തദ്ദേശസ്വയംഭരണസ്ഥാപനങ്ങളിലെ പൊതുതിരഞ്ഞെടുപ്പിന് വാർഡ് സംവരണം നിശ്ചയിക്കുന്നതിനുളള നറുക്കെടുപ്പ് 28 മുതൽ ഒക്‌ടോബർ ആറ് വരെ വിവിധ കേന്ദ്രങ്ങളിൽ നടക്കും.
ഗ്രാമപഞ്ചായത്തുകളിലെയും മുനിസിപ്പാലിറ്റികളിലെയും നറുക്കെടുപ്പ് 28 മുതൽ ഒക്‌ടോബർ ഒന്ന്‌വരെ നടക്കും.  ബ്ലോക്ക്, ജില്ലാ പഞ്ചായത്തുകളുടെ നറുക്കെടുപ്പ് ഒക്‌ടോബർ 5-നാണ്. തിരുവനന്തപുരം, കൊല്ലം കോർപ്പറേഷനുകൾക്ക് ഒക്‌ടോബർ 6നും, കൊച്ചി തൃശ്ശൂർ കോർപ്പറേഷനുകൾക്ക് സെപ്റ്റംബർ 30നും, കോഴിക്കോട്, കണ്ണൂർ കോർപ്പറേഷനുകൾക്ക് സെപ്റ്റംബർ 28നുമാണ് നറുക്കെടുപ്പ്.

2020-21 വർഷത്തെ ഒന്നാം വർഷ ത്രിവത്സര/പഞ്ചവത്സര എൽഎൽബി ഓൺലൈൻ ക്ലാസ്സുകൾ ഒക്‌ടോബർ ഒന്നിന് തുടങ്ങും.
പി.എൻ.എക്‌സ്. 3270/2020

ഇന്ത്യൻ തിരഞ്ഞെടുപ്പ് കമ്മീഷൻ അസോസിയേഷൻ ഓഫ് വേൾഡ് ഇലക്ഷൻ ബോഡീസ് ചെയർമാൻ സ്ഥാനത്ത് ഒരു വർഷം പൂർത്തിയാക്കിയതോടനുബന്ധിച്ച് അന്താരാഷ്ട്ര വെബിനാർ സംഘടിപ്പിച്ചു. ഇഷ്യൂസ്, ചലഞ്ചസ് ആന്റ് പ്രോട്ടോകോൾസ് ഫോർ കണ്ടക്ടിംഗ് ഇലക്ഷൻസ് ഡ്യൂറിംഗ് കോവിഡ്-19 ഷെയറിംഗ് കൺട്രി എക്‌സ്പീരിയൻസ് എന്നതായിരുന്നു വിഷയം. മുഖ്യതിരഞ്ഞെടുപ്പ് കമ്മീഷണർ സുനിൽ അറോറ വെബിനാർ ഉദ്ഘാടനം ചെയ്തു. 45 രാജ്യങ്ങളിൽ നിന്നുള്ള 120 പ്രതിനിധികളും വിവിധ അന്താരാഷ്ട്ര സംഘടനകളും വെബിനാറിൽ പങ്കെടുത്തു.

കോട്ടയം ജനറൽ ആശുപത്രിയിൽ കിഫ്ബിയിൽ ഉൾപ്പെടുത്തി പത്ത്‌നിലകെട്ടിടം നിർമ്മിക്കുന്നതിനുള്ള പാരിസ്ഥിതികാനുമതി സർട്ടിഫിക്കറ്റ് ലഭിച്ചു. ഉത്തരവിന്റെ പകർപ്പ് ഡിപ്പാർട്ട്‌മെന്റ് ഓഫ് എൻവയോൺമെന്റ് ആന്റ് ക്ലൈമറ്റ് ചേഞ്ച് കേരള സർക്കാർ ഓഫീസിലും www.seiaakerala.org യിലും ലഭിക്കും.
പി.എൻ.എക്‌സ്. 3268/2020

തദ്ദേശ തിരഞ്ഞെടുപ്പിനായുള്ള അന്തിമ വോട്ടർപട്ടികയുടെ പ്രസിദ്ധീകരണം ഒക്‌ടോബർ ഒന്നിലേക്ക് മാറ്റിയതായി സംസ്ഥാന തിരഞ്ഞെടുപ്പ് കമ്മീഷണർ വി.ഭാസ്‌കരൻ അറിയിച്ചു. സംസ്ഥാനത്ത് ചില തദ്ദേശസ്വയംഭരണ സ്ഥാപനങ്ങളിലെ ജീവനക്കാർക്ക് കോവിഡ് ബാധ സ്ഥിരീകരിച്ചതിനാൽ സ്ഥാപനങ്ങൾ  പൂർണ്ണതോതിൽ പ്രവർത്തിക്കാൻ കഴിയാത്ത  സാഹചര്യത്തിലാണ് അന്തിമ വോട്ടർപട്ടിക പ്രസിദ്ധീകരണം നീട്ടിയത്. ആഗസ്റ്റ് 12 നാണ് കരട് വോട്ടർ പട്ടിക പ്രസിദ്ധീകരിച്ചത്.
പി.എൻ.എക്‌സ്. 3266/2020

ചികിത്സയിലിരുന്ന രോഗിയ്ക്ക് കോവിഡ് സ്ഥിരീകരിച്ച ശേഷം തുടര്‍ ചികിത്സ നല്‍കാതെ ജില്ലാ ആശുപത്രിയിലേക്ക് വിട്ട സംഭവത്തില്‍ ആശുപത്രി അധികൃതര്‍ക്കെതിരെ നടപടിയെടുക്കുമെന്ന് ജില്ലാ കലക്ടര്‍ ബി അബ്ദുല്‍ നാസര്‍. കോവിഡ് പ്രതിരോധ പ്രവര്‍ത്തനങ്ങള്‍ അവലോകനം ചെയ്യാന്‍ കൂടിയ ഉന്നത ഉദ്യോഗത്ഥതല ഓണ്‍ലൈന്‍ യോഗത്തിലാണ് അറിയിപ്പ്.

തിരുവനന്തപുരം സർക്കാർ ആയുർവേദ കോളേജിൽ സ്ത്രീകളുടെയും കുട്ടികളുടെയും ഒ.പി. വിഭാഗം പ്രവർത്തനം ആരംഭിച്ചു.
പൂജപ്പുരയിൽ പ്രവർത്തിക്കുന്ന സർക്കാർ ആയുർവേദ കോളേജ് സ്ത്രീകളുടെയും കുട്ടികളുടെയും ആശുപത്രി(നൃത്താലയം) കോവിഡ്-19 ബാധിതരായ ഗർഭിണികളുടെ ചികിത്സയ്ക്കായി താത്ക്കാലികമായി സജ്ജീകരിച്ചിരിക്കുന്നതിനാലാണ് ആശുപത്രിയിൽ പ്രവർത്തിച്ചുവന്ന സ്ത്രീരോഗ-ബാലരോഗ വിഭാഗങ്ങളുടെ ഒ.പി പ്രവർത്തനം ആയുർവേദ കോളേജിലേക്ക് താത്ക്കാലികമായി മാറ്റിയത്.

എ.പി.ജെ അബ്ദുൾകലാം ടെക്‌നോളജിക്കൽ സർവകലാശാലയുടെ കീഴിൽ സർക്കാർ എൻജിനിയറിങ് കോളേജ് ബർട്ടൻഹിൽ, തിരുവനന്തപുരം നടത്തുന്ന ഇന്റർഡിസിപ്ലിനറി ട്രാൻസ്‌ലേഷൻ എൻജിനിയറിങ് എം.ടെക് കോഴ്‌സിന് അപേക്ഷ ക്ഷണിച്ചു. ബി.ഇ/ബി.ടെക് ഡിഗ്രി എടുത്തവർക്ക് അപേക്ഷിക്കാം. സാമൂഹിക പ്രതിബദ്ധതയും പുത്തൻ ആശയങ്ങൾ സ്വാംശീകരിക്കാനുള്ള ചേതനയുമാണ് കോഴ്‌സിന്റെ സവിശേഷതകൾ. വിശദവിവരങ്ങൾക്ക് www.tplc.gecbh.ac.in/www.gecbh.ac.in,  ഫോൺ: 7736136161/ 9995527866. അവസാന തീയതി ഒക്‌ടോബർ 15.
പി.എൻ.എക്‌സ്. 3264/2020

2020-21 അദ്ധ്യയനവർഷത്തെ എം.സി.എ പ്രവേശനത്തിന് യോഗ്യതാ പരീക്ഷയുടെ മാർക്കുകൾ സെപ്തംബർ 30നകം അപ്‌ലോഡ് ചെയ്യണം. യോഗ്യതാ പരീക്ഷയുടെ മാർക്കിന്റെ അടിസ്ഥാനത്തിലാണ് ഈ വർഷത്തെ പ്രവേശനം. ഒക്‌ടോബർ മൂന്നിന് അപേക്ഷിച്ചവരുടെ ഡാറ്റാ പ്രസിദ്ധീകരിക്കും. തുടർന്ന് അപേക്ഷകർക്ക് ഓപ്ഷൻ നൽകാനുള്ള അവസരം നൽകും. ഒക്‌ടോബർ 30നകം പ്രവേശന നടപടികൾ പൂർത്തിയാകും.
പി.എൻ.എക്‌സ്. 3263/2020