പകര്‍ച്ചവ്യാധി പ്രതിരോധ നിയന്ത്രണ ബോധവത്കരണത്തിന്റെ ഭാഗമായി നടപ്പാക്കുന്ന ആരോഗ്യ ജാഗ്രതയുടെ അവലോകന യോഗം ഇന്ന് (ജൂണ്‍ 18) ഉച്ചയ്ക്ക് 2.45 ന് കലക്ട്രേറ്റ് കോണ്‍ഫറന്‍സ് ഹാളില്‍ ചേരുമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു. ഫോണ്‍: 0491 2505264.
 

ജില്ലാ ആശുപത്രിയിലെ കാര്‍ഡിയോളജി വിഭാഗം ഒ.പി തിങ്കള്‍, വ്യാഴം ദിവസങ്ങളില്‍ പ്രവര്‍ത്തിക്കും. ടോക്കണ്‍ ജൂണ്‍ 19 മുതല്‍ ഞായര്‍, ബുധന്‍ ദിവസങ്ങളില്‍ 12:30 മുതല്‍ 1:30 വരെ ലഭിക്കും. ഒ.പി ദിവസം വരുന്ന എമര്‍ജന്‍സി കേസുകള്‍ ആദ്യം മെഡിസിന്‍ വിഭാഗത്തില്‍ കാണിക്കേണ്ടതും ആവശ്യമുള്ളപക്ഷം കാര്‍ഡിയോളജി സേവനം നല്‍കുമെന്നും ആശുപത്രി സൂപ്രണ്ട് അറിയിച്ചു.    

ഉഴവൂര്‍ ഐസിഡിഎസ് പ്രോജക്ട് ആവശ്യത്തിന്  കാര്‍/ജീപ്പ് വാടകക്ക് നല്‍കുന്നതിന് തയ്യാറുള്ള വ്യക്തികള്‍/സ്ഥാപനങ്ങളില്‍ നിന്നും ടെണ്ടര്‍ ക്ഷണിച്ചു. ജൂണ്‍ 25  ഉച്ചയ്ക്ക് രണ്ടു മണി  വരെ ടെണ്ടര്‍ സ്വീകരിക്കും. കൂടുതല്‍  വിവരങ്ങള്‍ക്ക് ഫോണ്‍: 04822 231858,  9496720856 

എംപ്ലോയ്മെന്‍റ് എക്സ്ചേഞ്ച് മുഖേന നടപ്പാക്കുന്ന സ്വയംതൊഴില്‍ പദ്ധതികളിലേക്ക് അപേക്ഷ ക്ഷണിച്ചു. ജില്ലയിലെ എംപ്ലോയ്മെന്‍റ് എക്സ്ചേഞ്ചുകളില്‍ പേര് രജിസ്റ്റര്‍ ചെയ്തിട്ടുളളവരായിരിക്കണം അപേക്ഷകര്‍. 
കെസ്റു സ്വയംതൊഴില്‍ പദ്ധതിയില്‍ 20 ശതമാനം സബ്സിഡിയോടെ  ഒരു ലക്ഷം രൂപ വരെ വായ്പ ലഭിക്കും. പ്രായം 21 നും 50നും മധ്യേ. കുടുംബ വാര്‍ഷിക വരുമാനം 1,00,000 രൂപയില്‍ കവിയരുത്.

കേരള കര്‍ഷകതൊഴിലാളി ക്ഷേമനിധിയില്‍ അംഗങ്ങളായവരുടെ മക്കള്‍ക്കുളള വിദ്യാഭ്യാസ അവാര്‍ഡിന് അപേക്ഷ ക്ഷണിച്ചു.  2018-19 അധ്യായന വര്‍ഷത്തില്‍ എസ്.എസ്.എല്‍.സി./റ്റി.എച്ച്.എസ്.എല്‍.സി (ഡി പ്ലസില്‍ കുറയാത്ത ഗ്രേഡ്) ഹയര്‍ സെക്കന്‍ഡറി വൊക്കേഷണല്‍/ ഹയര്‍ സെക്കന്‍ഡറി (90 ശതമാനം മാര്‍ക്ക്), ബിരുദം, ബിരുദാനന്ത ബിരുദം, റ്റി.റ്റി.സി., ഐ.റ്റി.സി, പോളിടെക്നിക്ക്, ജനറല്‍ നഴ്സിംഗ്, പ്രൊഫഷണല്‍ ഡിഗ്രി-പി.ജി (80 ശതമാനം) വിജയിച്ചവര്‍ക്ക് അപേക്ഷിക്കാം. ജൂലൈ 15ന് ഉച്ചകഴിഞ്ഞ് മൂന്നിനകം അപേക്ഷ നല്‍കണം.  അപേക്ഷഫോറം കര്‍ഷകതൊഴിലാളി ക്ഷേമനിധി ബോര്‍ഡ് ജില്ലാ ഓഫീസില്‍ ലഭിക്കും.    ഫോണ്‍ 0481-2585604

വായനാ പക്ഷാചരണത്തിന്‍റെ ഭാഗമായി സാക്ഷരതാ മിഷന്‍റെ നേതൃത്വത്തില്‍ തുല്യതാ പഠിതാക്കള്‍ക്കായി കഥാ-കവിതാ രചന മത്സരങ്ങള്‍ സംഘടിപ്പിക്കും.  ജൂണ്‍ 23 ന്  തുല്യതാ പഠനകേന്ദ്രങ്ങളിലാണ് മത്സരം. ഒന്നും രണ്ടും സ്ഥാനം  നേടുന്ന രചനകള്‍ക്ക് വായന പക്ഷാചരണ  സമാപന ചടങ്ങില്‍ സമ്മാനം നല്‍കും. ഒന്നാം സ്ഥാനക്കാര്‍ക്ക് സാഹിത്യ അക്കാദമിയും സാക്ഷരതാമിഷനും ചേര്‍ന്ന് നടത്തുന്ന സാഹിത്യ ക്യാമ്പില്‍ പങ്കെടുക്കുന്നതിന് അവസരം ലഭിക്കും.

വടവാതൂര്‍ ഇ.എസ്.ഐ ആശുപത്രിയിലെ പരാതി പരിഹാര സെല്‍ ജൂണ്‍ 20ന് ഉച്ചയ്ക്ക് രണ്ടിന് യോഗം ചേരുമെന്ന് ആശുപത്രി സൂപ്രണ്ട് അറിയിച്ചു.

സംസ്ഥാന സര്‍ക്കാര്‍ സംഘടിപ്പിക്കുന്ന വായനാ പക്ഷാചരണത്തിന് വായനാ ദിനമായ നാളെ (ജൂണ്‍ 19) തുടക്കം കുറിക്കും. പരിപാടികളുടെ ജില്ലാതല ഉദ്ഘാടനം  രാവിലെ 10.30ന് തിരുവഞ്ചൂര്‍ ഗവണ്‍മെന്‍റ് ചില്‍ഡ്രന്‍സ് ഹോമില്‍ ജില്ലാ കളക്ടര്‍ പി.കെ. സുധീര്‍ ബാബു നിര്‍വഹിക്കും. ജില്ലാ ലൈബ്രറി കൗണ്‍സില്‍ പ്രസിഡന്‍റ്       വി.കെ. കരുണാകരന്‍ അധ്യക്ഷനാകും.