കോവിഡ് 19 രോഗപ്രതിരോധത്തിന്റെ ഭാഗമായുണ്ടായ ലോക്ഡൗണിനെത്തുടര്‍ന്ന് പ്രതിസന്ധിയിലായ തയ്യല്‍ത്തൊഴിലാളികള്‍ക്ക് 1000 രൂപ ധനസഹായത്തിന് ഓണ്‍ലൈന്‍ മുഖേന സെപ്തംബര്‍ 30 വരെ അപേക്ഷിക്കാമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.

ഏഴ് പേർ വിദേശത്തുനിന്നും 42 പേർ മറ്റു സംസ്ഥാനങ്ങളിൽ നിന്നും എത്തിയവരാണ്. 426 പേർക്ക് സമ്പർക്കത്തിലൂടെയാണ് രോഗം ബാധിച്ചത്. ഒരു ആരോഗ്യപ്രവർത്തകയ്ക്കും  രോഗം സ്ഥിരീകരിച്ചിട്ടുണ്ട് . 306 പേരുടെ പരിശോധനാഫലം നെഗറ്റീവ് ആയി. ആകെ 8754 പേർ രോഗമുക്തരായി.4042 പേർ ചികിത്സയിലുണ്ട് .

നീലേശ്വരം നഗരസഭയുടെ  ചാത്തമത്തുള്ള ശിശു മന്ദിരത്തില്‍ സഹായിയുടെ ഒഴിവുണ്ട്.  കൂടിക്കാഴ്ച സെപ്റ്റംബര്‍ 30 ന് രാവിലെ 11 ന് നീലേശ്വരം നഗരസഭാ അനക്‌സ് ഹാളില്‍. ഏഴാംതരത്തില്‍ കുറായാത്ത യോഗ്യതയും കുട്ടികളെ പരിപാലിക്കുന്നതില്‍  താത്പര്യവും പരിചയവുമുള്ളവര്‍ക്ക് പങ്കെടുക്കാം.  നീലേശ്വരം നഗരസഭാ പരിധിയിലുള്ളവര്‍ക്ക് മുന്‍ഗണനയുണ്ട്.

ജില്ലാ കളക്ടറുടെ മഞ്ചേശ്വരം താലൂക്ക്തല  ഓണ്‍ലൈന്‍ പരാതി പരിഹാര അദാലത്ത്  ഒക്‌ടോബര്‍ ആറിന്   ഉച്ചയ്ക്ക് രണ്ടിന് നടത്തും. അദാലത്തിലേക്കുള്ള പരാതി സെപ്റ്റംബര്‍  28 രാത്രി 12 വരെ  സമര്‍പ്പിക്കാം. കാസര്‍കോട് താലൂക്കിന്റെ അദാലത്തിലേക്ക് ഒക്ടോബര്‍ അഞ്ച് മുതല്‍ ഒക്ടോബര്‍ 12 വരെ അപേക്ഷിക്കാം.കുടിവെള്ളം, വൈദ്യുതി, പെന്‍ഷന്‍, തദ്ദേശ സ്വയംഭരണം-ആരോഗ്യ വകുപ്പ് എന്നിവയുമായി  ബന്ധപ്പെട്ട പരാതികള്‍ അദാലത്തില്‍ ഉന്നയിക്കാം.

പ്ലസ് വണ്‍ സയന്‍സ് കോഴ്‌സില്‍ പഠിക്കുന്ന  2022-ലെ മെഡിക്കല്‍,എഞ്ചിനീയറിംഗ്  പ്രവേശന പരീക്ഷ എഴുതാന്‍ താല്‍പര്യമുളള പട്ടികജാതി  വിദ്യാര്‍ത്ഥികള്‍ക്ക്  രണ്ട് വര്‍ഷത്തെ പ്രവേശന പരീക്ഷാ പരിശീലനം നല്‍കും.   2020 മാര്‍ച്ചിലെ എസ്.എസ്.എല്‍.സി. പരീക്ഷയില്‍ എല്ലാ വിഷയങ്ങള്‍ക്കും ബി പ്ലസ് ഗ്രേഡിന് മുകളില്‍ മാര്‍ക്കുള്ളവര്‍ക്കാണ് അവസരം.

ബദിയഡുക്ക മാവേലി സ്റ്റോറിലെ കയറ്റിറക്ക് കൂലിയില്‍ മാറ്റം. നിലവിലെ കൂലിയില്‍ ക്വിന്റലിന് 50 ശതമാനം വര്‍ധനവും പെട്ടിയുടെ നിലവിലെ കൂലിയില്‍ നിന്ന് 75 ശതമാനവും വര്‍ധനവ് വരുത്തിയതായി ജില്ലാ ലേബര്‍ ഓഫീസര്‍ അറിയിച്ചു. കയറ്റിറക്ക് കൂലി വര്‍ധനവുമായി ബന്ധപ്പെട്ട തൊഴില്‍ തര്‍ക്കം പരിഹരിക്കുന്നതിന് ജില്ലാ ലേബര്‍ ഓഫീസര്‍ പി.വത്സന്റെ നേതൃത്വത്തില്‍ നടന്ന ചര്‍ച്ചയിലാണ് തിരുമാനം