എറണാകുളം: മറ്റ് സംസ്ഥാനങ്ങളില്‍ നിന്ന് ആളുകള്‍ കൂടുതലായി എത്തുന്ന ജില്ലയിലെ ഗോഡൗണുകളില്‍ കര്‍ശനമായ നിയന്ത്രണങ്ങള്‍ നടപ്പാക്കുമെന്ന് മന്ത്രി വി.എസ് സുനില്‍കുമാര്‍ പറഞ്ഞു. ജില്ലയിലെ കോവിഡ് പ്രതിരോധ പ്രവര്‍ത്തനങ്ങളുമായി ബന്ധപ്പെട്ട വാര്‍ത്ത സമ്മേളനത്തിലാണ് ഗോഡൗണുകളില്‍ നിയന്ത്രണങ്ങള്‍ കര്‍ശനമാക്കുമെന്ന് മന്ത്രി അറിയിച്ചത്. 

പട്ടികവര്‍ഗ്ഗ വിഭാഗത്തില്‍പ്പെട്ടവരുടെ കലാപരമായ കഴിവുകള്‍ ലക്ഷ്യമിട്ട്  ഐ ടി ഡി പി നല്‍കി വരുന്ന വാദ്യോപകരണങ്ങള്‍ വിതരണം ചെയ്തു. വിതരണോദ്ഘാടനം ജില്ലാ പഞ്ചായത്ത് പ്രസിഡണ്ട് കെ വി സുമേഷ് നിര്‍വ്വഹിച്ചു.

എറണാകുളം: സ്വദേശത്ത് മടങ്ങാന്‍ ഇനിയും ആഗ്രഹിക്കുന്ന അതിഥി തൊഴിലാളികളുടെ അന്തിമ പട്ടിക അടിയന്തരമായി സമര്‍പ്പിക്കണമെന്ന് ജില്ല ലേബര്‍ ഓഫീസര്‍ക്ക് മന്ത്രി വി.എസ് സുനില്‍കുമാര്‍ നിര്‍ദേശം നല്‍കി. കോവിഡ് പ്രവര്‍ത്തനങ്ങള്‍ വിലയിരുത്താനായി ചേര്‍ന്ന അവലോകന യോഗത്തിലാണ് മന്ത്രി നിര്‍ദേശം നല്‍കിയത്. 45000 പേരാണ് ജില്ലയില്‍ നിന്ന് ഇതു വരെ സ്വദേശത്തേക്ക് മടങ്ങിയത്. 30000  പേര്‍ ഇവിടെ തന്നെ തുടരാന്‍ താത്പര്യം പ്രകടിപ്പിച്ചിട്ടുണ്ട്. 

   എറണാകുളം: മഴക്കാല അടിയന്തരസാഹചര്യങ്ങള്‍ നേരിടുന്നതിനായി താലൂക്ക് തലത്തില്‍ മോക്ക്ഡ്രില്ലുകള്‍ സംഘടിപ്പിക്കുന്നതിന് ജില്ലാ ദുരന്തനിവാരണ സമിതി അനുമതി നല്‍കി. സംസ്ഥാന ദുരന്തനിവാരണ സമിതിയുടെ മാര്‍ഗനിര്‍ദ്ദേശങ്ങള്‍ പാലിച്ചായിരിക്കും മോക്ക്ഡ്രില്ലുകള്‍ സംഘടിപ്പിക്കുന്നത്. കോവിഡ് 19 രോഗവ്യാപന പശ്ചാത്തലത്തില്‍ മാനദണ്ഡങ്ങള്‍ പാലിച്ചുള്ള മോക്ക്ഡ്രില്ലില്‍ പൊതുജന പങ്കാളിത്തം ഒഴിവാക്കും. 

    പൂജപ്പുര ഇലക്ട്രിക്കല്‍ സെക്ഷന്‍ പരിധിയില്‍ ശാസ്ത്രി നഗര്‍, കുഞ്ചാലുംമൂട്, തമലം റോഡ്, ചെറുകാട് ലൈന്‍, പേരൂര്‍ക്കട ഇലക്ട്രിക്കല്‍ സെക്ഷന്‍ പരിധിയില്‍ ഹില്‍ടോപ്പ്, പുരവൂര്‍ക്കോണം, കെ.പി ലൈന്‍, ഹെര്‍ക്കുലീസ്, നെടുംപാറ, മുദിശാസ്താംകോട്, പുത്തന്‍ചന്ത ഇലക്ട്രിക്കല്‍ സെക്ഷന്‍ പരിധിയില്‍ എസ്.എസ്.കോവില്‍ റോഡ്, മാഞ്ഞാലിക്കുളം റോഡ്, ഊറ്റുകുഴി, രാജാജി നഗര്‍, പനവിള എന്നിവിടങ്ങളില്‍ ട്രാന്‍സ്‌ഫോര്‍മറില്‍ അറ്റകുറ്റപ്പണികള്‍ നടക്കുന്നതിനാല്‍ ഇന്ന് (ജൂണ്‍ 13) രാവിലെ ഒന്‍പത് മുതല്‍ വൈകിട്ട്  അഞ്ച് വരെ പൂര്‍ണമായോ ഭാഗികമായോ വൈദ്യുതി മുടങ്ങുമെന്ന് കെ.എസ്.ഇ.ബി. അറിയിച്ചു.  

    ലോ കോളേജ് ജംഗ്ഷന്‍- മിറാന്‍ഡാ ജംഗ്ഷന്‍- കുന്നുകുഴി- തമ്പുരാന്‍മുക്ക് റോഡുകളില്‍ അറ്റകുറ്റപ്പണികള്‍ നടക്കുന്നതിനാല്‍ ഇന്ന് (ജൂണ്‍ 13) മുതല്‍ ജൂണ്‍ 20 വരെ ഗതാഗത നിയന്ത്രണമുണ്ടാകുമെന്ന് പൊതുമരാമത്ത് വകുപ്പ് എക്‌സിക്യൂട്ടീവ് എഞ്ചിനീയര്‍ അറിയിച്ചു.  ലോ കോളേജില്‍ നിന്നും പാറ്റൂര്‍ ഭാഗത്തേക്കു പോകേണ്ട വാഹനങ്ങള്‍ തേക്കുംമൂട്-മുളവന-മൂലവിളാകം വഴിയും പാറ്റൂര്‍ നിന്നും ലോ കോളേജ് ഭാഗത്തേക്കു വരുന്ന വാഹനങ്ങള്‍ ജനറല്‍ ഹോസ്പിറ്റല്‍-പാളയം-പി.എം.ജി വഴിയും തിരിഞ്ഞു പോകണം.

ഹരിപ്പാട് : ബ്ലോക്ക്‌ പഞ്ചായത്ത്‌ പരിധിയിൽ കുഞ്ഞുങ്ങൾക്കായി ശുദ്ധ ജല വിതരണത്തിന് പദ്ധതിയുമായി ഹരിപ്പാട് ബ്ലോക്ക്‌ പഞ്ചായത്ത്‌. ബ്ലോക്ക്‌ പഞ്ചായത്തിന് കീഴിലുള്ള വിവിധ ഗ്രാമ പഞ്ചായത്തുകളിൽ തിരഞ്ഞെടുക്കപ്പെട്ട 52 അങ്കണവാടികളിലാണ് ആർ. ഒ പ്ലാന്റുകൾ സ്ഥാപിക്കുന്നത്. 

പാലോട് ജവഹർലാൽ നെഹ്‌റു ട്രോപ്പിക്കൽ ബൊട്ടാണിക് ഗാർഡൻ ആന്റ് റിസർച്ച് ഇൻസ്റ്റിറ്റ്യൂട്ട് നടപ്പിലാക്കുന്ന ഗവേഷണ പദ്ധതിയിൽ ജൂനിയർ പ്രോജക്ട് ഫെല്ലോയുടെ ഒഴിവിലേക്ക് അപേക്ഷ ക്ഷണിച്ചു. താത്പര്യമുളളവർ അപേക്ഷയോടൊപ്പം വിശദമായ ബയോഡേറ്റ, യോഗ്യത തെളിയിക്കുന്ന സർട്ടിഫിക്കറ്റുകളുടെയും ടെസ്റ്റിമോണിയലുകളുടെയും പകർപ്പുകൾ എന്നിവ സഹിതം pcctbgri@gmail.com  എന്ന ഇ-മെയിലിൽ ജൂൺ 22നകം അയക്കണം. ഇതു സംബന്ധിച്ച വിജ്ഞാപനം www.jntbgri.res.in എന്ന വെബ്‌സൈറ്റിൽ ലഭ്യമാണ്.
പി.എൻ.എക്സ്. 2119/2020