നിയമവിരുദ്ധമായി മത്സ്യബന്ധനം നടത്തിയ ബോട്ടുകള്‍ ഫിഷറീസ് മറൈന്‍ എന്‍ഫോഴ്‌സ്‌മെന്റ് കസ്റ്റഡിയിലെടുത്തു. തങ്കശ്ശേരി സ്വദേശിയുടെ 'സെന്റ് ജോസഫ്' ബോട്ടും നീണ്ടകര സ്വദേശിയുടെ 'മാതാ' എന്ന ബോട്ടുമാണ് കസ്റ്റഡിയിലെടുത്തത്.

 
തദ്ദേശ സ്ഥാപനങ്ങളിലെ തിരഞ്ഞെടുപ്പുമായി ബന്ധപ്പെട്ട്  കലക്‌ട്രേറ്റ് കോണ്‍ഫറന്‍സ് ഹാളില്‍ ഇന്നലെ(സെപ്തംബര്‍ 29) നടന്ന സംവരണ നിയോജക മണ്ഡലങ്ങളുടെ നറുക്കെടുപ്പില്‍ 20 പഞ്ചായത്തുകളിലെ വാര്‍ഡുകള്‍ തീരുമാനിച്ചു.
ജില്ലാ കലക്ടര്‍ ബി അബ്ദുല്‍ നാസറിന്റെ അധ്യക്ഷതയില്‍ കോവിഡ് മാനദണ്ഡങ്ങള്‍ പാലിച്ച് തിരഞ്ഞെടുപ്പ് കമ്മീഷന്റെ നിര്‍ദേശങ്ങളും പഞ്ചായത്ത് രാജ് ആക്ടും അനുസരിച്ചുള്ള നടപടിക്രമങ്ങളിലൂടെയാണ് നറുക്കെടുപ്പ് നടന്നത്.
ഉമ്മന്നൂര്‍ ഗ്രാമപഞ്ചായത്ത്

സുതാര്യവും കാര്യക്ഷമവുമായ ജനസേവനത്തിനാണ്   സര്‍ക്കാര്‍ പ്രാധാന്യം നല്‍കുന്നത് മുഖ്യമന്ത്രി പിണറായി വിജയന്‍. സംസ്ഥാന സര്‍ക്കാരിന്റെ നൂറുദിന കര്‍മ്മ പദ്ധതികളുടെ ഭാഗമായി  പത്തനാപുരം, ചടയമംഗലം സബ് റീജിയണല്‍  ട്രാന്‍സ്പോര്‍ട്ട്  ഓഫീസുകളുടെ  ഉദ്ഘാടനം വീഡിയോ കോണ്‍ഫറന്‍സിലൂടെ  നിര്‍വഹിക്കുകയായിരുന്നു മുഖ്യമന്ത്രി.

ജില്ലയില്‍ ഇന്നലെ(സെപ്തംബര്‍ 29) 583 പേര്‍ക്ക് കോവിഡ് സ്ഥിരീകരിച്ചു. ഗ്രാമപഞ്ചായത്തുകളില്‍ നീണ്ടകര, തൃക്കരുവ, അഞ്ചല്‍ പ്രദേശങ്ങളിലും പരവൂര്‍, കരുനാഗപ്പള്ളി മുനിസിപ്പാലിറ്റി പ്രദേശങ്ങളിലും രോഗബാധ കൂടുതലാണ്.കൊല്ലം കോര്‍പ്പറേഷനില്‍ കാവനാട്, ശക്തികുളങ്ങര പ്രദേശങ്ങളിലാണ് കൂടുതല്‍ രോഗികള്‍. വിദേശത്ത് നിന്നുമെത്തിയ മൂന്നു പേര്‍ക്കും ഇതരസംസ്ഥാനങ്ങളില്‍ നിന്നുമെത്തിയ 11 പേര്‍ക്കും സമ്പര്‍ക്കം വഴി 566 പേര്‍ക്കും മൂന്നു ആരോഗ്യപ്രവത്തകര്‍ക്കും രോഗം സ്ഥിരീകരിച്ചു.

കോവിഡ് പ്രതിരോധം ലക്ഷ്യമാക്കി വാര്‍ഡ് തലങ്ങളില്‍ രൂപം നല്‍കിയ  സംരക്ഷിത കുടുംബ കൂട്ടായ്മയുടെ പ്രവര്‍ത്തനങ്ങള്‍ ഊര്‍ജിതപ്പെടുത്തുന്നതിലൂടെ രോഗബാധയുടെ തീവ്രതയും വ്യാപനവും കുറയ്ക്കാന്‍ സാധിക്കുമെന്ന് ജില്ലാ കലക്ടര്‍ ബി അബ്ദുല്‍ നാസര്‍. ജില്ലയിലെ പ്രതിരോധ പ്രവര്‍ത്തനങ്ങള്‍ അവലോകനം ചെയ്യാന്‍ ഗൂഗിള്‍ മീറ്റ് വഴി ചേര്‍ന്ന ഉന്നതതല ഉദ്യോഗസ്ഥ യോഗത്തിലാണ് ഇക്കാര്യം പറഞ്ഞത്.

വാഹന സംബന്ധമായ സേവനങ്ങള്‍ പ്രാദേശികതലത്തില്‍ ലഭ്യമാക്കുക എന്ന ലക്ഷ്യത്തോടെ ചടയമംഗലം ആസ്ഥാനമാക്കി പുതിയ സബ് ആര്‍ ടി ഓഫീസ് കെ എല്‍ 82 പ്രവര്‍ത്തനമാരംഭിച്ചു. ഉദ്ഘാടനം മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിലൂടെ നിര്‍വഹിച്ചു. ജനങ്ങള്‍ ഏറ്റവും കൂടുതല്‍ ആശ്രയിക്കുന്ന സേവനങ്ങളില്‍ ഒന്നായതുകൊണ്ടുതന്നെ ഓരോ താലൂക്കിലും  ആര്‍ ടി ഓഫീസുകള്‍ തുടങ്ങാനാണ് സര്‍ക്കാര്‍ ഉദ്ദേശിക്കുന്നതെന്ന് മുഖ്യമന്ത്രി അറിയിച്ചു

സംസ്ഥാന സര്‍ക്കാരിന്റെ നൂറുദിന കര്‍മ്മ പദ്ധതികളുടെ ഭാഗമായി  പത്തനാപുരത്തെ  സബ് റീജിയനല്‍ ട്രാന്‍സ്പോര്‍ട്ട്  ഓഫീസ്  (കെ എല്‍ 80) മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിലൂടെ ഉദ്ഘാടനം ചെയ്തു. ഓരോ താലൂക്ക്  തലത്തിലും ആര്‍ ടി ഓഫീസുകള്‍ സ്ഥാപിക്കാനാണ് സര്‍ക്കാര്‍ ഉദ്ദേശിക്കുന്നതെന്ന് മുഖ്യമന്ത്രി പറഞ്ഞു.

കേരളത്തിൽ 7354 പേർക്ക് കൂടി കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞു. മലപ്പുറം 1040, തിരുവനന്തപുരം 935, എറണാകുളം 859, കോഴിക്കോട് 837, കൊല്ലം 583, ആലപ്പുഴ 524, തൃശൂർ 484, കാസർഗോഡ് 453, കണ്ണൂർ 432, പാലക്കാട് 374, കോട്ടയം 336, പത്തനംതിട്ട 271, വയനാട് 169, ഇടുക്കി 57എന്നിങ്ങനെയാണ് ജില്ലകളിൽ രോഗ ബാധ സ്ഥിരീകരിച്ചത്.