തദ്ദേശ സ്വയം ഭരണ സ്ഥാപനങ്ങളിലേക്കുള്ള പൊതു തിരഞ്ഞെടുപ്പല്‍ ഗ്രാമ പഞ്ചായത്തുകളുടെ സംവരണ മണ്ഡലം നിശ്ചയിക്കുന്നതിന് നറുക്കെടുപ്പ് കളക്ട്രേറ്റ് കോണ്‍ഫറന്‍സ് ഹാളില്‍ ജില്ലാ കളക്ടര്‍ നിര്‍വഹിക്കും. സെപ്തംബര്‍ 28 ന് മാനന്തവാടി, സുല്‍ത്താന്‍ ബത്തേരി ബ്ലോക്ക് പഞ്ചായത്തുകളില്‍ ഉള്‍പ്പെടുന്ന ഗ്രാമപഞ്ചായത്തുകളുടെയും, 29 ന്  കല്‍പ്പറ്റ, പനമരം ബ്ലോക്ക് പഞ്ചായത്തുകളില്‍  ഉള്‍പ്പെടുന്ന ഗ്രാമപഞ്ചായത്തുകളുടെയും നറുക്കെടുപ്പാണ് നടത്തുന്നത്.  പഞ്ചായത്തിന്റെ പേരും നറുക്കെടുപ്പ് തീയതിയും  സമയവും ക്രമത്തില്‍,

പട്ടികവര്‍ഗ്ഗ വികസന വകുപ്പ് 2021 ലെ നീറ്റ്, കീം പ്രവേശന പരീക്ഷകള്‍ക്കായി പട്ടികവര്‍ഗ്ഗ വിദ്യാര്‍ത്ഥികള്‍ക്ക് പരിശീലനം നല്‍കുന്നു.  2020 മാര്‍ച്ചിലെ  പ്ലസ്ടു പരീക്ഷക്ക് സയന്‍സ്, കണക്ക് വിഷയങ്ങളെടുത്ത് വിജയിച്ചവരില്‍ നിന്നും മാര്‍ക്കിന്റെ അടിസ്ഥാനത്തിലാണ് തെരഞ്ഞെടുപ്പ്.  തെരഞ്ഞെടുക്കുന്നവര്‍ക്ക് ഓണ്‍ലൈനായാണ് പരിശീലനം നല്‍കുക.

· 75 പേര്‍ക്ക് സമ്പര്‍ക്കത്തിലൂടെ രോഗബാധ

· 61 പേര്‍ രോഗമുക്തി നേടി

വയനാട് ജില്ലയില്‍ ഇന്ന് (22.09.20) 81 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. 61 പേര്‍ രോഗമുക്തി നേടി. കല്‍പ്പറ്റ വനിതാ സെല്ലിലെ ഒരു വനിത പോലീസ്  ഓഫീസര്‍ക്കുള്‍പ്പെടെ 75 പേര്‍ക്ക് സമ്പര്‍ക്കത്തിലൂടെയാണ് രോഗബാധ. നാല് പേര്‍ ഇതര സംസ്ഥാനത്ത് നിന്നും 2 പേര്‍ വിദേശത്തുനിന്നും എത്തിയവരാണ്. 

ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 2715 ആയി. 2060 പേര്‍ രോഗമുക്തരായി. നിലവില്‍ 640 പേരാണ് ചികിത്സയിലുള്ളത്.

2018 ലെ പ്രകൃതിക്ഷോഭത്തെ തുടര്‍ന്ന് വീടും സ്ഥലവും നഷ്ടപ്പെട്ട കണിയാമ്പറ്റ പഞ്ചായത്തില്‍ ചിറ്റൂര്‍ കേണിവയല്‍ പ്രദേശത്തെ 12 കുടുംബങ്ങളെ പുനരധിവസിപ്പിക്കുന്നതിന് അനുയോജ്യമായ ഭൂമി ആവശ്യമുണ്ട്.  ഭൂമി വില്‍ക്കാന്‍ തയ്യാറുള്ള കണിയാമ്പറ്റ പഞ്ചായത്തിലെ ഭൂ ഉടമകള്‍ സെപ്തംബര്‍ 26 ന് വൈകീട്ട് 5 നകം കണിയാമ്പറ്റ വില്ലേജ് ഓഫീസില്‍ അപേക്ഷ സമര്‍പ്പിക്കണം. വിശദവിവരങ്ങള്‍ വൈത്തിരി താലൂക്ക് ഓഫീസ്, കണിയാമ്പറ്റ വില്ലേജ് ഓഫീസ്, കണിയാമ്പറ്റ പഞ്ചായത്ത് ഓഫീസ് എന്നിവിടങ്ങളില്‍ ലഭിക്കും.

വന്യജീവി വാരാഘോഷത്തിന്റെ ഭാഗമായി ഒക്ടോബര്‍ 3 ന് നടത്തുന്ന കോളജ്, ഹയര്‍ സെക്കന്ററി വിഭാഗം സംസ്ഥാനതല ഓണ്‍ലൈന്‍ ക്വിസ് മത്സരത്തിന് അപേക്ഷ ക്ഷണിച്ചു. രജിസ്ട്രേഷന്‍ ഫോറം www.keralaforest.gov.in എന്ന വെബ്സൈറ്റില്‍ നിന്നും ഡൗണ്‍ലോഡ് ചെയ്ത് പൂരിപ്പിച്ച് തിരിച്ചറിയല്‍ കാര്‍ഡ് സഹിതം wlw.quiz2020@gmail.com എന്ന ഇ.മെയില്‍ വിലാസത്തില്‍ സെപ്തംബര്‍ 30നകം അയക്കണം.  

മാനന്തവാടി ട്രൈബല്‍ ഡവലപ്മെന്റ് ഓഫീസിന് കീഴിലെ മാനന്തവാടി, കാട്ടിക്കുളം, പനമരം, തവിഞ്ഞാല്‍, കുഞ്ഞോം ട്രൈബല്‍ എക്സ്റ്റന്‍ഷന്‍ ഓഫീസുകളിലെ സഹായി കേന്ദ്രങ്ങളില്‍ താല്‍കാലികാടിസ്ഥാനത്തില്‍ സഹായി നിയമനത്തിന് സെപ്തംബര്‍ 30 ന് രാവിലെ 11 ന് കൂടിക്കാഴ്ച നടത്തുന്നു. മാനന്തവാടി താലൂക്കില്‍ സ്ഥിര താമസക്കാരായ പട്ടികവര്‍ഗക്കാര്‍ക്ക് പങ്കെടുക്കാം. പ്രായം 18 നും 40 നുമിടയില്‍.  യോഗ്യത എസ്.എസ്.എല്‍.സി, ഡി.സി.എ മറ്റ് തത്തുല്യ കോഴ്സുകള്‍, ഇംഗ്ലീഷ്, മലയാളം ടൈപ്പിംഗ്, ഇന്റര്‍നെറ്റ് പരിജ്ഞാനം.

ബൗദ്ധിക പരിമിതികള്‍ (ഓട്ടിസം,ബുദ്ധിമാന്ദ്യം,മസ്തിഷ്‌കതളര്‍വാതം, ബഹുവൈകല്യം) ഉള്ള വ്യക്തികളുടെ രക്ഷിതാക്കള്‍ രക്ഷകര്‍തൃത്വത്തിനുള്ള അപേക്ഷകള്‍ വെളളകടലാസില്‍ തയ്യാറാക്കി ജില്ലാ കളക്ടര്‍ക്ക് സമര്‍പ്പിക്കണം. വികലാംഗ സര്‍ട്ടിഫിക്കറ്റ്, ആധാര്‍കാര്‍ഡ്, നികുതി രസീത് എന്നിവയുടെ പകര്‍പ്പ് സഹിതമാണ് അപേക്ഷിക്കേണ്ടത്.

നാഷണല്‍ ട്രസ്റ്റ് വയനാട് ജില്ലാ ലോക്കല്‍ ലവല്‍ കമ്മിറ്റിയുടെ ആഭിമുഖ്യത്തില്‍ നടത്തിയ ഓണ്‍ലൈന്‍ അദാലത്തിലൂടെ നിയമപരമായ രക്ഷകര്‍തൃത്വത്തിനുള്ള  അപേക്ഷകള്‍ തീര്‍പ്പാക്കി. 17 അപേക്ഷകള്‍ പരിഗണിച്ചതില്‍ 14 എണ്ണമാണ് തീര്‍പ്പാക്കിയത്.  രക്ഷിതാക്കള്‍ വിവിധ അക്ഷയ കേന്ദ്രങ്ങളിലൂടെ അദാലത്തില്‍ പങ്കെടുത്തു.