വനിതാശിശു വികസ വകുപ്പില്‍ കീഴിൽ കൊയിലാണ്ടിയിൽ പ്രവർത്തിക്കുന്ന   പന്തലായനി അഡീഷണല്‍ പ്രോജക്ടിലേക്ക് 2020-21 വര്‍ഷം  കരാര്‍  വ്യവസ്ഥയില്‍ ഔദ്യോഗിക വാഹനം വാടകക്ക് ഓടിക്കാന്‍ തയ്യാറുളളവരില്‍ നിന്നും ക്വട്ടേഷന്‍ ക്ഷണിച്ചു. ക്വട്ടേഷന്‍ സെപ്തംബര്‍ 30 രാവിലെ 11  മണി വരെ സ്വീകരിക്കും. ഫോണ്‍ : 0496 2621190. 8281999298.

കേരള തയ്യല്‍ തൊഴിലാളി ക്ഷേമനിധി ബോര്‍ഡിലെ അംഗങ്ങള്‍ക്ക് സര്‍ക്കാര്‍ പ്രഖ്യാപിച്ച കോവിഡ് ധനസഹായത്തിന് ഇനിയും അപേക്ഷിക്കാത്തവര്‍ അക്ഷയ കേന്ദ്രങ്ങള്‍ വഴി അപേക്ഷ സമര്‍പ്പിക്കേണ്ട അവസാന തീയ്യതി സെപ്തംബര്‍ 30 ആണെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.  അപേക്ഷയോടൊപ്പം ബാങ്ക് പാസ്സ്ബുക്കിന്റെയും ആധാറിന്റെയും ക്ഷേമനിധി ബുക്കിന്റെയും പകർപ്പുകൾ  സ്‌കാന്‍ ചെയ്ത് അപ്‌ലോഡ് ചെയ്യണം.

കര / നാവി/ വ്യോമ സായുധസേനയില്‍  സേവനമനുഷ്ഠിക്കവേ വിവിധ കാരണങ്ങളാൽ മരണപ്പെട്ട ജവാന്‍മാരുടെയും ആശ്രിതരുടെയും വിവരങ്ങള്‍  സെപ്തംബര്‍ 29 നകം ജില്ലാ സൈനിക ക്ഷേമ ഓഫീസില്‍ അറിയിക്കണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു.   പ്രതിരോധ മന്ത്രാലയത്തിന് വിവരം സമര്‍പ്പിക്കുന്നതിനാണിത്.   ഫോണ്‍ : 0495 2771881.

പുതിയ ഇനങ്ങള്‍  വിലയിരുത്തും

 സുഗന്ധവിള ഗവേഷണ പദ്ധതികളുടെ ദേശീയ ഏകോപന സമിതിയുടെ ( എഐസിആര്‍പിഎസ് ) 31-ാം ദേശീയ ശില്പശാല സെപ്തംബര്‍ 29 നു ഭാരതീയ സുഗന്ധവിള ഗവേഷണ കേന്ദ്രത്തില്‍ ആരംഭിക്കും. ഇന്ത്യയിലെ 25  സംസ്ഥാനങ്ങളില്‍ നിന്നായി 50ല്‍ അധികം ശാത്രജ്ഞര്‍  ഇന്ത്യന്‍ കൗണ്‍സില്‍ ഓഫ്  അഗ്രിക്കള്‍ച്ചറല്‍ റിസര്‍ച്ച് ന്റെ  (ഐസിഎആര്‍) മേല്‍നോട്ടത്തില്‍ നടക്കുന്ന ദ്വിദിന ശില്പശാലയില്‍ പങ്കെടുക്കും.

പ്രവേശന പരീക്ഷകള്‍ക്ക് ശേഷമുള്ള ഓപ്ഷന്‍ നടപടിക്രമങ്ങളെ കുറിച്ച് വെബിനാര്‍ സീരീസ് സംഘടിപ്പിക്കുന്നു.  സംസ്ഥാന സര്‍ക്കാര്‍ സ്ഥാപനമായ നാഷണല്‍ എംപ്ലോയ്മെന്റ് സര്‍വ്വീസ് വകുപ്പിന് കീഴിലെ കരിയര്‍ ഡവലപ്പ്മെന്റ് സെന്ററുകളാണ് വെബിനാര്‍ സംഘടിപ്പിക്കുന്നത്.

കുന്ദമംഗലം ബ്ലോക്ക് പഞ്ചായത്തിന്റെ വാര്‍ഷിക പദ്ധതിപ്രകാരം പട്ടികജാതി വിദ്യാര്‍ത്ഥികള്‍ക്ക് മെറിറ്റോറിയസ് സ്‌കോളര്‍ഷിപ്പ് നല്‍കുന്നതിന്

കൈതപ്പൊയില്‍ - കോടഞ്ചേരി, അഗസ്ത്യമൂഴി റോഡിന്റെ പുനരുദ്ധാരണ പ്രവൃത്തിയുമായി ബന്ധപ്പെട്ട്  തിരുവമ്പാടിയില്‍ കലുങ്ക് നിര്‍മ്മിക്കുന്നതിനാല്‍ ഇന്ന് (സെപ്തംബര്‍ 26) മുതല്‍ പ്രവൃത്തി തീരുന്നതുവരെ ഈ റോഡിലൂടെയുളള വാഹന ഗതാഗതം നിര്‍ത്തിവെച്ചതായി അസി.എക്സിക്യൂട്ടീവ് എഞ്ചിനീയര്‍ അറിയിച്ചു.  ഈ റോഡിലൂടെ തിരുവമ്പാടിയില്‍ നിന്നും മുക്കം ഭാഗത്തേക്ക് പോകുന്നവ വാഹനങ്ങള്‍ ഓമശ്ശേരി വഴി മുക്കത്തേയ്ക്കും മുക്കത്ത് നിന്ന് വെന്റ് പാലം വഴി വരുന്ന വാഹനങ്ങള്‍ കൂടരഞ്ഞി വഴിയും തിരിഞ്ഞ് പോകണം. 

 കാസര്‍ഗോഡ് ജില്ലയിലെ കാഞ്ഞങ്ങാട് 2019 നവംബറില്‍ നടന്ന സംസ്ഥാന സ്‌കൂള്‍ കലോത്സവത്തില്‍ /സ്പെഷ്യല്‍ സ്‌കൂള്‍ കലോത്സവത്തില്‍     എ ഗ്രേഡ് നേടിയ പട്ടികജാതി വിഭാഗത്തില്‍പ്പെട്ട വിദ്യാര്‍ത്ഥികള്‍ക്ക് ക്യാഷ് പ്രൈസ് നല്‍കുന്നതിന് അപേക്ഷ  ക്ഷണിച്ചു.  അപേക്ഷകള്‍ ഒക്ടോബര്‍ ഒന്‍പതിനകം സ്ഥാപനമേധാവി മുഖേന പട്ടികജാതി വികസന വകുപ്പ് ചീഫ് പബ്ലിസിറ്റി ഓഫീസര്‍ക്ക് ലഭ്യമാക്കണം.   അപേക്ഷ ഫോം ജില്ല/ബ്ലോക്ക് പട്ടികജാതി വികസന ഓഫിസില്‍ ലഭ്യമാണ്.  അപേക്ഷകള്‍ അയക്കേണ്ട വിലാസം - ചീഫ് പബ്ലിസിറ്റി ഓഫീസര്‍ , പട്ടികജാതി വികസന വകുപ്പ്, അയ്യങ്കാളി ഭവന്‍, കനക നഗര്‍, തിരുവനന്തപുരം-695003.