ആലപ്പുഴ :തൈക്കാട്ടുശ്ശേരി ബ്ലോക്ക് പഞ്ചായത്തിലെ വിവിധ വികസന പദ്ധതികളുടെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് നിർമല സെൽവരാജ് നിർവഹിച്ചു. 

ശീതികരിച്ച കോൺഫറൻസ് ഹാൾ, നവീകരിച്ച ബ്ലോക്ക് പഞ്ചായത്ത് ഓഡിറ്റോറിയം, ഡിജിറ്റൽ ലൈബ്രറി, വീഡിയോ കോൺഫറൻസ് സംവിധാനം, പരിശീലനം നേടിയ വനിത മേസ്തിരിമാർക്ക് ടൂൾ കിറ്റ് വിതരണം, റേഷൻ കാർഡുകൾക്ക് ലഹരി വിരുദ്ധ സന്ദേശങ്ങൾ ആലേഖനം ചെയ്ത പുറംചട്ട വിതരണം തുടങ്ങിയ പദ്ധതികളാണ് ബ്ലോക്ക് പഞ്ചായത്ത് പ്രസിഡന്റ് ഉദ്ഘാടനം ചെയ്തത്. 

ആലപ്പുഴ: തൈക്കാട്ടുശ്ശേരി ശിശുവികസന പദ്ധതി ഓഫീസറുടെ ഔദ്യോഗിക ആവശ്യത്തിന് 2020 നവംബർ ഒന്നു മുതൽ 2021 മാർച്ച് 31 വരെയുള്ള അഞ്ച് മാസക്കാലയളവിലേക്ക് കാർ വാടകയ്ക്ക് നൽകുന്നതിന് താൽപര്യമുള്ള വാഹന ഉടമകളിൽ നിന്ന് ക്വട്ടേഷൻ ക്ഷണിച്ചു. വാഹനത്തിന് ഏഴ് വർഷത്തിൽ കൂടുതൽ പഴക്കം ഉണ്ടാകരുത്. ടാക്സി പെർമിറ്റ് നിലവിലുണ്ടാവണം. ക്വട്ടേഷൻ സമർപ്പിക്കുന്ന അവസാന തീയതി ഒക്ടോബർ എട്ട് വൈകിട്ട് മൂന്നുമണി. അന്നേദിവസം നാലുമണിക്ക് തുറക്കും. വിലാസം: ശിശുവികസന പദ്ധതി ഓഫീസറുടെ കാര്യാലയം, തൈക്കാട്ടുശ്ശേരി,പാണാവള്ളി പി.ഒ,ചേർത്തല-688526. ഫോൺ: 0478 2523206.

കരുനാഗപ്പള്ളി മോഡല്‍ പോളിടെക്‌നിക്ക് കോളേജില്‍ രണ്ടാംവര്‍ഷ ലാറ്ററല്‍ എന്‍ട്രി പ്രവേശനത്തിനത്തിനുള്ള 20 ഒഴിവിലേക്ക് സ്‌പോട്ട് അഡ്മിഷന്‍ സെപ്തംബര്‍ 30 ബുധനാഴ്ച നടത്തുന്നു.  എല്ലാ ജില്ലാ റാങ്ക് ലിസ്റ്റിലും ഉള്‍പ്പെട്ടിട്ടുള്ള എല്ലാവര്‍ക്കും (മോഡല്‍ പോളിടെക്‌നിക്ക് കരുനാഗപ്പള്ളി ഓപ്ഷന്‍  നല്‍കിയിട്ടില്ലാത്തവര്‍ക്കും) സ്‌പോട്ട് അഡ്മിഷനു പങ്കെടുക്കാം. പ്രവേശനം ആഗ്രഹിക്കുന്നവര്‍ അന്നേ ദിവസം രാവിലെ  10 മണിക്ക് അസല്‍ സര്‍ട്ടിഫിക്കറ്റുകളുമായി കോളേജില്‍ നേരിട്ട് ഹാജരാകണം.

വിമുക്തഭടന്മാരുടെ മക്കൾക്ക് ക്യാഷ് അവർഡ്

ആലപ്പുഴ: 2019-20 അധ്യയന വർഷത്തിൽ 10,12 ക്ലാസുകളിൽ എല്ലാ വിഷയങ്ങൾക്കും എ-പ്ലസ് /എ1 ഗ്രേഡ് ലഭിച്ച വിമുക്തഭടന്മാരുടെ മക്കൾക്ക് ക്യാഷ് അവാർഡ് നൽകും. അപേക്ഷയും അനുബന്ധ രേഖകളും ഒക്ടോബർ 12ന് മുമ്പായി ജില്ല സൈനികക്ഷേമ ഓഫീസിൽ ലഭിക്കണം. വിശദവിവരങ്ങൾക്ക് ഫോൺ 0477- 2245673. ഫോൺ മുഖേനയോ നേരിട്ടോ ബന്ധപ്പടാവുന്നതാണെന്ന് ജില്ല സൈനികക്ഷേമ ഓഫീസർ അറിയിച്ചു.