കാഞ്ഞിരപ്പള്ളി ജനറല്‍ ആശുപത്രിയിലെ സിവേജ് ട്രീറ്റുമെന്‍റ് പ്ലാന്‍റ് പ്രവര്‍ത്തിപ്പിക്കുന്നതിനും അറ്റകുറ്റപ്പണികള്‍ക്കും കെമിക്കലുകള്‍ വിതരണം ചെയ്യുന്നതിനും ദര്‍ഘാസ് ക്ഷണിച്ചു. സംസ്ഥാന മലിനീകരണ നിയന്ത്രണ ബോര്‍ഡിന്‍റെ അംഗീകാരമുളള സ്ഥാപനങ്ങള്‍ ജൂണ്‍ 25 ഉച്ചയ്ക്ക് ഒന്നിനകം ആശുപത്രി സൂപ്രണ്ടിന്  ദര്‍ഘാസ്  നല്‍കണം. ഫോണ്‍: 04828203492

ആലപ്പുഴ ജില്ലയിലെ പുന്നപ്ര അക്ഷര നഗരികേപ്പ് കാമ്പസിലെ ഇന്‍സ്റ്റിറ്റ്യൂട്ട് ഓഫ് മാനേജ്മെന്‍റ് ആന്‍റ് ടെക്നോളജി (ഐ.എം.റ്റി)യില്‍ ദ്വിവത്സര ഫുള്‍ടൈം എം. ബി. എ പ്രോഗ്രാമില്‍ ഫിനാന്‍സ്, മാര്‍ക്കറ്റിംഗ്, ഹ്യൂമന്‍ റിസോഴ്സ്, ഓപ്പറേഷന്‍സ് വിഷയങ്ങളില്‍ എസ്.സി. വിഭാഗക്കാര്‍ക്കായി സംവരണം ചെയ്ത രണ്ടു സീറ്റുകളും എസ്.ടി. വിഭാഗത്തിന് സംവരണം ചെയ്ത ഒരു സീറ്റും ഒഴിവുണ്ട്. 

  40 ശതമാനം മാര്‍ക്കോടെ ബിരുദവും കെ-മാറ്റ്/സി-മാറ്റ്/ക്യാറ്റ് യോഗ്യതയു മുള്ളവര്‍ക്ക് അപേക്ഷിക്കാം. അപേക്ഷാ ഫോമുകള്‍ക്ക് കോളേജുമായി ബന്ധപ്പെടണം.  വിലാസം - ഡയറക്ടര്‍, ഐ.എം.റ്റി പുന്നപ്ര, ഫോണ്‍ 0477 2267602, 9947733416.

     എല്‍.ബി.എസ് പാമ്പാടി ഉപകേന്ദ്രത്തില്‍  ജൂലൈ ആദ്യവാരം ആരംഭിക്കുന്ന നാല് മാസം ദൈര്‍ഘ്യമുള്ള ഡേറ്റാ എന്‍ട്രി ആന്‍റ് ഓഫീസ് ഓട്ടോമേഷന്‍    (ഇംഗ്ലീഷ് ആന്‍റ് മലയാളം), ഒരു വര്‍ഷം  ദൈര്‍ഘ്യമുള്ള കമ്പ്യൂട്ടര്‍ ഹാര്‍ഡ് വെയര്‍ ആന്‍റ് നെറ്റ്വര്‍ക്ക് മെയിന്‍റനന്‍സ് കോഴ്സുകളിലേക്ക്  അപേക്ഷ  ക്ഷണിച്ചു.  യോഗ്യത എസ്.എസ്.എല്‍. സി. ഫോണ്‍: 0481-2505900

പട്ടികജാതി വികസന വകുപ്പിന്‍റെ കീഴില്‍ ആയാംകുടി മധുരവേലിയില്‍ പ്രവര്‍ത്തിക്കുന്ന ഗവണ്‍മെന്‍റ് ഐടിഐയില്‍ കാര്‍പ്പെന്‍റര്‍ ട്രേഡില്‍ പ്രവേശനത്തിന് അപേക്ഷ ക്ഷണിച്ചു. 10-ാം ക്ലാസ് വിജയിച്ച എല്ലാ വിഭാഗത്തില്‍പ്പെട്ടവര്‍ക്കും അപേക്ഷിക്കാം. ജൂണ്‍ 29നകം അപേക്ഷ നല്‍കണം. ഫോണ്‍: 8086379549, 04829288676

ഭിന്നശേഷിക്കാര്‍ക്കായി  സാമൂഹ്യനീതി വകുപ്പ് നടപ്പാക്കുന്ന വിദ്യാകിരണം, വിദ്യാജ്യോതി, സ്വാശ്രയ, മാതൃജ്യോതി പദ്ധതികളിലേക്ക് അപേക്ഷ ക്ഷണിച്ചു.   ഭിന്നശേഷിക്കാരായവരുടെ മക്കള്‍ക്ക് ഒന്നാം ക്ലാസ്സ് മുതല്‍ ബിരുദാനന്തര ബിരുദം വരെ പഠനത്തിന് സ്കോളര്‍ഷിപ്പ് ലഭ്യമാക്കുന്ന പദ്ധതിയാണ് വിദ്യാകിരണം.

വിദ്യാജ്യോതി പദ്ധതിയില്‍ ഒന്‍പതാം ക്ലാസ് മുതല്‍ ബിരുദാനന്തര ബിരുദം വരെ പഠിക്കുന്ന ഭിന്നശേഷിക്കാര്‍ക്ക് യൂണിഫോം, പഠനോപകരണങ്ങള്‍ എന്നിവ വാങ്ങുന്നതിന് ധനസഹായം നല്‍കും. 

പാമ്പാടി, പള്ളം, ഏറ്റുമാനൂര്‍ ബ്ലോക്കുകളിലും കോട്ടയം മുനിസിപ്പാലിറ്റിയിലും താമസിക്കുന്ന അഭ്യസ്തവിദ്യരായ തൊഴില്‍രഹിതര്‍ക്ക് പി.എം.ഇ.ജി.പി പദ്ധതി പ്രകാരം വ്യവസായ/സേവന സംരംഭങ്ങള്‍ ആരംഭിക്കുന്നതിന് അപേക്ഷിക്കാം. പട്ടികജാതി- പട്ടികവര്‍ഗ്ഗ വിഭാഗക്കാര്‍ക്ക് മുന്‍ഗണന. അപേക്ഷകര്‍ 55 വയസ് കഴിയാത്തവരും എട്ടാം ക്ലാസ് വിജയിച്ചവരുമായിരിക്കണം.  നാഗമ്പടത്ത് പ്രവര്‍ത്തിക്കുന്ന കോട്ടയം താലൂക്ക് വ്യവസായ ഓഫീസില്‍ ജൂണ്‍ 22നകം  പേര് രജിസ്റ്റര്‍ ചെയ്യണം. ഫോണ്‍: 9539200534

നെഹ്രു യുവകേന്ദ്രയില്‍ നാഷണല്‍ യൂത്ത് വോളണ്ടിയേഴ്സിനെ തെരഞ്ഞെടുക്കുന്നതിനുളള ഇന്‍റര്‍വ്യൂ ഇന്ന് (ജൂണ്‍ 19) രാവിലെ ഒന്‍പതിന് ജില്ലാ പഞ്ചായത്ത് ഹാളില്‍ നടക്കും. അറിയിപ്പ് ലഭിച്ചിട്ടുളളവര്‍ അസല്‍ സര്‍ട്ടിഫിക്കറ്റുകളും പകര്‍പ്പുമായി എത്തണമെന്ന് ജില്ലാ കോ-ഓര്‍ഡിനേറ്റര്‍ അറിയിച്ചു. 

ആലപ്പുഴ: തൃക്കുന്നപ്പുഴ പഞ്ചായത്തിലെ പല്ലന കുമാരകോടിയിൽ ആധുനിക രീതിയിൽ പുനർ നിർമ്മിച്ച മഹാകവി കുമാരനാശാൻ സ്മാരക മന്ദിരത്തിന്റെ ഉദ്ഘാടനവും സമർപ്പണവും ജൂൺ 21ന് വൈകിട്ട് നാലിന് മുഖ്യമന്ത്രി പിണറായി വിജയൻ നിർവ്വഹിക്കും.