍ കൂടി വ്യാഴാഴ്ച നറുക്കെടുത്തു. കലക്ടറേറ്റ് ഓഡിറ്റോറിയത്തിലായിരുന്നു നറുക്കെടുപ്പ്.
ഗ്രാമപഞ്ചായത്ത്, സ്ത്രീസംവരണം, പട്ടിക ജാതി, പട്ടികവര്‍ഗ്ഗ വാര്‍ഡുകള്‍ യഥാക്രമം.

പത്തനംതിട്ട ജില്ലയില്‍ ഇന്ന് (4) 315 പേര്‍ക്ക് കോവിഡ്-19 സ്ഥിരീകരിച്ചു.
ഇന്ന് രോഗം സ്ഥിരീകരിച്ചവരില്‍ ഏഴു പേര്‍ വിദേശ രാജ്യങ്ങളില്‍ നിന്ന് വന്നവരും, 37 പേര്‍ മറ്റ് സംസ്ഥാനങ്ങളില്‍ നിന്നും വന്നവരും, 271 പേര്‍ സമ്പര്‍ക്കത്തിലൂടെ രോഗം ബാധിച്ചവരുമാണ്. ഇതില്‍ സമ്പര്‍ക്കപശ്ചാത്തലം വ്യക്തമല്ലാത്ത 40 പേരുണ്ട്.

കോവിഡ് പ്രതിരോധത്തിനുള്ള നിയന്ത്രണങ്ങള്‍ കര്‍ക്കശമായി നടപ്പാക്കാതെ വഴിയില്ലെന്ന് മുഖ്യമന്ത്രി പിണറായി വിജയന്‍ പറഞ്ഞു. മികവിന്റെ കേന്ദ്രങ്ങളായ 90 സ്‌കൂള്‍ കെട്ടിടങ്ങളുടെ ഉദ്ഘാടനം വീഡിയോ കോണ്‍ഫറന്‍സില്‍ നിര്‍വഹിക്കുകയായിരുന്നു അദ്ദേഹം.

പത്തനംതിട്ട ജില്ലയില്‍ ഇന്ന് (3) 296 പേര്‍ക്ക് കോവിഡ്-19 സ്ഥിരീകരിച്ചു.