വായനാ പക്ഷാചരണത്തിന്‍റെ ഭാഗമായി സാക്ഷരതാ മിഷന്‍റെ നേതൃത്വത്തില്‍ തുല്യതാ പഠിതാക്കള്‍ക്കായി കഥാ-കവിതാ രചന മത്സരങ്ങള്‍ സംഘടിപ്പിക്കും.  ജൂണ്‍ 23 ന്  തുല്യതാ പഠനകേന്ദ്രങ്ങളിലാണ് മത്സരം. ഒന്നും രണ്ടും സ്ഥാനം  നേടുന്ന രചനകള്‍ക്ക് വായന പക്ഷാചരണ  സമാപന ചടങ്ങില്‍ സമ്മാനം നല്‍കും. ഒന്നാം സ്ഥാനക്കാര്‍ക്ക് സാഹിത്യ അക്കാദമിയും സാക്ഷരതാമിഷനും ചേര്‍ന്ന് നടത്തുന്ന സാഹിത്യ ക്യാമ്പില്‍ പങ്കെടുക്കുന്നതിന് അവസരം ലഭിക്കും.

വടവാതൂര്‍ ഇ.എസ്.ഐ ആശുപത്രിയിലെ പരാതി പരിഹാര സെല്‍ ജൂണ്‍ 20ന് ഉച്ചയ്ക്ക് രണ്ടിന് യോഗം ചേരുമെന്ന് ആശുപത്രി സൂപ്രണ്ട് അറിയിച്ചു.

സംസ്ഥാന സര്‍ക്കാര്‍ സംഘടിപ്പിക്കുന്ന വായനാ പക്ഷാചരണത്തിന് വായനാ ദിനമായ നാളെ (ജൂണ്‍ 19) തുടക്കം കുറിക്കും. പരിപാടികളുടെ ജില്ലാതല ഉദ്ഘാടനം  രാവിലെ 10.30ന് തിരുവഞ്ചൂര്‍ ഗവണ്‍മെന്‍റ് ചില്‍ഡ്രന്‍സ് ഹോമില്‍ ജില്ലാ കളക്ടര്‍ പി.കെ. സുധീര്‍ ബാബു നിര്‍വഹിക്കും. ജില്ലാ ലൈബ്രറി കൗണ്‍സില്‍ പ്രസിഡന്‍റ്       വി.കെ. കരുണാകരന്‍ അധ്യക്ഷനാകും. 

പി.എന്‍ പണിക്കര്‍ അനുസ്മരണത്തിന്റെ ഭാഗമായി  സംസ്ഥാന സര്‍ക്കാരിന്റെ ആഭിമുഖ്യത്തില്‍ ജൂണ്‍ 19 മുതല്‍ ജൂലൈ ഏഴുവരെ ജില്ലയില്‍ വായനാ പക്ഷാചരണം സംഘടിപ്പിക്കും. ജില്ലാതല ഉദ്ഘാടനം ജൂണ്‍ 19നു രാവിലെ 10.30ന് സുല്‍ത്താന്‍ ബത്തേരി ഡയറ്റില്‍ കവി പി.പി ശ്രീധരനുണ്ണി നിര്‍വഹിക്കും. വിവര പൊതുജന സമ്പര്‍ക്ക വകുപ്പ്, ലൈബ്രറി കൗണ്‍സില്‍, പി.എന്‍ പണിക്കര്‍ ഫൗണ്ടേഷന്‍ എന്നിവയുടെ സംയുക്താഭിമുഖ്യത്തിലാണ് ജില്ലയില്‍ പരിപാടികള്‍ സംഘടിപ്പിക്കുന്നത്. സാംസ്‌കാരിക സദസ്സ്, പുസ്തകോത്സവം, കവിസമ്മേളനം തുടങ്ങിയ പരിപാടികള്‍ പക്ഷാചരണവേളയില്‍ നടക്കും. 

സംസ്ഥാന സഹകരണ യൂണിറ്റിന്റെ കീഴിലെ കരണി സഹകരണ പരിശീലന കേന്ദ്രത്തില്‍ ജെ.ഡി.സി. കോഴ്‌സില്‍ കമ്പ്യൂട്ടര്‍ പാര്‍ട്ട് ടൈം ലക്ചററെ നിയമിക്കുന്നു.  വേതനം 11000 രൂപ.  യോഗ്യത കമ്പ്യൂട്ടര്‍ സയന്‍സില്‍ ബിരുദാനന്തര ബിരുദം അല്ലെങ്കില്‍ ബിരുദം/ബിരുദാനന്തര ബിരുദവും പി.ജി.ഡി.സി.എ.യും അല്ലെങ്കില്‍ ബി.ടെക് കമ്പ്യൂട്ടര്‍ സയന്‍സ്.  ജൂണ്‍ 21ന് രാവിലെ 10ന് കൂടിക്കാഴ്ച നടക്കും. ഉദ്യോഗാര്‍ത്ഥികള്‍ അസ്സല്‍ രേഖകളുമായി പരിശീലനകേന്ദ്രത്തില്‍ ഹാജരാകണം.  ഫോണ്‍ 04936 289725

മീനങ്ങാടി ഗവ. പോളിടെക്‌നിക് കോളേജില്‍ ഹ്രസ്വകാല തൊഴിലധിഷ്ഠിത കോഴ്‌സുകളിലേക്ക് അപേക്ഷ ക്ഷണിച്ചു. അപേക്ഷകര്‍ എസ്.എസ്.എല്‍.സി. യോഗ്യതയുളളവരായിരിക്കണം. കോഴ്‌സ് വിജയകരമായി പൂര്‍ത്തീകരിക്കുന്നവര്‍ക്ക് പ്ലേസ്‌മെന്റ് സൗകര്യം ഒരുക്കും. ഇലക്ട്രിക്കല്‍ വയറിങ് ആന്‍ഡ് സര്‍വീസിങ്ങ്  10 മാസം,   റെഫ്രിജറേഷന്‍ ആന്‍ഡ് എയര്‍ കണ്ടീഷന്‍   6   മാസം, അഡ്വാന്‍സ്ഡ് വെല്‍ഡിങ് ടെക്‌നോളജി   6  മാസം എന്നിവയാണ് കോഴ്‌സുകള്‍. ഫോണ്‍ 04936 248100  9847699720, 9744134901, 9995217409 

പ്രകൃതി ദുരന്തങ്ങളെ ശാസ്ത്രീയമായി നേരിടാന്‍ ദുരന്തനിവാരണ സേന ഡയറക്ടറിയെന്ന ആശയവുമായി ജില്ലാ പഞ്ചായത്ത്. ജില്ലയില്‍ ദുരന്തനിവാരണ മേഖലയില്‍ പ്രവര്‍ത്തിക്കുന്ന ഔദ്യോഗിക സന്നദ്ധസംഘടനകളിലെ അംഗങ്ങളെ ഉള്‍പ്പെടുത്തിയാണ് ഡയറക്ടറി തയ്യാറാക്കുക. ഇതിനായി ഫയര്‍ ആന്‍ഡ് റസ്‌ക്യു വിഭാഗം വിവിധ മേഖലകളില്‍ പരിശീലനം നല്‍കും. നിലവില്‍ ഈ മേഖലയിലെ രജിസ്‌ട്രേഡ് സന്നദ്ധ സംഘടനകളില്‍ നിന്നും ജില്ലാ പഞ്ചായത്ത് പ്രത്യേകം അപേക്ഷ ക്ഷണിക്കും. അപേക്ഷയോടൊപ്പം പ്രളയകാലത്തെ പ്രവര്‍ത്തനങ്ങളുടെ പൂര്‍ണ്ണ വിവരങ്ങളും നല്‍കണം.

കല്‍പ്പറ്റ, പിണങ്ങോട്, പടിഞ്ഞാറത്തറ എന്നിവിടങ്ങളിലെ മത്സ്യവ്യാപാര കേന്ദ്രങ്ങളില്‍ വയനാട് ഭക്ഷ്യ സുരക്ഷാ അസിസ്റ്റന്റ് കമ്മീഷണര്‍ പി.ജെ. വര്‍ഗ്ഗീസിന്റെ നേതൃത്വത്തില്‍ പരിശോധന നടത്തി. പഴകിയതും കേടായതുമായ മത്സ്യം പിടിച്ചെടുത്ത് നശിപ്പിച്ചു.  പിണങ്ങോട് ഗുഡ്‌സ് ഓട്ടോയില്‍ കച്ചവടം ചെയ്യുകയായിരുന്ന മത്സ്യവും പടിഞ്ഞാറത്തറ എസ്.ആര്‍.എം. ഫിഷ് സ്റ്റാളില്‍ നിന്നുമാണ് കേടായ മത്സ്യം പിടിച്ചെടുത്തത്. ഭക്ഷ്യസുരക്ഷാ മാനദണ്ഡങ്ങള്‍ പാലിക്കാത്ത മൂന്നു സ്ഥാപനങ്ങള്‍ക്ക് നോട്ടീസ് നല്‍കി.

ജില്ലാ കലക്ടര്‍ക്ക് യാത്രയയപ്പും 
വീഡിയോ പ്രകാശനവും 19ന്‌
സ്ഥലംമാറി പോകുന്ന ജില്ലാ കലക്ടര്‍ മീര്‍ മുഹമ്മദ് അലിക്ക് ജില്ലാ ആസൂത്രണ സമിതിയുടെ ആഭിമുഖ്യത്തില്‍ 19ന്‌
യാത്രയയപ്പ് നല്‍കും. രാവിലെ 11 മണിക്ക് ജില്ലാ ആസൂത്രണ സമിതി കോണ്‍ഫറന്‍സ് ഹാളിലാണ് പരിപാടി. കണ്ണൂരിലെ വിനോദ സഞ്ചാര മേഖലയെ അടിസ്ഥാനമാക്കി ജില്ലാ കലക്ടര്‍ തയ്യാറാക്കിയ വീഡിയോയുടെ ്രപകാശനവും ചടങ്ങില്‍ നടക്കും. കലക്ടര്‍ക്കുള്ള യാത്രയയപ്പ് പരിപാടിയില്‍ എല്ലാ തദ്ദേശസ്ഥാപന അധ്യക്ഷന്‍മാരും ഉദ്യോഗസ്ഥരും പങ്കെടുക്കണമെന്ന് ആസൂത്രണ സമിതി അധ്യക്ഷന്‍ കൂടിയായ ജില്ലാ പഞ്ചായത്ത് പ്രസിഡണ്ട് കെ വി സുമേഷ് അറിയിച്ചു.

കണ്ണൂര്‍ ജില്ലയിലെ വിനോദസഞ്ചാര കേന്ദ്രങ്ങളെ ലോകത്തിന് പരിചയപ്പെടുത്താന്‍ ജില്ലാ കലക്ടര്‍ മീര്‍ മുഹമ്മദ് അലിയുടെ പ്രൊമോഷനല്‍ വീഡിയോ. അന്താരാഷ്ട്ര വിമാനത്താവളം യാഥാര്‍ഥ്യമായതോടെ കണ്ണൂരിന് തുറന്നുകിട്ടിയ ടൂറിസം സാധ്യതകള്‍ പ്രയോജനപ്പെടുത്തുകയെന്ന ലക്ഷ്യത്തോടെയാണ് ജില്ലാ കലക്ടര്‍ തന്നെ സംവിധാനം നിര്‍വഹിച്ച് പരസ്യ വീഡിയോ നിര്‍മിച്ചിരിക്കുന്നത്.